تطبيقي الننننننناجح لغريبية جديدة خايفة تعاينوني

[درة بيتي]

السلام1

وش حوالكم راني جاية من المطبخ مباشرة بعد معركة بالزربة جبتلكم الصور حصريا ليكم ونروح نلم آثار الجريمة قبل مايجي الراجل ونتبهدل راني خايفة تعينوني هههههه وين راكي يا إلهام أدخلي بردي قلبك هههههههه

وا ا ا اع ياشماتة أبلا زازا فيا ههههههه تشفو عليها بدون إطالة إيكم الصور درتلكم سوسبانس قوي فيها براكة ههههه



http://im31.gulfup.com/DM61b.jpg (http://www.gulfup.com/?PNus8M)


وهنا زوووووووم



http://im35.gulfup.com/fQAWR.jpg (http://www.gulfup.com/?hUf37M)

كنت حايرة كيفاه باش يصلحلي الشكل زعما واثقة من المضمون هههه إمالا هي لا شكلا ولا مضمونا :mad: في رايكم و:confused:شي السبب

[ام احمد وصال]

الله يبارك جاتك هايلة مهيش زي الاصلية بصح مليحة والدوق واش هشوشة لاني حابة نجربها

[درة بيتي]

تتمسخري ههههههههه انا حطيتها نزيهي فيكم وش من هايلة يابنتي لاعلاقة بالنجاح هههههههه ربي يهديك إن شاء الله

[OUMSAFI]

تتمسخري ههههههههه انا حطيتها نزيهي فيكم وش من هايلة يابنتي لاعلاقة بالنجاح هههههههه ربي يهديك إن شاء الله
. والله ضحكتينى يا اختى وشفت فيك روحي نفس الشىء سرالي كيما قلت دخلت عليها وانا واثقة كل الثقة انها راح تصلح والغاشى يستنى باه يشرب القهوة بtuktu صنع منزلي ومع اللخر فرشة
وهنه تانى مادا بيا نعرف السبب
ما تزعفيش منى واضحك الله سنك
ربي يوفقك المرة الجاية مى انا ما نعاودهاش

[أم محمد تاج]

منك بالصح ؟؟؟ مايش بنينة
مالا راني معولة نديرها
ماعليش تعيشي وتاكلي غيرها

[أم ماجد]

ههههههههههههه
روزا قالت نديرها
لالا مانخليهاش تخليها علي
اعطيونا الاسباب باه نعتبرو
درة تقيدت بالوصفة ولا خرجت على الطريق ؟ههههههههههههههههه

[درة بيتي]

منك بالصح ؟؟؟ مايش بنينة
مالا راني معولة نديرها
ماعليش تعيشي وتاكلي غيرها

لا:1: لا من ناحية البنة بنينة والله غير طاحو فيها ولادي مساكن هههههههه بصح درتها الحبة صغيييرة فاضت ولت الوحدة قد مطلوع ههههههه ولصقت وحالتها حالة مانفشلكش جربيها انا اصلا كي دخلت نجرب كان مورالي هابط وكنت مديقوتيا إمالا زدنا كملناها هههههه

[فتـ حييةـاة]

راكي سلكتي من العين اختي الصور ماظهرتش عندك الزهر

[*بيتي مملكتي*]

درة أبلة طازا مين هههههههههههههههههه إخرس

معليش حنونة بلاكي ناقص فرينة لأنو لغريبية قبل ما تشكلي الحبات كامل جربي وحدة في الفور إذا هبطتلك معناها ناقصة فرينة و إذا بقى شكلها كيما راه معناها مليحةلأنها مافيهاش خميرة باش تطلع ولا

المهم تبقالك بنفس الشكل اللي خليتيها عليه و تطيب يا ربي 10 د لأنها غير سمن و فرينة ما فيهاش البيض اللي لازمو وقت في القاطو باش يطيب

معليش حنونة المرة الجاية تصلحلك

[درة بيتي]

