وين راهم حراير المنتدى يحكولنا على الفتيل

[بريق الامل&]

البسملة1

احكولنا على لفتيل يا فحلات المنتدى


http://www.vitaminedz.com/photos/65/65960-photo.jpg


http://up.top4top.net/uploads/2013/05/24/top4top_f1e77e5c391.jpg

http://up.top4top.net/uploads/2013/05/24/top4top_00900174ad1.jpg
http://up.top4top.net/uploads/2013/05/24/top4top_f1e77e5c393.jpg



http://www.hayah.cc/forum/imgcache/62267.png

يا ترى من تعرف تفتل الطعام
وهل تفتلي او يفتلولك او

تفضلين اقتنائه من المحلات



تعرفي تحضريه كما يلزم وبكميات كبيرة؟؟؟؟؟؟؟؟؟؟
جفنة مثلا
ماهي طريقتك والمرقة بيضا ولا حمرا؟؟؟؟؟؟؟؟؟؟؟؟؟؟

http://up.top4top.net/uploads/2013/05/24/top4top_27a3f4c4481.jpg
اي اي انت ايه انت مشي تدخلي وتخرجي ههههه تعرفي تفتلي ولا لالا؟؟؟؟؟؟؟؟؟؟؟؟؟؟

[ام اسماعيل2009]

انا الصراحة مانعرفش حتى كيفاه يبدوا يديرون الحقيقة تعطيني ماما و عجوز تي بصح عمري ما شريتو:rolleyes:

[بريق الامل&]

انا نعرف نفتل خطرات نفتل اروحي وخطرات ماما تمدلي شكارة تاع 25 كغ وما نحبش تاع المحلات مرة شريتو بصح الي توالف تاع الدار ما يعجبهاش تاع برى
ونحضرو بمرقة حمرا عمري ما درتو مرقة بيضا وشكروهلي بزاف
وتاني عمري ما حضرتو بكميات كبيرة كما الاعراس مثلا
اقصى حد ممكن 20 شخص ههههههههههههههه ومعناها راني بذلت مجهود كبير
وطريقتي في التحضير لي عودة للشرح :D
ماما ماا علمتنيش تعلمت وحدي كانت تقولي اتلهاي بدراستك http://www.lakhdaria.net/vb/image.php?u=321&dateline=1182462298والطعام هو الساهل كي تتزوجي يجي لبنتي واجد:1::mad:
كي رحت للجامعة علمتني صحبتي:19:
وكي تزوجت تورطت قلت لعجوزتي ندير كلشي الا طعام بكميات كبيرة نديرلك المرق برك:1::1::1:
ولقيت روحي مجبورة نفتل حشمت :confused:;)
وضركا راجلي يقولي ما تفتليش وانا الصراحة نتوحش لفتيل نفتل كي يكون مسافر ههههههههههههههه:19: وكي نعيا نحبس مش بزاف كما المحترفات تاع بكري:rolleyes:
وكما قالو ناس زمان


قتلك يفنى مال الجدين و تبقى حرفة اليدين

[oum anas 69]

هههههههه حكمتينا بروقة
أنا عن نفسي مانعرفش و مانيش رايحة نعرفو هههههههههههه أمي ربي يخليهالي هي لي تبعثلي .... قبل ماتمرض كانت تفتل بالقناطر بصح ضرك الصحة خانتها ولات تفتل عند بنت خالتي
المرقة نديروها حمراء بالخضر و كاين نتاع لعراس تاني حمراء بصح غير بالبصل و حمص و يزيدولها سكر أرطب من فوق ممممممممم توحشتها
و كاين بطبيعة الحال طعام مسفوف بالزبيب واللبن أو كيما يديروه في االقبائل بالفول و الجلبانة و الجزر بالزيت الزيتون

[SAMAH SAMAH]

انا امي تمدلي ربي يحفضها جامي شريت

[oum ibrahim]

ايه نعرف نفتل واش قلتي حرة الحراير اه هههههههه يا بروقة على افكارك قبل ما نتزوج كانت جدتي ربي يحفظها ما تخليش وحدة فينا ما تعلمهاش لكن بعد الزواج تفنينت بحكم عائلة زوجي صغيرة عجوزتي الي تفتلو يكفي شهر او اكثر ما ياكلوش بزاف الطعام

[*أم كوثر*]

اهلا برقووووقة
الصراحة نشوف ماما تفتل كل انواع الكسكسي وكل واحد وش تسميه
لكن جامي جربت نفتل لاني من الجامعة لبيت الزوجية ماكاش عندي الفرصة
ولانها مش مقصرة معايا هههههههههه نلقاه واجد
هو رااااائع وفرق كبير بينو وبين لي نشريوه
نطيبوا مرقة حمراء ومرقة بيضاء
نحبو مرقة بيضاء غالبا
ويجي بنين يهبل
نطيب للعائلة او الضيوف لاغير ماجربتش كمية كبيرة
درتيلي الدودة نقول لماما تعلمني ههههه

[*بيتي مملكتي*]

نعرف نفتل البركوكس أو العيش أما الطعام فعمري ما فتلتو و ما نعرف نفتلو

أحيانا نشريه من عند إمراة تفتل و باقي الأيام نشري نتاع عمر بن عمر لأنو يشبه كثيرا نتاع الدار

و نعملو أحمر و أبيض و نفضل الأبيض على الأحمر

نتاع اللحم نعملو بالطعام الرقيق و نتاع الفول اليابس (بلا لحم ) أو اللي بالقديد أو اللي بالحليب نعملو بالمتوسط أما لخشين عمري ما جربتو ولا ذقتو

[بريق الامل&]

فقتلكم هههههههههههههههه
:sdf:

:1:
انا الصراحة مانعرفش حتى كيفاه يبدوا يديرون الحقيقة تعطيني ماما و عجوز تي بصح عمري ما شريتو:rolleyes:

هههههههه حكمتينا بروقة
أنا عن نفسي مانعرفش و مانيش رايحة نعرفو هههههههههههه أمي ربي يخليهالي هي لي تبعثلي .... قبل ماتمرض كانت تفتل بالقناطر بصح ضرك الصحة خانتها ولات تفتل عند بنت خالتي
المرقة نديروها حمراء بالخضر و كاين نتاع لعراس تاني حمراء بصح غير بالبصل و حمص و يزيدولها سكر أرطب من فوق ممممممممم توحشتها
و كاين بطبيعة الحال طعام مسفوف بالزبيب واللبن أو كيما يديروه في االقبائل بالفول و الجلبانة و الجزر بالزيت الزيتون

