اللبنة السورية

[ريماس منة الرحمان]

السلام عليكم ورحمة الله وبركاته هذا اول موضوع لي في المنتدى وحبيت نقدم لكم حاجة خفيفة خصوصا انو رمضان قرب وهي اللبنة السورية حبيتها من نهار بعتتهالي حبيبتي سورية وزدت قريت عليها في الإنترنت فقررت نجربها وصلحتلي وراهي تقدم مع المشاوي او الدجاج المحمر وles fritteبلا ما نطول عليكم نبدأ بالمقادير 4شكاير حليب تاعنا النورمال و5بايط ياوورت nature سخنت الحليب شوية ما خليتوش يفيض حطيتلو شوية ملح وزدت لو الياوورت وخلطت مليح في كاسرونة نيلون لازم تنحيه من الكسرونة الألمنيوم باش يروب ليهليه وتغطيها بشكارة نيلون وحطي عليها غطاء يكون ثقيل وخليها من الليل إلى الصباح تلقايها رابت ولات طبقة وحدة لازم تكوني موجدة قماش يكون كي الشاش باش يتصفى الماء الزائد حطي فيه الحليب الرائب وقفلي عليه يعني اربطي القماش من فوق وعلقيه في مكان وخليه يتصفى حتى الليل حلي عليه وفرغيه في porte manger واقفليها وحطيها في الفريجيدار وشهية طيبة لي تجربها ترد عليا وتعطيني رأيها وفي الخير سامحوني على خاطر ماصورتش العملية وشكرا

[oum radja]

وصفة مليحة بالصح لواش نستعملوها؟

[faizarbh]

يعطيك الصحة اختي انا موالفة نديرها

[kokotg]

يعطيك الصحة الحبيبة

[وردة الهوى]

وصفة مليحة و لكن اذا تعرفي كبة المشوية

[alison dilaurentis]

مرسي حبيبتي

اللبنة معرووفة بزااف فالشاام واستعمالها اختي في بزااف حوايج

نمووت على لخياار باللبنة فوور

تعيشي اختي راح نجربها ونردلك لخبر

[ابوجهاد1]

شكرا
شكراً شكرا
شكراً شكراً شكر
شكراً شكراً شكراً شكراً
شكراً شكراً شكراً شكراً شكراً
شكراً شكراً شكراً شكراً شكراً شكراً
شكراً شكراً شكراً شكراً شكراً شكراً شكراً
شكراً شكراً شكراً شكراً شكراً شكراً
شكراً شكراً شكراً شكراً شكراً
شكراً شكرا ًً شكراً شكراً
شكراً شكراً شكراً
شكراً شكراً
شكراً

[touta2010]

44444444444444444444444444444444444444

[ساندي 28]

يعطيك الصحه يا غاليه ربي يحفظك من كل شر هادا ماكنت نبحث عليه وكنت دايما نبحث في النت عاى اللبنه واش هي عندنا حنا وملقيتش الف شكر اختي لو امكن حطي صورة ليها كيفاش يكون شكلها في الاخير وحبيت سقسيك هي نفسها الي يطيبو فيها محشي الكوسا والف شكرا اختي بارك الله فيك تحياتي

[ريماس منة الرحمان]

السلام عليكم حبيباتي نشكركم على الردود المشجعة اللبنة تقدري تديريها في لي ساندويتش شاورما ولا مع شيش طاووق او المشويات او الدجاج المحمر والبطاطا مقلية حطيها في صحن وقدميها معاهم وتستعمل كذلك في فطور الصباح مع الحليب اطليها على الكسرة وتستعمل في لي كورني تاع العجينة المورقة ونوعدكم كلما نتعلم حاجة جديدة من عند السورية نحطها لكم وبالنسبة للكعبة المشوية مازالت ماعلمتهاليش قالتلي شوية واعرة وفيها خدمة وحبيبتي حامل فماحبيتش نكثر عليها

[djamilach]

اللبنة هي الكليلة الي نخدموها بالحليب الي ريب.وهذه الاكلة كلما اوضعنا الحليب في الكسرونة او ما فاضش انرجعوه كليلة او لبنة راه ساهل ماهل عوض مراح انجيب الياغورت انحضر كيس حليب نتركه حتى ايروب ثم نضعه فوق النار نتركه يبرد وانصفيه مثل ما فعلت الاخت يعني كيما نخدم الفرماج ومثل القوتة التونسية.

[amiramirna]

حنا تان نقولولها الكليلة
و تشبه لفيتا الايطالية نديروها عالبيتزا كذلك

[ام البنات الحلوات]

يعطيك الصحة يا أختي،وأنا نقلك سلميلي على حبيبتك خطراه أنا نحب السورين بزاف و رآهم عندهم ماكلة هااااااايلة

[اسماء منار]

اعطيك الصحة على افادتنا بهذه الوصفة الشهية والف سلامة الى الغالية السورية وبهذه المناسبة نقدم التحية الحارة الى كل الشعب السوري العظيم

[ام سارة 285]

شكرا اختي على الوصفة انا تعجبني بزاف كليتها في المطاعم السوري عندنا ......حبيت نسقسيك على الحليب 4 شكاير جاوني بزاف كيفاش تسخنيهم
و حبيت نقولك اذا تقدري جيبيلنا السلطة اللي يديرو فيها الحمص مرحي بكل التفاصيل هاييلة
و يعطيك الصحة

[halima 17]

:19::19::19::19::19::19::19::19::19::19::19::19::1 9::19::19::19::19::):):):19::19::19::19::19::19::1 9::19::19::19::19::19:

[سامية ربيع]

:mh31::mh31::mh31::mh31::mh31::mh31::mh31::19::19: :19::19::19::19::19::19::19::19::19::19:

[سليلة ذات النطاقين]

بارك الله فيك اختي معليش شوية اضافات:D:D:D
اللبنة هي الكليلة وماما ديما تديرها بالحليب الرايب ثغليه و تصفيه في شاش نضيف وتخليها تشيح شويا ولها عدة استعمالات:mh31::mh31:

[oumayoub]

http://pickooney.p.i.pic.centerblog.net/9cdq1881.gif

[أم محمدين]

مشكورة أختي و الله انتظر فقط أن تكتمل مشاركاتي و أعطيكم وصفة لبنة رائعة سهلة و مضمونة و من خلالها سأجيب على سؤال الأخت التي تسأل على القرعة المحشية هادي جارتي اللبنانية هي علمتهالي

[mounia hse]

merci bien

[بثينة 123]

هايلة بزاف يعطيك الصحة اختي