الشعور القاتل

[مشكلتي]

السلام عليكم و رحمة الله

مشكلتي مع خطيبي عندنا مدة قريب عام مخطوبين نحبو بزاف و يحبني لكن المشكلة انو كان يحب وحدة كي كان يقرا في الجامعة كانو مع بعض و فجاة ضربتها سيارة و ماتت قدام عينيه اللي معذبني انو مش حاب ينسى حاسة انو حاطني مجرد ملئ فراغ حتى ينسى همو مش يحبني دايما يروحلها لقبرها درك مش فاهمة واش ندير مستحيل نقبل نكون ملء فراغ لانو قلبو مزال معاها ما نضنش راح ينسى يعني حتى اذا ازوجتو مش راح يتبدل و هاذا معذبني بزاااااااااااااااااااااااااف خاصة اني اعطيتو حبي و حاولت بزاف انسيه القصة عندها سبع سنين و مزال ما نساش علابالي صعيب الحال لكن واش ذنبي نتحمل هاذا كامل يعني وجودي ما عندو حتى معنى كي قلبو معاها الاحسن ننسحب خير
ربي يخليكم قولولي واش ندير و ريحوني من هاذ العذاب

[mitrochka]

أختي
أولا توكلي على ربي سبحانه و إستخيريه
و شوفي الامر
لأن الامر الآن مافيه حتى مسؤولية و لا اولاد و لا أعباء حياة
و بعدها قد تتعقد الأمور
إذا رأيت ان لا تغيير كما تقولين إنسحبي أفضل

عسى الله تعالى أن يرزق كل منكما من فضله و رحمته

[نسمة تفاؤل]

اول حاجة استخيري ومن ثم حاولي تكوني ذكية وتخليه ينساها اصبري عليه وبشوية بشوية حتى يوالفك وينساها ربي معاك اختي

[المهندس هلال]

اذا كان هناك فراغ فاملئيه فيصير لك كله
انت تخافي من اقتاحام الفراغ فسيبقى كدى الحياة فراغ

[جمونةالمحبوبة]

كوني ذكية املئي فراغه و احتلي كيانه يا اختي الانسان ينسى حتي امه و ابوه لانه نعمة من عند الله

[المنديل الابيض]

حاولي تتعايشي مع الوضع و اكيد مع الزمان و حسن المعاملة منك راح ينساها ربي يعطيه الصبر الموضوع ماهوش ساهل كوني صبورة و طولي بالك راهو يعيش في ازمة نفسية و محتاج المساعدة منك اوقفي معاه و ما تخليهش وحدو ربي يهنيكم و يريح بالو

[nadineisraa]

لااظن انه ينساها وستبقين طول عمرك تفكرين بها وبه فكري جيدا ستكون هذه المراة بمثابة البذرة التي تنمو لتحطم

[manels]

السلام عليكم
الزواج من احد كان يحب غيري واحس انه لم ينساها شعور قاتل انا عن نفسي مستحيل نتحمل


تحياتي

[doba]

ربي يخفف عليه وربي معاك اختي
وربي يسهلك غن شاء الله

[عبد الله 22]

السلام عليكم ، أعلم انه من الصعب أن تقبل مراة هذا الامر ، لكن لو تنظره من من جهة اخرى كما انت محظوظة أن يخطبك رجل بهذا الوفاء في زمن أصبح الغدر فيه طابع الحياة الزوجية ، عليك فقط أن تحولي ان تكسبيه دون ان الإساءة لذلك الماضي و تاكدي أنه يوم يرتبط بك سيكون لك وفياً لأن الوفاء و الخيانة لا يمكن تعلمها ، ورجع لقصة سيدنا محمد ووفائه لزوجته خديجة

[الفاتحة]

شوفي روحك لكان قادرة تتحملي وتساعديه كان بها أما إذا كنت تعرفي روحك ماتقدريش وانت انسانة حساسة بزاف فكان بالابتعاد أحسن استخيري والله الموفق

[mimily]

اختي الوضع صعب بالنسبة ليك و كي تحطي روحك في بلاصتو كيفاش ؟
اصبري معاه شوي و شوفي واش يخرج عليك

[TOKYO]

امر يعتمد عليك انت ادا تقدري تصبرى اكثر لانه معانته شوي صعيبه و تطلب منك دكاء في تعامل معاه و الصبر كبير عليه و خصوصا انه راجل حساس و ومخلص ربي يجب الخير

[hadjadj7283]

لماذا كل هذا الهرج الأمر عادي جدا هذا الرجل إنسان لديه شعور و راكي حكيتي على أخلاقو و الوفاء الذي يتميز به سايريه و أحكي معاه عليها بالخير كلما فتح هو الباب لا أنت و الحمد لله راكي مع إنسان مثله و الأيام راهي قادرة تنسيه في أمه و أبيه ما بالك خطيبته كوني أنت فقط بالك كبير يا أختي و الله المستعان

[مرام مريومة]