انا امي تمدلي ربي يحفضها جامي شريت

اهلا برقووووقة
الصراحة نشوف ماما تفتل كل انواع الكسكسي وكل واحد وش تسميه
لكن جامي جربت نفتل لاني من الجامعة لبيت الزوجية ماكاش عندي الفرصة
ولانها مش مقصرة معايا هههههههههه نلقاه واجد
هو رااااائع وفرق كبير بينو وبين لي نشريوه
نطيبوا مرقة حمراء ومرقة بيضاء
نحبو مرقة بيضاء غالبا
ويجي بنين يهبل
نطيب للعائلة او الضيوف لاغير ماجربتش كمية كبيرة
درتيلي الدودة نقول لماما تعلمني ههههه

[غزة في عيوني]

انا ما نعرفش نفتل وراني حابة نتعلم مي ماما الله يحفظهالي راهي مريضة وما تقدرش تعلمني حنا عندنا لازم البنت تفتل يا لوكان كسكاس

[بريق الامل&]

ايه نعرف نفتل واش قلتي حرة الحراير اه هههههههه يا بروقة على افكارك قبل ما نتزوج كانت جدتي ربي يحفظها ما تخليش وحدة فينا ما تعلمهاش لكن بعد الزواج تفنينت بحكم عائلة زوجي صغيرة عجوزتي الي تفتلو يكفي شهر او اكثر ما ياكلوش بزاف الطعام
ههههههههههههههههههههههههههههه اييييوه شاطرة :19::19::19:

[بريق الامل&]

نعرف نفتل البركوكس أو العيش أما الطعام فعمري ما فتلتو و ما نعرف نفتلو

أحيانا نشريه من عند إمراة تفتل و باقي الأيام نشري نتاع عمر بن عمر لأنو يشبه كثيرا نتاع الدار

و نعملو أحمر و أبيض و نفضل الأبيض على الأحمر

نتاع اللحم نعملو بالطعام الرقيق و نتاع الفول اليابس (بلا لحم ) أو اللي بالقديد أو اللي بالحليب نعملو بالمتوسط أما لخشين عمري ما جربتو ولا ذقتو
ههههههههههههههههههههههه انا عكسك نعرف الطعام والبركوكس عمري ما جربتو فحولة ام اياد ههههههههههههه

[بريق الامل&]

انا ما نعرفش نفتل وراني حابة نتعلم مي ماما الله يحفظهالي راهي مريضة وما تقدرش تعلمني حنا عندنا لازم البنت تفتل يا لوكان كسكاس
ربي يشفي الماما عاجلا وليس اجلا طهور ان شاء الله
اذا كنت حابة تتعلمي تقدري عادي هو مش صعيب في تعلامو صعيب كي تولي تفتلي يتعب وخاصة بكمية كبيرة وكما قلتي المهم كسكاس
انا بديت في الاول بالزليق كما نقولو حنا حقا كفاش تقولو لهذ المصطلح ههههههههههههههههههههه ونفور كما كانت ماما تفتل بكري يعني نعاون:1:

[maramelmess]

البسملة1

وين راهم حراير المنتدى يحكولنا على الفتيل

http://www.vitaminedz.com/photos/65/65960-photo.jpg

يا ترى من تعرف تفتل الطعام
وهل تفتلي او يفتلولك او

تفضلين اقتنائه من المحلات

http://www.magharebia.com/cocoon/awi/images/2005/01/11/050111feature1awiphoto_002.jpg

تعرفي تحضريه كما يلزم وبكميات كبيرة؟؟؟؟؟؟؟؟؟؟
جفنة مثلا
ماهي طريقتك والمرقة بيضا ولا حمرا؟؟؟؟؟؟؟؟؟؟؟؟؟؟


اي اي انت ايه انت مشي تدخلي وتخرجي ههههه تعرفي تفتلي ولا لالا؟؟؟؟؟؟؟؟؟؟؟؟؟؟




يا بروقة يا بروقة من مواعنا لطيابنا

حتى الفتيل معناها نتي على من راكي معولة اااااااااااااااا:1::1::1::1:

انا هنا في الدزاير ما نفتلوش تقلي ماما تسوس الحاجة ماتنشفش مليح

مي في قسنطينة ماني تفتل و تبغثلنا

على الطعام انا راجلي ما يحبوش غير مسفوف بالجلبانة و الفول

ندير تاع المشرى سيم و نطيبو بطريقتي يجي كي المفتول :19::19::19::19:

[بريق الامل&]

اهلا برقووووقة
الصراحة نشوف ماما تفتل كل انواع الكسكسي وكل واحد وش تسميه
لكن جامي جربت نفتل لاني من الجامعة لبيت الزوجية ماكاش عندي الفرصة
ولانها مش مقصرة معايا هههههههههه نلقاه واجد
هو رااااائع وفرق كبير بينو وبين لي نشريوه
نطيبوا مرقة حمراء ومرقة بيضاء
نحبو مرقة بيضاء غالبا
ويجي بنين يهبل
نطيب للعائلة او الضيوف لاغير ماجربتش كمية كبيرة
درتيلي الدودة نقول لماما تعلمني ههههه
هههههههههههههههه بصح قوقليلي طريقتك في المرق الابيض ممممممممممممممممممم على بالي شاطرة في كلشي والفتيل كاش نهار تجيبيلي فيديو هههههههههههههخمسة وخموس :1:

[بريق الامل&]

يا بروقة يا بروقة من مواعنا لطيابنا

حتى الفتيل معناها نتي على من راكي معولة اااااااااااااااا:1::1::1::1:

انا هنا في الدزاير ما نفتلوش تقلي ماما تسوس الحاجة ماتنشفش مليح

مي في قسنطينة ماني تفتل و تبغثلنا

على الطعام انا راجلي ما يحبوش غير مسفوف بالجلبانة و الفول

ندير تاع المشرى سيم و نطيبو بطريقتي يجي كي المفتول :19::19::19::19:
معولة نخطب هههههههههههههههههههههه فحلة تعرف اطيب وتعرف تفتل وتعرف تشري لماعن مازال اختبار الميناج ههههههههههههههههههههه:d:d:d
ايييييييييييييييييييه تشري سيم بصح قالو بن عمر فووووووووووووور ثاني

