لماذا زوجي هكذا

[مشكلتي]

السلام عليكم انا فتاة عندي 23 سنة
مزوجة عندي سنة ونصف بتقريب نخدم موظفة في الولاية زوجي مقاول
المشكل مش هنا يا ناس راجلي جايح عفوا من هاد المصطلح بصح خلاص يتصرف تصرفات صبيانية
ادا درت العشا لازم ياكل هو بزاف عليا
ولا شرا التفاح يشوف وينها الكبيرة ويديها
مشي هنا وبرك فدار يقضي وقتو غير مع الضحك والسخرية نهدر معاه بجدية ينوض يقلي نكت ويستهزء
وكي نمشو لدارهم الرجال يقعدو مع نساهم الله الله وهو يلعب مع الدراري الصغار البالون ولا يتمهبل
ويدا متفكرتوش في عيد ميلادو يزعف وميهدرشي معايا
ويدا شافني رفدت بنتو علاش ترفديها وتحبيها كتر مني
ويدا شافني نوكل فيها يقعد قدامي ويقولي وكليني ويبدا زعما يبكي كي دراري صغار
مرات نزعف ونقلب الدار بصح كي نشوفو يحكمني الضحك من تصرفاتو
علاش مع صحابو وفلعمل جدي ومعايا عقلو ناقص
مرة جاني للخدمة بهدلني قاعد يقول لصحاباتي مرتي شابة عليكم ويضحك ويتفايض
ويدا ركبنا في سيارة البوسط يتسمع من بعيد مرة حبسونا الجدارمية عمبالهم سكران ولا انا صحبتو
كي نقولو بدل تصرفاتك يقولي راني زاهي بيك علي تربيت وحدي ومعنديش خوتات بنات
نعذرو بصح يماه تاني منين نروحو تسلم عليا وتقولو ايا وليدي عندي هع تصرف مخجل مافهمتش انا كيفاش نبدلو
صراحة راني حاسة انا راجل الدار
دبرو عليا متقولوليش برك طلقي منيش حايبة بيتي يتخرب

[kamilia85]

wach nkoulek rabi yahdih ..nti hawli tetaklmi m3a 3aklitou haka tjik tassaroufatou akl darar
w dima otlbi l hidaya mn 3and rabi

[مراد12345]

هههههههههههههه

راك مخطئة 100% في موضوعك

لو كنت مع زوج قاسي القلب لكنت تبكين الآن

أنا أقول لك الأشياء التي تنزعجين منها أنت من زوجك

عند نساء آخريات يعتيربن ذلك تسلية وضحكا

وينقصوا على بعضاكم

أحمدي الله يا أختي

فلو تعرفين ما تعانيه الكثيرات

بصراحة وليت نتعجب من بعض الأسئلة

تحوسي على واحد قبيح أجي نهار وتطيحي في واحد قبيح وثم تعرفي

الحقيقة من الخيال

[اسعى لرضى الله]

لا يصلي وحاكم دينو وخاطيه النسا احمدي ربي كل واحد عقليتو النسا راهم رجالتهم يضالو يضربو فيهم

[amine9mm]

راكي في رحمة يا اختي تهلاي فيه

[مواطنة جزائرية]

الرجل دائما طفل صغير

قولي الحمد لله راكي في نعمة

خير من الرجل اللي يلعبها عليك رجلة يكرهك في حياتك أنتي على الأقل كي تشوفيه تضحكي كاين اللي كي تشوف راجلها تبكي

[om chiraz]

غريب امرك يا امراة
اقسم انه هذا ما ينقصني مع زوجي دمعت عيني و انا اكتب الان انت في نعمة اعرفي قيمتها
اييل انه يعرف ن المشكل مع اصحابه و في العمل انت تقولين انه جدي هذا اكبر دليل انه يعرف مصلاحتو جدا
يا حسراه انا المشكل تاعي هو العكس تاعك روحي يا امراة انت الجايحة ماشي هو عيشي مع راجلك كيما راه راكي في نعمة مفقودة في وقتنا و الشيطان راهو يعميك عليها
مانيش نصدق واش راني نقرا منك ههه

[om chiraz]

روحي يا امراة بكيتيني و نوضتيلي جرحي لزعمة برا
الله يعطيك الخير

[أم احمد]

