أنوي شراء ثلاجة أحتاج لآرائكم

[h_hakima08]

السلام عليكم,,,
نويت نشري ان شاء الله ثلاجة جديدة نتاعي عياتني منين يلحق الصيف تحبس لي وماتبغيش تخدم خلاص وتفسدلي الحوايج . هي من ماركة eniem بصح نتاع باب
بغيت نشري نوعية مليحة وكونجيلاتور نتاعها يكون شوية كبير بالصح كي هبطت للحوانيت والله دخت ماعرفتش واش نخير بزاف ليمارك وباسعار متنوعة ماعرفتش نخير
عاونوني من فضلكم بتجاربكم ودبرو علي الله يكرمكم
راني نستنى ردودكم

[الجواهر]

جربي "بيكو " روعة اشتريناها منذ 3 سنوات ما شاء الله اختاري الكونجيلاتور من الاسفل و يكون بالادراج

[الجواهر]

ثمنها حوالي 4 ملاين اي " 40000دج"

[أم ايهاب 2013]

اختي اشري كوندور احسن نوعية

[h_hakima08]

شكرا على ردودكن
بالنسبة لبيكو مالقيتش رحت سقسيت عليها مالقيتش
كوندور متوفرة بكثرة بصح ماشكروليش فيها بزاف يعني ياريت يام ايهاب اذا راكي مجربتها شخصيا تخبريني
هل عندك النوع العادي او لي يسمه sans glace

[دكتور دولار]

سون قلاس خير يعني مديرش لاقلاس

اشري سامسونغ مليحة

+ خيريها علي الون تاع الفايونس تاع كوزينتك تجي روعة

[سمية محمد عطية]

انا عندي lg بدون قلاس يعنى بالبخار والله تخوفت منها لكن عندى عام والله رائعة وما تندميش عليها وتقدري تشريها من la maison يعنى كل شيء مضمون حتى الثمن اقل من السوق وما عليك غير تروحي وتخير ي اللي تعجبك ونضيف والله تهنيت والخضرة ما تبوريش بالمرة تقعد هكاك توكلي على ربي

[youcef26300]

إنيام ملاح بالصح عندهم مشكل في باب الكونجيلاتور بالنسبة لي إشتريت بيكو بتقنية البخار في التجميد سعرها 49000 دج منذ سبتمبر الماضي مركبة في الجزائر بلون الرمادي و هناك بيكو العادية ب 40000دج ثاني الناس تشكر فيها أما ثلاجات ألجي جيدة و مصنعة في كوريا لكن غالية جدا ....بيكو متوفرة في السوق بكثرة

[قرة عين بابا]

انا شريت كوندور grais هايلة وكونجلاتوركبيرة وsans glace

[غريبة الوطن]

Lg c la meilleur marque w fiha bzf les choix

[h_hakima08]

انا شريت كوندور grais هايلة وكونجلاتوركبيرة وsans glace


ممكن تقوليلي السعر نتاعها

[بيلسان11]

ممكن تقوليلي السعر نتاعها

السلام عليكم
انا عندي نفس الثلاجة اللي قالت عليها قرة عين بابا شريتها العام اللي فات ب 4 ملايين 300 ألف سنتيم راهي رائعة.

[جيجلية]

تاعي ماركة indesit بالمفتاح هايلة عندي حوالي 7سنين ملي شريتها

[ADEL H]

أنصحكم بـ lg ولا تندمون على ذلك حتى في الغسالات و tv راهي خير من الفيراي لي راه يدور في السوق وشكرا

[meryomay]

هاهي الثلاجة انتاعي رهي عندي في 6 سنين تقولي جديدة http://pmcdn.priceminister.com/photo/876753152_L.jpg وهاهية من الداخل واسعة مريحة وعملية كل حاجة عندها بلاصتها http://pmcdn.priceminister.com/photo/868926037_L.jpg على فكرة هاد الصور من النت بصح ثلاجتي فوطوكوبي ليها

[meryomay]

هاهي الثلاجة انتاعي رهي عندي في 6 سنين تقولي جديدة http://pmcdn.priceminister.com/photo/876753152_L.jpg وهاهية من الداخل واسعة مريحة وعملية كل حاجة عندها بلاصتها http://pmcdn.priceminister.com/photo/868926037_L.jpg على فكرة هاد الصور من النت بصح ثلاجتي فوطوكوبي ليها اسمها Whirlpool 6 sens