. والله ضحكتينى يا اختى وشفت فيك روحي نفس الشىء سرالي كيما قلت دخلت عليها وانا واثقة كل الثقة انها راح تصلح والغاشى يستنى باه يشرب القهوة بtuktu صنع منزلي ومع اللخر فرشة
وهنه تانى مادا بيا نعرف السبب
ما تزعفيش منى واضحك الله سنك
ربي يوفقك المرة الجاية مى انا ما نعاودهاش

ر:rolleyes:بي:D يسعدك حنونة علاه نزعف منك ياخي مادام إستعدينا للتلباز أكيد مرة تنجح ومرة تخيب التطبيقات هههههههه وقيلا والله أعلم الخميرة هي السبب هههههه كي فسدتها باش نبدا نتفلسف ههههههه

[فرح.]

يعيطك الصحة ختي

[إلهام07]

أبلا زازا مين ؟ خخخخخخخخخخخخخخخ ماشي غير شمتت فيك أبلا زازا
واه كاش واحد يحط فظيحتو على الانترنيت في الموقع الجزائري الاكثر تصفحا في الجزائر ، هبلتي :confused:
راهي فضيحة انترناسيونال ، تصوري كاين ناس في فرنسا ، مصر ، تونس السودان ........... راهم يتفرجو ويضحكو عليك :D
قالك يوم ليك ويوم عليك ، ضحكتو عليا جات دالتكم وحدة بوحدة :D:D
قوليلي طبقتي الوصفة بحذافيرها ولا كاشما جاتك لحظات إلهام وتجلي جاك تفنين كاشما خلطتي فيها ؟
حابة نجربها بصح راني فرينيت كي شفت التحفة الفنية نتاعك :rolleyes:

[درة بيتي]

ههههههههههههه
روزا قالت نديرها
لالا مانخليهاش تخليها علي
اعطيونا الاسباب باه نعتبرو
درة تقيدت بالوصفة ولا خرجت على الطريق ؟ههههههههههههههههه

هههه:Dهههه خليها تسيييها بصح ماديرش كيما انا 500غ زبدة المرا المراقة مرزاقة ههههههه وزيد قوليلها ماديرش لخميرة والله:rolleyes: غير تقيدت بالوصفة ماعلاباليش أنا وين راه المشكل الله أعلم الخميرة

[درة بيتي]

راكي سلكتي من العين اختي الصور ماظهرتش عندك الزهر

:19:بالاك من النت التصاور راهي قريب تنطق من الجمال هههههه

[درة بيتي]

درة أبلة طازا مين هههههههههههههههههه إخرس

معليش حنونة بلاكي ناقص فرينة لأنو لغريبية قبل ما تشكلي الحبات كامل جربي وحدة في الفور إذا هبطتلك معناها ناقصة فرينة و إذا بقى شكلها كيما راه معناها مليحةلأنها مافيهاش خميرة باش تطلع ولا

المهم تبقالك بنفس الشكل اللي خليتيها عليه و تطيب يا ربي 10 د لأنها غير سمن و فرينة ما فيهاش البيض اللي لازمو وقت في القاطو باش يطيب

معليش حنونة المرة الجاية تصلحلك

هههه:1:هه:mad:هههههه ابلا زازا تع مسلسل ونيس نسيتيها ههههولا ماتعرفيهاش
شوفي والله غير راني تبعت الوصفة حبيبتي بصح فيها الخميرة والله من كثر ما تغششت إستخسرت حتى إنحيها من البلاطو

[*بيتي مملكتي*]

هههه:1:هه:mad:هههههه ابلا زازا تع مسلسل ونيس نسيتيها ههههولا ماتعرفيهاش
شوفي والله غير راني تبعت الوصفة حبيبتي بصح فيها الخميرة والله من كثر ما تغششت إستخسرت حتى إنحيها من البلاطو

درة أبلة زازا نتاع مسرحية واد سيد الشغال يخي تقول (رجاء الجداوي) يا شماتة أبلة زازا فيا و هو (عادل إمام )يتمعكس بيها و يقولها أبلة طازا مين

