إلى من يقول المسابقة على أساس الإختبار

[أبو فارس]

أحيط جميع زوار منتديات الجلفة الرائعة أن مسابقات التوظيف لا تزال على أساس الشهادة إي دراسة ملف + إمتحان شفهي و لم يعلن إلى حد الآن عن أي جديد في الجريدة الرسمية.
كيفية تنظيم الإمتحانات و المسابقات في المؤسسات و الإدارات العمومية
الجريدة الرسمية للجمهورية الجزائرية/العدد 26 التاريخ 11 جمادى الثانية عام 1433 الموافق لـ 3 مايو سنة 2012
الصفحة 10

[zinozino]

قناة النهار ذكرت صراحة بان المسابقات في مديريات التربية سترجع الى نظام الاختبار لان المسابقات على اساس الشهادة اعطت نتائج سيئة جدا و انا سمعت بان القانون سيظهر في بداية جوان و ان وزارة التربية توشك على الانتهاء من اعداده و لهذا نتمنى ان يعود نظام الاختبار سئمنا من المقابلات الشفوية التافهة التي لا تستند ابدا على طرق علمية او بيداغوجية لمعرفة مستوى المترشح فلتذهب اذا الى الجحيم و مرحبا بنظام الاختبارات التي تعمل به كل دول العالم حتى حبيبتهم فرنسا.

[كمال84]

نحن بالجلفة اعلمونا انها ستكون على اساس الشهادة

[hamza bennouioua]

الى كل من يفضل المسابقة على اساس الاختبار
انا نقولو راك مخطأ ربي يهديكم على الاقل في المسابقة على اساس الشهادة فيها شوية مصداقية وعند الحق في الطعن
اما على اساس الاختبار تتبدل الورقة في مركز الامتحان وتتبدل النقطة في مركز التصحيح
انا عندي خمس سنوات من وقت التخرج حاب نعرف واحد نجح في الكتابي يستاهل وما مدش الرشوة والمعريفة
الله يهدي ماخلق اصبر يجي دورك في المسابقة على اساس الشهادة وتنجح اما على اساس الاختبار شوف كاشي معريفة قادرة ولا رشوة
وزير مزور حاب ينجح من كل ولاية غير معريفتو ويقضي مصالحو
لكل المتخرجين الجدد اللي يشوفو فيها فرصة غير اغسلو يديكم راكم ماكم فاهمين والووووووووووو
اصبر كيفنا راح يجي وقتك وتنجح انشاء الله

[zinozino]

يعني انت في ميزك مايديروش مقابلة اصلا نحطوا الدواصا و نستناو يعيطولنا و نخليوهم هوما يشوفو شكون لي قديم و شكون لي خدم اكثر من غيرو في عقود الذل و المهانة هذا ما هوش اساس للتوظيف و ماكانش دولة في العالم تخدم بيه غير بلاد ميكي و اذا راك تحكي على المصداقية اللي في المسابقات على اساس الشهادة خليني نقولك بلي اساليب الغش فيها لا تخفى على احد فهم يعطون 0.25 و 0.5 نقطة للغاشي و اللي يحبوهم يعطواهم 3 على 3 في المقابلة و روح انت تخدم معاهم يا ناس حكموا عقولكم المسابقة يجب ان تكون كما هو معمول به في كل العالم الا اذا كنا نحن نعيش في دولة لا تنتمي الى هذا العالم.

[hamza bennouioua]

انا نقبل يعطيني نصف نقطة المهم مايبدلش النقطة في مركز التصحيح ويعطيهم 17 ربي يهديك ومن بعد ينجح واحد الباك نتاعو وجابو بالكوبياج 2007 2008 2009 2010وزايد من 1992
العالم الاول يخدمو بمصداقية ماتحطش الجزائر مثلهم المسابقة على اساس الاختبار تساوي التزوير
اللي ماعداش منا وفات المسابقة على اساس الاختبار ماكان لاه يناقش

[LADYLAMIA]

hadi jdida hadi.... lbac men 2007 makach li jabou 9raya!!!!!....hhhhhhhhhhhhhhhhhhhhhhhhhhhhhhhhhhhh hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhhhhhhhhhhhh .mdr

[albert45]

90 بالمئة على أساس الشهادة والله أعلم

[nonomoh]

ان شاء الله تكون على اساس الشهادة لاني رايت فيها اكثر مصداقية من الامتحان الكتابي

[أبو فارس]

على أساس الشهادة تكون أكثر مصداقية لأنه حتى نقطة كشف النقاط للسنة الأخيرة تم تحديدها إلى 3 نقاط على أقصى حد
لأنه كان صحاب المعارف يزيدوا في المعدل الأخير حتى 17/20

