لماذا زوجي هكدا 2

[مشكلتي]

سلام عليكم خاوتي وخواتاتي لي نصحتوني ومنخفيكش بلامر انو لقيت عندكم الحق
انا هدفي من كتابة المشكلة انو انا انسانة جادة في اوقات ونضحك ونتمسخر في اوقات يعني كلشي بوقتو
البارح قعدت مع زوجي وقتلو يا زوجي يا حبيبي لازم نفكرو بلمستقبل نقراو العواقب ندرسو حياة بنتنا حياتنا قاعد يستهزء منكدبش عليكم نضت وخليتو
انا نحب نضحك معاه ومرات تصدقوني والله غير كي دراري صغار نبداو نجياحو بصح في وقتها
خصوصا اني عذراتو معندوش خياتو بنات وهو صغير في دارهم يعني راه 26 سنة بسلامتو
بصح مرقها مرات نزعف بصح كي نشوفو نضحك وحدي وحدي
المشكل والو ميخممش كامل في المستقبل الا دراهمو يخلصهم صباح عشية راحو غير في السقايط وحوايج وخلاص
انا برك شهريتي نخبيها نخلص التريسيتي الما الغاز التليفون ونريح ومرات نخبي منكدبش عليكم وكي نهدر معاه يقولي متحبيش التفحشيش
مشي غير هكا وبرك كي نروحو لدارنا ولا لدارهم ميرحش مع الرجال يروح لبنتو ولا يقعد يضحك ويدير في النش
منين نغمزلو باش يريح كي الرجال يقولي ايا شوفوها راها تكحل فيا ويديماري يضحك بلا معنى
وكي نروحو لدارنا لازم انا نحط الماكلة ونحطلو ليه هو بزاف باش يرضى صينون يزعف
والله يا خاوتي غير تامنو غير نعاملو كيف دراري صغار مدللاتو لاخر درجة
بصح ربي يهديه هو ميفكر بحتى حاجة
هو صح في العمل جاد ومرات نحسو بلي صح راجل بصح وش ندير نص حياتو رايحة خسارة قصدي جياحة وضحك وماكلة ولبسة وهي رايحة
انا فكرت كي يجيب شهريتو نحيهالو ونخبيها ونخليه هكداك يصك
معرفتش المشكل ادا راجلي نية ولا عقليتو هكدا ولا منعرف
راني نفكر ندخل معاه فلخط وتتخلط وكيما جات تجي بلاك يتسقم ومنعرف
ربي يخليكم خاوتي نتمنى ربي يحققلكم وش راكم ناويين

[wafa16]

راني فاهماتك الراجل مليح يكون يضحك في دارو و يخلق جو مرح لكن كل حاجة عندها حدود و لازم اوقات يكون فيها جدي
و يتعلم يصنع لروحو هيبة و يريح مع الرجال راني نحكي هاكا لانو خالي كانت عندو نفس هاد التصرفات و الكل يحبوه لكن ولادو عادو يحشمو بيه كي يخلي لكبار و يقعد يتمسخر مع الصغار
قضية الشهرية ادا اقدرتي تستلمي نتي مصروف البيت يعني يعطيك الشهرية و انتي تتصرفي ادا تعرفي تقتصدي كيما راكي تقولي لانو لازم تتعلمو تقراو للزمان و تخبو راهي عندكم بنت صغيرة لازم تضمنيلها المستقبل ديالها
و ملاحظة برك راجلك مازالو صغير 26 سنة تع هاد الوقت ماشي كيما تع بكري مازال ما نضجش مليح و مازال الدنيا ما علماتوش

[صُبح الأندلس]

سأكون صريحة معك أختي
زوجك مازال صغيرا على الزواج و لهذا لا يتحمل المسؤولية و مازال يعيش طفولته
ممكن بعد 10 سنوات الأمور تتحسن يعني لما يكبر قليلا فلا تتعبي نفسك
هذه هي المشكلة الشاب بمجرد أن يصبح لديه دخل يطلب من أمه تزويجه و لو كان في العشرين
الزواج مسؤولية قبل كل شيء

[kaderkader1541]