[maramelmess]

معولة نخطب هههههههههههههههههههههه فحلة تعرف اطيب وتعرف تفتل وتعرف تشري لماعن مازال اختبار الميناج ههههههههههههههههههههه:d:d:d
ايييييييييييييييييييه تشري سيم بصح قالو بن عمر فووووووووووووور ثاني


هههههههههههههههههههه باينة خصك غير الميناج و تكملي السيفي

بصحتك بروقة مواضيعك كامل جنان :mh31::mh31::mh31::mh31::mh31:

[ladymillion]

أنا نحب المشرية خفيفة وحنا عمرنا كامل ناكلو المفتولة أمي كانت تفتفل لكن من نهار ذقنا المشرية ولينا دييييييييما ناكلوها غير هيا خفيفة ومليحة هايلة لي تعرف تبخها مليح برك

[بريق الامل&]

أنا نحب المشرية خفيفة وحنا عمرنا كامل ناكلو المفتولة أمي كانت تفتفل لكن من نهار ذقنا المشرية ولينا دييييييييما ناكلوها غير هيا خفيفة ومليحة هايلة لي تعرف تبخها مليح برك
ممممممممممممممممم وكفاش طريقة طبخها مليييييييييييييييييييييييح

[الأمنيات]

اهلا برووووووقه ديما بخرجه جديدة
انا تعلمت في دارنا بصح غير مرات معدودة فقط
بصح كي تزوجت تاع الصحرا فتيلهم ما شي كيفنا حتى القصعه تختلف عن تاعنا
علمتني جارتي كي نفتل تاع الصحرا ...............فتل شعال من مره عند عجوزتي الله يرحمها
الان راني نجيبه مفتول من تم في الصحرا واجد ما نفتلش
وندير الطعام بالمرقه حمرا والكمية دائما في حدود 10او 20لا غير
شكرااااااااااااااااااا

[basmala farah]

ههههههههه خجلتينا عمري ما سييتها

[اميرة في دنيا حقيرة]

يا بروقة استري ماستر ربي حنا الماكلة تعافروا معاها و نتي تقوليلي الفتيل اغلبنا تلقاينا من الجامعة للزواج طول
يعني بالعربية كي نعرفوا نطيبوا رانا ملاح
وعلاه عليك تفدحي فينا حبتنا نقولوا هالك منعرفش هههههههههههههههانا نعرف نبركش ههههه بصح تشوفيه تبكي هههه كعبة كبيرة و عكبة صغيرةهههههه

بردتي هنا فضحنا رواحنا ههههههههhttp://smilles.5d5l.com/smile_albums/agner/3s300.gif

[hanane220]

مساء الخير أمل عجبني موضوع و بكل صراحة انا ما نعرفش نفتل نشري كسكس الله غالب و أما بالنسبة للمرق أنا نحبها حمرا شكراااا

http://www.djelfa.info/vb/showthread.php?t=1306051

[zhor1970]

lمواضيعك هايلة بروقة احنا عندنا يعني في منطقة الشاوية تقريبا كل البنات لازميتعلموا الفتيل قبل مايتزوجوا يعني تبدي الام تجبر بنتها علي الفبيل من المرحلة الثانوية

كسكسي وعيش يعني بركوكس اجباري لان في اليوم الرابع من العرس العروسة لازم الدير عيش مفتول من يديها للغداء وادا طاحت في عجوزة مبمسكة بالتقاليد بزاف هووووووووووووووووووووووه لازم تفتل قدامها

انا نفتل الكسكسي والبركوكسعلمتني الوالدة ربي يحفضها ماللي كنت في المتوسطة
نعمل الكسكسي بالمرقة حمراء وايضا بالبيضاء انا انحب البيضامع الخضر والحمص اتجي هايلة والحمرا ثاني هايلة انديروها في الاعراس

ايضا نعرف انحضر كميات كبيرة خاصة بالافراح انحضروها ونوجدوها للطباخ هو ايدير غير لا صوص

[الدنيا]

انا فتلت مرة ماامنتش من كثرة الفرحة لكن فنيانة نشريه و الفتيل ماشي صعيب لازم التركيز

[صابرة2013]

نشري واجد من المحالات لكن التحضير نعجب روحي شوية شكرا على التفاتة الطيبة و دردشة


http://www.gulfup.com/thumbs/k0djW.jpg

[بريق الامل&]

الاعتراف سيد الادلة هههههههههههههههه
اهلا برووووووقه ديما بخرجه جديدة
انا تعلمت في دارنا بصح غير مرات معدودة فقط
بصح كي تزوجت تاع الصحرا فتيلهم ما شي كيفنا حتى القصعه تختلف عن تاعنا
علمتني جارتي كي نفتل تاع الصحرا ...............فتل شعال من مره عند عجوزتي الله يرحمها
الان راني نجيبه مفتول من تم في الصحرا واجد ما نفتلش
وندير الطعام بالمرقه حمرا والكمية دائما في حدود 10او 20لا غير
شكرااااااااااااااااااا
حسيتك تعفي هههههههههههههههههههه صوريلي قصعة الصحرا وفي بالي طعامهم يجي خشين ولالالا صوريهلي يابس :1:
ههههههههه خجلتينا عمري ما سييتها
هههههههههههههههههههههههههه ولما الخجل على بالي لوكان تسيي تنجحي هههههههه
يا بروقة استري ماستر ربي حنا الماكلة تعافروا معاها و نتي تقوليلي الفتيل اغلبنا تلقاينا من الجامعة للزواج طول
يعني بالعربية كي نعرفوا نطيبوا رانا ملاح
وعلاه عليك تفدحي فينا حبتنا نقولوا هالك منعرفش هههههههههههههههانا نعرف نبركش ههههه بصح تشوفيه تبكي هههه كعبة كبيرة و عكبة صغيرةهههههه

بردتي هنا فضحنا رواحنا ههههههههhttp://smilles.5d5l.com/smile_albums/agner/3s300.gif
هههههههههههههههههههههههههههه زيدي وش ماا تعرفيش ثاني تعرفي تحلبي البقرة ؟؟؟؟؟؟؟؟؟هههههههههههههههههه
مساء الخير أمل عجبني موضوع و بكل صراحة انا ما نعرفش نفتل نشري كسكس الله غالب و أما بالنسبة للمرق أنا نحبها حمرا شكراااا

http://www.djelfa.info/vb/showthread.php?t=1306051
هههههههههههههههه اعترفي اعترفي هههههههههههههه
lمواضيعك هايلة بروقة احنا عندنا يعني في منطقة الشاوية تقريبا كل البنات لازميتعلموا الفتيل قبل مايتزوجوا يعني تبدي الام تجبر بنتها علي الفبيل من المرحلة الثانوية