[noussa nasnoussa]

كل واحد يخمم في روحو برك
ربي ينجح لي يستاهل

[كمال84]

ان شاء الله تكون على اساس الشهادة لاني رايت فيها اكثر مصداقية من الامتحان الكتابي

[قناص الجزائري]

ان شاء الله على اساس الشهادة

[popona]

ان شاء الله تكون على اساس الشهادة

[doba]

إذا بقت على اساس الشهادة ربي يرحمكم
وربي يوفق الجميع

[albert45]

على أساس الشهادة تاني فيها سلبيات

[أبو فارس]

مكاش فيها سلبيات لأنك تقدر تعرف لي يستهال المنصب و لا لا و تقدر الدير طعن كيما حدث عندنا في تيسمسيلت العام الماضي بالنسبة
لتخصص تربية بدنية فاتو 2 ولا 3 بالدراهم متخرجين في 2012 و قعدو لمتخرجين في 2004 دارو طعن نحاوهم و دخلو ليستهالو
أما علىأساس الإختبار قادر في الإمتحان الشفهي يليكيدوك إذا مكانش عندك العرف مع لجنة التحكيم و هذا كي تكون المعدلات متقاربة الإمتحان الشفهي يصبح هو الصح بالنسبة للمسابقات على أساس الشهادة

[albert45]

مكاش فيها سلبيات لأنك تقدر تعرف لي يستهال المنصب و لا لا و تقدر الدير طعن كيما حدث عندنا في تيسمسيلت العام الماضي بالنسبة
لتخصص تربية بدنية فاتو 2 ولا 3 بالدراهم متخرجين في 2012 و قعدو لمتخرجين في 2004 دارو طعن نحاوهم و دخلو ليستهالو
أما علىأساس الإختبار قادر في الإمتحان الشفهي يليكيدوك إذا مكانش عندك العرف مع لجنة التحكيم و هذا كي تكون المعدلات متقاربة الإمتحان الشفهي يصبح هو الصح بالنسبة للمسابقات على أساس الشهادةراني معاك في هادي النقطة أخ أبو فارس بصح حتى الاستخلاف و مالقيناهش باش نتحصلو على نقاط في الاختبار على اساس الشهادة و صار يمدوه بالمعريفة

[مراد الأمل]

في نظري على أساس الشهادة أرحم..من تجربتي في الطريقتين رايت على اساس الشهادة فيها نوع من المصداقية

[كمال84]

على اساس الشهادة فيها نوع من المصداقية

[Tinda20]

oui je suis pour le concour sur titre

et inchallah cette année aussi le concour sera sur titre

:)

[سندريلا SF]

اللي يقول على اساس الشهادة راني عندي صحباتي تخرجو معايا في 2012 ونجحو
ويني المصداقية؟؟؟؟؟؟؟؟؟؟؟؟؟؟؟؟؟؟؟؟؟؟؟
انا على نفسي تجيني الكتابية ارحمممممم

[asmasawsen]

السلام عليكم
انا حسب تجربتي المسابقة على اساس الاختبار اكثر مصداقية يعني ليخدم فالكتابي يقدر ينجح و مبعد يزيد يجوز الشفهي يحسبو فيه الخبرة و سنة التخرج و يحسبو نقطة الامتحان الكتابي مع الشفهي كل نقطة و المعامل تاعها افضل من المسابقة على اساس الشهادة التي لاتبيين المستوى الحقيقي للمترشح خاصة ادا كانت الاسئلة الشفهية خارج التخصص و زيد هاداك التنقيط لي راهم دايرينو ماراهمش يحسبو بيه خلاص انا نعرف و حدة عندها ليسانس llmd متخرجة في 2010 و ماعندها حتى خبرة نجحت هي الاولى في القائمة كلاسات قبل لي عندهم ليسانس 2004 وعدة سنوات خبرة وين راهو العدل ياخاوتي و ماكان لا طعون لاوالو
ربي يصبرنا ان شاء الله و ربي ينجح كل واحد تعب وتوكل على ربي

[albert45]

ربي يتولى كل ظالم

[amine eco]

المسابقة عل اساس الشهادة نظر لصعوبة التاطير والعدد الكبير للمترشحين

[سمير جلفاوي]