سيكبر حتما عندما يبدأ يغار عليك
موظفة و في وسط الاختلاط
و هو بالنسبة له عاااادي
حتى يغار عليك كزوجة بعدها ناقشي مزاحه و تهوره و عدم جديته

[* الحلم سكر *]

السلام عليكم ...
يا اختي خليه يعيش حياتو معاك و في دارو خير ما يبحث عليها برا ما تحصريشو كثير ...
و من ناحية أخرى عندك حق تخمي في مستقبلك بالهدوء و بفطنة تفاهمو قبل ما يبدا يصرف الشهرية خبو منها كذا على جهة و شوية الناس الزوالية و الباقي عيشو أختي الحياة مرة مادام واحد ماهوش يغضب ربي علاه ما يزهاش و يفرح
امشي غير بالعقلو ربي يهنيك يا رب

[كغومة]

السلام عليكم ...
يا اختي خليه يعيش حياتو معاك و في دارو خير ما يبحث عليها برا ما تحصريشو كثير ...
و من ناحية أخرى عندك حق تخمي في مستقبلك بالهدوء و بفطنة تفاهمو قبل ما يبدا يصرف الشهرية خبو منها كذا على جهة و شوية الناس الزوالية و الباقي عيشو أختي الحياة مرة مادام واحد ماهوش يغضب ربي علاه ما يزهاش و يفرح
امشي غير بالعقلو ربي يهنيك يا رب


لن أزيد على نصيحتك حرفاا لانك قلتي وكفيتي ...

[peaceful spirit]

سيكبر حتما عندما يبدأ يغار عليك
موظفة و في وسط الاختلاط
و هو بالنسبة له عاااادي
حتى يغار عليك كزوجة بعدها ناقشي مزاحه و تهوره و عدم جديته


لماذا تستغل في المواقف لتسريب افكارك بشان عمل لمراة حبيت ترجع الرجال كامل يفكرو كيما انت يعني انت في رايك المشنكل كامل سببها المراة و عملها و من ادراك انها تعمل في وسط مختلط
في بلاصة ما تقدملها النصح بديت تهدر في موضوع خاطي خلاص المشكلة لا و زيد انقصت من رجولة زوجها لا حول و لا قوة الا بالله

[slaheddine]

السلام عليكم ياختي زوجك يحتاج الى اعادة
تقييم لحياته
و تحديد اولوياته
ويكون ذلك بتحديد نمط شخصيته
فحص مفهموم مؤسسة الزواج لديه
فحص العلاقة بينكما
تقييم قدراته و مهاراته في تربية الابناء
و الامر يشملك انت ايضا
بعدها تحديد برنامج ارشاد اسري
والله الموفق ، وهو يهدي السبيل

[sali-sali]

السلام عليك
من جهة نعطيك عدر
لانو مش كل الوقت ضحك و لعب
لكن حاولي مع الوقت توصليله الفكرة نتاعك....26 عام مزالو شويا
وربي يصلح الحال

[kaderkader1541]

