أرجوا المساعدة في الرياضيات بليززز

[hamadham]

أريد حل لهذه الأسئلة من التمرين الله يخليكم ....التمرين يقول
f(x)=2-5x/x+1 و ليكن (cf) منحناها البياني
1- عين نقط تقاطع المنحنى (cf) مع محوري الإحداثيات
2- بين أن المنحنى يقبل مماسين معامل توجيه كل منهما 7-

أرجوكم حتى و إذ لم تستطيعوا الإجابة فهموني فقط السؤال أو كيفية تعيينهما (مبن نجيبهم) الله يخليكم و جزاكم الله خيرا

[happiness]

خويا عاود اكتب مليح الدالة

[happiness]

ولا اكتب كامل التمرين باش نفهم ونعاونك

[happiness]

يا صاحي السؤااااااال اين انت

[algerienne92]

انا نقدرنحلك لاليميت تاع الدالة وجدول تغيرات هههه هادا ماني فاهمة في الدوال

[happiness]

بصح اصلا الدالة ماهيش مفهومة نتي فهمتيها اختي
ولا انا لي مافهمتش

[algerienne92]

نو يا اختي مفهومة على ما اضن f(x)=2-5x/x+1 راهي على شكل كسر يا اختي HAPPINESS

[nada nadouche]

الدالة راها دالة كسرية 2-5xعلى x+1

[nada nadouche]

نحلوها مع بعض ؟؟؟؟؟؟؟؟؟؟؟؟؟؟؟؟؟؟؟؟

[machine22]

الدالة راها دالة كسرية 2-5xعلى x+1

نقول y=0 او x=0

5x0-2 على 0x+1
-2 على 1

نحل في y

5x-2=0
اي
5x=2
اي y=0.4

عين نقط تقاطع المنحنى (cf) مع محوري الإحداثيات

A (-2/1,0
B (0,0.4
هذا حسب ما فهمت اخي لان السؤال غير واضح

[hamadham]

machine22 شكرا جزيلا لكل من حاول حلها لكن أخي نقط تقاطع المنحنى مين جبتهم قصدي كيفاش تحصلت عليهم ؟ و بارك الله فيكم

[صبرينة 2023]

يا اخي نقاط تقاطع طبق قانون
دير مع (yy') نضع x=0 أي تعوض في الدالة الي عطاهالك بصفر (0) f
راح تلقاها 2- وتكتب cf يقاطع yy' في 2- ، 0 بصح دير هذوك الرموز نتاع تقاطع راني ماعرفتش نكتبهم هكذا لقيتyy
ظرك ندير مع xx' نضع y=0
هنا الدالة كامل تساويها للصفر أي 0=(f(x
هنا كي تساويها للصفر راك تساوي غير البسط أي 5x-2=0 ,
5x=2
x=2/5 النتيجة 2على 5
دير cf يقاطع xx' في 2على5 و 0 دير الرموز اذا تعرفهم ماتكتبش هكذا راهي ماشي صحيحة على خاطر ماعرفتش نكتبلك وهكذا لقينا x
y هو محور التراتيب وx هو محور الفواصل
سؤال 2 :
المشتقة تساويها 7- أي f'x= -7
يخي تعرف تشتق ومن بعد تضرب الوسطين في الطرفين او العكس الطرفين في الوسطين هههه
راح تلقى متطابقة شهيرة نتشرها راني ماعرفتش كيفاش نديرهالك بالميكروا ومن بعد تخرجلك معادلة من الدرجة 2 تحلها بالمميز وتلقة x etx' كل وحدا فيها عدد من بعد تحسب بيهم المماسين وراح تلقى
اذا فهمت قولي سؤال 2 عييت نخدمهولك ماقدرتش

[abdelka22]

راكم خالعيني ....لبارح كي قلتلكم : يادرااا الMAT كاش ريفيسيووا ؟؟؟ :::
واحد قالي ::
-الله ينوب.. المهم المواد الأساسية !
وحداخر قالي ::
-ماني كاش بولون الله يستر و سايي !
و واحد قالي ::
-الرياضيات ملي نعقل على روحي جامي حليت عملية حسابية !
.
.
àmmm
.
.
الشعب راه يطييير فالMat و أنا لا خبر !!!

[صبرينة 2023]

ههههههه بصح راهي تعاون كون ماتخدمش فيها راح كلشي
انا كانوا قراو معايا هذا العام معاودين وسبابهم الرياضيات طفلة دات فوق المعدل في الفلسفة والأدب ودات 1 في الرياضيات عاودت

[abdelka22]

ههههههه بصح راهي تعاون كون ماتخدمش فيها راح كلشي
انا كانوا قراو معايا هذا العام معاودين وسبابهم الرياضيات طفلة دات فوق المعدل في الفلسفة والأدب ودات 1 في الرياضيات عاودت
..
..
أمممم C Vrai أنا ديت 2 العام لي فات ...ما نكدبش عليك راني نراجع فالرياضيات ..بصح راني باغي نروح بالموافقات و الدوال فقط ....Psk المتتاليات جاوني صعاب !!

[صبرينة 2023]

الدوال هوما ساهلين والله حتى المتتاليات ماهمش صعاب تركز شوي برك راهم مجرد قوانين

[algerienne92]

اه والله غير اني خايفة منها لا تضيعني هيا انا نعرف غير شوي في الموافقات والدول نعرف نحل لاليميت وجدول التغيرات هادا ماكان حابة نضمن 5 برك برك هههه

[صبرينة 2023]

علاه يا خولة تضمني في الدوال ليميت و المشتقة وجدول التغيرات ونقاط التقاطع والمماس وايضا نقطة الانعطاف هاذوا كامل ساهلين انا عندي مشكل شوي في الرسم برك

[algerienne92]

علاه يا خولة تضمني في الدوال ليميت و المشتقة وجدول التغيرات ونقاط التقاطع والمماس وايضا نقطة الانعطاف هاذوا كامل ساهلين انا عندي مشكل شوي في الرسم برك


ايه قادر نظمن في هادوك مي مانعرفش ندير نقاط التقاطع والمماس تتخلطلي وتاني نقطة الانعطاف واله مانعرف والله يااختي صبرينة لا قرينا في القسم وزيد مادرتش حتى ليكورر فيهااااا الله غالب فهمت غير وحدي برك

[صبرينة 2023]

شوي شوي برك
نقطة الانعطاف المشتقة وتزيدي تشتقيها يعني ''f
نقاط التقاطع راني حطيت القانون نتاعهم في الصفحة الي قبل هزي هذاك وخدمي بيه طول
معادلة المماس أسهل مايكون خاصة اذا اعطاك عند عدد محدد تعوضي في القانون نتاع المعادلة ومن بعد تعوضي في المشتقة والدالة والله ساهل