إستغاثة من فرنسا

[mari_boutole]

خواتي حبيباتي انا في امس الحاجة اليكم انا متزوجة جديد بفرنسا اقل من شهر وقرر زوجي ان نعمل عزومة لمعارفه عددهم بين النساء و الرجال الاطفال٢٠ شخص من اجل ان يتعرفوا عني وهو يريد طبعا ايضا ان يزوخ بيا امام اهله وانا ايضا بجد اريد عزومة تحمر الوجه لدا اريد ان تساعدوني بوصفات لاكلات واطباق تصلح في عزومة وسلطات وتحليات و اي افكار اونصائح تنظيمية لا تبخلوني وساكون ممتنة لو اعطيتوني الوصفات مع الصور وطريقة الاعداد اخواتي كلكم ساعدوني وخاصة اخواتي الشاطرات وطعامهم يحمرالوجه انا في الانتظار

[hanane220]

انا نساعدك بحاجة و راني بلغت اخواتي باش يساعدوك شوفي راهم عشرون شخض امالا دجيك اربع دجاجات اي دجاجة في طاولة فيهم خمسة اشخاص هذي طريقة جديدة وساهلة وتشرف للضيوف ادخلي للرابط و شوفي طريقة

http://www.djelfa.info/vb/showthread.php?t=1290268

[بريق الامل&]

ديري شربة وبوراك وسلايط ومثوم ودجاج محمر مع خضرة صوتي لوبيا وبطاطا ولحم لحلو تقاليدنا باختصار
اختاري السلايط والتحليات من قسم المسابقات روووووووووعة
http://www.djelfa.info/vb/forumdisplay.php?s=&daysprune=&f=440

[ام مريم اسراء]

انا نقترح عليك تعملي شربة فريك و المثوم بالشونبينيون و طاجين الزيتون بالدجاج و البوراك بحشوات مختلفة و بلابات فيتي اعملي رولي و مملحات بالجبن و اللحم المرحي و اعملي طاجيتن لحلو -شباح الصفرة و السلطات اعمليهم في بلاطووات كبار
شوفي اختي انا مريت بتجربة كيما هادي لكن تعلمت من التجربة و مرة عملت عزومة لاكثر من 50 شخص تعرفي و في 20 يوم من زواجي كانت لصحاب زوجي
شوفي اولا لازم تثيقي في نفسك و تقولي راني قدها
ثانيا لازم تقري و تكتبي الاطباق في ورقة و تكتبي المصروف -من لحم و فواكه و عصائر وووة كل ما تحتاجينه
لازملك تكوني ذكية انا نبدا نوجد قبلها يومين من العزومة اليوم الاول نشري كل المصروف لازم تكتبي وبزيادة
اليوم الثاني نعمل مبيناج كبيييير و نفرش ... و العشية نجضر للبدا في المعركة ..... نبدا نوجد البوراك نخدم لافارس و نلفو و نجطو في بورت مونجي و الي المجمد تعرفي تتهناي و لغدوة تقلي برك .... و اذا كنت ناوية نعمل حاجة فيها ليبوليت نتاع اللحم ندوزنهم مليح يعني زوج كيلو نحطلهم كل التوابل و الثوم و البصل المرحي و المعدنوس نلم بالبيض و نكور و نحطهم في صينية و نخصصلهم مكان في الثلاجة .... و نبدا نقشر البطاطة و نقطعها و نحطها في الماء ..... اذا كنت ناوية نعمل دجاج في الفرن نقي الدجاج و نقطعو و نحضر التتبيلة نتاعو من ثوم و بهارات و زيت و قطعه البصل و المعدنوس و الملح و نحطهم في علبة نغلق عليها و الى الثلاجة ..... بالنسبة للسلطة نغسلها و ننقعها في الماء و شوية سكر رايحا تزيد تشد روحها و تخضار والله عن تجربة .... و نقطع خظر الارديفر - السلاطة نغسل الزيتون و نغلي البيض و نحطهم في علب -بورت مونجي و الى الثلاجة و نحضر لافينيغريت - تتبيلة السلطة من خل و زيت و ملح وحباات زيتون اخضر و شوية موتارد و نحطهم في قارورة و الى الثلاجة .... و نجبد الاطباق الي نقدم فيهم الاكل نغسلهم و نشفهم مع الكيسان و نوجد صينية القهوة و نوجد الحلوة الي راح نحطها و اغسلي الفواكه و نشفيها