[كريمة حجاج]

السلام عليكم,,,
نويت نشري ان شاء الله ثلاجة جديدة نتاعي عياتني منين يلحق الصيف تحبس لي وماتبغيش تخدم خلاص وتفسدلي الحوايج . هي من ماركة eniem بصح نتاع باب
بغيت نشري نوعية مليحة وكونجيلاتور نتاعها يكون شوية كبير بالصح كي هبطت للحوانيت والله دخت ماعرفتش واش نخير بزاف ليمارك وباسعار متنوعة ماعرفتش نخير
عاونوني من فضلكم بتجاربكم ودبرو علي الله يكرمكم
راني نستنى ردودكم
بسم الله الرحمان الرحيم اختي حكيمة انا نقدر نعاونك بتجربة ديالي عندي اربع سنوات ملي شريت فريجيدار من ماركة LG نقدر نقولك بزاف هايلين كاين احجام عديد كيما تحبي .....حساب دراهمك ولكونجي لتوغ تاعهوم كبير وهايل وماديرش لاكلاص يعني تكونجلي مليح بلا مادير لاكلاص نوصيك تشري واحدا علي ضمانتي ارجو ان اكون قد قدمت المساعدة VRdzgR7GVRdzgR7GVRdzgR7G

[كريمة حجاج]

السلام عليكم,,,
نويت نشري ان شاء الله ثلاجة جديدة نتاعي عياتني منين يلحق الصيف تحبس لي وماتبغيش تخدم خلاص وتفسدلي الحوايج . هي من ماركة eniem بصح نتاع باب
بغيت نشري نوعية مليحة وكونجيلاتور نتاعها يكون شوية كبير بالصح كي هبطت للحوانيت والله دخت ماعرفتش واش نخير بزاف ليمارك وباسعار متنوعة ماعرفتش نخير
عاونوني من فضلكم بتجاربكم ودبرو علي الله يكرمكم
راني نستنى ردودكم
بسم الله الرحمان الرحيم اختي حكيمة انا نقدر نعاونة بتجربة تاعي من خلال ثلاجات السلامlg عندي اربع سنوات ملي شريت وحدة بزاف هايلين لونهم رمادي بلاسود يوجد عدة احجام كاين كبار وكاين صغار فيهم كونجي لاتوغ كبير ويبردو بلا مايديرو لاكلاص تقدري تشري وحدا وضمان عليا

[maiar]

انا عندي ثلاجة بيكو واسعة و كبيرة و تبرد بسرعة هايلة الحق انا ما يجبونيش هذوك تع كندور لي معكوسين الكونجيلاثور من تحت و الثلاجة من فوق و يجيو ضيقين و اكي تعرفي وقت العيد الكبير نسحقوه باه نخبيو الاضحية و حتى في رمضان مليح و ثاني اختي الكونجيلاتور ما يديرش القلاص و كون نقولك عندي برتقالة خليتها فالثلاجة من مارس حتى لذرك ماصرالها والو لا عفن و لا حتى شيء حتى انها مكتوب فالداخل ضد البكتيريا

[h_hakima08]

هاهي الثلاجة انتاعي رهي عندي في 6 سنين تقولي جديدة http://pmcdn.priceminister.com/photo/876753152_l.jpg وهاهية من الداخل واسعة مريحة وعملية كل حاجة عندها بلاصتها http://pmcdn.priceminister.com/photo/868926037_l.jpg على فكرة هاد الصور من النت بصح ثلاجتي فوطوكوبي ليها

شحال سعرها من فضلك

[h_hakima08]

انا عندي ثلاجة بيكو واسعة و كبيرة و تبرد بسرعة هايلة الحق انا ما يجبونيش هذوك تع كندور لي معكوسين الكونجيلاثور من تحت و الثلاجة من فوق و يجيو ضيقين و اكي تعرفي وقت العيد الكبير نسحقوه باه نخبيو الاضحية و حتى في رمضان مليح و ثاني اختي الكونجيلاتور ما يديرش القلاص و كون نقولك عندي برتقالة خليتها فالثلاجة من مارس حتى لذرك ماصرالها والو لا عفن و لا حتى شيء حتى انها مكتوب فالداخل ضد البكتيريا

شكرا اختي حتى انا رحت شفت عجبوني بيكو و LG بالصح عندنا هنا بزاف غالين يعني كيما بيكو sans glace وتكون شوي كبيرة لقيتها تبدا من سبعة وطلع وانا في الحقيقة ميزانيتي ماتسمحش

