ذوقو ماكلتنا واعطونا رايكم فيها

[بريق الامل&]

البسملة1
شكون تعرف وصفة من وصفات نوال اويحي الي تقدم حصة ذوقوا ماكلتنا في الشروق tv
حبيت نجمع وصفاتها من كثر الي سمعت يحكو بلي ناجحة 100 بال100
نتمنى تتفاعلو مع الموضوع ونحاولو نجمعو وصفاتها
فقط ليستفيد الجميع

[بريق الامل&]

خبز الفرينة
المقادير:
كيلو فرينة+ ربع كاس زيت+ ملح+ سانوج+وخميرة انا عملت مغرف ماكلة متوسطة وماء دافي
خلطي كل شيء ولمي بالماء حتى تتحصلي على عجينة طرية اعجنيه مليح مليح من بعد اقسميه كريات متساوية انا قسمت على زوج خرجلي زوج قرصات
وخليه يرتاح 10 دقائق من بعد رشي شوي دقيق متوسط او خشن وحليه بسمك حوالي 3سم خليه يخمر وتكوني وجدتي الفرن ساخن من قبل على درجة 200 ثم رجعيه على 180 ودخلي الخبز تاعك يطيب
وبصحتكم الخبز

[بريق الامل&]

العجينة السحرية
كيلة زيت
كيلة سمن ذايب وبارد
كيلة حليب كونديا
فنجان مركز عطر البرتقال
تجمعيهم بالفرينة دون ما تدلكيها
ترتاح وتخدمي بهاا عدة انواع من الحلويات التشاراك بانواعه
العريان والمسكر والمطلي
والحلوة الاقتصادية المحشوة بالمعجون وحلوة الترك على شكل هلال اطيب وتغمس في العسل والبيمو او ماجور او قوفريط
العرايش
البراسليات لمسكرين ولمطلين
وهي ناجحة جدا

[بريق الامل&]

الكاك

5حبات بيض
فاني
كاس سكر
نصف كاس زيت
نصف كاس حليب
قرصة ملح
خلطي مليح من بعد زيدي 380 غ فرينة و وحدة خمارة و حبيبات الشكولا ديريهم في شوية فرينة باش مايهبطوش لتحت اسفل الكاك
اغطسي مغرف في الماء فوتيها في وسط العجين بعد ما درتيه في المول على الطول تاعه باش كي يطيب الكيك ينقسم في الوسط
وهو ايضا ناجح

[أم شيماءْ]

يعطيك الصحة علي هذا النشاط والحيوية 10 انشاء الله يارب :1:

[أم ياسين الزهراء]

انا مانتبعش الشروق بصح راح نتبع الوصفات ربي يعيشك حنونة

[om anous]

بارك الله فيك على الفكرة انا شفتها صدفة في اليوتوب كانت ضيفة في حصة على قناة نسمة واسمها نوال ما علاباليش ادا هي
حلوتها تهبل
انا معنديش قناة الشروق لكن نتبع معكن الوصفات ........ان شاء الله يعاونوك البنات مشكوووورة

[hony]

بارك الله فيك على الفكرة انا شفتها صدفة في اليوتوب كانت ضيفة في حصة على قناة نسمة واسمها نوال ما علاباليش ادا هي
حلوتها تهبل
انا معنديش قناة الشروق لكن نتبع معكن الوصفات ........ان شاء الله يعاونوك البنات مشكوووورة


hadhik hiya habibti halwatha tehabal

[ام لقمان02]

شكرا حبيبة علي المجهود ان شاء الله في ميزا الحسنات

[*LoRd*]

انا نعرفها ولذيذة جّــــــــــــــدا:21::21::21:

[خولة 96]

..................؟؟؟؟؟؟؟؟؟؟؟؟

[sidali 2007]

يعطيك الصحة مولفة نتبعها راني كاتبة بعض لوصفات بعد نحط لوصفات
انا جربت عجينة سحرية وفلفل محشي مغطي بعجينة بتزا روعة.

[houdehoud]

انا شفتها في نسمة العام اللي فات قطواتها باهيين و سهل ديريهم

[لينا11]

مرسي عسولة على الموضوع تاع صح جربت عجينة سحرية تاعها خرجتلي رووووووعة تحطيها فالفم تروح وحدها

للاسف هذا ماجربت ان شاء الله نزيد نجرب حوايج اخرين ونحطهم هنا

[الأمنيات]

انا ماشفتش الحصة بروقه وقتاش يديروها اعطيني الوقت حتى نتابعها ونفيدك
بارك الله فيك

[terrou]

merciiiiiiiiiiiiiiiiiiiiiiiiiiiiiiiiiiiiiiiiii

[سعيدة8888]

