مشكلتي مع ابي

[مشكلتي]

السلام عليكم انا شابة في 18 من عمر العام القادم باك ومتفوقة في دراستي اخلاقي ممتازة وكل الناس تشهد بذلك وهذا حال اخوتي ايضا وانا اعيش في عائلة من يراها من الخارج يقول انها عائلة مستقرة ولكن هذه مظاهر فقط ابي يحبنا ويصرف علينا لا يمكن ان نشتهي شيئا ولا يعطيه لنا وهذه المرة اشترى سيارة لاخي ولكن المشكل انه يظن ان هذه هي الحياة فهو يمنعنا من الخروج والدخول لا ندهب الى اي مكان من المدرسة الى البيت واذا تأخرنا دقيقة يقيم الدنيا ويقعدها ويدل يبخص فينا في الدار منقدر نسهروا منقدروا نوضوا متأخرين ماوالوا لوكان نتفرجوا علاه ولوكان نقعدوا علاه ولوكان نبقطو الضو علاه المشكل ان هو كبير في السن متزوج بكري وحتى امي كذلك نسخف كي نشوف صحاباتي والديهم صغار ويديوهم يحوسوا اتصوروا الصيف كل في الدار منشموش لهوا وميسمحناش حتى بح نزوروا لافامي وميخلينا نروحوا حتى لعرس ولا نروحوا ضياف ماما لوكان راحت دقيقة يشيطها وكي يجيو عائلة عندنا يديرلهم لعجب هدا مصروف وهذا دلال ويردنا كلاب قدامهم ولوكان جات عائلة ماما يلعبها نورمال بصح يشيطها عليهم وكي يروحوا يبدا يمعني اتصوراوا ولاد خالتي صغار كي يجيو وياكلوا حاجا يحكمهانا طول ام كلاو بزاف ام قاسو ام داروا وهو يعاف بزاف لوكان قاسوا حاجا هما يخرجوا وهو يقلنا نودوا اغسلوها عجب وزيد ماما تخطف رجلها دقيقة عند جداتي ميحبش يمدلها فرك يقلها ربي يسهل وكي عدت تجكي في طيليفون بح تسقسي عليها محبش يسلكوا ويقلها ربي يسهل عليك والله حرت وخصوصا انهم كل يظنوه انسان ماكانش كيفوا انا قلقت سخفت نعيش كي ناس سخفت نخرج نذكر بلي راني ديت العلطة ودرك نبقا في الدار برك نتغم وزيد عرس ولد خالتي قرب وحنا نهشموا بح منروحوش ناس كل يروحوا غير هنا ولوكان رحنا على دقيقا يشيطنا وراحا واصلا لازم تروح غير ماما وحنا نبقاو نخدموا فيه خويا مسكين مشيطوا متدخلش ومتخرجش ومتروحش يدل مبخص بيه ولوكان شافوا اتصل بيه واحد من اقارب امي قالوا على حاجا ودارهالوا ميحكيش معاه وراحوا ويشيطوا عيها بصح هو يظل يستغل فيهم قلهم يديرورولي ويجيبولي وهوما يحترموه بزاف يديرولوا كلش كرهت انا نكتب ونبكي غاظتني ماما لحياتها كل وهي في لمزرية غاظتني روحي كي نشوف لبنات كل لاباس بيهم يدخلوا يخرجوا انا نعيا نحاول بح نخرج دقيقة ماكانش ربي يفرج عليا انصحوني وهذا لحكيتو او شوي برك من معاناتي

[AMINA.Z]

و الله يا اختي ربي يفرج عليك

ادعي ربي ما ييحبسكش من القرايا كي تجيبي الباك و ما يخليكش تروحي للجامعة

هادا باباك و ماش راحمك و ما بالك بالبراني

انا نقولك هاد الشيء كامل ما يهمش بالمقارنة مع قرايتك

ربي يهديه ان شاء الله اصبري و ادعي ربي

[khadoudja15]

