من فضلكم احتاج وصفات ب بيمو

[soussou_saida]

من فضلكم احتاج وصفات ب بيمو شريت كمية معتبرة من بيمو و طحنتها و صنعت بها قلوب (وصفة الاخت اصيل)
و بقات كمىة بيمو
عندي وصفات حلويات بدون طهي ب بيمو مي راني حابة وصفات جديدة
لا تبخلو عليا

[soussou_saida]

22 visites sans aucun commentaire

[زنجبيل11]

ام اماني حلطة وصفى شابة بالبمو جلجلانية بطريقة جديدة اضن

[lyna2007]

وهناك وصفة ام كوثر تارت بالبيمو

[soussou_saida]

merci
راني شفت و صفة ام اماني
ووصفة ام كوثر راني مجربتها

[فضيلة13]

السلام عليكم
عندي وصفة بالبيمو مليحة او ناسكافيه
ادا ماجربتيهاش نمدهالك

[soussou_saida]

salam
ih okheti medihali

[فضيلة13]

السلام عليكم
1-ارحي بيمو مليح او زيديلو كاكاو اكحل باش يعطيك لون بني غامق او شوية فني من جهة اخرى حطي ماء يسخن
كييسخن الماء دوبي في كاس تاع ماء ناسكافيه او لمي بيها البيمو المرحي حتى تتلم تولي عجينة حاكمة روحها
2-الحشو:
انا موالفة نديرها بعجينة اللوز او كاين لي يديرها بنواد كوكو
عجينة اللوز:
ارحي كيلة لوز مع كيلة سكر مسحوق( قلاصي) مليح حتى تولي بودرة او لميها بالسير او شوية زبدة
3-حلي العجينة لي تحصلتي عليها ديريها شوية رقيقة حوالي 3مم ابصح حليها فوق بلاستيك
كي تحليها قيسي قد غلاف تاع كراس صغير باش يجو كامل قدقد
او حلي عجينة اللوز او حطيها فوق عجينة البيمو او روليها كيما الرولي بالبلاستيك لوكان ديري بيدك تتشقق كي تروليها حطيها في ثلاجة مدة نصف ساعة باش تحكم روحها كي تخرجيها قطعيها مقروطات صغار او زينيها بياسمينات حجم صغير او عقاش فضي
او ان شاء الله تعجبك
اسمحيلي طولت عليك ماحبتش تتبعت بسيف

[fadila34]

سلام اختى انا عندى وصفة بيمو مجربة بنينة وزاكية بصح منيش حطتها فى المنتد ونشاالله نحطها نخليك مع المقادير 500غ مرغارين +نصف علبة المرغارين زيت +نصف علبة المرعارين حليب ملعقة قهوة خميرة الحشو نواة كوكو +معجون مشمش للتزين عسل +بيمو لمى العجينة وحطيها ترتاح ثم حليها وقطعيها دوئر وضعى الحشو فى الوسط واغلقى عليه مثل التشارك وحطيه فى الفرن كى تخرجيه وهو سخون حطيه فى العسل ومعد فى بيمو نشاالله تكونى فهمتنى

[soussou_saida]

merci
جربت مثلها في العيد شكلت هليلات و درت العقدة فيها بيمو و التزيين ب العسل ة بيمو
الوصفة اخدتها من المنتدى

[كوزينة هديل]

http://www.djelfa.info/vb/showthread.php?t=1215379

[kroudja]

هذه الوصفة تاع أماني انا عجبتني بزاف و جربتها روعة
السلام عليكم
كيف حالكم غالياتي ان شاء الله كامل بخير
سبق وحطيت قاطو الجلجلانية باللوز صراحة هاااايل واليوم جبتلكم وصفة جديدة لقاطو الجلجلانية بالكاوكاو والبيمو ساهل في التحضير ذوقه رووووعة ويحمر الوجه في المناسبات.
قبل مانحط المقادير نقولكم ان الكيلة المستخدمة هي كاس نتاع250مل وهذا الكمية تقطع حوالي30حبة على حسب الحجم

المقادير:
زوج كيلات كاوكاو محمص ومدشش
كيلة بيمو مرحي
نصف كيلة سكر احرش
فنجان صغير زبدة ذايبة
زاست حبة قارص،م ص خميرة الحلوى،فاني
البيض نستعمل بيضة مقابل زوج بياض حتى تتلم العجينة
جلجلانية
عسل
http://
إضغط هنا لرؤية الصورة بحجمها الطبيعي.