كسكسي وعيش يعني بركوكس اجباري لان في اليوم الرابع من العرس العروسة لازم الدير عيش مفتول من يديها للغداء وادا طاحت في عجوزة مبمسكة بالتقاليد بزاف هووووووووووووووووووووووه لازم تفتل قدامها

انا نفتل الكسكسي والبركوكسعلمتني الوالدة ربي يحفضها ماللي كنت في المتوسطة
نعمل الكسكسي بالمرقة حمراء وايضا بالبيضاء انا انحب البيضامع الخضر والحمص اتجي هايلة والحمرا ثاني هايلة انديروها في الاعراس

ايضا نعرف انحضر كميات كبيرة خاصة بالافراح انحضروها ونوجدوها للطباخ هو ايدير غير لا صوص
شاطرة زهور وربي يحفظ الوالدة
انا فتلت مرة ماامنتش من كثرة الفرحة لكن فنيانة نشريه و الفتيل ماشي صعيب لازم التركيز
ايه المهم تعرفي
نشري واجد من المحالات لكن التحضير نعجب روحي شوية شكرا على التفاتة الطيبة و دردشة


http://www.gulfup.com/thumbs/k0djw.jpg

مليح العفو حبيبتي:19:

[hanane220]

ههههههههههههههههههههههههههههههههه اعتراف صحيح ههه هههه

[أم أولادي*]

انا تبعثلي ماما ربي يخليهالي مانعرفش نفتل خاطيني ههههه

[بريق الامل&]

انا تبعثلي ماما ربي يخليهالي مانعرفش نفتل خاطيني ههههه
هههههههههههههههههههه خاطيني ماشي انا ربي يحفظ الماما

[oum rahma]

يا بررووووقة كل مرة تخرجيلنا بخرجة ههههههه باينة تعملي في احصائيات

عمري ما كسكست ومانعرفش حتى عدد وانواع السياير اللي يخدمو بيهم

طبعا الوالدة لحبيبة ربي يحفظها تتقنو الى ابعد حد ،،، انا نعرف غير الاسماء واللي هوماا على الترتيب من الاصغر الى الاكبر حسب حجم الحبة

كسكسي رقيق ، مكسبر ، محمصة ، بركوكش

نطيبوه مرقة حمرى بالخضار ، او مرقة بيضا باللحم الكثير والجريوات والحمص فقط ، يجي يهبل تاع العيد ونعملوه في لعراااااس

هنا نشروه اسمو كسكسي داري وهو مغربي الصنع ، جربيت واحد تاع بن /عمر ماعجبنيش الور رجعنا للمروكي

ايييه ونسيت نڨلك وبصراحة مانفكرش خلاه نتعلمو ،،،،،،، مكشردة وفنيانة ههههههههه

تسلمي على الموضوع حبيبتي

[بريق الامل&]

يا بررووووقة كل مرة تخرجيلنا بخرجة ههههههه باينة تعملي في احصائيات

عمري ما كسكست ومانعرفش حتى عدد وانواع السياير اللي يخدمو بيهم

طبعا الوالدة لحبيبة ربي يحفظها تتقنو الى ابعد حد ،،، انا نعرف غير الاسماء واللي هوماا على الترتيب من الاصغر الى الاكبر حسب حجم الحبة

كسكسي رقيق ، مكسبر ، محمصة ، بركوكش

نطيبوه مرقة حمرى بالخضار ، او مرقة بيضا باللحم الكثير والجريوات والحمص فقط ، يجي يهبل تاع العيد ونعملوه في لعراااااس

هنا نشروه اسمو كسكسي داري وهو مغربي الصنع ، جربيت واحد تاع بن /عمر ماعجبنيش الور رجعنا للمروكي

ايييه ونسيت نڨلك وبصراحة مانفكرش خلاه نتعلمو ،،،،،،، مكشردة وفنيانة ههههههههه

تسلمي على الموضوع حبيبتي
بلاك التكشريد هو الي مخليك فنيانة ديري الكيراتين وبلاك لعلى وعسى يروح التفنييين ههههههههههههههه
نقولك حاجة ابقاي كما انت راكي تهبلي مش مهم تعرفي تكسكسي المهم تعرفي تسميهم وكتزوجي ولادك مش شرط اديري كسكس ديري ارانب محمرين بزاف علينا ياخي معروضة انا ولالا لالا ههههههههههههههههههههههه
كم انت رائعة
ما قلتيليش مقدسية ياك تعرف :d

فشلت في الاحصائيات :1:

[بريق الامل&]

https://fbcdn-sphotos-e-a.akamaihd.net/hphotos-ak-ash4/p480x480/487006_270835659703781_797682885_n.jpg

هههههههههههههههههههههه وانا نسقسي على فتيل الطعام

[ام انس33]

انا نعرف نفتل علمتني امي و الحمد الله وبكميات كبيرة ونديره بالمرقة الحمرا
و ما نبغيش الطعام المشري لانه كي نفخه يتحل

[ام اجياد]

واش نقولكم ياحباباتي نرف نفتل وتعلمت وناعندي 19 سنة عندنا عيب وحدة تتزوج وماتعرفش تفتل وكي تزوجت فتلت مرة وحدة شكارة نتاع عشرة كيلو برك ومديتها لعجوزي ربي يرحمها وعجبتها بزاف لكن زوجي الي ماتزيديش تعبي روحك نشريلك عمر بن عمر مازدتش فتلت الا انا كانت مناسبة فيدارنا نتعاونو بكري كانت حاجة عيب وحدة ماتفتلش اما اليوم مايصقصيوش خلاص علىلبربوشة لمليح لكان لقاو لعوس تسل راصها في غسيل لماعن ولا واش قلتو ا يابروقة

[ميمنة الجزائر]

نعرف وما نديرش وما نفتلش لانو يدي جهد كبير يعني فتلت يا ربي مرتين

و على امشري والله هذه اللي قاللهلم الطاوس نظيفة ومليحة ههههه يعني هذا عم راجلي قالهم خير من تاعالنسا لانو علابلو بلي يتعب