ياااا اختي واش انقولك
انتي جيتي بنت والبنت طبيعي مكانها في دارها ونجمو نعدروه ونقولو راه خايف عليك
البلا راه بلا اخواتك مساكم الي طبيعي يدخلو ويخرجو ويعرفو الرجال
انتي صبري يجي نهار وين يتفك اسركم ويحن باباكم ويعرف غلطته
نصيحة اختي غير راه قدامكم يكفيكم بزعافه وبتزياره وحمدو عليه ربي راهم بزاف الي يتمناو لوكان غير جاو عندهم باباتهم ويديرو اكثر منلي داير باباك وحلو عليهم
الله يعطيكم الصبر وساعفوه انتي روحك قلتي راه كبير وهاذي هي حالت الكبير

[insaf mellal]

ربي يفرج عليك

[سامو حنان]

اختي عزيزتي احمدي ربي انك تعرفي تقراي عائلتكم عائلة طيبة ماتكونيش سلبية شوفي دائماً للجانب المشرق من الصورة ،، و كل إنسان لازم يخصوا حاجة احمدي ربي انه باباك يخاف عليكم ،، كاين بنات يتمناوه ،، أما بخصوص أمك صدقيني ربي يجازيها على صبرها ،، ماتفكريش بزاف (((( ان بعد العسر يسرا)))) ،، اصبري و احمدي ربي على النعم ديالو باش مايروحوش ،، الله يسهل سلااام

[محمد جديدي التبسي]

أظن أن والدك مليح ربما هو متشدد معاكم انتم البنات نظرا لما يرى في المجتمع
حاولي تتقربي منو وتخليه يوثق فيك أكثر وبالتالي سيسعى لإسعادكم .. ربي يوفقكم

[lilyann]

ربي فرج عليكم كنا عايشين نفس الحاالة بالضبط و الان الحمد لله كبرنا وخدمنا وعدنا نخرجو وروحو لافامي اصبري برك وركزي مليح في قرايتك ادي الباك من تم تعودي تخرجي شوية

[المذنبة التائبة]

http://www2.0zz0.com/2011/11/06/03/144890242.jpg

السلام عليكم أختي الفاضلة ادعي ربي يفرج همك و يهدي أبوك
وأنت بدورك حاولي أن تتقربي منه وتهديه.

[سَلْسَبِيّلْ]

انا نتمنى نكون في بلاصتك و يديرلي بابا هكذاااااا
و الله احمدي ربي باباك يخاف عليك هكذا و مهتم هكذااا و يبقى هذا ابوكي

[سلاف26]

اختي حين ترين بنات أبوهم ميت ستحمدين الله على نعمة الأب مهما كان و مهما كانت أخطاؤه
أدعيلوا ربي يهديه و أيضا عليك تقبل شخصيته و التعايش معها و ربي يرزقك زوج صالح يخرجك و يحوس بيك ان شاء الله

[هيا الجزائر]

بخصوص حرص والدكـ علـى عدمـ الخروج
كل قال يخاف عليك
و حتى أمهآ يعني كي تروح تزور امها وميخليهاش تاني يخاف عليها؟
هآذي عقليات مشي خوف

شا نقولك ختي
ربي يفتح عليك من بابه الواسع
بزوج يقدر يعوضك كل شيئ تفتقدينه

واكثر شي انه يكون يحترم اهلك

[ayaamira666]

سبحان الله الطفلة تقولهم انا مغمومة و امي كيف عايشة في ميزرية و انتم تقولو راكي لاباس و راكي و ......
واش انقلك اختي لست وحدك يوجد الكثير من الاباء من هم مثل ابوك و اكثر يوجد حتى من يحرمهم من الدراسة و ابسط متطلبات الحياة
انت ادعي ربي و ربي انشاله يهدي باباك

[نورالدين ن]