والغدوة يعني نهار العزومة نبدا ندوزن و نطيب و في نفس الوقت نجبد الدجاج او اللحم و نشويه في الفرن و البوراك نديكونجليه و نقليه و نوقف عليه و نقطرو يعني نحطو واقف في كسكاس و تحتو البابي ابسوربون
و هكذا .... اي استفسار ليا عودة انا هاد النصائح مجربتهم و دائما نعمل بيهم لانو زوجي تعود على انو راح نحمر وجهو احم احم حوحو يشكر روحو ان شاء الله ربي يسهلك اهم شيء الثقة في النفس تسمي باسم الله و تتكلي على ربي ... اكيييد رايحا تفوت روعة ..... نوصيييييييييييك اخلعيييهم لانو الانطباع الاول مهم
و راح تلاحظي انو النظام يجنبك الارتباك و يعطيك ثقة بالنفس
رايحة نعاود نرجعلك

[mari_boutole]

شكررررررررررررررا ربي يعطيذ ما تتمناي

[ام مريم اسراء]

لا شكر على واجب اشكري الاخت حنان هي الي وجهتنا و طلبت منا مد يد المساعدة ربي يحفظها لاولادها فحلة .....
اه نسيت لحلو مثلا تقدري تعمليه من شهر و تخبيه في الثلاجة في علبة محكمة و شباح الصفرة راني تقصد الكوكاو المرحي او اللوز تلميه بالبياض البيص و قرصة خميرة تطبعيه بطوابع او تعمليع بوليت او حرابش تحطيع في المجمد و ليلة من قبل حمريهم في الزبدة و حطيهم في الحلو باش يشربو او تقدري تزينيه يعني لحلو بطرونشات الاناناس تقسميه على اثنين وتحطيه في حواشي الطبسي اي استفسار راني هنا
و بالنسبة للشربة فريك ياك تعرفي كفاش تدوزنيها و بالنسبة للكمية لكل 3 لترات ماء اعملي فنجان فريك و طيبيها على نار هادية يعني او تاكدي من الطماطم المصبرة و من بعد خثريها و كتطفي عليها نعطيك سر انا نجيب فصين ثوم و شوية قصبر -حشيش اي دبشة و شوية ملح و شوية كروية على راس المغرف و ندقهم بالمهراس مليح مليح و نحطهم في قدرة الشربة والله مريحينش يشبعو منها و من ريحتها
اي استفسار راني هنا

[mari_boutole]

شككررررررررررررررررررررا

[mari_boutole]

شششششششششششششششششكراhanane220 ربي يعطيك ماتتمناي شكككرا لكل من ساعدتني وحست بيا وادعولي

[mari_boutole]

اعطينية وصفة الفريك نتاعك بالتفصيل وشكرا مسبقا وادا كش تعرفي خريرة تكون مليخة نتاع الغرب اععطمي الوصقة ايضا

[ام مريم اسراء]

شوفي اختيي بالنسبة لشربة فريك نتاعنا اولا نقطع اللحم قطه صغيرة خاصة اذا كان لحم خروف صغير راح تجيك بنتو مليحة و استعملي ليكوت نحطو في قدرة مع الزيت نزيدلو الثوم و شوية بصل مرابي و نحط شوية ملح و فلفل اسود و قرفة و شوية كروية و نقليهم مليح من بعد نزيد القصبر - اي الحشاوش - مقطع رقيق و نرابي حبة طماطم حمراء و كبيرة و نقليهم على نار هادية و نكون راني نسخن في طاوة نتاع ماء يغلي
المهم نزيد الطماطم المصبرة ملعقة و نغسل الفريك بالتقريب لكل 2 لتر فنجان فريك و قد تحتاج اكثر اذا كان لفريك رقيق بزاف المهم نقيه نغسلو ونمرق بالماء المغلي و نزيد قطعة نتاع جونبو دجاج و نطيبهم على نار خفيفة في النهاية اذا رفدتي قطعة لحم و شفتيها طابت عقدي الشربة نتاعك يعني زيدي النار و عسيها حتان تعقاد و كتطيب دقي الثوم مع الكرية و شوية ملح و قصبر هرسيهم مليح او رابيهم بالمكسور و حطيهم في الشربة و تشوفي النسمة نتاعهم البنة