بالعكس اختي احمدي الله على هذا الشئ انا زوجي عكسه تماما جدي لاقصى الحدود نشتاق للضحك واللعب معاه ونصارحه بحالته لكن يقول انا هاك ماعندي كي ندير لذلك راني مع الوقت نولف في روحي
وكي نسمع شي نسا تحكي على ازوجها كما انت يزعفو من تصرفاتهم نغير وتبانلي نعمة راهم فيها

[tebci]

صغّري حتّى انتي عقليتك وامشي معاه كيما راه ماشي معاك وراح تحسّي بالفرق

وكيما قالولك الاخوه والاخوات راكي في نعمة تحسدي عليها فقليل ماهم الرجال الذين يصبحو أطفالا فيي تصرّفاتهم في ديارهم وذلك ليست لضعف لشخصيّتهم بل لانّهم يجعلون من عالم الزّواج والبيت سعيد ومرح على طووووووووول باش مايحسّوش انّ هناك لحظه تمرّ بدون سعاده
وخاصّة اذا كان الرّجل صغير السنّ

انا نقلّك حاجه برك ما تسمعي لحتّى واحد وما يهمّكش امر حتّى واحده تسيء اليك بكلمه راهم غايرين منّك .. مدامك انتي راضيه عليه وهوّ يوفّرلك كلّش فلا داعي لجعل الامر صعب ابدا

[sarah1424]

hhhhhhhhhhhhhhhhhhhhhhhhhhh
wallah koun ta9ra mama klamk yaaaaaa okhti papa andou 55 ans winjnieur f lkhedma nass kaml t9adrou wdirlou alf hssab
mais houa yossol lelhara yabda yal3ab maa louled wf dar tahder maah whoua yadhek wf la famille machhour yheb les enfants
mama m9al9a mennou mais mohal yetbadal
lmohim yssali wykhaf rabbi wyakhdem khalih yadhek mais ana nheb raje serieux wrzin wyaaref wikta yehki hnin mais s3ib

[nouna l maghbouna]

هذا ليس عيب المهم يصلي يخاف ربي و يحبك

زوجك ناقص حنان مالعبش في صغروا

امشي معاه بعقليتوا

وفقك الله

[* الحلم سكر *]

السلام عليكم ...
حبيبتي حلك الوحيد احمدي ربي ليل نهار ... شوفي غيرك درك تفهمي النعمة لي راكي فيها
راجلك فارح بيك صح و لوكان جا جايح كيما راكي تقولي كان يكون حتى مع صحابو كيما راكي تقولي مي هو لا
بالعكس هو نعمة و مارحش نقلك أكثر ....
ربي يهديك انتي افرحي حبيبتي معاه و بسطي الدنيا الواحد ما يكفيش رسميات الخدمة حتى يكون رسمي مع مرتو و في دارو ...
هــو عــفــــوي انتي تاني كوني عفويـــة ... بســطي الدنــيا و عيشيها ;)
ربي يهني أختي و يحفظلك عايلتك

[النجاح حليفك]

زوجك ملييييييييييييييح غي انتي بدلي لعقليا و الله و ربي يباركلكم يا أختي انت ضحكي و زعقي و هذا يبغييييييييييك بزاااااااااااااااااف أختي

[نيل المنى]

بما أنه جاد في العمل و "مهبول "معاك برك،يا اختي خليه على راحتو،هو كي شغل يتخلص فقط من شكليات و ضغط العمل،المهم أنه يحترمك و لا يؤذيك،أما غيرته ان اهتممت بابنته على حسابه فهذا أمر طبيعي لدى معظم الرجال.المهم أنه انسان طيب ،و أن تصبري على رجل خفيف الظل أفضل من أن تصبري على رجل فظ و غليظ القلب....و ما تتقلقيش يا أختى ،مع الوقت يعقال.

