استفسار عن الماجيستير . [الأرشيف] - منتديات الجلفة لكل الجزائريين و العرب

yacine-08

2013-05-19, 23:48

شـــهاب

2013-05-24, 23:11

أخي ياسين ،من ناحية القانون لا اعرف بوجود قانون ،
لكن عند فتح مسابقات الماجستير يطلبون حاملي شهادة الليسانس كلاسيكي !!!،
على كل حال ربما يمكنك التسجيل في مسابقة الماجستير ، و في حالة الفوز لا أعتقد يمكنك المواصلة لأنهم يطلبون منك الوثائق الأصلية و التي تكون دفعتها في ملف الماستر !!!

yacine-08

2013-05-25, 10:37

شكرا اخي شهاب .. الله يجازيك

كي تربح ماجيستير يطلبوا منك شهادة الليسانس الاصلية ؟

سطايفية بكل فخر

2013-05-25, 11:38

السلام عليكم

لدي تساؤل فيما يخص المشاركة في مسابقة الماجيستير

هل هناك قانون يمنع كل من تجاوز ماستر 1 من طلبة الكلاسيك /المتحصلين على شهادة ليسانس 4 سنوات/ المشاركة في مسابقة الماجيستير ؟؟

هل يمكن الجمع بين الماجيستير و الماستر بنية التنازل عن الماستر في حالة الفوز في مسابقة ماجيستير .....؟

بارك الله فيييييييكم

هههه هوما حابين يقضيو على الماديستار وانت حاب تدخل من الماستر للماجستير
قانونيا نسقسيلك وان كنت علابالي بلي مكانش منها لانهم في ططور القضاء على الماجيستير

سطايفية بكل فخر

2013-05-25, 11:39

شكرا اخي شهاب .. الله يجازيك

كي تربح ماجيستير يطلبوا منك شهادة الليسانس الاصلية ؟

الانتقال من مرحلة لمرحلة يلزم الطالب بدفع شهادة المرحلة السابقة طبعا الاصلية باش يضمنوا عدم تسجيلوا في جامعة اخرى
وراك تمضي على تعهد من فوق

yacine-08

2013-05-25, 12:03

شكرااختي السطايفية على الاجااااااااابة ... يعطيك الصحة .

yacine-08

2013-05-25, 12:04

هههه هوما حابين يقضيو على الماديستار وانت حاب تدخل من الماستر للماجستير
قانونيا نسقسيلك وان كنت علابالي بلي مكانش منها لانهم في ططور القضاء على الماجيستير

الماجيستير راهي مصنفة في التصنيف 14 وتبقى افضل بكتير من الماستر ومستعرف بها

وتضمن لك التدريس في الجامعة يعني وظيفة محترمة

اما الماستر حاليا مازالها في الصتنيف 13 متلها متل مهندس دولة و تقدر تقري بيها في الليسي ادا صحتلنا

يعني مازال كاين فرق كبير بيناتهم .. المهم انا اردت فقط ان اسأل حول الموضوع لان هناك اخبار انها ستاتي مقاعد ماجيستير معتبرة لـ الجامعة التي ادرس فيها السنة القادمة .

yacine-08

2013-05-25, 12:09

الانتقال من مرحلة لمرحلة يلزم الطالب بدفع شهادة المرحلة السابقة طبعا الاصلية باش يضمنوا عدم تسجيلوا في جامعة اخرى
وراك تمضي على تعهد من فوق

ايييييه صح ..

ديجا دفعناه في الماستر ودرنا تعهد .

ليوم فهمت واش كان يقصد احد اصدقائي

قال لي حتى لو تفووز بالمسابقة ماجيستير .. ستقوم بـ التخلي عن الماستر لكي يرجعولك ليسانس اصلي نتاعك ..

لكن ادا تخليت عن الماستر سيقومون بوضع كاشي على الليسونس نتاعك وتحرم من اعادة التسجيل بهدا الليسانس في الجامعة المدكورة

هل هدا صحيييييييييييييييح هدا الكلام ...؟

يعني باش ماتلعبش بيهم كيفاش قريت عام تم تخرج ، كون خليت مكانك الى شخص اخر مند البداية ..