لكل انسان مساوئ ومحاسن ابحثي عن محاسن والدك
حتى لو كانت واحدة وعيشي مع الامل وجددي حياتك باشياء اخرى
سوف يذهب عنك الهم ان شاء الله.
بعد العسر ياتي اليسر ان شــــــــــــــــاء الله

[soumia bougaa]

رانا في نفس لعمر

اختي انا بابا نفس الشي لكنو شوي مشحاح على باباك هههههههههه

انا تاني بابا محرم عليا الخرجة ولعراس جامي حضرتهم

بدليل بنت خالتي رايحة تتزوج هاذ الصيف شم رايحة نحضر

انا نقولك عادي بالعكس كيما تقولي ماما

احمدي ربي يجي نهار الي يروح وتتمنايه يرجع ماعليش كيما كان المهم يرجع لينا

ومابقالناش بزاف ونطلعو للجامعة وان شاء نقرا ونتخرجو

وربي سبحانو هو الي رايح يفرج

ربي يوفقني وييوفقك اختي لعزيزة

[ام نسمة]

مالقيت واش نقولك غير ربي يهديه ويخليه تاج فوق راسك ياريت لوكان جا عندي اب كما ابوكي انا لبست دخلت وخرجت عرست حوست لكن راني محرومة منو وهو حي .................

[mrmilano1984]

اسمحلي مع كل احتراماتي ليك هذا ماهوش قاع عبد صراحة دعونا من النفاق ولنقل الصراحة هذا مزير فوق اللازم ومريض نفسيا

[Assouma 93]

عليك بالصبر و الصلاة فقد اوصى بهم الله سبحانه و تعالى و عليك ان تحمدي الله لانك متفوقة بدراستك و انه لم يمنعك من المواصلة يجب ان تسايري والدك و ان كان الامر صعبا عليك انه يتصرف هكذا ربما لانه تقدم في السن ادعي الله ان يرزقك زوجا صالحا و ان يفرج الهم على اخوتك ربي معاك و الله يهدي باباك

[wafa16]

تكملو هكدا تخرجو مراض و الا مهابل
الانسان اجتماعي بطبعه لازم يخرج و يتلاقى الناس و يدير معارف
و اللي يقولو الدنيا و الزمان يا سبحان الله ما يقدروش يروحو للعرس مع يماهم و الا يروحو زيارات للعائلة
ابوك متشدد فوق اللازم و الغلطة تع يماك لانها كان لازم تدير حدود من الاول لانه شريك حياتها و هي ولفاتو الله غالب كاين نساء مش مطيعات برك لكن عندهم خنوع و قابلية للادلال
انتم ولادو و بناتو ما عندكم ما اديرولو درك لانو باباكم و ما تديوش دعاوي الشر و ما تقدروش تبدلوه في هاد السن
المهم غدوة كي يولو عندكم ولادكم ما تديروش معاهم نفس الاخطاء و لا ترجعو فيهم العقد ديالكم

[ميمنة الجزائر]

مهما يكن هذا والدك وربي وبالوالدين احسانا مهما كان راهو باباك

[سماح 2]

الله يعلم اختي
اناا في مثل سنك
وأبي كدلك وااعر بزااف
ما يخلينااش نخرجوا صح ولا يديرلنااا بورطابل ولا شيئ
مي نروحوا نعقب عطلة ونروحوا للاعرراس للاقارب فقط

نت اختي راه بقاالك عام عقبيه وتهنااي وان شاء تفرج علليك
وتلقااي ولد الحلاال
وطروحي للجاامعه

انت فقط اصبري
مثلي تمااما
فاناا صاابرة

[مرام مريومة]

شوفي ختي واقيلا باباك ماراهوش مليح... بصح أنا نقترح عليك طريقة فعالة ...سيي كانش نهار بكيله و هدري و فرغيله كامل واش راكي تحسي و هو طبعا ما يهونش عليه يشوف بنتك مغبونة