اذا ملقيتيش الفريح اعملي سوب على طريقتي
اولا نقطع الخضر الي عندي - بطاطس طماطم و و الكسبر و الكرافس و فلفل حلو و الكثير من الكورجيت و حبات بصل و 3 سنات ثوم و مادا بيك البسباس و الجزر نغلق عليهم في الكيكوطة مع الماء و 2 قطع جونبو
و من بعد خليهم يبردو و اعملي التتبيلة الي هي شوية زيت و قطع اللحم و توابل فلفل اسود و شوية فلفل احمر حار و شوية قرفة و شوية كروية و الملح نقليهم مليح ونزيدهم للحساء نتاعي بعد ما نكون رحيت الخضر في الرحاية اليدوية - مولينيت -باش ميتخلطوش لقشور و انتي ترحي في الخضر حطي في المطحنة كمشة من القصبر و سنة ثوم الي تترحا مع الخضر و تطلق بنتها الرائعة
و هنا اذا شفتي الخليط نتاع السوب ثقيل زيديلو الماء المغلي و ملعقة صغيرة طماطم مصبرة اطلقي النار و خلطي و كتطفي زيدي بوكي نتاع قصبر يكون مغسول و مربوط بالخيط باش تنحيه من بعد و اغلقي عليه الغطاء نتاع الطنجرة و ذوقي البنة و ادعيلي


اي استفسار ثاني راني هنا نرجعلك اختي

[ام مريم اسراء]

شوفي هاد الرابط بلاك تطبقيه لكنو ميصلحش للعزيمة اعمليه ليك انتي و زوجك
http://www.djelfa.info/vb/showthread.php?t=1307398

[hanane220]

لا شكر على واجب اشكري الاخت حنان هي الي وجهتنا و طلبت منا مد يد المساعدة ربي يحفظها لاولادها فحلة .....
اه نسيت لحلو مثلا تقدري تعمليه من شهر و تخبيه في الثلاجة في علبة محكمة و شباح الصفرة راني تقصد الكوكاو المرحي او اللوز تلميه بالبياض البيص و قرصة خميرة تطبعيه بطوابع او تعمليع بوليت او حرابش تحطيع في المجمد و ليلة من قبل حمريهم في الزبدة و حطيهم في الحلو باش يشربو او تقدري تزينيه يعني لحلو بطرونشات الاناناس تقسميه على اثنين وتحطيه في حواشي الطبسي اي استفسار راني هنا
و بالنسبة للشربة فريك ياك تعرفي كفاش تدوزنيها و بالنسبة للكمية لكل 3 لترات ماء اعملي فنجان فريك و طيبيها على نار هادية يعني او تاكدي من الطماطم المصبرة و من بعد خثريها و كتطفي عليها نعطيك سر انا نجيب فصين ثوم و شوية قصبر -حشيش اي دبشة و شوية ملح و شوية كروية على راس المغرف و ندقهم بالمهراس مليح مليح و نحطهم في قدرة الشربة والله مريحينش يشبعو منها و من ريحتها
اي استفسار راني هنا


العفو حبيبتي ربي يخليك و برك الله فيك على مساعدة :19::19::19::19:

[hanane220]

شششششششششششششششششكراhanane220 ربي يعطيك ماتتمناي شكككرا لكل من ساعدتني وحست بيا وادعولي


العفو حبيبتي و ربي معاك ان شاء الله تحمري وجه زوجك خصوصا وصفات اخواتك في منتدى ديريهم و ما تخافيش

[mari_boutole]

انتي بحد رائعة ونبيلة شكراااا

[mari_boutole]

لكن انا اتسال عن تحلبة و سلاط فروي جميلة ساعدوني

[ام مريم اسراء]

سلاد دوفروي سلهلة ماهلة اولا تجيبي الفواكة المشكلة الي عندك مثلا التفاح قشريه و قطعيه مربعات صغيرة و التفاح الاحمر و الفريز و الكيوس قطعيه دوائر ثم مثلثات و المانغ و الفريز و الاناناس والعنب المهم مخلط الكل جيدا في جات كبير و نقطع الموز هو الاخير المهم القطع تكوون صغيرة و متناسقة نعصر ليمون و نضع الشكر فنجان او اكثر و فنجان ماء الزهر و نغلق عيهم في علبة الى حين ووقت التقديم
تقدري تحطيهم في كؤوس و تزينيهم باكريم شونتي الجاهزة في بخاخ او بترونشات الكيوي او نصف ترونش اناناس
اما التحليات الاهرة احسن شيء التيراميسو او موس او شوكلا او تشيز كيك هادو بريزونتابل ربي يوفقك

[mari_boutole]

حسننا بالنسبة لرولي اللحم المفروم لما احطه في ورق الالمنيوم اثقبه واضعه في انا به ماء احسن ام اناء به زيت احسن من ناحية الدوق وهل توحد نصائح في رولي اللخم المفروم