انا تاني كنت رايحة نطلب منك تحطو حصص نوال و الله تعجبني بزاف

[Hemal]

a quelle heurs tbda

[أم سراج الدين]

قالتلي عليها ماما و صح وصفاتها ناجحة
للاسف شخصيا ما جربتش بصح كي شفتها عجبتني و نتمنى تواصلي بروقة في وضع وصفاتها او اي وحدة جربت و نجحت تفيدنا
و جزاكم الله كل خير

[أم ماجد]

لبنات اعطيوني الوقت باه نتبعها

[guits]

يعطيك الصحة انا اول مرة نسمع بيها

[أم ايهاب 2013]

اناشفتها يوم امس دايرة حلقة بمناسبة عيد الام

[midou-asma]

السلام عليكم ورحمة الله تعالى وبركاته

صح انا تاني نحب هاد الطباخة

اطباقها رائعة

ياريت تمدونا الوقت اللي تبدا فيه

باش نتبعها

[احمد1974]

http://im33.gulfup.com/elkxf.gif

[nadouch86]

شكرا على الموضوع لكن اي ساعة تبدى لاني لقيت فقط زوج فيديوات في اليوتوب و راح نتفرجها ف الشروق اونلاين

[مارياروزالينا]

سلام يا بنات بروقة ممكن وصفات اكثر وربي يجازيك اهي تجي على 11,00

[صابرة2013]

شكرااااااااااااااااااااااااااااااااااااااااااااا

[نور السلام 16]

اختي لدي وصفات نوال ولكن للاسف راني مجربة فقط العجينة السحرية وعملتها كعيكعات بالطلية جات تهبل و اذا حبيتي نحطهم و الوقت الثلاثاء و الجمعة على 6 الى ربع

[تغرينية]

منكم نستفيد

[SAMAH SAMAH]

بنات ممكن وقت الحصة اذا ممكن
شكرا

[omhadil]

انا ثاني نعرفها وكنت نتبعها بزاف والوصفات ديالها كامل هايلين بصح سنة مارينيش نشوفها راني لتيا مع منتدي الجلفة

[ghorba]

lyom darat mhancha sali
; badnedjane mmmmmmmmmmmmm
tji ala 16 30

[مملكة الغربة]

يعطيك الصحة على كل شيء انا رايحة انجرب خبز الفرينة غدا انشاء الله عجبني انشاء الله يصلحلي:1::1:

[jijibibi]

:1::1::1:رمضانكم مبروك العجينة السحرية هاااايلة:19:

[samia05]

فكرة جيدة لان كل الفحلات يحوسو على الوصفات الناجحة باش جميع افراد العائلة انتاعهم

[samia05]

نسيت نكتب كلمة يفرحوا

[ام ايمان16]

يعطيك الصحة

شفت الحصة بصح مانحكمش المقادير

[ام ايمان16]

نسيت نكتب كلمة يفرحوا

كون درتي تعديل لمشاركتك وزدتي الكلمة لي نسيتيها برك بلا ماتضطري ديري مشاركة اخرى

[طهراوي ياسين]

يعطيك الصحة

[hiba hajer]

بارك الله فيك على الفكرة

[22amel]

االسلام عليكم ااختاه هل بامكانك شرح وصفة البادنجان و المحنشة بايجاز و بارك الله فيك اختي

[wafaa22]

mreci pour les recette

[Nadjwa270]

مركز عطر البرتقال
wach ma3naha en français

[22amel]

à ma soeur nadjwa,il s appelle en francais :le patarome orange ,il est liquide ;saha ftourek

[Nadjwa270]

merci okhti
saha ftorek w ftor kol alakhawat
bessah man 3andman nachrih w wach ngoulou?

[ملاك القدس]

http://www10.0zz0.com/2013/07/22/10/283295050.gif

[Nadjwa270]

le patarome orange
c'est quoi?

[&عسل&]

خبز سربرايز
هادي وصفة للشاف نواال روووعة وتستحق تجربوها
المقادير..500غ فرينة .30غ خمارة.10غ سكر عادي.30غ حليب غبرة.80غ جبن مبشور بيضة.ملح
نخلط كلش مع بعض ( الا االجبن المبشور) ونضيفلها ماء دافئ حتى تولي عجينة لينة من بعد نضيفلها
40غ زبدة نعجنها معاها ( حوالي ملعقتين زبدة) ونخليها ترتاح
نحضر الحشو نحضر لحم مرحي نتبلو بصل وثوم وملح وقرفة وكمون وبيضة نديرهم كويرات ونقليهم في الزيت
ناخد قطعة من العجينة تحبي تكبري ولا تصغري ..تحليها في يدك وديري وسطها كويرة تاع لحم
وقطعة جبن وزيتون مقطع ونكورها مليح ونحطها في السنيوة ونكمل الباقي
ندهنها بصفار بيضة وندير فوقها الجبن المبشور وحبة زيتون اسود من الفوق
وندخاهل طيب وتحمار من الفوق
اقل ما يقال عنها روووووووووووووووعة
نتمى تجربوها

