هل هدا عدل يا سادة

[جزائري85]

السلام عليكم
انا في موضوعي هدا لا احسد و انما احتج على حقرة الدولة و سياسيتها
عائلتي تتكون من 8 افراد الاح الاكبر مختل عقليا فاق سنه 40 و الاخ الدي بعده بطال عمره 37
ثم انا اصبحت في سن 28 سنة وبعدي اخي الاصغر يدرس و اختين و ابي و امي كبيران في السن
انا و اخي جربنا كل الطرق من اجل الانظمام الى الجيش او الشرطة فلم نستفد من اي وظيفه لدى الدولة
حتى انهم ارسلو لي استدعاء للخدعة بمجرد انهاء دراستي الجامعية . وضعية عائلتي تعاني الان بسبب الحقرة
في الوقت نفسه يوجد جاري موظف عنده 4 ابناء و بنت بسبب المعريفة و الله 3 انظمو للجيش كما ان مستواهم الدراسي محدود حتى انهم اصغر مني بكثير
الاول 21 سنة و الثاني 23 و الثالث 25 سنة و الاين الرابع متزوج
كما انهم لم يضيعو وقتهم في الخدعة و انخرطو مباشرة في الجيش
يا بشر 3 من عائلة غنية في الجيش و في المقابل ولا واحد من اسرة فقيرة تتضمن من 8 افراد و في المقابل يرسلون لي استداء للخدعة و انا في عمر 28 سنة . افكر في الانتحار
لكني مسلم . و الله فليفعلو ما ارادو لن ادهب حتى و ان حكمو عليا بالمؤبد ساخبرهم عن سياستهم فيالتوظيف في المحكة العسكرية ان حصل دالك لان هدا سيكون دفاعي الوحيد

[amine eco]

يا اخي واش راح نقلك اصبر برك وربي يفرج عليك هذي هي بلدنا كبر قلبك برك قاع ران حاصلين مع هذا الخدعة الوطنية ..... ارجاء لسبتمبر محبوش يعطوهلي من رغم انه من حقي نديه بلا مزيتم ....كبر قلبك برك

[رجل من هذا الزمان]

ماتدريش خويا هذا ربي حبلك الصلاح ومحبش يلوثك بخماج الدنيا باه يوم الصح تجيه صافي وحسبي الله ونعم الوكيل في الحقّارة

[RCR_48]

اخي اذا تم رفضتك من الجيش وعندك وثيقة تثبت ذلك تقد تدي بيها اعفاء في المحكمة العسكرية
اما اذا ما عندك حتى وثيقة نقةلك اصبر خويا فيها خير ان شاء الله

انا اكثر منك حال دفعت ملف في كل انواع ومجالات الجيش و الشرطة وحماية والجمارك ولا حياة لمن تنادي
مع ذلك راني نعاني من الخدعة وطنية

[rah0000]

الله يكون معاك .... ويصبرك حسبنا الله ونعم الوكيل فيهم

[omarza03]

ماتدريش خويا هذا ربي حبلك الصلاح ومحبش يلوثك بخماج الدنيا باه يوم الصح تجيه صافي وحسبي الله ونعم الوكيل في الحقّارة

صدقت يا اخي وربي يرحم ذاك الفم بصح وراه لي باقي يخمم كيما هاك.

[omarza03]

يااخي راه كاين ربي سبحانوا ماتياسش راه يجيك ان شاء الله مكتوبك ورانا قاع في نفس الحالة بطالين ربي يفرج علينا كاملين ان شاء الله وشنهي انا راني تهنيت من الهم نتاع العسكر وخرجت بفضل الله سبحانه وتعالى باعفاء اما الان راه باقيلي خدما برك كيما قتلك الواحد يشد في ربي سبحانو وا ميياسش خويا وما يتعجلش في رزقوا لانو ربي سبحانه راه ماهوش شايفلك فيها الخير راه بعدها عليك الرسمي ان شاء الله يليق الواحد يصبر راه غير دنيا برك ويرضى بليكاتبهالوا ربي سبحانوا وربي مايغلق باب حتى يفتح الف ان شاء اله واصي اخي بصبر ثم الصبر ودعاوي الخير الوالدين ورضايت ربي ربي سبحانه وتعالى والسلام عليكم ورحمة الله تعالى وبركاته.

[غليزاني 26 سنة]

للاسف العمل فقط لمن لم يدرس او له مستوى محدود اما الجامعيين و اصحاب الشهادات العليا
فلا حق لهم في العمل كما انهم مجبرين على الحدعة الوطنية
هل هده بلاد