انت لازم تقنعي خطيبك باش ينسى الماضي مهما كان
ونشا الله يشفى في اسرع وقت ممكن

[سلاف26]

أنت عاطية الموضوع أكبر من حجمه تغارين من ميتة؟؟هو لن ينساها و هذا أمر مفروغ منه عليك أن تتعايشي مع هذا و عليك ان تفكري كيف تجعليه يحبك و بدون ما تفرضي عليه نسيان الأخرى و مع الوقت تتغير الامور فقط إصبري و كوني ذكية حاولي تنسيه ماشي تفكريه
و انت حية الآن و لا منافس لك فلما تختلقين منافسة بينك و بين شخص تحت التراب ربي يرحمها و يرحم جميع موتى المسلمين

[yara djoumana]

انا كان جيت في بلاصتك ننسحب خير لي ما نبقا خضرة فوق عشاء ما رحت ماجيت علاش عليك اختي تحطي روحك
في الريسك حياتك ماهيش لعبة حذاريييييييييييييييييييييييي

[حميد.ص]

اختي الكريمة انظري الى نفسكي في المراه و سالي نفسك هل انت مستعدة لان تتزوجي انسان لديه ماضي حزين محاولتا ان تنسيه هذا الماضي و لن يكون الامر سهلا و سيكون اجرك عند الله كبيرا ......ان لم تكوني قدر المسؤولية ففعلي ما انت قادرة عليه............ربي يسهلك امرك

[lolo mimi]

انت لازم تقنعي خطيبك باش ينسى الماضي

[assia81]

السلام عليكم و رحمة الله

مشكلتي مع خطيبي عندنا مدة قريب عام مخطوبين نحبو بزاف و يحبني لكن المشكلة انو كان يحب وحدة كي كان يقرا في الجامعة كانو مع بعض و فجاة ضربتها سيارة و ماتت قدام عينيه اللي معذبني انو مش حاب ينسى حاسة انو حاطني مجرد ملئ فراغ حتى ينسى همو مش يحبني دايما يروحلها لقبرها درك مش فاهمة واش ندير مستحيل نقبل نكون ملء فراغ لانو قلبو مزال معاها ما نضنش راح ينسى يعني حتى اذا ازوجتو مش راح يتبدل و هاذا معذبني بزاااااااااااااااااااااااااف خاصة اني اعطيتو حبي و حاولت بزاف انسيه القصة عندها سبع سنين و مزال ما نساش علابالي صعيب الحال لكن واش ذنبي نتحمل هاذا كامل يعني وجودي ما عندو حتى معنى كي قلبو معاها الاحسن ننسحب خير
ربي يخليكم قولولي واش ندير و ريحوني من هاذ العذاب

وعليكم السلام ورحمة الله وبركاته
اختي واجهيه وقولي له ان كنت تريد امراة في الحلال عليك ان تنسى من لم تكن تربطك بها علاقة وقولي له ماذا لو كنت انا من مكانك انا متاكدة انك ستبتعد على الفور ولكن انا اريد ان اساعدك وابقى الى جانبك ولهذا عليك ان تنسى الماضي خاصة وانها امراة لا تحل لك وان الله لا يرضى بهذا اما ان كنت تظن انك سبب في موتها فهو قضاء الله وقدره ولا نستطيع تغييره وتب الى الله والله لن يخيبك

[nadineisraa]

يابنتي هذا الامور مافيها لاتساليه لاتسقسيه لاتقنعيه
الرجل اذا احب امراة وهذا صعب جدا على الرجال .... عمرو ماينساها
انتي تزوجتيه ... كل ماتشوفيه يفكر تقولي راه يفكر فيها
كل ماتتخاصمو تجبديلو سيرتها
وقيسي عليها حياتك كاملة
انا صارتلي شخصيا وراني نتعذب
القلب في جيهة والجسم في جيهة
اذا رضيتي انت تنسايها وتعيشي معاه عشرة نعم ابداي انتي انساي قصة المراة الثانية لانه هو ممكن يتجاوزها ولكن انتي تتفكريها طول حياتك
اذن الداء والدواء فيك انت وليس هو

[جمال المهاجر]

هل ينسى شخص امه المتوفية ؟ او امراة احبها و الفها و اراد الزواج منها ثم فقدها ؟؟ .. .. .
هناك امور لا تنسى .. لكن .. الشخص القوي الشخصية و الذكي .. هو الذي يجعل من ماضيه مجرد ماضي .. و لا يسمح له بالتدخل في المستقبل ..
نصيحتي لك ان تنزعي من راسك هذه الافكار الرومنسية .. كوني انت هي انت .. لا تحاولي تقليد المرحومة في شئ .. و لا تحاولي امتلاك قلبه .. بل حاولي ان تكوني امراة .. بكل بساطة امراة ... سند .. و صدر حنون .. ..

[بثينة 123]

السلام عليكم
الاحسن انو تخليه يمكن تتزوجي بييه وتكوني ملء الفراغ والله اعلم وتوكلي على الله وصلي صلاة الاستخارة