[sali-sali]

السلام عليك

اختي مدام يخاف ربي و يصلي..ومتهلي في دارو هدا هو الصح
احمدي ربي ..وحاولي تتقبليه ان لم تستطيعي التغيير من شخصيته

[mitrochka]

وااااااااااااااااااااااااااااو
عندك تبدليييييييييييييييييه
تندمي

[جواد رامي]

لعلاقة بين الزوج والزوجة علاقة خاصة جدا وأى كبيرة أو صغيرة تؤثر فيها انها كالشجرة التى اذا رواها الزوج والزوجة بالحب نمت وترعرعت وأثمرت وأزهرت لذا فان المزح بين الأزواج ضرورى جدا بالكلام وبالأفعال وبكل ما يخطر على بال الزوج أو الزوجة وطالما أن الزوجان متفاهمان ويحبان بعضهما البعض فسوف يكون هذا المزح على قلب كلاهما كالعسل حتى لو كان مزح بااااااااااااااااااااااااايخ أو ثقييييييييييييييييل

[ayaamira666]

راجلك 4444444 فووووررر اختي من عندي احمدي ربي واشكريه و اتهلاي في راجلك

[عبدالله بولنوار]

سبحان الله
اذا ما تصرفت الانسان في دارو براحتو و بعقليتو وين يروح


المهم مع الناس يكون جدي و عندو شخصية

بينك و بينو الله يسهل

راك في نعمة احمدي ربي

بين الزوج و زوجه تختفي كل الحدود و تتلاشى

ما عدى حدود الله طبعا

اذا كان شفتيه صغير عامليه كأم

و ان كان شفتيه كبير عامليه كإبنة


...........


و الحياة ماشية

[ام نسمة]

لالالالالالالالالالالالالالالالالالالالالالالالالا لالالالالا ماشي حق عليك ياريت لوكان جا زوجي هكا ياريت بريئ يحب الاطفال يفتخر بيا ويقولي انحبك الدليل انكي قلتي انو جدي في العمل ومع صاحابو من هنا تستنتجي انو يلقى راحتو معاك وغاضني مسكين كي قالك ماعندوش خيات ايا يحب يزها بيك واش بيك يامرا انعلي الشيطان روحي اضحكي مع راجلك والعبي حتى انت .........................وعيب عليك الراجل الحنين قلتي عليه جايح لالالالالالالالالالالالالالالالالالالالا الراجل الجايح هو الخاين قاسي القلب اللي ديما مكشر في دارو وزاهي برا . راكي انورمال روحي داوي روحك واذا بقيتي على رايك تاكدي انو انك انت ما تستاهليهش ماشي هو مايستاهلكش ...............ردي قاسي لكن هاته حقيقة يجب ان تستيقضي عليها وتنتبهي قبل فوات الاوان

[natachlinda]

mala ngoulak ya khti ana 3andi rajal khatabni bark mazal madkhaltach nahki m3ahbtachnaf ngoulo nhabak ygouli 3labali des fois nahasbo matkabar haramni mkoulchi hata fcbk wnahali dkoura 3andi ghir lbnet wila 3ayatli wlgani en attent manahkilakch tnod l9iyama mala ahamdi rabi ya khti yarit kan khatibi kima rajlak

[nadine0159]

يا رب يكون الزوج تاعي كيما زوجك و اقسم نكمل حياتي ضحك و لعب بما يرضي الله

[dahby83]

ياختي راكي في نعمة ماشي حاسة بيها والله من غير مبالغة اوسخرية عجبتني عقليت زوجك المهم انه يتعامل بجدية في العمل ومع اصدقاؤ ارواحي تشوفي زوجي جدي فالدار وفي العمل والله كي نتمسخر معاه ياخذ الامر بجدية وانا نكون رايحة نتفجر احمدي ربي على النعمة اللي راكي فيها

[doba]

والله نصيحة لوجه الله
أحكمي في زوجك كان راح من بين يديك انتي الخاسرة زوج مثالي وربي يحفظكم الكل
ربي يسهلك اختي العزيزة

[TOKYO]

اختي قارني بالوضعية تاعك مع الردود اخوه وشوفي راكي في نعمه احمدي ربي عليها
الله غالب كل واحد و ظروفه لي عاش و كبر فيها تخليه يحوس يعيش ما فاته من الوقت الصغر واش ضاع

[sarl02]

انت القيتي واحد راجل بسلامتو يتكسل يغلق طريق ايجي لعندك واقولك ماما وكليني واعطيني هم هم وموش عاجبك الحال ؟؟؟؟؟واش اتحبي كثر من هاك يرحم باباك ..المشكل فيك انك من نوع المراة النكدية الي كي يدخل راجلها للدار يلقاها ظلمة ...ونصيحتي ليك اياك والاستمرار في هذه الطريقة لانو مع الوقت راح يكره منك واحوس على وحدة زهوانية وخفيفة الظل كيما هو.