شوفي حنونتي مادام الوصفة فيها لخميرة تقولك صاحبة الوصفة الخلل وين

لكن إذا حبيتي وصفتي نتاع لغريبية وتقدري تديريها بهاذ الشكل عزيزتي نمدهالك

المهم هذي فاتت كيما قالتلك مارملاس ارحيه و ديريه مع شوية مكسرات و عسل و كعبريه و غطسيه في الشكولا راح يجي بنين عزيزتي

[درة بيتي]

أبلا زازا مين ؟ خخخخخخخخخخخخخخخ ماشي غير شمتت فيك أبلا زازا
واه كاش واحد يحط فظيحتو على الانترنيت في الموقع الجزائري الاكثر تصفحا في الجزائر ، هبلتي :confused:
راهي فضيحة انترناسيونال ، تصوري كاين ناس في فرنسا ، مصر ، تونس السودان ........... راهم يتفرجو ويضحكو عليك :D
قالك يوم ليك ويوم عليك ، ضحكتو عليا جات دالتكم وحدة بوحدة :D:D
قوليلي طبقتي الوصفة بحذافيرها ولا كاشما جاتك لحظات إلهام وتجلي جاك تفنين كاشما خلطتي فيها ؟
حابة نجربها بصح راني فرينيت كي شفت التحفة الفنية نتاعك :rolleyes:

ههههه:mad:هههههه والله وجعتيلي كرشي يامخلوقة هههههههه بردي بردي قلبك ماعليش نستاهل اكثر من هكا
أنعم طبقتها بحذافيرها ولا بالاك راني خلطت ههه حقا تفكرت لباطة لي تع الزبد 500غ كيل:mad:ت بيها السكر درتها معمرة على خاطر هي وقيلا قالت 250غ زبدة 250غ سكر وأنا زعما ضاعفت لا لا إن شاء الله يدخلو لي جربوها ويفيدونا هههههه وتجربيه وتخرجلك التحف تاع الصح ماشي التمعكيس تاعك بغريبيتي

[فتـ حييةـاة]

:19:بالاك من النت التصاور راهي قريب تنطق من الجمال هههههه

تكبري وتنسيها :1:
شوقتيني قعدت داخلة وخارجة حتى ظهرت الصور
هادي هي مرة تصلح ومرة تخيب حتى نتعلمو ملييييييييح بصح راهي كاينة وحدة جربتها وشوفي كي خرجتلها
http://www.djelfa.info/vb/showthread.php?t=1297193

[درة بيتي]

درة أبلة زازا نتاع مسرحية واد سيد الشغال يخي تقول (رجاء الجداوي) يا شماتة أبلة زازا فيا و هو (عادل إمام )يتمعكس بيها و يقولها أبلة طازا مين

شوفي حنونتي مادام الوصفة فيها لخميرة تقولك صاحبة الوصفة الخلل وين

لكن إذا حبيتي وصفتي نتاع لغريبية وتقدري تديريها بهاذ الشكل عزيزتي نمدهالك

المهم هذي فاتت كيما قالتلك مارملاس ارحيه و ديريه مع شوية مكسرات و عسل و كعبريه و غطسيه في الشكولا راح يجي بنين عزيزتي

هههههه:1:هههه إيه صح خلطوهالي لمصاروة يعطيهم رحمة ههههه راني عولت على هكا وزيد عندي البقايا تع القاطو لمكسر والمحروق شوي ووووو نديرهم ونوريهملك إن شاء الله

[scorpionoir]

اليوم نشكي بيك راكي بهدلتيلي الوصفة تاعي اععععععععععععععع
بصح راكي طيبتيها بزااااااااااااااااااااااااااااففف

[scorpionoir]

كاينة الامنيات وام ياسين الزهراء جربوها مييييييييي مفهمتش علاه ماخرجلكمش الشكل؟
راني قلت ما دوروهاش بزاف 2 او 3 دورات برك وشوفو الشكل يخرج

[maramelmess]

درة عاودي ديريها مي بوصفة الغريبية الاصلية

كيلة سمن

كيلة سكر رطب نحي منها زوج مغارف

ملح و ضربيهم بالباتور حتى يبياضو مليح و بداي تحطي الفرينة بالعقل

نصيحة نقصي ديما في السكر لاخطر يهبط الغريبية

و عمرك ما ديريلها الخميرة جربيها و ماتندميش عليا الوصفة

[ساندي 28]

