هل انا مخطئ

[مشكلتي]

سلام عليكلم انا عندي بكالوريا هدا العام دارنا صيق كي نوص علا4 نشعل الضوء علا خوتي الله غالب مالا في صباح راحت ختي عند ما تشكي قالتها شعلت علينا ضوء وما رقدنش وانا والله ما درت ساعة وطيفت صوء قالتي ما روحي في ممر نتاع دار واحفظي قالتها لا نحفظ مش حاب نبدل بلاضتي كيما درت قلتها لا مالا هي زعفت وبدت تقولي كلام وقالتي راكي تشحني في صربتني انا هزيت ضوالحي ورحت عند جدي وانا والله ما شحنتها انا حبيت هداك بلاض وموالة نحفظ فيها كل دقيقة راني نكتب ونبكي واش فيها لكان قتلها معليش راحي عندها باك كل عام تضرلي هاك انا حاب نحفظ في دارنا مش عندي نلقي رحتي في دارنا مش حاب ندير مشاكل ما تواحد سيرتو هدا ليامت نتاع الباك قولولي وراح حل :confused::confused::confused:

[طيبة نفس]

ما عليش ما تعمريش راسك بزاف هذو المشاكل يكونو في الدار عادي اذا راكي تقدري تحفظي عند جدك بقاي واذا لا رجعي للدار وفهمي ختك بلي يمات ويفوتو مابقاش بزاف وانت تاني تريحي ركزي في دراستك هذا هو الاهم وماتقلقيش روحك على حاجة ماتستاهلش ان شاء الله تربحي و يفرحو بك وتجي تبشرينا

[شخصية نرجسية]

ابقاي عن جدك احسن و احفظي فليس لديك وقت للنزاعات مع أختك التافهة

[sousou hz]

ربي ينجحك اذا مانقولك

[نسمة تفاؤل]

سلام عليكلم انا عندي بكالوريا هدا العام دارنا صيق كي نوص علا4 نشعل الضوء علا خوتي الله غالب مالا في صباح راحت ختي عند ما تشكي قالتها شعلت علينا ضوء وما رقدنش وانا والله ما درت ساعة وطيفت صوء قالتي ما روحي في ممر نتاع دار واحفظي قالتها لا نحفظ مش حاب نبدل بلاضتي كيما درت قلتها لا مالا هي زعفت وبدت تقولي كلام وقالتي راكي تشحني في صربتني انا هزيت ضوالحي ورحت عند جدي وانا والله ما شحنتها انا حبيت هداك بلاض وموالة نحفظ فيها كل دقيقة راني نكتب ونبكي واش فيها لكان قتلها معليش راحي عندها باك كل عام تضرلي هاك انا حاب نحفظ في دارنا مش عندي نلقي رحتي في دارنا مش حاب ندير مشاكل ما تواحد سيرتو هدا ليامت نتاع الباك قولولي وراح حل :confused::confused::confused:
يا اختي ارجعي لداركم واعتذري لامك وماعليش اقراي في ممر البيت ادي صوالحك جربي غير مرة توالفي عفسي على قلبك واقعدي توالفي والله راني نقولك فيها على تجربة توالفي منها ماتقلقيش خاوتك منها تلقاي راحتكم في الحفاظة وان شاء الله كي تروحي للجامعة وفي الاقامة ثانيت يكون في الغرفة 2 بنات ولا3 تاني تلقاي هذا المشكل امالا من درك والفي انا في الاقامة كنت نحفظ في السطاد في الساحة ومرات في الممرات تاع الاقامة والحمد لله مرة زوج والفت منها كنت نحفظ براحتي منها ماكنتش نقلق صحاباتي ماتبكي ماتقلقي روحك جربي ورديلي لخبر ايا راهو الباك قريب ورانا حابين نفرحو بيك ايا خيتي بلا ماتقلقي روحك ودايما ان شاء الله كي تولي تعقبي في الامتحانات في الامسية كي تصلي المغرب اقراي سورة يس وسورة الفتح وربي يوفقك وتبشرينا بالنجاح

[bent hawa]

ما عليش هذي تبقى يماك والله وصى على الوالدين بلاك كانت في ذلك الوقت زعفانة (الجنة تحت اقدام الامهات) واختك صغيرة ما ديريش عليها انا تاني عنذي خويا كيما هاك بصح ماما كي تزعف عليا على جالو نسكت ونخليهم ما تعمريش راسك ولتهاي بقرايتك راهي هي مستقبلك ربي ينجحك ويوفقك وكي اليوم وتجي تخبرينا بلي ديتي الباك . لا انتي خاطئة ولا يماك

[همسا]

السلام عليك يا اختي هدا القلق نتيجة تفكيرك بالباكالوريا لدا يا اختي العزيزه انصحك بان لا تجعلي القلق يسيطر عليك بل تغلبي على الصعاب حتى وان بقيت في منزل جدك اما عن اختك ربي يهديها ولو كانت امامي لشددتها من شعرها امزح ,,,,,,,,,,,,,,,,,,,,,,,,,,,,,,,,,, ولا تنزعجي من امك فهي تحبك بالتوفبق ان شاء الله