حنا الاعراس نشروه واجد يعني يا حليل خلي الناس تسترزق وعلى تاع الدار والله قالي والفنا المشري اخف واحسن يعني لازم تخدميه

بتقنية فقط لاغير وعلى المفتول خليه لماليه ياسر ياربي نلتاو بالدار والطياب ياسر

ويعطيك الصحة على الفكرة علابلي مين جبتيها هههههه

واما على الطعام كاين الابيض حنا نديروه بالحليب والجريوات والحمص ويحبوه اكثر الشيوخة والعجايز والأحمر تاع الويكاند وكاين تاع الاعراس

اللي يجي غير باللفت والخرشف فقط يعني هذا هو المعروف في منطقتنا وكائن اللي يديروه بوفور هذاك خشين وكاين المسفوف الرقيق

وعلى السياير حنا نسموهم السقاط الغربال وسيار الزرع

[ام امين]

سلام الله عليكم
بروقة خصك الفتيل ما سقسيتيش عليه؟؟؟؟؟>>>>>>>>>>هههههه
انا نعرف نفتل بصح ما نفتلش...
حاليا نشري عمر بن عمر يجيني انقى من خدمة النسا خاصة اللي ما تعرفيهاش
و نديروه مرقة حمرى (علابالي كيفاه نديروه بصح نجاوب باش لخرين يعرفو)
مرقة حمرة بالخضرة و السكر و الهرماس و اللحم
نديرو بكميات كبيرة نتاع اعراس...سبيسياليتي مرقة في الحق بالصح مرات يلصق فيا الطعام يعني نسلكها ....

[oum rahma]

[LIST]
[QUOTE=بريق الامل&;1052775869]بلاك التكشريد هو الي مخليك فنيانة ديري الكيراتين وبلاك لعلى وعسى يروح التفنييين ههههههههههههههه
نقولك حاجة ابقاي كما انت راكي تهبلي مش مهم تعرفي تكسكسي المهم تعرفي تسميهم وكتزوجي ولادك مش شرط اديري كسكس ديري ارانب محمرين بزاف علينا ياخي معروضة انا ولالا لالا ههههههههههههههههههههههه
كم انت رائعة
ما قلتيليش مقدسية ياك تعرف :d

فشلت في الاحصائيات :1:[/QUO

هههههههههههه برووووڨة ڨتلتيني بالضحك ،،،، وحدك

اييييه ندوروها ارانب وخلاص، وانت اول وحدة في لمعروضين

[rofia.sarah]

أنا ما نعرفش نفتل نشري من عند امراة نعرفها و الكسكس انتاعها هايل هدي زمان و انا نشري فيه و نصيبو مرقة حمرا أو بيضا في زوج بنان

[أم شيماءْ]

بروقتي حبيبتي وشراكي
انا حبيبتي نفتل العيش والبربوشة حنا في سطيف ناكلو البربوشة بزاف وكي زوجت كنت منفتلش بصح زوجي يحب البربوشة:mad::mad: وما يكلش تاع برا يعني اجبرت نتعلمها :1::1: وتعلمتهااااااااااااااااااااا

[ahlem73]

كاين امراة اثق في عملها النظيف و المتقن فلن اتردد في شرائه لمساعدتها...بصح تعلمت نفتل ههههههههه وفتلت مرة وحدة في حياتي كسكاس بصح تعبني وكنت فرحانة تقول طلعت الفضاء ههههههههههه

[إلهام07]

شفت وجيت هاربة قريت الجملة الأخيرة درت مارش أريير وليت http://www.cheesebuerger.de/images/more/bigs/a090.gif

شوفي انا كي كنت صغيرة كنت نروح ونقعد فترات طويلة عند جدتي ، تعلمت الكروشي والنسيجة نتاع الصوف والطرز وغسيل الصوف والديول و.......... وبديت نتعلم الفتيل والغزل نتاع الصوف وكيفاش يسديو البرانس وحبست في النص ، جدتي مسكينة مرضت حبست ومن بعد أصيبت بشلل نصفي ( منذ5سنوات ) يسمى راحت اللي تعلمني ، خاصة الفتيل كانت مازالت شوية برك ونحترف خسارة :mad:، بصح عادي مايهمنيش نتعلم بصراحة ماما تشري المفتول نتاع الديار بصح أنا كي تكون في يدي نشري الكسكس نتاع الأكياس يعجبني بزاف ، خير من نتاع الديار وزيد النظافة مضمونة :19: وخشين كيما نحبو :D وأحسن حاجة فيه بدون تعب ...........واجد :D:D:D:D
أما المرق نديروه أحمر بصح بكري كانت ماما ديرهولنا أبيض لاخاطر هي تربات في قسنطينة وتعلمت طيابهم هوما يديروه أبيض ويجي لذيذ :19:

[بشرى2008]

والله يابريق الأمل دخلتي قلبي وقريتي أفكاري كنت حابة نحط هاد الموضوع لكن حشمت لأنو أنا متمنتة نتعلم الفتيل

[عطوفة]

شكرا لك ياختي على طرح هذا الموضوع ::لفتيل....انا تعلمته وعمري 13سنة وكنت نفتل البربوشة والعيش والمسفوف ..لكن توقفت ذرك وعدت نشري عمر بن عمر كيما المخلوقات الي فاتو ..عاد ما عنديش الوقت ...و في السابق كانت المرا مرا كي تعود تعرف تفتل البربوشة ..وعجوزتها كانت تقعد قدامها وتمركي هههههههههههه....