المهم البنه اختى دره يعطيك الصحه

[درة بيتي]

تكبري وتنسيها :1:
شوقتيني قعدت داخلة وخارجة حتى ظهرت الصور
هادي هي مرة تصلح ومرة تخيب حتى نتعلمو ملييييييييح بصح راهي كاينة وحدة جربتها وشوفي كي خرجتلها
http://www.djelfa.info/vb/showthread.php?t=1297193

الح:1:مد لله هههههههه كحلتي نظرك بيها شفتيها ههههههه عادي رانا كامل نلبزو ساعات وساعات نخرجو لعجب إييييييه أنا وين وأمنياتي وين الله يبارك عليها راهي شاف وش جابني ليها شفته التطبيق تاعها يسخخخف الله يبارك

[درة بيتي]

كاينة الامنيات وام ياسين الزهراء جربوها مييييييييي مفهمتش علاه ماخرجلكمش الشكل؟
راني قلت ما دوروهاش بزاف 2 او 3 دورات برك وشوفو الشكل يخرج

إ:rolleyes:سمحيلي حبببتي والله ماكان قصدي هههههه حتى أم كوثر جربتها جات تهببببل وأنا وشبيني
يديا مدقدقين ههههههه والله لوكان معجبتنيش وصفتك مانجربها مانحط التطبيق بصح المنتدى ولى دارنا مانخبيو عليكم والو إسمحيلي مرة ثانية ومانيش رح نيأس حتى تنجحلي بإذن الله

[درة بيتي]

درة عاودي ديريها مي بوصفة الغريبية الاصلية

كيلة سمن

كيلة سكر رطب نحي منها زوج مغارف

ملح و ضربيهم بالباتور حتى يبياضو مليح و بداي تحطي الفرينة بالعقل

نصيحة نقصي ديما في السكر لاخطر يهبط الغريبية

و عمرك ما ديريلها الخميرة جربيها و ماتندميش عليا الوصفة

إن شاء ا:1:لله حبيبتي بصح ماشي اليوم ولا هاذ الأسبوع خلي بعد العرس مزال الشوك تع هاذي حاكمني هههههه إن شاء الله نجرب وصفتك وننجح بارك الله فيك على الوصفة أسعدني مرورك

[درة بيتي]

المهم البنه اختى دره يعطيك الصحه

:1:الله يسللللمك أم نجمو ربي يخليك ويجبر بخاطرك ههههههه

[scorpionoir]

إ:rolleyes:سمحيلي حبببتي والله ماكان قصدي هههههه حتى أم كوثر جربتها جات تهببببل وأنا وشبيني
يديا مدقدقين ههههههه والله لوكان معجبتنيش وصفتك مانجربها مانحط التطبيق بصح المنتدى ولى دارنا مانخبيو عليكم والو إسمحيلي مرة ثانية ومانيش رح نيأس حتى تنجحلي بإذن الله
يا حبيبتي علاه راكي تطلبي وتعاودي في السماح راني غير نتمسخر برك .ساعات الحاجة نديروها منز مان وتفسد . عادي
عاوديها وديري 200 ولا 180 غ سكر برك انا ندير هكا مانحبهاش حلوة بزاف وما طيبيهاش بزاف كي تشوفيها صفارت من تحت نحيها
عسي روحك المرة الجاية نبعثلك لا بوليس هههههههههه

[درة بيتي]

يا حبيبتي علاه راكي تطلبي وتعاودي في السماح راني غير نتمسخر برك .ساعات الحاجة نديروها منز مان وتفسد . عادي
عاوديها وديري 200 ولا 180 غ سكر برك انا ندير هكا مانحبهاش حلوة بزاف وما طيبيهاش بزاف كي تشوفيها صفارت من تحت نحيها
عسي روحك المرة الجاية نبعثلك لا بوليس هههههههههه