[amine0007]

شوفي أختي ارجعي لداركم واطلبي السماح من ماماك وخاوتك ومبعد ادا تقدري ابقاي يامات عن جدك وراجعي تما دوروسك مليح وكي تكملي الباك ارجعي لداركم ادا ماكنش فيها ازعاج للجد ديالك.هادي مشاكل ديما تصرى انا كي عقبت الباك ديما كاين الخبيط مي والفة عادي ونجحت مع اني عانيت من مشاكل كثيرة وانا مانحكي لحتى واحد بصح كلش يفوت

[sam016]

أقعدي عند جدك احفظي و خليك من ختك
ربي انجحك و اوفقك

[mitrochka]

معليش بنتي
أرجعي للدار و ديري طريقة ماتقلق ختى واحد و تقدري تراجعي بيها
إستعملي مصباح صغير أو حتى بدلي للرواق تاعكم

هادو إيام برك غير زيدي احملي غير شوية
وفقك الله

[سماح 2]

ابق عند جدك حتى يعدي الباااااااك وان شااء الله تدييييييه وتتهنى ربي معاااااااك خوويا

[ayaamira666]

يا اختي انا في وقت الباك كنت نحفظ في الكوزينة
عادي ادخلي للكوزينة و احفظي والله المراجعة فيها مليحة مجربتها انا
و ربي ينجحك يا لعزيزة

[moha75]

نصيحة مني إليك ولغيرك،
اللي حاب ينجح في حياتو ما يديرش مشاكل الدار في بالوا،
يحاول ينسى ويتناسى المشاكل العائلية قدر المستطاع،
لأنو لو كان يفكر فيها راح يتعب ويفشل في الأخير،
بحكم تجربتي المتواضعة وما رأيت من عجب العحاب في هذه الحياة،
أنصحك بعدم الحساسية الزائدة،
لهذا عليك بالتركيز على دراستك وفقط.
وتحاشي المشكل قدر المستطاع.
لأن المشاكل تعرقل وتعيق نجاحك.
ربي يوفقك في النجاح إن شاء الله.

[MOGIWARA BOY]

السلام عليكم
روحي لداركم اكلبي السماح من ماماك و خاوتكو بعدين ولي لدار جدك راجعي
و ربي يوفقك راه مابقيش بزاف

[blue.sky]

ان شا الله تنجحي وتفرحي

[alaa ritadj]

أختي أنا نظن مشكلتك ماشي حاجة كبيرة هادي ماشي مصيبة عظيمة قولي هاد الدعاء: اللهم اجعلها أعظم المصائب . و كبري خاطرك و نظن باللي هادا غي التوتر ديال الباك راهو عامل فيك هاكدة و نتي ماراكيش غالطة عندك الحق كل واحد عندو بلاصة يحب يحفظ فيها و إذا عاود صرالك كيما هاك ماتشاحنيهمش و سيي طلعي للسطح و حفظي

[ناشدة السؤدد]

السلام عليكم و رحمة الله و بركاته

مشكلة ضيق المنزل مشكلة أغلب العائلات الجزائرية

و لكن لا تتطور أن تخرجي من البيت بسبب أن أمك وبختك

أوووووو فكرتيني كنت مثل الرحالة في البيت منذ نعومة أظافري انقل دفاتري من مكان لآخر

ياما درست في الرواق و في المطبخ، درست حتى في الشرفة و هي ضيقة تصدقين؟

فرشت و آنسطاليت ثم و بالدرgة لا تلقاني بنت اختي

و الحمد لله الآن راني سنة خامسة جامعي و هذا العام عطاوني السكنة تاع خويا صالو و بيرو و الحمد لله


فيا أختي أنت لا تعيقك هاته المشاكل و لا يهمك غير رضا ربك و رضا أمك فرضاها من رضاه

عودي الى البيت و استسمحيها حتى و ان كنت ترين انك محقة

و ان كان بيت جدك ملائم اكثر في هاته الفترة فاستأذنيها و استأذني الوالد للمكوث هناك

و ربي يوفقك يا أختي و ينجك باعلى المعدلات

[ツღعـصُـ♥ـوِݦۑツღ]

الله ينجحك الله ينجحك و ينجحنا
اختي وصية لا تكرهي والديك ولا اخواتك اوك
ربي يفرج
شوفي اختي لازم كشما تروحي لأعز أصدقاااااء و تحفظي معها و نورمال
هاد لوقت مراجعة اختي



وربي يفرج يااارب
ربي ينجحك و ينجحنااااااا

[mimily]

انسي المشاكل و توكلي على ربي
بالتوفيق

[lynda larosa]

معليش هاذو المشاكل يكونو في الدار
طاوعيها على جال ماماك برك ، و حاولي تفهميها بالسياسة

[Rihanna]

ma chérie ne t'inquiéte pas pour ça
on a tous vécu ce genre de problemes
ta soeur va comprendre et éssaie de ne pas trop insister sur elle
fais comme ça t'arrange et éssaie de bosser dans des bibliothèques si vous avez près de chez vous
bon courage

[Rihanna]

désolé apparemment t'es un garçon
j'ai pas trop compris