[zahra30]

واشي هذا يا بروووقة احكمتينا هههه.... انا واعوذ بالله من كلمة انا نعرف نفتل البربوشة والعيش والبربوشة الخشينة والرقيقة .... ولي عودة للموضوع ان شاء الله

[ghorba]

عمري ما فتلت وما نتعلمش مادام كاين يتباع علاه نتعب روحي وزيد عائلتي ما تحبش الطعام بصح انا نموت عليه ناكلو صباح وعشية ما نمولوش:1::1::1:

[om lojayn]

راني جايا روطار لكن معليش حنا في الصحرا قليل لي متزوجا ومتعرفش تفتل لوكان قلتي منعرفش يديروك في الجرنال الصفحة الاولى المهم نهدر على روحي انا علمتني الفتيل عزوجتي ربي يحفضها خطراكش تزوجت صغيرى مالحقتش باش تعلمهولي ماما راني درك نعرف نفتل كل انواع الطعم رقيق و خشين و متوسط وكل وحنا ناس الصحرى يحبوا الطعام ياسر لدرجة انهم ياكلوه يوميا تقريبا و نديروه مرقة حمراء وتعلمت من عزوجتي كيفا نطيبوا نتاع لعراس و نقدر ندير حتى 30 طبسي حنا نحسبو بالطبسي والمرقة نديرولها التمر الغرس و السكر بصح بنين ما تنحيهش من فمك

[أم ماجد]

ياه ياه يا بروقة الان فقط شفت موضوعك والله فكرة رائعة مانكذبش عليك كنت نفتل قبل الزواج علمتني ماما
اشترطت علي كون ماتتعلميش لفتيل ما نزوجكش وانا حبيت نزوج ههههههههههههههههههه
فتعلمت مليح لكن تعلمني وتشبعني معاير ماما صعيبة بزاف الله غالب هي تعرف تدير كل شئ
المهم بعد ماتزوجت اديت فكرة من ماما بلي لازم المراة تفتل ولا زوجها ما تعجبوش شوفو نية العجايز
بعد مادخلت قفص الزوجية ماحبش زوجي يخليني نفتل نهائيا قالي اشريه من عند واحدة ثقة وماتعبيش روحك احم احم راكي عارفة بروقة الدلال هههههههههههههههه
لكن ماما شبعت سب وقالت الاه الاه على رجال اخر زمن وحتمت علي نفتل وانا في داري وتقولي دبري راسك تاع الناس ميشي نظيف
ومن بعد كي كرهت مني وعاندت ولات تفتل وتبعثلي والان تفتلي اختي الصغيرة علي كل عام شكارة كبيرة لانها ماخالفتش وصية امي وبقات تفتل وانا واش نديرلها زوجها قالها افتلي ؟؟؟؟؟؟؟؟

المهم الان كي بداو لبنات يكبرو قلت نطبق طريقة ماما هيا لبنات نعلمكم لفتيل رغم اني نسيته تماما ونسيت طريقته 18 سنة مافتلتش بصح قدام بناتي نقول مازلت نتذكر هههههههههههههههه
لبنات رفضوا وقالولي يخي تتباع غير نتعلمو الطياب تحوسي علي الفتيل
وحتى ابوهم معاهم ومدللهم بصح انا حابتهم يتعلمو كيما انا معليش مايفتلوش نقول كون ايطيحو في زوج يقولهم افتلوا واش ايديرو نخاف عليهم راكي عارفة بروقة بصح ماحبوش

المهم مازلت نتذكر السياير السقاط والمعاودي وسيار البربوشة والخ والخ

ماما تظن بلي مازلت متذكرة لفتيل وانا صفر هههههههههههههههههههههههه

هذه هي حكايتي مع البربوشة
لكن نعرف نفورها مليح مليح ونقدر ندير كميات كبيرة في الاعراس احم احم
وندير يربوشة لحليب وندير بالمرق الاحمر واللحم والخضر والمسفوف

اي سؤال راني هنا بروقة لكن بعد مافقدت الذاكرة

[أم ايهاب 2013]

انا نعرف نفتل ونفتل كميات كبيرة شكارة 25كغ لكن زوجي مايحبش الفتيل مايخلنيش نفتل وادا جاب السميد يقولي ردي بالك ديريه طعام حنا ناس الجلفة نديروه مرقة حمرة

[oumhana]

سؤال محرج أنا فتلت بكري كنا صغار13/14 سنه وماتت يما وكان خويا قبيح بزاف وكشوف خواتاتي يعلمو فيا يعيط عليا ويضربني ويقول كفاه متعرفيش لازم تتعلمي من الخوف والقهر تعلمت و الحمد لله اما اليوم خانتني شوية الصحه لكن منحبش تاع برا تفتلهولي بنت عمي الله يجازيها.المرقة نديرها حمره وخطرات نبدل نديرها بيضة اقصى كميه 10أو 20 شخص لا أكثر ويعاونوني مشي وحدي.معذره أحييتي فيا ذكرات الماضي

[staifia]

سلامووو بروقة
انا منعرفش نفتل ,,,, وحنا ديما يقتلوه في الدار ,, جامي نشروه من برا ولا من عند لي يفتلو
ديما يجتامعو امي و خالاتي ونفتلو للعولة

[sissou nrdn]

انتو بتحرجونا ليه ................فقتيلنا يا بروقة انا عن نفسي ما نعرفش نفتلو لكن نعرف نفتل البركوكس و كي جيت نتعلم ما خلانيش راجلي قالي نعرفك ما تهنيش روحك

[oum tessnim]

أنا مانعرفش نفتل بصح ربي يمد الصحة وطول العمر لأم صديقتي أم أحمد هي لي تفرحني وتبعتلي الكسكسي المفتول على أصوله من باتنة الى فرنسا
وأنا الكسكسي نديرو أحمر أو أبيض بصح نحبو احمر وحار ومعمر خضر ممممممممممممممممممممممممم جوعتوني سلام

[أم نهال]

أنا بكل صراحة ما نعرفش نفتل كنت نفتل عند وحدة بالدراهم الحق مراة نظيفة بزاف و طعامها والله مايتشبع وبصح الآن نشري عمر بن عمر.

[أم نهال]

السمحولي ماقلتلكمش كيفاش ندير المرقة أنا المرقة نديرها فالشتاء حمراء بالخرشف والزرودية و الحمصو الدجاج ولا اللحم كيما نديرها بلفت و كمية صغيرة فول يابس و مدشش و عدس صوص حمرا والدجاج.واله ماتتشبع والآن في وقت اللوبياء ماشطو نديرها بيها و الزرودية و الحم بقري و في الصيف في أغلب الأحيان نديرها بيضاء.