ه:dههههههههه أوكيييي رح نعمل بالنصائح الخطرة الجاية وإن شاء الله ما نلبزهاش كيما هاذي والله غير صح ماكلاه لابوليس ياخي رانا خواتات وإنت حنينة ههههه هذه مقدمة لكارثة أخرى قادمة

[nina tlemcen]

c'est pas grave la prochain inchleh tokhrojlek

[scorpionoir]

صح راكي قلتيها خواتات .الله غالب غلبتيني بهاذي

[أم ياسين الزهراء]

انا درتها وجات هايلة بصح قررت المرة الماجية نقص شوي خميرة وكان من المفروض تسي وحدة باش تعرفي كفات الفرينة ولا لالا ان شاء تصلحلك المرة الجاية


شوفي هنا تطبيقي

http://www.djelfa.info/vb/showthread.php?t=1301863

[درة بيتي]

صح راكي قلتيها خواتات .الله غالب غلبتيني بهاذي

:1:ياعمريربي يخليك نعرفك حنينة وقلبك طيب ههههههه

[درة بيتي]

انا درتها وجات هايلة بصح قررت المرة الماجية نقص شوي خميرة وكان من المفروض تسي وحدة باش تعرفي كفات الفرينة ولا لالا ان شاء تصلحلك المرة الجاية


شوفي هنا تطبيقي

http://www.djelfa.info/vb/showthread.php?t=1301863

ههههه:1:ه زعما داخلة فيها بإحتراف إمالا خربتها الدعوة ربي يسهههل وأنا وين وإنت وين جاتك تسخخخخف الله يبارك أناقلت مانزيدش نديرها الخميرة خلاص

[سعيدة8888]

مايهبطولكش المورال هدا دليلي على انك المرة الجاية تنجحلك
راجلي قالي هدي كيما انت مسكينة تبدل جهد ومن بعد تخرج والو
بصح انا مانرعيش ليه نزيد نعاودها حتا نجيبها
انا نضن الديفو انو العجينة طرية بزاف وكثرتي الخميرة احكمي العجينة ونقصي لخميرة وشوفي
خليكي فحلة وعاوديها

[*أم كوثر*]

هههههههههههههههه والله كنت نقرى في الموضوع قلت عادي مليحة الثقة بالنفس
وكي شفت الصوة عملت هك:confused::sdf:

ههههههههه حتى كملت الموضوع وعرفت بلي ماصلحتش معاك
الغريبية نورمالمو لاخميرة
وكي هبطت معنتها ناقصة فرينة
بصحة الاولاد

[آمِيْرَتُه]

اممممممممم الله يبارك عليك يعطيك الصحة

[درة بيتي]

مايهبطولكش المورال هدا دليلي على انك المرة الجاية تنجحلك
راجلي قالي هدي كيما انت مسكينة تبدل جهد ومن بعد تخرج والو
بصح انا مانرعيش ليه نزيد نعاودها حتا نجيبها
انا نضن الديفو انو العجينة طرية بزاف وكثرتي الخميرة احكمي العجينة ونقصي لخميرة وشوفي
خليكي فحلة وعاوديها

هههه:1:هههههه يعطيك الصحة سعيدة ربي يجبر بخاطرك كيما يقولو بصح منا على شهر ولا شهرين مانزيدش نطيب حبة وحدة تاع قاطو حتى تتنحالي الشوك عندي مدة مافسدت والو على هاذي راني فرحانة بروحي اليوم 2كوارث وربي يستر من الي جاي هههههه نورتي تطبيقي الناجح هههههه ربي يخليك

[درة بيتي]

هههههههههههههههه والله كنت نقرى في الموضوع قلت عادي مليحة الثقة بالنفس
وكي شفت الصوة عملت هك:confused::sdf:

ههههههههه حتى كملت الموضوع وعرفت بلي ماصلحتش معاك
الغريبية نورمالمو لاخميرة
وكي هبطت معنتها ناقصة فرينة
بصحة الاولاد