[meryomay]

شحال سعرها من فضلك

شريتها 8 ملايين و 400 دج هادي 6 اسنين تشوفيها تقول اجديدة واسعة اسمها Whirlpool 6 sens

[هند222]

http://www.lg.com/dz/images/refrigerateurs/gc-f409blq/gallery/medium01.jpg

شريتها العام اللي فات هايلة
ب5ملاين و800
ومن الداخل
http://www.lg.com/dz/images/refrigerateurs/gc-f409blq/gallery/large02.jpg

[laid aidi]

كوندوووووووووور هي لمخيرة اسأل مجرب

[بيلسان11]

أختي كي قلتي ميزانيتي محدودة .كوندور الجدد الكونجيلاتور من الفوق ماش من التحت و ثانيك ما تديرش لاغلاص و Economique لونها فضي الله يبارك هايلة . تاعي عندها عام شريتها ب 4 ملايين و 300 ألف,
http://im41.gulfup.com/dwE2L.jpg

[سومية88]

أختي كي قلتي ميزانيتي محدودة .كوندور الجدد الكونجيلاتور من الفوق ماش من التحت و ثانيك ما تديرش لاغلاص و economique لونها فضي الله يبارك هايلة . تاعي عندها عام شريتها ب 4 ملايين و 300 ألف,
http://im41.gulfup.com/dwe2l.jpg

انا اشتريت نفس هده الثلاجة ب4ملايين قمة كوجيلاتور يبقي نقي مكاش ريحة شباب بزاف انصحك بشراءه ماشي في ندامة

[ام ريما]

LG sans glaceراهي اروع ماركة انا عندي وحدة

[top sante]

Sans glace c'est no frost

[nasiha200]

انا عندي ثلاجة eniem واراها عندي في 12 سنة

[الجزائري الساهر]

انا عندي ثلاجة بيكو واسعة و كبيرة

[بهاء الدين 93]

عن تجربة اختي في الاجهزة الكهرومنزلية ماكانش احسن من علامة lg، عندنا ثلاجة جديدة lg و هي روعة احسن كثيرا من باقي العلامات رغم ان ثمنها غاالي على الاخرين لكن ماشي خسارة ،
و اذا كيما قلتي ميزانيتك محدودة كاين علامة كوندور مليحة + اسعارها تكون منخفضة نوعا ما في الجزائر كونها هي او مركباتها لم تضخع للضرائب الجمركية كما هو الحال بالنسبة لباقي العلامات ،
بالتوفيق

[النزيه]

سامسونغ ايضا نوعه جيد.

[tarek reghaia]

السلام عليكم ،أحسن علامة هي بيكو على ظمانتي.

[* دموع الشوق *]

شكرا على الطرح
الأسعاااار الأسعاااااار
ما تنساوهمش

[شوشو 11]

لا انصحك ب كوندور 600ل شريتها ب4 ملاين خدمت عامين مليح والان ولات ما تبرد مليح

[يوسف 5]

كوندور بدون منازع رخيصة وضمان وخدمات ما بعد البيع

[بنت الجزاير الغالية]

أنا عندي كوندور و ماشي مليحة خلاص تفسد الخضرة ما ننصحكش بشراءها راني كيفك نحوس على ماركة مليحة و نشريها

[om mita]

انا عندي باكو والله روعة واختي كوندور تاني هايلة

[tiaretia]

انا عندي بيكو مليحة وتبرد غاية

[omkadi amina]

الي ماننصحكش بيها الي فيها مروحه داخل مباشره كامل الي جربها ندمو عليها الاكل يفسد فيها والثلج الي تديرو في ليله كامله غير يجي النهار وتبقاي تستعملي فيها يدوب على طول وتحسيها دافيه انا عندي ارسيليك مانكدبش عليك صح دوبورت وكبيره وعاديه بصح ماتندميش عليها والسعر من ربع مليين والفوق

[ميمي2012]

