المساعد الشخصي الرقمي

مشاهدة النسخة كاملة : ساعدوني يا الحراير الشاطرات

sartsorti
2013-05-25, 18:43
السلام عليكم يا الحراير حبيت نسقسيكم انا امراة متزوجة منذ شهور ولاحظت في دار راجلي ريحة الغمالة بزاف حاشاكم ليميديتي بزاف مناه الدار في طابق ارضي ،كرهت كلش فيه الريحة حتى قشي وقش راجلي جربت المعطرات ونظل نظف في الغرفة مي بلا فايدة ماحابتش تروح ريحة،اعطيوني الجل ربي يستركم ويجازيكم...:sdf::sdf::o
بنت الجزاير الغالية
2013-05-26, 15:50
أنا نعرف واحد الحل إذا درا أرضية يدهنها من الفوق حاشاك بالزفت يروح الميديتي خلاص و أكيد ترتاحي من ريحته
و نتمنى البنات يفيدوك أكثر
وفاء سعاد
2013-05-26, 17:28
اختي مرة قريت في النت واحدة صراتلها كيفك جابت الفحم وحطتو في سينية فوق القاردروب الريحة كامل يمتصها وخليه يقعد تم وزيدي امسحي الحيوط ببراف وان شاء الله تتهناي منو كامل بطريقة اختي بنت الجزائر وهي دهن البلافو والحيطان من الخارج بالزفت
شموخ امرأة
2013-05-29, 17:27
دهن البيت وغسل كل الاثاث راها يولي جديد
امونة الشاوية
2013-05-30, 00:45
ماعنديش نصيحة غير انك تحلي للقايلة ولا حالتك تتوحمي لان المراة تتهيا في الوحم
أم ياسين الزهراء
2013-05-30, 08:40
ادا راكم في بلاد البحر راهو صعيب باش تنحي الغمالة الحاجة الوحيدة حلي دارك مع الصباح ونفسيها مليح
زنجبيل11
2013-05-30, 13:16
من الحسن افتحي النوافذ يوميا
ربما كنتي تشعلي الشوفاج و ما تنفسيش الدار
sartsorti
2013-09-16, 17:53
راني نفتح النوافذ بزاف وتقريبا مانقفلش الدار خاصة من يبدا الجو يدفا لكن يظهرلي لصقت في الخزانة والحطب مناه جربت جميع المعطرات تاع الملابس تولي ريحتهم هايلة لكن مع يطولو شوي في الخزانة يهزو ريحت الغمالة.....شريت علبة قالولي فيها مادة تمص الرطوبة يظهرلي بدات تنفع وراني نحرص بالتنظيف والتعطير خلاص وشكرا على مساعداتكم