لماذا تستغل في المواقف لتسريب افكارك بشان عمل لمراة حبيت ترجع الرجال كامل يفكرو كيما انت يعني انت في رايك المشنكل كامل سببها المراة و عملها و من ادراك انها تعمل في وسط مختلط
في بلاصة ما تقدملها النصح بديت تهدر في موضوع خاطي خلاص المشكلة لا و زيد انقصت من رجولة زوجها لا حول و لا قوة الا بالله
كل رجل يتزوج عاملة وسط الاختلاط لا يخرج عن هاذين الصنفين
صنف لا يغار
صنف طماع
اما عن قولها
فهذا كلامها هي و ليس كلامي انا
السلام عليكم انا فتاة عندي 23 سنة
مزوجة عندي سنة ونصف بتقريب نخدم موظفة في الولاية زوجي مقاول
المشكل مش هنا يا ناس راجلي جايح عفوا من هاد المصطلح بصح خلاص يتصرف تصرفات صبيانية
ادا درت العشا لازم ياكل هو بزاف عليا
ولا شرا التفاح يشوف وينها الكبيرة ويديها
مشي هنا وبرك فدار يقضي وقتو غير مع الضحك والسخرية نهدر معاه بجدية ينوض يقلي نكت ويستهزء
وكي نمشو لدارهم الرجال يقعدو مع نساهم الله الله وهو يلعب مع الدراري الصغار البالون ولا يتمهبل
ويدا متفكرتوش في عيد ميلادو يزعف وميهدرشي معايا
ويدا شافني رفدت بنتو علاش ترفديها وتحبيها كتر مني
ويدا شافني نوكل فيها يقعد قدامي ويقولي وكليني ويبدا زعما يبكي كي دراري صغار
مرات نزعف ونقلب الدار بصح كي نشوفو يحكمني الضحك من تصرفاتو
علاش مع صحابو وفلعمل جدي ومعايا عقلو ناقص
مرة جاني للخدمة بهدلني قاعد يقول لصحاباتي مرتي شابة عليكم ويضحك ويتفايض
ويدا ركبنا في سيارة البوسط يتسمع من بعيد مرة حبسونا الجدارمية عمبالهم سكران ولا انا صحبتو
كي نقولو بدل تصرفاتك يقولي راني زاهي بيك علي تربيت وحدي ومعنديش خوتات بنات
نعذرو بصح يماه تاني منين نروحو تسلم عليا وتقولو ايا وليدي عندي هع تصرف مخجل مافهمتش انا كيفاش نبدلو
صراحة راني حاسة انا راجل الدار
دبرو عليا متقولوليش برك طلقي منيش حايبة بيتي يتخرب

[محمد جديدي التبسي]

بما أنك أوعى منه فعليك أن تعرفي كيف تؤثري عليه وتوعيه بمسؤولياتو وبقيمة الحياة وما يجب أن يعيشه المرء
ربما خطوة لو تجربيها إرضاء لله أولا وهو أن تخبريه أنك تريدين التوقف عن العمل ربما ستكون هذه بداية جيّدة لمعرفة أي الرجال هو؟! ربي يعينك ويهدي زوجك

[you92cef]

زوجك يخفي وراءه شيء
قد يكون هموم او قد تكون تجارب قاسية مر بها يحاول ان ينساها
كل هده الامور كونت شخصيتته
كل ما في الامر هو تحسين بعض سلوكياته لا اكثر ولا اقل وهدا يتطلب مناقشة بسيطة وصريحة بينكما بدون شجار ولا هم يحزنون
هدا بحسب علمي والله اعلم

[الفاتحة]

لا أدري لماذا تقولين عن زوجك أنه جايح ، من المفروض وإن كنت تسردين مشكلتك دون ذكر اسمك إلا انه بينك ويبن نفسك يجب ومن حقه أن تحترميه ، لا تنظري لزوجك نظرة احتقار وازدراء واحمدي ربك أنه ليس سكيرا أو زير نساء أو مشكالجي أو....، يمكن حضرته كثير المزح هذا لا يضر يا أختي ، فقط حاولي تقبل شخصيته كما هي ....


أما عن المستقبل ...وأنت تعلمين أن الحاضر يسبق المستقبل فحاولي اقناعه باكثار الصدقة ومساعدة الفقراء وانت افعلي كذلك ولا تخاف على المستقبل اطلاقا .....الله الموفق

[moha75]

26سنة مزااااال صغير ما تتقلقيش منو ،
لكن سنه هذا ليس عذرا لأن يغفل عن تأمين المستقبل،
الرجل يجب يضحك ويلعب من زوجتو ،
وخصوصا إذا كان اتحرم من طفولتوا،
وبالعكس أجمل لعب مع الزوجة،
لأنو كاين رجال في الدار دائما مكشر 24 /24
ولما يخرج من الدار تصيبيه يضحك و يمرح.
يعني من جهة الضحك نقطة إيجابية في زوجك،
المرأة هي من تصنع الرجل وتجعله سويا وذا فائدة،
لهذا لا تيأسي وحاولي مرة ومرتين،
والحمد لله ان أحدكما يفكر بالمستقبل،
خير من أن يكون كلاكما سواء.
ربي يفتح عليكم بالخير والعافية.

