سونلغاز جيجل

[houda_jijel]

هل هناك جديد حول مسابقة سونلغاز الخاصة بولاية جيجل و هل تم استعاء المترشحين المعنيين؟؟؟؟؟؟؟ لقد طالت المدة.

[bkwktn]

أنا من أيضا من جيجل.........مهندس في الإلكتروتقني..........ولكن أي مسابقة تقصدين يا أختي...........في شهر مارس الماضي كان هناك إعلان من وكالة التشغيل للميلية فيما يخص محطة توليد الكهرباء في المنطقة الصناعية بلارة ولكن ليس كل الناس بإمكانهم دفع الملفات ......يعني لازم تكون مسجل في كالة التشغيل الميلية ............إن كان هناك ‘لان آخر لسونلغاز بجيجل....لست أدري..............

[houda_jijel]

نعم انا اقصد المسابقة التي اعلنت عنها وكالة الميلية فقط فلحد الساعة لم نستدع للمسابقة شكرا على الرد

[رقيوع]

انا ثاني دفعت الدوسي ولا خبر عليها
جابلي ربي من تحت الطابلة هادو يخدمو

[azizo18]

انا ايظا من جيجل مهندس تطبيقي فالالكترونيك مكان حتي جديد في الولايو هذي شبعنا و ملينا من لانام

[houda_jijel]

ايه و الله حرنا شهرين و مزال مبان والو

[eljijli]

ياخي بلاد ياو روحي تعجني لكسرة على روحك واش دخلك في سونالغاز نتوما ماطلقو والو عندك لحق بلاد النساء *قوم بوبخا*

[houda_jijel]

ملقيت منقولك راك خارج عن الموضوع

[nina-23]

من كان يؤمن بالله و اليوم الآخر فليقل خيرا أو ليسكت

[jelfa23]

rabi sahel khawti

[bkwktn]

السلام عليكم........... ردا على الأخت .......والإخوة....لا أريد أن أدخل في متاهات خارجة عن الموضوع وعن أهداف هدا المنتدى....فيما يخص إستدعاء المقابلة الشفهية........أنا شخصيا لم أدفع الملف في فيفري لأني كنت في الخدمة الوطنية .....ولكن دفعت ملفي مؤخرا مند حوالي أسبوع...09 ماي 2013......قيل لي أنه سيكون الجديد في شهر جوان....من مصدر رسمي.......ولكن كل واحد وتخصصه .....أنا كتبو لي في bultin ingéniieur de production.......علما أنني متحصل على مهندس دولة في الإلكتروتقني..آلات كهربائية........وشكرا.....بريدي الإلكتروني هو على الترتيب كما يلي:bkwktn+arobaz+point+com.........كتبته هكدا لأنه غير مسموح بكتابة البريد الإلكتروني في المنتدى......من لديه معلومات أو يريد تبادل معلومات في مصلحة الجميع فليتصل بي علئ هدا العنوان الإلكتروني...والرزق على الله..................

[houda_jijel]

يا اخي المسايقة شفوية ام كتابية و اين تتم؟

[sinopointic4]

ربي يسهل للجميع

[bkwktn]

سلام.....................المسابقة بطبيعة الحال تكون كتابية لأن مؤسسة سونلغاز التوظبف فيها يكون دائما عن طريق إمتحان كتابي............ولكن يوجد أيضا entretien ..........للإفادة فقط لدي نمادج من مسابقات السنوات الماضية لسونلغاز.....لمن يهمه الأمر بريدي الإلكتروني هو:bkwktn@yahoo.com

[bkwktn]

سلام.....................المسابقة بطبيعة الحال تكون كتابية لأن مؤسسة سونلغاز التوظبف فيها يكون دائما عن طريق إمتحان كتابي............ولكن يوجد أيضا entretien ..........للإفادة فقط لدي نمادج من مسابقات السنوات الماضية لسونلغاز.....لمن يهمه الأمر بريدي الإلكتروني هو بالترتيب كما يلي: bkwktn+arobas+yahoo+point+com

[jil18]

مشكور اخي لقد قمت بارسال رسالة اليك اريد بعض النمادج بارك الله فيك
هل انتم من سكان الميلية لاني سمعت ماخرا انه لا يتم اعطاء le bulletin الا لطالبي العمل التابعين لوكالية الميلية

[smailmanaa]

أنا حاب نقول راكم ماعلابالكم بوالوا أنا منيش من جيجل بصح التوظيف في سونالغاز راح في مرحلة psycho في قسنطينة و أنا جوازت و راني نستنا و كل ولايات الشرق يجوزوا في قسنطينة و مكانش امتحان كتابي كما راكم تقولوا و لي ينجح في psycho مبروك عليه يبقالوا غير test medical ر بعد يروحوا ل stage ميش كل واحد يديرولوا واحدوا .أدعولي ربي ينجحني أمين.