ياكس:1:وف:oي ياكسوفي حتى إنت أستاذة جيتي تتفرجي على الفضايح هههههههههه واش من ثقة بالنفس يامرا تلباز ساك هههههه خلاص راني عرفت أخطائي بإذن الله المرة الجاية نجيبلكم تحف فنية على قول إلهام هههه الله يسللللمك حبيبتي نورتي تطبيقي الناجح وزدتيني ثقة بنفسي ههههه

[درة بيتي]

اممممممممم الله يبارك عليك يعطيك الصحة :D:D

:rolleyes:هههههههههههه منك بالصح ههههههه على كل حال يبارك فيك والله يسللللمك نورتي ااموضوع حبيبتي هههههه

[بريق الامل&]

خرجت فيها العين معليش تصرى في احسن العائلات ممكن نقصتيلها الفرينة وزيد وش خصها تتكل

[درة بيتي]

خرجت فيها العين معليش تصرى في احسن العائلات ممكن نقصتيلها الفرينة وزيد وش خصها تتكل

ههههههههه راني رحيتها مع الكوارث الأخرى مثيلاتها ودتها قاطو مايطيبش مع حلوة الترك والنواد كوكو

[staifia]

اوووووووووووووه جاتك رووووووووووعة ههههههههههههههه
انا قلت ندخل نعاينك شوي هههههههههههههه نتمسخر برك
انا تاني اني حابة نجربها عجبني الشكل هههههههههه
ان شاءالله الخطرة الجاية تصلحلكـ "المهم المشاركة " هههههههههه

[الحركاتية]

معليش درة المهم التجربة

بالاك كمية السكر فيها بزاف تقدري تعرفي من حلاوة الحبة لما ذقتيها

ثاني إذا جارية شوية تهبط

ولا الفور سخون بزاف

ومادام كلاوها أولادك أكيد جات بنينة

أنا ثاني الغريبية تخافها على قد ماهي ساهلة على قد ما ممكن تهبطلك المورال وتفسد

تحياتي حبيبة وماتزعفيش رانا كامل مرينا ومازالنا بهذه الحوادث مرة على مرة

[aziza05]

انا ثاني جربتها وجات كارثة
انا ملفة ندير الغربية و تجي روعة

[خولة 96]

4444444444444 مليحة

[ام مامون]

mahiche najha chwaya

[ام مامون]

mahiche najha chwaya

[خديجة شايب الدور]

اختي انا تان جربتها اشكل كان مضبوط يشبه التوتكي لكن لن اتكلم عن الحجم قولي مطلوع قولي مغيز او ماتخافيش تفرشت كامل وهبطت وتلاصقت في بعظها العلم لله السبب انو كي مايبستش العجينة على العموم كنت مسخرة افراد العائلة
والذوق كان لباس بيه
نصيحةاختي انا عجبتني هذه الوصفة ونعاودها باذن الله بصح حتى مايكون حتى واحد فالدار باه ميفضحونيش راكي عارف الخاوة
باه الشكل يخرجلك انا نضغط على الكرتين السودين واندخلهم للوسط ونفس الشيئ مع الكرات البيضاء يعني نعبز عليه بيديا ثم انكور ونبعد كينشوف الجانب الاسود اتباعد انعاود نضغط عل الوسط اي البياض بالسبابة واندور يخرج الشكل بالتوفيق

[biba2012]

ياختي المشكل في الشكل راه واعر صعب

[الأمنيات]

انا بانت لي ناقصة فرينة الدسم اكثر
الغريبية مجربتها كي تكون الفرينة ناقصه تسيح في الصينية والشكل تاعها يروح اختي جربيها وعاودي مره اخرى ما عندي ما نعين راكي عينتي روحك
بارك الله على خفتك

[درة بيتي]

اوووووووووووووه جاتك رووووووووووعة ههههههههههههههه
انا قلت ندخل نعاينك شوي هههههههههههههه نتمسخر برك
انا تاني اني حابة نجربها عجبني الشكل هههههههههه
ان شاءالله الخطرة الجاية تصلحلكـ "المهم المشاركة " هههههههههه

مرو:oرك أرووووووووع شكككككرا حشمتيني هههههههههههه نتمنى نشوف تجربتك إنت كاشما نعاينك صح ههههههه أسعدني ردك وزاد الموضوع تميز