[أم نورين]

السلام عليكم انا في رايي الفتيل اسهل شي تتعلمه الفتاة في المطبخ انا تعلمتو في السن الثانية عشرة وبعدها تعلمت العيش والبرويل اللي هو اسهل منهم كامل ولما اصبحت في سن الثامنة عشرة اصبحت نفتل شكارة تاع25 كلغ في نهار كاش نهار نخبركم طريقة فتيل البرويل ألي هو طعام البلوط وشكرا

[ام عبودة]

اييييييييه طحت عليها عزايج ولا واش هههههههه
انا من كنت في دارنا ماما هي اللى تفتل تاع العام كامل وكل جمعة نديروه وانا نطيب المرقة حمراء باللحم والخضراء والكابوية خاصة ونسمقوه بالدهان الغنمي يممممممممممممم ويجي رطب مرطب الله الله من تزوجت راحو اياموووو
عند عزوجتي يديروه يابس شوي مي خاطيك علمتهم كيفاه يرطبوه هههه
والمرقة اما حمراء او بيضاء او خضراء ههههههه
كاين واحد العشبة يسموها البندراق يقطعوها رقيق ويغسلوها بالماء السخون ومن بعد في الكوكوت يحط من فوقها البطاطا والبصل وسنينات ثوم والفلفل الاحمر اليابس والفول واليابس ولحم الحاشي**لحم الجمل الصغير**
حبة طماطم والملح والكابوية غير شوية ومقدار كاس زيت ويغلق الكوكوت وعلى نار هادية حتي يطيبر اللحم ومن بعد نحي اللحم ونرحو المرقة ونزيدولها شوي ماء باش تدخل الحوايج في بعضها ونديرولها فلفل اخضر ونطفو علبها
والبنة روعة اما الجديد عليا انو الكسكس عند اهل زوجي لازم معه سلاطة خضراء
والبندراق عندو موسم الصيف زمن بعد يجى البطراف وهو يشبه السلق عندنا لكن يختلف في الحجم ويطيب كيفكيف الاختلاف الخضراء هنا نزودو البطاطا ونقصو الكابوية
والفتيل انا مانحبش لكن نسلك راس نشري تاع بن عمر المتوسطة للمرقة والرقيقة للمسفوف بنتها كي تاع الدار تقريبا

[lyna2007]

موضوع هايل يعطيك الصحة
انا نعرف نفتل تعلمت وانا في عمري 16 سنة امي اصرت ان اتعلم الفتيل وكنت نفتل مرة في 15 او 20 يوم كميات قليلة غير قيس مانفطروا بيه يوم الجمعة هههه
لكن بعد الزواج تفنينت هههههههههههه واصبحت نشري اعمر بن اعمر او سيم ويخرج مليح والفناه

[بريق الامل&]

https://fbcdn-sphotos-f-a.akamaihd.net/hphotos-ak-frc3/969998_596132283754810_1019825206_n.jpg

[بريق الامل&]

العولة : كسكسي ومحمص نوعان من الدقيق الذي يتحول بفعل حركات دائرية الى حبيبات تعرضها النسوة الى اشعة الشمس لتجف بعدما اضفن اليها الملح كمادة حافظة . تجتمع النسوة يو م العولة وعادة ما يكن من افراد العائلة او العائلات المجاورة منذ الصباح الباكر ويوزعن الادوار بينهن وتتعالى الزغاريد بين الحين والاخر وتشترك كل النسوة بما تجود به كل واحدة من انواع الغرابيل مثل الطلاع والسقاط وغربال الشعر http://up.top4top.net/uploads/2013/06/03/top4top_d0c29427f91.jpg (http://up.top4top.net/)

[محبة الكتاب]

فكرتيني بسنين العولة كنا قبل نفتلوه بالصح كيجاء بن عمر اخلاص بطلنا قلنا نشروه ومانتعبوش ارواحنا :d

[بريق الامل&]

ياه ياه يا بروقة الان فقط شفت موضوعك والله فكرة رائعة مانكذبش عليك كنت نفتل قبل الزواج علمتني ماما
اشترطت علي كون ماتتعلميش لفتيل ما نزوجكش وانا حبيت نزوج ههههههههههههههههههه
فتعلمت مليح لكن تعلمني وتشبعني معاير ماما صعيبة بزاف الله غالب هي تعرف تدير كل شئ
المهم بعد ماتزوجت اديت فكرة من ماما بلي لازم المراة تفتل ولا زوجها ما تعجبوش شوفو نية العجايز
بعد مادخلت قفص الزوجية ماحبش زوجي يخليني نفتل نهائيا قالي اشريه من عند واحدة ثقة وماتعبيش روحك احم احم راكي عارفة بروقة الدلال هههههههههههههههه
لكن ماما شبعت سب وقالت الاه الاه على رجال اخر زمن وحتمت علي نفتل وانا في داري وتقولي دبري راسك تاع الناس ميشي نظيف
ومن بعد كي كرهت مني وعاندت ولات تفتل وتبعثلي والان تفتلي اختي الصغيرة علي كل عام شكارة كبيرة لانها ماخالفتش وصية امي وبقات تفتل وانا واش نديرلها زوجها قالها افتلي ؟؟؟؟؟؟؟؟

المهم الان كي بداو لبنات يكبرو قلت نطبق طريقة ماما هيا لبنات نعلمكم لفتيل رغم اني نسيته تماما ونسيت طريقته 18 سنة مافتلتش بصح قدام بناتي نقول مازلت نتذكر هههههههههههههههه
لبنات رفضوا وقالولي يخي تتباع غير نتعلمو الطياب تحوسي علي الفتيل
وحتى ابوهم معاهم ومدللهم بصح انا حابتهم يتعلمو كيما انا معليش مايفتلوش نقول كون ايطيحو في زوج يقولهم افتلوا واش ايديرو نخاف عليهم راكي عارفة بروقة بصح ماحبوش

المهم مازلت نتذكر السياير السقاط والمعاودي وسيار البربوشة والخ والخ

ماما تظن بلي مازلت متذكرة لفتيل وانا صفر هههههههههههههههههههههههه

هذه هي حكايتي مع البربوشة
لكن نعرف نفورها مليح مليح ونقدر ندير كميات كبيرة في الاعراس احم احم
وندير يربوشة لحليب وندير بالمرق الاحمر واللحم والخضر والمسفوف

اي سؤال راني هنا بروقة لكن بعد مافقدت الذاكرة
هههههههههههههههههههههههههه عجبتني حكايتك تقول فيلم شاوي هههههههههه نسيت اسمو هههههه بصح كفاش تعلميهم وانت صفر فاقد الشيء لا يعطيه هههههههههههه ابعثيهملي نعلمهملك :1::1::1::1:

[silindz]