السلام عليكم ورحمة الله وبركاته
أنا حبيت نحط الملاحظة نتاعي باه تستفادو منها .
اشتريت ثلاجة أل جي بي 7ملاين بصراحة وبكل صدق معجبتنيش لمادا ؟؟؟؟؟؟؟؟؟؟؟؟
لأنها مشي كبيرة من الدخل رغم حجمها الكبير من الخارج وزيد متبردش مليح ، مفهمت والوووووووووووو
وقعدت نحوس على السبب ، ونضن بلي عرفته لأن عند أختي تبرد مليح وهو نتاع أختي مكتوب الصنع في كوريا .
ونتاعي مكتوب الصنع made by lg electronics lممكن جدا هدا هو السبب .
أنا كتير نصحوني بي بيكو ، وكندور عجبني لما شفتو من الدخل كبير ولكن هو يعمل ضجيج كثير
أتمنى توفقي في اختيار الأحسن

[دعاء حياتي]

انا تاني عندي بيكو حاجة فور بصح دير الحس

[أم رتاج سرين]

انا عندي كوندور الكونجيلاتور نتاعها كبير ومن تحت تاني كبيره وعندها قريب سبع سنين ولضرك راهي مليحه

[عنابة أبوها]

انا انصحك بعدم اقتناء كوندور ماشي مليحة جربناها في عام كامل ادراجها واكسسواراتها تكسرو ومابقاتش تنفع كبيرة وبلا فايدة انا في داري عندي غايلون روعة عندي في 3 سنوات عمري ماشكيت منها تبرد مليح واكسسواراتها كامل متان وقاسحين

[h_hakima08]

شكرا للأعضاء الذين تفاعلوا مع موضوعي واشكر الجميع على النصائح المقدمة ربي يجازيكم كل خير
الحمد لله اشتريت ثلاجة ماركة سامسونغ (no frost) يعني ما تديرش لاقلاص سعر معقول جدا 4 ملاين ونص
كونجيلاتور نتاعها كبير عجبني بزاف ونحى علي الهم هههههههههههههه
تبرد مليح من الفوق ومن تحت
الخضر ماعادتش تفسدلي خلاص وحتى ساعات ننسى بقايا الطعام فيها اكثر من اسبوع والله كي نطل عليهم نلقاهم ماراحو ماجاو بصح نرميهم هههههههههه
فيها سلبية وحدة برك كيما قالو الاخوات من قبل وهي انها من تحت صغيرة شوية مع ذلك الحمد لله عاجبتني يعني انا عايلتي صغيرة تكفيني
الكوندور سقسيت واحد يبيع فيهم وهو فاميلية نتاعي مانصحنيش بيها قالي كبيرة ورخيصة بصح سيستام no frost نتاعها ناقض بزاف وزيد الفونتيلو نتاعو مايمشيلكش اكثر من 6 اشهر ولازم عليك تصلحيه وتخسري عليها
نتمنى يكون الجميع استفاد من التجرية

[ilhemaya]

يا 6ختي اخطييييييييييييييييييييييييك من بيكو والله شريتها انا واخويا وسلفتي والله العلي العضيم واحد ماصلحتلو وفي 3 فيهم مشاكل
للعلم شريناهم بعد ما شكروهم بزاف اما الحديد الخالجي راه تصدد وما دارش عليه عام
لهدا انصحك اخطيك
وربي يوفقك

[~رفيدة رنيم~]

انا عندى بيكو 3سنين ومازالها تشعل و

[أميمةالعربية]

انا عندي ثلاجة بيكو واسعة و كبيرة و تبرد بسرعة هايلة الحق انا ما يجبونيش هذوك تع كندور لي معكوسين الكونجيلاثور من تحت و الثلاجة من فوق و يجيو ضيقين و اكي تعرفي وقت العيد الكبير نسحقوه باه نخبيو الاضحية و حتى في رمضان مليح و ثاني اختي الكونجيلاتور ما يديرش القلاص و كون نقولك عندي برتقالة خليتها فالثلاجة من مارس حتى لذرك ماصرالها والو لا عفن و لا حتى شيء حتى انها مكتوب فالداخل ضد البكتيريا

اختي بقداش شريتيها بارك الله فيك

[أنا المسعدي]

شكرا لكم جميعا

[ramilou]

لقد جربت ثلاجة frigor و هي ممتازة. و هي عندي منذ 10 سنوات و الحمد لله لا زالت تعمل جيدا. ولكن لم أعد أرى هذه العلامة في السوق لا أدري لماذا؟

[وحد الواحد]

كاينة اخي ولكن bonne occasion اظن لم تعد تصنع.

[biti]

بخصوص الثلاجة الصغيرة ميني بار تاع المكاتب هل من مفيد

[*رحيق الجوري*]

Lg Samsung

[الجزائري الساهر]

اهلا اشتريتي و لا ليس بعد.