[درة بيتي]

معليش درة المهم التجربة

بالاك كمية السكر فيها بزاف تقدري تعرفي من حلاوة الحبة لما ذقتيها

ثاني إذا جارية شوية تهبط

ولا الفور سخون بزاف

ومادام كلاوها أولادك أكيد جات بنينة

أنا ثاني الغريبية تخافها على قد ماهي ساهلة على قد ما ممكن تهبطلك المورال وتفسد

تحياتي حبيبة وماتزعفيش رانا كامل مرينا ومازالنا بهذه الحوادث مرة على مرة

مشكوووووورة :19:حبيبتي على المرور الكريم والمواساة نعرف قلبك حنين هههههه من ناحية السكر نضن راني كثرت على هذا تحلت والله أعلم لي مزال يعاود يدقه سيدي داود على راي جداتي ههههههه

[درة بيتي]

انا ثاني جربتها وجات كارثة
انا ملفة ندير الغربية و تجي روعة

شفتي ياخي حتى نا موالفة ندير غريبية أ:confused:خرى تجي هايلة ماعلاباليش هههههههه

[درة بيتي]

4444444444444 مليحة

:dهههههههه زعما ؟؟؟!!!منك بالصح ههههههه ربي يخليك ويعليك

[درة بيتي]

mahiche najha chwaya

:rolleyes:ههههههه علابالي ماشي مليحة وشكون قالك راني نغني على جمالها هههه حببت نزهيكم شويا برك

[درة بيتي]

اختي انا تان جربتها اشكل كان مضبوط يشبه التوتكي لكن لن اتكلم عن الحجم قولي مطلوع قولي مغيز او ماتخافيش تفرشت كامل وهبطت وتلاصقت في بعظها العلم لله السبب انو كي مايبستش العجينة على العموم كنت مسخرة افراد العائلة
والذوق كان لباس بيه
نصيحةاختي انا عجبتني هذه الوصفة ونعاودها باذن الله بصح حتى مايكون حتى واحد فالدار باه ميفضحونيش راكي عارف الخاوة
باه الشكل يخرجلك انا نضغط على الكرتين السودين واندخلهم للوسط ونفس الشيئ مع الكرات البيضاء يعني نعبز عليه بيديا ثم انكور ونبعد كينشوف الجانب الاسود اتباعد انعاود نضغط عل الوسط اي البياض بالسبابة واندور يخرج الشكل بالتوفيق

هههههه أكيد الذوق يكون مليح مكاش شك بصح حنا نحوسو على الشكل مليح باش ناكلو بعينينا قبل بصح الفكرة تع الشكل دخلت مخي ههههه شجعتيني وقيلا نزيد نسييها مشكوووورة أختي على المواساة اسعدني ردك

[درة بيتي]

ياختي المشكل في الشكل راه واعر صعب

شفتي ياختي والله غير واعر

[درة بيتي]

انا بانت لي ناقصة فرينة الدسم اكثر
الغريبية مجربتها كي تكون الفرينة ناقصه تسيح في الصينية والشكل تاعها يروح اختي جربيها وعاودي مره اخرى ما عندي ما نعين راكي عينتي روحك
بارك الله على خفتك

مش:oكورة شاف على النصيحة أكيد تاعك شفتها خرجتلك تحفة الله يبارك وين نجي يحداك انا راني مازلت في بداية المشوار نتعلم منكم هههه ماشي عاينت روحي المشكل اني سييتها نهارات كنت تعبانة من القاطو تع العرس يعني الحقيقة تع ربي مانصحتش فيها هههههه

[اميرة في دنيا حقيرة]

هههههههههههههههههههه اكيد الهام راح تتشمت راح تخلف التر تاعها هههههههههههه

هي الصراحة الصراحة شوهتيها مسكينة تقول حكمها كريز هههههههههه

نبهك لحاجة بلاك درتيها طرية على هداك تحلت لانوا الغريبية كي تجي طرية تتحل في الطياب كون جربتي سع حبة و طيبتيها و تبقاي تضيفي في الفرينة وتجربي حتى تتحصلي على الشكل المطلوب