سطايفية بكل فخر

2013-05-25, 15:38

الماجيستير راهي مصنفة في التصنيف 14 وتبقى افضل بكتير من الماستر ومستعرف بها

وتضمن لك التدريس في الجامعة يعني وظيفة محترمة

اما الماستر حاليا مازالها في الصتنيف 13 متلها متل مهندس دولة و تقدر تقري بيها في الليسي ادا صحتلنا

يعني مازال كاين فرق كبير بيناتهم .. المهم انا اردت فقط ان اسأل حول الموضوع لان هناك اخبار انها ستاتي مقاعد ماجيستير معتبرة لـ الجامعة التي ادرس فيها السنة القادمة .

اعلم اخي ولكن يي نهار ويطلعوها لانو ميبقاش بعدها وراك شفت راهم يضقيو على الدويا ولانجينيورا ومصير الماجيستار مثلهم
+
التدريس مش حل لانو الواحد مقراش باش يقري مي ادا تحتمت واش رايح دير

شـــهاب

2013-05-25, 15:40

شكرا اخي شهاب .. الله يجازيك

كي تربح ماجيستير يطلبوا منك شهادة الليسانس الاصلية ؟

بالطبع أخي ياسين ، هنا ستجد نفسك في مشكل ، كيف ستسحب وثائقك من الجامعة و أنت تدرس ماستر 1!!!

شـــهاب

2013-05-25, 15:42

سطايفية بكل فخر

2013-05-25, 15:45

ايييييه صح ..

ديجا دفعناه في الماستر ودرنا تعهد .

ليوم فهمت واش كان يقصد احد اصدقائي

قال لي حتى لو تفووز بالمسابقة ماجيستير .. ستقوم بـ التخلي عن الماستر لكي يرجعولك ليسانس اصلي نتاعك ..

لكن ادا تخليت عن الماستر سيقومون بوضع كاشي على الليسونس نتاعك وتحرم من اعادة التسجيل بهدا الليسانس في الجامعة المدكورة

هل هدا صحيييييييييييييييح هدا الكلام ...؟

يعني باش ماتلعبش بيهم كيفاش قريت عام تم تخرج ، كون خليت مكانك الى شخص اخر مند البداية ..

هدي كاينة عدنا في الباك يكاشيو سحب نهائي وثاني كاينة في الليسانس
توله وعندك لا تخليها على روحك
وزيد وعلاه راك تروح بين ريح وريح انت كتبلك ربي ودخلت ماستر عسى ان تكرهو شيئا وهو خير لكم
كمل العام الجاي وجيب معدل مليح وادخل دكتوراه ونسى قصة الماجيستار لانو كي تتفكرها تاثر فيك
صلي صلاة الستخارة وكمل فواش كتبلك ربي

سطايفية بكل فخر

2013-05-25, 15:46

اخي شهاب معاه حق

yacine-08

2013-05-25, 16:11

اعلم اخي ولكن يي نهار ويطلعوها لانو ميبقاش بعدها وراك شفت راهم يضقيو على الدويا ولانجينيورا ومصير الماجيستار مثلهم
+
التدريس مش حل لانو الواحد مقراش باش يقري مي ادا تحتمت واش رايح دير

راني فاهمك اختي السطايفية

لكن اعتقد ماجيستير عمرها ما ينقصوا من قيمتها

ربما يطلعوا من قيمة الماستر لكن يبقى التكوين في الماجيستير افضل يدرسوك دكاترة ماشي كيما حنا عطاونا اساتدة جداد الليسانس و مالازمش يقروهم فما بالك بالماستر .

بالطبع أخي ياسين ، هنا ستجد نفسك في مشكل ، كيف ستسحب وثائقك من الجامعة و أنت تدرس ماستر 1!!!

