نحكي معاه ولا لالا

[مشكلتي]

السلام عليكم

نتمنى اتقولولي اسكوو راني غالطة ولا لالا

واحد النهار عندوو هدا النهار شهرين عمي شاف خويا سكران جا عمي لبابا وقالوو هالوو جابلنا خويا سكران مع العلم انا عمري 17 وهوا عمروو 24 هداك النهار عقب علينا جحيم كامل انا من هداك النهار وانا نبكي جامي توقعتها من عندوو مكنتش دايراتوو كامل يديرها جاتني صدمة كامل صدمنا مي انا مقدرتش ننسى وانا من هداك النهار محكيتش معاه كامل ساعات وين ناكل معاه غير ادا اصرت عليا ماما ولا بابا انقلهم راني كليت ديما انحاول باش ما نقعدش معاه المشكل دركي انا منيش نحكي معاك ولا ناكل معاه كامل حابة اتقولولي راني غالطة ولا لالا حاولت انسامحوو مي مقدرتش طول نتفكر هداك النهار ربي يحفضكم جاوبوني

سلام

[الرڨيڨ]

راكي غالطة في قسوتك عليه يا اختي ما كانش اللي ما يغلطش

هذا اخوك و من واجبك ان تتكلمي معه و تنصحيه و تشوفي علاش عمل عملة مثل هذا لانك تقولين لم اتوقع منه ذلك يعني هو ماشي تاع هذه الاعمال

ربما ضعف ايمان منه لعب الشيطان به ربما عنده مشكلة نفسية او اجتماعية او عاطفية

صارحيه بالحسنى و ان شاء الله ربي يجعل الخير

[nouna l maghbouna]

و علاه ربي يسامح و انتي ماتسامحيش?
هذا خوك و غلط سامحيه و انساي
ربي يهديه ادعيلوا في صلاتك

و اتكلمي معاه عاادي ماتعرفيش ظروفو او السبب اللي خلاه يسكر

[sali-sali]

السلام عليك
يا اختي راكي صبرتي ماحكيتيش معا خوك
لو انا مانقدرش
احكي معاه..وحاولي تنصحيه

[Dj BoBo]

بالعكس

لو أنتي ما حكيتيش و ماماك ما حكاتش و باباك خاصمو

راح تزيدو تأزمو الوضع و يحس نفسو منبوذ

و راح يرجع لفعل تلك الأفعال و ربما أكثر

أحكو معاه عادي و بينولو بلي راكم تحبوه و راهو مهم عندكم

و ربي يصلح حالو و إن شاء الله ما يزيدش يكررها

[luky]

اي انسان خطااااء
اما المسامحة فامر عادي لانه اخوك واكبر منك وتصرفك معه غير لائق بالمرة
المسامح كريم يا اختي

[نسمة تفاؤل]

راكي غالطة لان كل بني ادم خطاء وخير الخطائين التوابون والكمال لله كامل نغلطو ننصحك تهدري مع خوك وتحاولي تنصحيه

[TOKYO]

بالعكس يلزم تزيدو تتلمو مع بعض و جربو تحكو معاه و تحاولو تشوفو مشاكله و وين راهو حاصل في المشاكل و اصحابه
ادا كل واحد جبد روحو او خلاصت عليه خوك و يعود للاسواء اكثر و اكثر
ربي يهيده و يهدينا جميعا

[naamane3]

هو اخطأ مرة بشربه للخمر
وانت أخطأت عامين كاملين
بتهمة قطع الرحم
قارني بيناتكم وشوفي
ماهي أكبر معصية

[ايمان نور الجزائر]

يا اختي واذا هو غلط وتاب ماعليهش سامحوه وتاني عاونوه باش ما يزيدش يعاود دوك اذا شافكم قع ما تخالطوهش وزعفقانين منو راه يقطع الامل بالحياة واصحاب السوء يغلبوه

[صالح القسنطيني]

السلام عليكم


سأحدثك بما اعيشه و اشهد الله على ذلك و أن ما اقوله حق و صدق

هو صغير سن ربما 18 سنة أوأقل رزقها الله به وحيدا بين عدد من البنات ربما 8 لست متأكدا و لكنهن أكثر من ستة بنات قطعا هذا الفتى في وسط عصبتهن خرج عاقا لوالديه سكيرا حالته فاقت حالة اخيك و لكن الذي حيرني أنه على صغره كثير المشكلات و الخصومات ليلا و نهارا و أمه المسكينة و أخواته كلما خاصمه أحد خرجن للدفاع عنه و لو كان سكيرا، و قسما بالله قسما مغلظا أنا أبصرناهن يجابهن حملة ((الأسلحة البيضاء)) دفاعا عن أخوهن.