و بلاك نسيتي المكون السري اهبطي لتحت نقول هولك




























زيدي شوي ههههههههههه








































































المرة الجاية حطلها حبة تع دوا لطانسيوا باه ميحكمهاش كريز في السخانة تع الفور هههههههههههههههههه

[*أم كوثر*]

ضحكتيني من القلب يادرة
مش عليك نضحك وانما كي قلتي كنت متاكدة من المضمون هههههه
الفرينة كانت ناقصة المرة الجاية جربي بالحبة برك

[درة بيتي]

هههههههههههههههههههه اكيد الهام راح تتشمت راح تخلف التر تاعها هههههههههههه

هي الصراحة الصراحة شوهتيها مسكينة تقول حكمها كريز هههههههههه

نبهك لحاجة بلاك درتيها طرية على هداك تحلت لانوا الغريبية كي تجي طرية تتحل في الطياب كون جربتي سع حبة و طيبتيها و تبقاي تضيفي في الفرينة وتجربي حتى تتحصلي على الشكل المطلوب

و بلاك نسيتي المكون السري اهبطي لتحت نقول هولك















:d












زيدي شوي ههههههههههه








































































المرة الجاية حطلها حبة تع دوا لطانسيوا باه ميحكمهاش كريز في السخانة تع الفور هههههههههههههههههه

هههههههه راكي أميرة عند روحك لوكان ماتعلقيش حتى تشبعي ماكيش إنت هههههههه
شوفي أنا شكيتها من السكر ماشي الفرينة على خاطر القوام تع العجينة كان مليح وزيد ماحبيتش نسيي بالحبة لخاطر كنت تعبانة وفي نفس الوقت مانحبش يجي المسيو يلقاني نستنى في النتيجة يعني إذا بوزيتيف نوجدها ونستقبله بيها وإذا نيقاتيف لمن شاف ولا من درى غم لم ونتصرف فيها من بعد واش من حالة يابنتي تبهديلة هكاكا وجاني وانا نحط في الموضوع وآثار الجريمة مزال ماتلمتش وش راكي اديري قتله نحط في تصاور قالي وماتحشميش ثاني هههههإ رايحة توري في جياحتك للناس حشممممممت قريب نموت وجهي ولا كي الطماطم ماعرفت نضحك ما نخبي مصيبتي المهم حالة وخلاص ههههه

[درة بيتي]

ضحكتيني من القلب يادرة
مش عليك نضحك وانما كي قلتي كنت متاكدة من المضمون هههههه
الفرينة كانت ناقصة المرة الجاية جربي بالحبة برك

ال:1:له يفرحك ديما يا غالية والله عندي ثقة عالية في نفسي هذاك النهار داخلة تقول سيدة رزقي نحس في روحي ماشي درة اللبازة لي تعرفوها هههههه إن شاء الله المرة الجاية إطلعلي مورالي ماشي هاذ التحطيم العضيم لي كسرلي قلبي الضعيف المسكين ههههههه نورتي شاف

[ام سامي15]

يعطيك الصحة ماشاء الله
اول تجربة

[maouada lamis]

بالاك اختي المارغارين نتاعك فيها الماء,,,, المرة الجاية ذوبيها ثم خليها تجمد و صفي الماء و الله اعلم
انا ثاني معقدة من الغريبية

[امازيغية وفتخر]

كيما فهمت درتي لخميرة
انا نعرف ما نديروش لخميرة في لغريبية
على كل حال من اخطائنا نتعلم ولا واحد زاد معلم

[ريتان]

مليح رووووووووووووعة

[أم يحي صهيب]

دحكتيني والله في التعليقات
صح هي ما فيهاش البيض ولا خميرة وتفيض سبحان الله
انت جربي طيبي حبة قبل الا تحطيها كاملة
وشوفي الله يسر ليك

[درة بيتي]

هههههههه شككككرا جزيلا حبيباتي على المرور والتشجيعات والنصائح إن شاء الله تجيني الجرأة ونقدر نعاودها خطرة اخرى ههههه