[123boutheina]

السلام عليكم
تجنبي تحمل مسؤولياته، او إبداء قدرتك على تدبر كل امور حياتكما وحدكِ واشعريه انكِ بحاجة اليه وأن هناك امورا لا تتم بدونه
وأنك ضعيفة او غير قادرة على القيام ببعض الأمور بمفردك
ولا تقلقي ي الغالية لانه سرعان ما سيتغير عندما يتحول من رجل عادي إلى أب
وفقكما الله

[نورسين.داية]

السلام عليكم

خوفي ان الموضوع يحتاج إلى فتوى شرعية و الله أعلم

لكن في رأي شخصية زوجك رائعة ......بالعكس هذا النوع يسهل التعامل معه .......الأهم في الموضوع أن يكون واعي بأمور دينه و مسؤولياته خصوصا كما ذكرتي في مجال العمل الجدية ...........أحب هذه الشخصية ...و احترمها

تبقى بعض الأمور ....سوف تتغير بعامل الزمن ............و لا تنسي أن الرجل يبقى دائما دلك الطفل الصغير في داخله ...........

عموما وفقكي الله أختي

[الرڨيڨ]

سيكبر حتما عندما يبدأ يغار عليك
موظفة و في وسط الاختلاط
و هو بالنسبة له عاااادي
حتى يغار عليك كزوجة بعدها ناقشي مزاحه و تهوره و عدم جديته


ساسالك سؤال اخي الكريم لو انه الرجل عنده مشكل سكن مثل اغلب الرجال و زوجته ساكنة معاه في دارهم يعني مع اخوته الشباب هل هذا اختلاط ام لا انه اكبر فتنة الرسول (ص) قال الحمو الموت ربما هم اخوة الرجل لكنهم بالنسبة اليها غرباء و رجال و هي بالنسبة اليهم امراة غريبة و تعيش معهم في بيت واحد انا اظن ان هذا اكبر دمار نعيشه

ارى ان الاختلاط في العمل ارحم على الاقل في العمل كل واحد شاد بيروه و يعمل اللي ما تحبش تخالط و تدير احترام لروحها واحد ما يدنا ليها

[sstolga]

26سنة مزااااال صغير ما تتقلقيش منو ،
لكن سنه هذا ليس عذرا لأن يغفل عن تأمين المستقبل،
الرجل يجب يضحك ويلعب من زوجتو ،
وخصوصا إذا كان اتحرم من طفولتوا،
وبالعكس أجمل لعب مع الزوجة،
لأنو كاين رجال في الدار دائما مكشر 24 /24
ولما يخرج من الدار تصيبيه يضحك و يمرح.
يعني من جهة الضحك نقطة إيجابية في زوجك،
المرأة هي من تصنع الرجل وتجعله سويا وذا فائدة،
لهذا لا تيأسي وحاولي مرة ومرتين،
والحمد لله ان أحدكما يفكر بالمستقبل،
خير من أن يكون كلاكما سواء.
ربي يفتح عليكم بالخير والعافية.

انا مع الاخ ويجب عليك الصبر يااختي فكري فالحاضر ومنبعد المستقبل

[mitrochka]

جازاك الله خيرا أختي
يبقى رأيي في زوجك هو نفسه
أنسان ذو شخصية جميلة و سلسة

ما يحصل من مشاكل يمكن أن تتفاهما عليها
و لكن أحصلي على طريقة النقاش فقط

وفقكما الله تعالى

[جمال المهاجر]

قريبتي حدث لها ما حدث لك .. و ربما اكثر .. روت لي كل شئ من يوم تزوجت الى يومنا هذا .. لذا ساعطيك كيف عالجت هذه المشكلة ... . .
عالجتها بالصبر و النصيحة الحسنة .. انصحيه و كوني لطيفة .. سيتبدل .. و سينضج .. و سيصبح ان شاء الله زوجا صالحا .. لا تحكي لاي كان مشكلتك هذه ... . . و اصبري .. و احسني اليه .. فانه مهما تعددت فيه السلبيات ، انا متؤكد ان فيه ايجابيات .. مايكون غير الخير .. و اياك ان تقتنعي بانه صغير عن الزواج و و و و ... فهذا هو السن المناسب لنا للزواج .. كونه الحل الامثل لنحصن ديننا .. و السلام