[22amel]

reponse à nadjwa,le patarome orange se vend chez le magasin qui vend des produits pour gateaux :levure;kisettes,moules,farine,ect.
le patarome est plus concentré que l arome du meme produit c''est pour ca il s apelle on araba morakaz el 3itr,j espère q j t ai bien expliqué,saha shourek7

[Nadjwa270]

reponse à nadjwa,le patarome orange se vend chez le magasin qui vend des produits pour gateaux :levure;kisettes,moules,farine,ect.
le patarome est plus concentré que l arome du meme produit c''est pour ca il s apelle on araba morakaz el 3itr,j espère q j t ai bien expliqué,saha shourek7
baraka allho fiki
takabala allaho mina wa minkom

[sara_dz]

شكرا نعطيك معلومة مليحة عودي تبعيها و كيتعود تقدم اكتبي موضوع جديد في المنتدى يعني live
ههههههههههههههههههههههههههههههههههههههههههههههه

[fatiha07]

السلام1
الله يبارك فيك على الوصفات لذان شاء الله اجرب وارد عليك :mh31:

[22amel]

wa fiki baraka okhti nadjwa,saha shourek w shour kol el akhawat

[Nadjwa270]

wa fiki baraka okhti nadjwa,saha shourek w shour kol el akhawat
yssalmak khti

[فوزية1975]

شكرا على الوصفات

[ريتاج سوف]

تسلم لايااااااااااااااااااااااااااااااااااااادي

[ريتاج سوف]

مشكوورين وماقصرتوووووووو

[احلام14]

بارك الله فيك على الفكرة

[إيمان imene]

الف شكر راهم يعاودو فيها

[ابنة الشاطئ الجميل]

شكرا لكم جميعا

[rose malak]

تعجبنى تلك السيدة في طريقة تقديمها و في وصفاتها الجميلة و الناجحة ...شخصيا احب حصتها

[tahiya]

mérci beaucoup

[rachid5555]

فكرة ممتازة و اكيد الجميع سيستفيد
شكرا لك اختي

[ام وائل فخر الدين]

ايه صح اختي بروقة وصفاتها هاااايلة موالفة نتبعها مشكوووورة

[sarra5]

موضوع يستحق الرفع

[تغرينية]

الله يعطيك الصحة

[touta2010]

http://www.youtube.com/channel/UCDM1hjotsMV2HtRzfCsZhcw?feature=watch

[-رودينا-]

خبز الفرينة
المقادير:
كيلو فرينة+ ربع كاس زيت+ ملح+ سانوج+وخميرة انا عملت مغرف ماكلة متوسطة وماء دافي
خلطي كل شيء ولمي بالماء حتى تتحصلي على عجينة طرية اعجنيه مليح مليح من بعد اقسميه كريات متساوية انا قسمت على زوج خرجلي زوج قرصات
وخليه يرتاح 10 دقائق من بعد رشي شوي دقيق متوسط او خشن وحليه بسمك حوالي 3سم خليه يخمر وتكوني وجدتي الفرن ساخن من قبل على درجة 200 ثم رجعيه على 180 ودخلي الخبز تاعك يطيب
وبصحتكم الخبز

تسلمي على الموضوع الرائع حبيبتي
عندي اضافة لو تتكرمي وتعدلي الوصفة ديال خبز الفرينة
السيدة نوال قالت 40 غ خميرة الخبز اي مايعادل 2 مغارف كبار
الملح مغرف كبيرة

[-رودينا-]

وصفة الكيك
380 غ فرينة ( قالت 380 غ وفي المقادير كتبو 300 غ )
5 بيض
كاس سكر عادي
1/2 كاس زيت
1/2 كاس حليب
باكي خمارة
لافاني
قشور ليمون اختياري
شوية ملح
زبيب او فواكة جافة
او حبيبات الشكولاطة
التحضير
نضرب البيض نضيف السوائل + ملح+ سكر نضرب مليح ثم نضيف الفرينة مضاف اليها لافاني مع الخمارة
ونخلط
وبعدين نضيف حيببات الشكولاطة نخلطهم مع شوية فرينة باش مايهبطوش
ندهن المول بالزبدة ونرش بالفرينة نفرغ العجينة وفي الاخير نقسم العجينة على نصفين بمفرف مغموسة في الماء باش تتفلق في الوسط

[nokia111]

من فضلكم راه عندها ايام قدمت كرام بالفلان وكرام شنتي لي شافته تعطيني المقادير وكيفية التحضير