المسابقة على أساس الاختبار هي الحل الامثل للشفافية ... علاش مايطبقش عام على اساس الاختيار وعام على اساس الشهادة ...
حل يرضي كل الاطراف
نحن شباب الجامعي الذي ادى واجب الخدمة الوطنية اين حقنا ليس لدينا نقاط اظافية في المسابقات على اساس الشهادة لماذا هاذا ظلم لنا ... اقول للذي سيعقب كلامي ويستهزأ مايحس بالجمرة غير الي كواتو ...
نحن ضحينا من اجل البلاد اين حقنا ولا نقطة اضافية لنا ... لماذا ... اليس لنا الحق المطالبة ... ربما ليس لنا الحق حتى في الكتابة او المطالبة بالحقوق ... ربما لسنا من هذه البلاد اساسا ...
لم لاتقوم الاناث بمساندتنا في مثل هذا الامر لماذا لا يتضامنون معنا ... نحن اصحاب حقوق ايظا ... اتمنى المشاركة بقوة في الموضوع واتمنى ان اشاهد تعليق الاناث ولاكن ... بجدية دون استهزاء

[amir1919]

المسابقة على اساس شهادة الي انهى دراستو في 2001 لا ينجح

[lalib40]

اتمنى ان تكون على اساس الكفاءة

[ARIJ ELHOUDNA]

لا مصداقية في مسابقات مديرية التربية سواء كتابية او شفهية الا بنسبة1بالمائة

[albert45]

هرمنــــــــــــــــــــــــــــــــــــــــــــــ ــــــــــــــــــــــــــــــــــــــــــــــا

[يوسف 5]

يعني نحن طلبة الماستر ضيعونا لا يوجد توظيف بالماستر الا في التعليم اصلا درسنا الماسشتر الا من اجل التعليم
اله يهديهم ان شاء الله ترجع بالشهادة
اضن ان اصحاب الماستر سيحتجون ان عادت المسابقة بالاختبار

[albert45]

يعني نحن طلبة الماستر ضيعونا لا يوجد توظيف بالماستر الا في التعليم اصلا درسنا الماسشتر الا من اجل التعليم
اله يهديهم ان شاء الله ترجع بالشهادة
اضن ان اصحاب الماستر سيحتجون ان عادت المسابقة بالاختبار
يا أخي ماتعرفش الخير وين ..واحد ما طل على مكتوبو

[karimdor]

الاشخاص الذين يدافعون عن نظام المسابقة على اساس الشهادة هم اصحاب الشهادات القديمة واصحاب الخبرة وهذا معروف لان املهم في النجاح كبيير وهم الذين عانو سنوات طويلة من الانتظار لكن الغريب في الامر انهم بهذا الامر هم في الحقيقة يدفعون الاجيال الجديدة من المتخرجيين الجدد الي تذوق نفس الكاس الذي ذاقو هم منه بعبارة اخرى يجب على المتخرج الجديد ان يعاني ويلات الانتضار لسنوات طويلة ويفوته قطار العمر لكي يصبح صاحب اقديمة وخبرة .... مافائدة العمل اذا كنت اهرم من اجله
انا صاحب شهادة قديمة وقديمة جدا لم يسعفنى القدر ان احصل بموجبها على وظيفة ولكني اشجع نظام المسابقة على اساس الاختبار لان امل النجاح سيكون مفتوح لفئة كبييرة من المترشحيين ولاني لااريد لغيري ان يعيش ما عشته انا ...الرشوة والمحسوبية ليس لها نظام موجودة في كل اساليب وطرق التوظيف .... بتوفيق للجمييع

[djozef_19]

normalement 3ala assasse iktibar wa sur titre
les deux

[كمال84]

المسابقة على اساس شهادة

[[مطمئنة]]

المسابقة على اساس شهادة

هل لديك مصدر موثوق ؟؟؟


أم هي فقط مجرد احتمالات

لأني أتمنى فعلا أن يكون على أساس الشهادة ( لي قبلي كامل توظفوا و جات دالتي المفروض) رغم أني أتمنى التوفيق لمن يستحق سواء بالكتابي أو الشهادة

[[مطمئنة]]

لوكان جات في يدي ندير 50 % من عدد المناصب الأولى على اساس الشهادة و الباقي على أساس الكتابي

لأنه الحل الذي لن يختلف عليه اثنان

والله أعلم

[albert45]

[quote='[مطمئنة];1052782228']هل لديك مصدر موثوق ؟؟؟


أم هي فقط مجرد احتمالات

لأني أتمنى فعلا أن يكون على أساس الشهادة ( لي قبلي كامل توظفوا و جات دالتي المفروض) رغم أني أتمنى التوفيق لمن يستحق سواء بالكتابي أو الشهادة[/quote


كان الله في عونك..