نخلط الكاوكاو+بيمو+السكر+الخميرة+الفاني+الزاست+الزبدة الذايبة ونبدا نضيف البيض نضيف بيضة+2بياض حتى تتلم العجينة اما اذا ضاعفنا المقادير راح نضاعف كمية البيض
نشكل كويرات بنفس الحجم

http://
إضغط هنا لرؤية الصورة بحجمها الطبيعي.


نغطسها في بياض البيض ثم في الجلجلانية ونحطها داخل لي كيسات

http://
إضغط هنا لرؤية الصورة بحجمها الطبيعي.


وندخلها للفرن تطيب على درجة متوسطة لازم نراقبها لان الحلوى مافيهاش فرينة راهي ساهلة في الطياب
من جهة نكون سخنت العسل وضفتلو شوية ماء الزهر
غير تخرج الحلوى من الفرن نسقيها بالعسل نحط حوالي م ك لكل حبة
نسخن لاجولي وندهنها من فوق باه تبقى تلمع وشكلها يجي شباب ونزين كل حبة حلوى بنصف حبة سوريز كونفي و من الاحسن نغير لي كيسات ونقدمها وهذا شكلها النهائي

http://
إضغط هنا لرؤية الصورة بحجمها الطبيعي.


http://
إضغط هنا لرؤية الصورة بحجمها الطبيعي.


عن قرب امممممممم

http://
إضغط هنا لرؤية الصورة بحجمها الطبيعي.


صدقوني ذوقها هاااايل نتمنى تعجبكم الحلوى
لاتنسوني غالياتي من صالح دعائكن ولكن بالمثل
في امان الله

[habiba12]

http://www.djelfa.info/vb/showthread.php?t=1245425

[soussou_saida]

allah yatikom saha

[محمد بن عبدالله]

اختى الفاضلة هده الوصفة رائعة كيلة زيت كيلة حليب كيلة زبدة دائبة وتخلطى مليح ثم اضيفى الفرينة حتى توليلك عجينة طرية ماشى يابسة باش تعطيلك الطوع فى التشكال ناتى الى الحشو كاوكاو مرحى خشن +مربى المشمش تكون عجينة نعمل بيهاحرابيش ونحل العجينة ونطبع بكاس مدور ونضع حربوش ونغلق نصف دائرة ونعدل الشكل مليح ونضعه فى الفرن بعدالطهو نحل شوية مربى مع ماء الزهر ونغطس الحبات ثم نمرمدهم فى البيمو المرحىالرطب

[تسنيم مسلمة]

http://www.djelfa.info/vb/showthread.php?t=1053486

[silent scarf]

على حساب وش فهمت ماكيش تحوسي على قاطو ما يطيبش
هذا قاطو لقيتو في منتدى وحداخر و جربتو و عجبني

المقادير

مرغرين 250 غ طرية
نصف باطة بيمو مرحي مليح
من نصف الى 3 ارباع كاس سكر قلاصي **حسب الحلاوة المرغوبة**
بيضة كاملة و وحدة صفار و نحتفظ بالبياض
2 مغارف ميزينة
2 خمارة حلويات/فاني
فرينة
لوز ايفيلي
عسل

نخلط المرغرين غامولي مع البيمو مليح نضيف السكر و الميزينة الفاني ثم البيض و نخلط
نزيد الفرينة + الخمارة و نلم العجينة حتى تصبح طرية تقريبا مثل عجينة الصابلي
نفردها بسمك 1 سم و نشكل الشكل اللي حبيتو ** انا هنا درت شكل قلب**
نحط الحبات في ليكيسات المناسبة للشكل و نطليهم ببياض البيضة و نذرذر عليهم اللوز ايفيلي

نخليهم يطيبوا في درجة حرارة متوسطة حتى يخمروا مليح نشعللهم من الفوق و نخليهم يتحمروا

كي نخرجهم نسقيهم بمغرف كبيرة عسل**انا نحب نعسلهم اكثر** ماشي شرط يكونو سخونين المهم واحد منهم يكون سخون اما القاطو او العسل

نطليهم بلاجولي بش يلمع الوجه