لست بهذا اقول لك افعلي ما فعلن لأنهن على خطأ و لكن انظري لهن كيف لم يفرطن في أخونهن الوحيد و لو ضحين بأنفسهم و أولئك البات طيبات في جملتهن أي بعيدات عن الفساد.

فهذه كانت تلك حالتهن مع المصر على شرب الخمر

فاين انت منهن مع اخوك الذي فهمت انه قد اقلع عنه



و لكن اذا لا يزال يشرب الخمر فاهجريه اذا كان هجره يأدبه و لا تهجريه إذا كان هجرك له يزيده الفتن .

[المنديل الابيض]

الموضوع فات ومالزومش تقاطعي خوك اكثر من ثلاث ايام
كامل نغلطو و ربي هو لي يحاسبنا
صالحي خوك و انساي الحكاية و ربي يهديه

[المذنبة التائبة]

السلام عليكم
أختي راكي غالطة من الاحسن أن تتكلمي معاه و تتقربي منو وتحاولي تساعديه باه يتخلى على شرب الخمر وتدعيلو ربي يهديه انشاء الله ومتنسايش بلي راه خوك ولازم عليك توقفي معاه ماشي ضدو.
وربي يهدينا انشاء الله.

[hadjadj7283]

ربي يغفر و يسامح و أنت علاه كل هذه القسوة بل العكس احكي مع أخيك و ما تحسيهش بالذنب و ساعديه على التوبة و الرجوع إلى العائلة و إلا تخسرونه للأبد

[lynda larosa]

سامحيه لكن ما تبينيلوش
اذا هو ماستعرفش و مطلبش منكم السماح و خاصة والديه و نتي ماتبينيلوش بلي سامحتيه
هدا رأيي لأنو لو كان تسامحوه هذه المرة بسهولة ينجم يعاودها

[moha75]

أصبت ثم اخطات،
أصبت عند نكرانك لخطئه وهجرانك له يومين أو ثلاثة لعله يحس بعظيم ذنبه،
وأخطات لطول مدة هجرانك له ،
فمهما كان هذا أخوك وقد أخطا مرة واحدة،
لذا لا يمكن الحكم على الشخص من خطا واحد،
ومن منا لا يخطأ؟
المهم أن يكون قد أقلع عن معصيته هذه،
وهو بلا شك يحتاج إلى نصحك وإن كنت اصغر سنا منه،
فالعبرة بكبر العقل لا بالسن،
لذا حاولي أن تسامحيه فلعل توبته صادقة ولها قبول من المولى عز وجل،
تقربي منه وحاولي ان تكسبيه لا أن تخسريه،
والشاب في مثل هذا السن الحساس يخطا كثيرا و يحتاج لمن يقف يجانبه و ينصحه،
لا تجعلي قلبك قاسي فهذا اخوك لا غير.
ربي يهديه للطريق للمستقيم ويؤلف بين قلبيكما إن شاء الله.

[islam girl]

و الله ما نكذب عليك


لوكان جيت في بلاصتك ما نهدرش معااه


انا نقلك ابقاي هكذاك مدة لغياة ما يحس بالذنب تاعوا صح صح و يطلب السماح و تشوفوه رجع كيما كان


و ا لا راح يولي لعادتو

[سلاف26]

صلي و أدعيلوا ربي يهديه و يعافيه و قولي لماماك ثاني تكثرلوا من دعاوي الخير
و مهما كان يبقى أخوك

[سماح 2]

خوووك خوك لا يغرك صااحبك
أختي اخووك كدلك صغير ويمر بسن صعبة

لا تزيدي الطين بلة
وساامحيه
لان الله يساامح فلمااد المجتمع لا يساامح

[الفاتحة]

يا اختي الخمر ام الخبائث ، وتفقد الشخص عقله فيأتي تصرفات لا تخطر على بال ، طبعا لانه فاقد لعقله ، أنصحك أن تتوخي الحذر من اخاك فلربما اعاد الكرة وإن كانت المرة الاولى ، فالاولى تاتي بالثانية والثانية بالثالثة وهكذا ........خاضة إذا لم يأخذ حظه من التانيب والتوبيخ من طرف والديك فسيستسهل الامر ويعاودها ....عموما ربي يهدي أخاك وتكون المرة الاولى والاخيرة .......بالنسبة لك ، ارجعي لاخاك وتكلمي معه لكن حاولي ان توصلي له عن طريق تصرفاتك معه رسالة بانك غير راضية ولن تكوني راضية عما فعله ، والله الموفق

[حميد.ص]

قد يطول الامر بالنسبة ايك لكنكي ستنسين في نهاية المطاف...............انه النسيان