[[مطمئنة]]

اللي يقول على اساس الشهادة راني عندي صحباتي تخرجو معايا في 2012 ونجحو
ويني المصداقية؟؟؟؟؟؟؟؟؟؟؟؟؟؟؟؟؟؟؟؟؟؟؟
انا على نفسي تجيني الكتابية ارحمممممم

أكيد معدلاتهم للسنة الأخيرة طالعة (و ممكن جدا أكثر منك) و لوكان قلتي صاحبتي نقلك بالاك فيها إنّ يعني مش ممكن صحباتك كامل فايتين معريفة!!!!!!

كيم أنا عندي فوق 14(دبلوم 2009)

قادر واحدة متخرجة جديدة تجيب ما فوق 15 و تكون الأولى على الدفعة خلاص تدي زايدة علي ب 0,5 على المعدل و +1 نقطة على الأولى يسمى بصحتها هي المنصب و تستاهلو

مش رايحة نقول آآآآآآه هادي حقرة و ماكانش مصداقية

لأنو هكا صرالي مع لي نجحو قدامي و درك لوكان يكون على أساس الشهادة نكون أنا الأولى في القائمة (ان شاء الله)

[زريبية]

على اساس الشهادة ولا على اساس الاختبار بالدليل فيها مانسميهاش محسوبية ورشوة لينقطوا يحسبوها نتاع ماتهم اسغفر الله ياربي خاصنا تربية وامانة من طاطا للعجائز اللي هرب لاامتحان على اساس الاختبار نوعيين معرفة ورشوة
ونوع خايف يبكي يحوس يديروها على اساس الشهادة لاخطراش قرا باش يجيب الدبلوم وكان تسقسيه واش تعلم يقلك واش يشفيني وعقبوا معايا الكثير كيف اجعله مثلا يدرس ابني اذا كان هرم في راسوا شاخ ولا يخرف انهزامي ولا متخرج جديد ماعندوا حتى مظهر داير كيلوا بانتوا وجال في شعروا كيفاه قرا الله اعلم في الجامعة كي تخرج ما يحكولكش على الدراسة يحكيلك تقول تورنا فيلم تركي اتمنى ان ينجح الخيرون من الجانبين قديم وجديد ليس العمر مقياس العطاء والرزق ربي اعطاه منازل ليس بالضرورة ان تكسب ما قسمه الله لغيرك وعن كلامي السابق لااتهم جزافا البريد الالكتروني فيه اسمي ولقبي كاملا لدى ادارة المنتدى ولو اطلع عليه حتى وكيل الجمهورية الحديث بالدليل وخوف ربي هو كلش ربي يوفق الكل راكم قع وليداتنا وبديت منذ اكثر من شهر في اقتراح لااحد الاخوة الاعضاء عن ممارسة نشاط فردي ليس احباطا من التوظيف عن الدولة بل اعمل اسباب للرزق وفي نفس الوقت اشارك في مسابقات
لكي لااصبح انتحب ونقول راني قديم نورمالموا ان الاولى لاني اراه في النهاية سبب مادي وفقط لا تزعل ياحبيبي نصيحة والله صادقة يقينك في ربي يكفيك

[iamajoke]

المسابقة على اساس الاختبار احسن من على اساس الشهادة

على اساس الشهادة اول شىء تخسر نقطة المقابلة لانها معريفة و الكل يعرف ذالك

و ثانيا الاقدمية و الخبرة عند فتح باب الدخول فى المسابقة للموضفين الذين لهم عمل نحن نخسرها ايضا

يا اخى المسابقة على اساس الاختبار قليل فيها التلاعب و الله اعلم

[sidaek1]

المسابقة على أساس المعرفية خير منهم كامل. ماينفعك لا ديبلوم قديم و لا جديد

[كمال84]

على اساس الشهادة احسن واغضل

[amina2688]

هناك فرق شاسع وواسع بين الاثنين................................والواحد يثبت قدرتوا في الامتحان الكتابي

والي عندو حق يديه ,والي حاس بظلم من السهل وضع طعن والمطالبة باعادة التصحيح طبعا اذا كان واثق من قدرتوا

[doba]

ههههههههه على أساس الشهادة مليحة لجماعة المعريفة
وعلى اساس الإختبار مليحة لجماعة الصح
وربي يوفق الجميع

[ايمان 24]

الخير وين دارو ربي

[kimotechgirl]

ربي يجيب اللي فيه الخير

[kouds]

منا لزيد سموه بوزيد تسبقوا في الاحداث الي يجبوا ربي يكون فيه الخير

بالتوفيق للجميع