هدا هو المشكل اخي شهاب

لكن يمكن ان تقوم بالتنازل على الماستر ، يعني تقلهم اريد التوقف عن الدراسة مكانش لي يسالك

بصح هل يكاشوا في الليسانس باش ماتعادوش تقبل في دراسات عليا في تلك الجامعة ؟ هدا هو السؤال لي محيرني .

yacine-08

2013-05-25, 16:18

الماجستار عاجلا أم أجلا سينتهي وقته ، و الماستر سيرتقي تصنيفه الى درجة اعلى ،
كما أن الماستر سيسمح لك بالمرور الى الدوكتوراه اسرع من الماجيستار،
لذلك يبقى الماستر أفضل حل مستقبلا بعد تنظيمه جيدا و ليس حاليا .
هاديك نتاع اجلا ام عاجلا

يمكن اختصارها في الماجيتسير

هادي اي شخص حاليا تخيره بين الماستر و الماجيستير سيقول لك ماجيستير لان لديها قيمتها و وزنها في المؤسسات و الجامعة

ربما بعد اربع او خمس سنوات حتى يتم تصعيد من تصنيف الماستر ..وربما اكتر .

دوكتراه ال لام دي اعرف شخص يدرس في تلمسان قال لي اخدوا فقط اربع اوائل .

متلا انا لست مع 10 اوائل .لكن ادا حكمت لك ماجيستير يعني ساي كل شيئ مضمون .

yacine-08

2013-05-25, 16:22

هدي كاينة عدنا في الباك يكاشيو سحب نهائي وثاني كاينة في الليسانس
توله وعندك لا تخليها على روحك
وزيد وعلاه راك تروح بين ريح وريح انت كتبلك ربي ودخلت ماستر عسى ان تكرهو شيئا وهو خير لكم
كمل العام الجاي وجيب معدل مليح وادخل دكتوراه ونسى قصة الماجيستار لانو كي تتفكرها تاثر فيك
صلي صلاة الستخارة وكمل فواش كتبلك ربي
دكتراه ماستر اولا قليلة

تانيا ماشي مضمونة

تالتا خاصك تكون مع الاوائل ...

في الاونة الحالية ماجيستير افضل ادا كتبها ربي

انا فقط اردت ان اسال فلم اخد اي قرار بعد ..

وان شاء الله لابد من صلاة استخارة .

بارك الله فيك ..

سطايفية بكل فخر

2013-05-25, 18:01

العفو واجبنا ربي يوفقك
+
معلاباليش واش بيك تغيرت طريقة تعاملك واصبحت اكثر جدية خير ان شا ءالله اخي ياسين ومنيش نحكي على هدا الموضوع وانما مجمل ردوردك

yacine-08

2013-05-25, 18:21

العفو واجبنا ربي يوفقك
+
معلاباليش واش بيك تغيرت طريقة تعاملك واصبحت اكثر جدية خير ان شا ءالله اخي ياسين ومنيش نحكي على هدا الموضوع وانما مجمل ردوردك

هههههه آو نو مكان والو ...

هدا بالاك stress نتاع الامتحانات وما يدير ..:1:

على العموم هدا انا دي فوا سيريو و دي فوا شويا ضحك .

سطايفية بكل فخر

2013-05-25, 18:24

هههههه آو نو مكان والو ...

هدا بالاك stress نتاع الامتحانات وما يدير ..:1:

على العموم هدا انا دي فوا سيريو و دي فوا شويا ضحك .

ان شاء الله يكون الستراس تاع الامتحان ومتكونش حاجة اخرى
ربي يوفقك في امتحاناتك يارب

brsahraoui

2013-07-10, 13:55

بالطبع أخي ياسين ، هنا ستجد نفسك في مشكل ، كيف ستسحب وثائقك من الجامعة و أنت تدرس ماستر 1!!!
السلام عليكم
لا ادري اي جامعة تطلب الشهادة الاصلية
عن نفسي لم تطلب مني وهي في البيت لم اسلمها
لم يطلبوا شهادة المهندس في الماجستير
ولم يطلبوا الماجستير في الدكتوراه

لكن السيريست قد يتوفر على قائمة الناجحين في المسابقات
ومن المعروف انه لا يمكن للشخص ان يدرس الماجستير مرتين (مثلما هو الحال لمن تخرجوا بمعدل اقل من 12/20)