حرام عليك وش هدوما تصاور قريب نبكي من سخفا ههههههه
انا تفوار منعرفش نفور حتى نعرف لفتيل بصح الموضوع نتاعك دارلي فضول وضركا نخمم نتعلم لفتيل بصح قبل لازم نتعلم نفور

[Lona.Anna]

ana bissaraha mana3rafch , mais ki kont sghira kanat mama w khti kbira w hata ki kona nrouh dar adati kont nchofehom yaftlou na3raf ghir naghzalhom m3ahom wela nedi w njib hawayeje :)

[sidali 2007]

منعرفش نفتل طعام نشريه من برا نشري عمر بن عمر متوسط حتي دار عجوزتي قبايل يكلو غير مفتول من روحت عندهم سوفجتهم عادو يشرو تاع برا مايزوخو عليا ماوالو

[شوق وحنين الى الجنة]

نعرف نفتل و لكن عمري مافتلت 25 كغ و كنت اعتمد على الفتالة بسعر معقول و يجي مليح اما هذا العام فاعتمدت على عمر بن عمر فهو يشبه كثيرا المفتول في البيت.

[touta2010]

نعرف نفتل الكسكس والبركوكس زيدي واش خصك؟؟؟؟بصح منحبش نفتل نشري مراة ومرات نبعشه لختي تفتله هههههه

[بريق الامل&]

https://fbcdn-sphotos-h-a.akamaihd.net/hphotos-ak-prn1/p480x480/1012130_609881565713215_1612714368_n.jpg

[طير الرحمة]

بصراحة نعرف نفتل لكن قدر الى نطيبو زوج مرات متلا طعام رقيق نتاع المسفوف والالمتوسط واالخشين نتاع المرقة والبركوكس انديرو عادى ولا بالقرطوفة مانى عارفة واش تقولولها هههههه واكيد لازم الطعام نتاع رمصان نتاع السحوووور يكووووون مفتووووول وسلامى الى كل حراير الجزااااااااائر

[ساندي 28]

اه يا بروقه والله مانعرف نفتل جربتو مره او اثنين بصح ننسى طريقتو ههههه نشريه من المحلات النوعيه الجيده

[fati21]

انا والله مانعرف نفتل ماما تفتل و تبعتلي هي تدير بال 50كيلو العولة نتاع العام وتدير هذاك نتاع العير مليح يعجبني
مانحبش نتاع برا

[sirine3000]

نحب نفتل لكن لااجد مكان لتجفيفه عندي الضيق في البيت

[soha1987]

مانعرفش واااااااااااااااااااااااالو خايبة مانعرف كيفاه راح ندير في داري وااااااااااااااااع
علمينا بروقة تعيشي
حطيلنا الخطوات
حابة نولي نعرف نفتل
مشكورة

[ميادة شارف]

انا نفتل وحدي ونديرو بالمرقة الحمرا عمري كليت انتاع الحانوت

[ilhemaya]

السلامعليكم انا عندي كل ادوات الفتيل القصعة تاع الحطب السياير
ما علمتنيش امي كي زوجت علموني جيراني
ودرك مانقدرش نفتل يفتلولي النساء بالدراهم
انا نفتل غير الطعام الاسود
نسميوه في قسنطينة المزيت والمشروب
لانههنافي العاصمة مايعرفوهش
ونطيب الكسكس بكل الانواع
طعام ابيض باللحم او الجاج
طعام احمر
طعام بالخضر بدون لحم او دحاج
طعام يالحليب
مسفوف مالح بالفول والجلبانة
مسفوف بالزبيب
المثل يقول الطعام همة يا لوكان بالماء

[زرابة]

انا مانفتل وماما ماتفتلش حكم انها عاملة تربيتي عصرية نعرف تريكو نطيب جامي كليت تاع الدار

[muslimone]

السلام عليكم
الوالدة تفتل ولكني عمري ما فتلت والمرقة حمرة وصفراء بالزعفران، وندير كسكس المناسبات بالكيلوغرامات ولكن فقط تحضير وليس فتيل

[yacef hayet]

oualou zerôooooooooooôooooooo

[الدر المكنون 7]

الحمد لله علمتني أمي وأنا صغيرة وما عنديش بزاف فتلت 25كغ
جامي استعملت المشري أو تاع الفتالات
هنا لما جف تماما فوتو في الغربال باش تطيح الفتلة الرقيقة
http://up.top4top.net/uploads/2013/07/04/top4top_575590bdf11.jpg
وهاهي العولة تاع العام شكون تحب نرسلها شوية؟؟..
http://up.top4top.net/uploads/2013/07/04/top4top_575590bdf12.jpg

[ريماس وصهيب]

الحمد الله علمتنى امى الله يجازيها بالخير نفتل وهي تقولي الطعام هما يالوكان بالماء

[بريق الامل&]

هادي يسموها : تويزة في الفتيل

https://fbcdn-sphotos-b-a.akamaihd.net/hphotos-ak-ash4/1451590_755763321104478_2087704273_n.jpg (https://www.********.com/photo.php?fbid=755763321104478&set=a.372189589461855.102673.370760126271468&type=1)

[همسة مشاعر]

انا شخصيا نحب الطعام وكيما يسموه الشاوية البربوشة واخرين يسموه كسكس
انا تعلمت في صغري فتيل تاع الكسكس كنت وحد العام ديما نفتل ونطيبو كان عمري18 سنة وكي كبرت شوي طارت النفحة لكن مزلت نعرف نطيبو وذرك نطيب كسكس تاع الحوانت كيما كسكس العلم وكسكس الحاجة ولبال الحق ملاح نشتي نطيبهم للدار ولا للضياف
احنا في تبسة نطيبو الكسكس بالاصوص احمر ولحم وحمص وخضرة انا نحبو يكون احمر والفت بيه
الحقيقة نعرف نفتل غير الكسكس
عجبني الموضوع ان شاء الله يعجبك ردي

[ام ضياءالدين]

نعرف نفتل ونفتل بكميات كبيرة كي كون عندنا عرس بمساعدة خوتاتي طبعا

وتعلمت ونا نقرا في الابتدائي كنت نشوف ختي تفتل ونقولها تعطيلي حتى تعلمت

ونطيبها مرقا حمرا جامي درت البيضا

وهذي المرة في عرس اختي انا طيبت وخرجت روووووووووووووووووووعة الكل عجبو طيابي

وراجلي من محبي البربوشةلدرجة متتصوروهاش