ارنوب محمر على طريقة ام مريومة

[ام مريم اسراء]

انا نحب لحم الارنب في اي طبق كان لكن نحبو اكثر شيء محمر في الفرن

اولا لما تجيبو الارنوب لازم تحضرولو خلطة تداخل معاه ملييييييييح ملييييييييح
انا نغسلو بالخل و الملح و نخليه يقطر و من بعد في صحن عميق يسع الارنب نرابي الثووم حوالي 3 فصوص و نحط التوابل نتاعي الي هي راس الحانوت و الفلفل الاسود و الكمون بكمية كبيرة و العود لصفر و الملح و نقطع البصل - حبة متوسطة - و 2 حبة فلفل حلو نقطعو شرائح و الزيت و ورقة رند و الزعيترة ركزووووو على الزعيترة لانها المكون السري اذاعندك
المهم نحك التتبيلة ملييييح من الداخل و لبرة نغطيه بكيس بلاستيكي
- و نخليه في الثلاجة قدر مكان عندك الوقت و انا نحضرو الصباح باش نطيبو في العشاء

العشية نجيب مول فيه ورق الالمنيوم و الا كان عندك اكياس الشواء افضل بكثيييير نحط الارنب كامل او نقطعو على 2 و نضيف كل الخليط الي معاه و نزيد نقطع شرائح جبة طماطم كبيرة
و نغلق الكيس او نلفو بالالمنيوم والى الفرن

http://im36.gulfup.com/h6SOQ.jpg

http://im34.gulfup.com/KPbSv.jpg

و نخليه يطيب على مهلو لمدة ساعة و من بعد نخل الالمنيوم باش يحمار ..... رايحين تستمتعو بالعصارة البنينة نتاعو ... و بالبنة مممممممم لاصوص تقدرو تقدموها مع ارز ابيض او مع بطاطس طايبة مع الارنب او مقلية او مع بطاطة بوري
نخليكم مع الصور

http://im33.gulfup.com/bepky.jpg
http://im34.gulfup.com/C7ZPB.jpg
http://im40.gulfup.com/75MHL.jpg
http://im33.gulfup.com/3K5eN.jpg
و اكيد مننساوش السلطة
http://im38.gulfup.com/l91m1.jpg
http://im37.gulfup.com/cB0eo.jpg

جربوها و ردولي بالخبر:mh31::mh31:

[oum anas 69]

روعة أم مريومةيعطيك الصحة يبان يشهي بصح رأسه يخلع ههههههه لوكان أنا نحيه ..... جامي شريتوا في داري بصحتكم

[ام مريم اسراء]

روعة أم مريومةيعطيك الصحة يبان يشهي بصح رأسه يخلع ههههههه لوكان أنا نحيه ..... جامي شريتوا في داري بصحتكم

انا ننصحك تطيبيه اما عن راسو راه يتكل حالو حال البوزلوف بصح يخلع يييييياااااااااااااااااااااااي :d:d:d

[المستغفرة]

شكرًا راكي فرحتيني بالرسالة لبعثتيهالي وريني الخياطة
بارك الله فيك على الوصفة

[maramelmess]

بصحتك


يا معذبة الحيوانات بنتي راهي تبكي كي قلتلها هادا ارنب

ووععععععععععععععععععععععععععع

[HADIL2044]

يعطيك الف صحة

[ام مريم اسراء]

يا اختي مرومة انا راني ربيتلكم الخلعة بنتي ثاني هربت من الكوزينة موالفة تهبلني فوق الطابلة ليوم هربت ههههه

[hanane220]

بعطيك الصحة شفتي كي يجي حلو راكي درتيه يهبل برك الله فيك

[ام مريم اسراء]

فعلا حنونتي حنان يجي حلو و بنيين بزاف و ريحتو تشهي لانو اعراف الزعيترة طلقت كامل بنتها و ريحتها

[SAMAH SAMAH]

جزاك الله خيـر
بارك الله في جهودك
وأسال الله لك التوفيق دائما
وأن يجمعنا على الود والإخاء والمحبة
وأن يثبت الله أجرك
ونفعا الله وإياك بما تقدمه

[غزة في عيوني]

هااااايل شهتيني انا نموت على لحم الارنب يجي هايل ومع طريقتك يجي روووووووعة مشكوووووورة

[oum rahma]

يعطيك الصحة ، جاك هايل

وباين لذييذ ، مشكوووورة

[nina tlemcen]

baaaaaaaaaaaaaaaaaaaaaaa33333333333333333333333333

[اميرة في دنيا حقيرة]

هههههههههههه هذا الارنب لي لبارح درتيهولنا فزورة مسكين راكي مخلتيش فيه درك ولا ارنب تع الصح هههه
انا الصراحة ناكلوش جامي كليتوا بصحتكم

[مريم07]

راني رايحة انجربوا ونرد لك الخبر بإذن الله

[zitoukar]

ممممممممممممممممممممممم 44444444444444

[ام ملاك.]

روعة يعطيك الصحة توام روحي
مع اني مانحبش لحم الارنب بصح من يديك يشهي تبارك الله

[R I A D]

اممم يشهي يعطيك الصحةام مريم
لكن ختي نصيحة "لوجه الله" ما تزيديش تطيبي في ورق الالمنيوم لانه مضر
و روحي للنت و شوفي... سلامي

[سارة ورقلة]

يعطيك الصحة وصفة رائعة

[idron0]

يعطيك الصحة اختي

بارك الله فيك

♥