[houda_jijel]

اخي smailmanaa كيما فهمت من كلامك تسما تاع جيجل تاني يكونو عقبو؟؟؟؟؟؟؟؟؟؟؟؟؟؟؟

[smailmanaa]

بالاك ياhouda زيد سقسي مليح خطراكش هذا هو وقت recrutement في سونالغاز

[bkwktn]

سلام..........سبحان الله كاين عباد يهدرو بلا دليل أنا يا أخي عندي نمادج أسئلة توظيف مهندسين في الإلكتروتكنيك(مسابقة كتابية) ......يا أخي إدا حبيت تتأكد أتصل بي عنواني الإكتروني مكتوب في الصفحة 1

[smailmanaa]

خويا bkwknt أنا منيش نكذب و منيش نكذب فيك .صح كان كاين كتابي و عندهم عامين ملي نهاوه و زيد أنا لي فوات هاذ العام و مزالي مرحلة test medical و ندخل سونالغاز انشاء الله

[سلطان18]

السلام عليكم هل من مسابقات توضيف بجيجل كاش جديد قولونا واجروكم عند الله

[bkwktn]

يا أخي smailmanaa أنا لم أقل لك راك كذبتني.......ولكنك أنت قلت في ردك على المنتدى بأنه لا يوجد إطلاقا ''مكانش امتحان كتابي كما راكم تقولو'' وأنا عندي دليل أنهم كانو يوظفون على أساس إمتحان كتابي...إدا كان بدلوا طريقة التوظيف لست أدري ....خويا ربي يوفقك إن شاء الله......دير في راسك راك في بلاد كل شيئ فيها ممكن....بالتوفيق ....وإن كانت لديك معلومات جديدة عن كيفية التوظيف أو نماذج عن الأسئلة أفدنا بها وشكرا....سلام عليكم.

[ripo25]

السلام عليكم الاخ smailmanaaهل الامتحان اللي جوزتو خاص ب sde لانني عقبت entretien بصح مزال ما عيطوناش psyco

[smailmanaa]

أخي التوظيف في سونالغاز واش درت أنا 1-entretien و كانت الأسئلة عامة -2 عايتولنا درنا psych و الحمد لله راهي بانت resultat البارح و قالولي نهار الاثنين عندي tst medical يعني عايتو غير الناجحين و نشاء الله يجيبها في الصواب و أنا درت في sdd يعني نتاع distrubution هذي هيا المراحل لي درتهم بالتوفيق للجميع

[scorpion dor]

bon chance pour tous les condidats

[bkwktn]

يا خويا ربي ينجحك إن شاء الله

[ripo25]

ربي ينجحك اخي الكريم ولعقوبة لينا انشاء الله

[bkwktn]

يا الأخ smailmanaa حبيت أنسقسيك إدا تقدر تجيبلنا واش دارو في البسيكو تاع ingénieur de production وشكرا.

[ripo25]

السلام عليكم الاخsmailmanaa لا يوجد فرع في سونلغاز اسمهsdd فهل انت تقصد sde وهل عقبتو entretien في عين مليلة وهل يمكنك ان تشرح لي واش درتو في البسيكوتقني وبارك الله فيك

[athmen29]

أخي التوظيف في سونالغاز واش درت أنا 1-entretien و كانت الأسئلة عامة -2 عايتولنا درنا psych و الحمد لله راهي بانت resultat البارح و قالولي نهار الاثنين عندي tst medical يعني عايتو غير الناجحين و نشاء الله يجيبها في الصواب و أنا درت في sdd يعني نتاع distrubution هذي هيا المراحل لي درتهم بالتوفيق للجميع

يا خويا ربي يوفقك إن شاء الله
وأنا نستنى فيك باش تبشرني :rolleyes::rolleyes:
على العموم الله ينجحك أخي إن شاء الله
وبالتوفيق للجميع

[smailmanaa]

السلام عليكم .أخي 3thmen29 عاندهم 3 jr ملي عيتولي و اليوم روحت درت test medical و هذا هو الأخير وربي يسترك على المساعدة .ـ

[smailmanaa]

السلام عليكم الاخsmailmanaa لا يوجد فرع في سونلغاز اسمهsdd فهل انت تقصد sde وهل عقبتو entretien في عين مليلة وهل يمكنك ان تشرح لي واش درتو في البسيكوتقني وبارك الله فيك

صح كنت نقصد sde أما psych . دخلنا مدولنا ورقة تملئ المعلومات نتاعك و بعد مدونا 5 كتب نتاع أشكال كل وحدى و الوقت نتاعها و بعد مدونا ورقة فيها 300 سؤال بالفرنسية على الشخصية نتاعك و بعد اجتمعنا في طابلة وحدة و قالونا خيرو مشروع تخدموا فيه مع بعض و يجيب الدراهم و مايكلفش بزاف و هوما قاعدين يشوفوا أسلوب كل واحد و بعد 10 دقايق قالنا لخصوا المناقشة بالفرنسية وبعد وأخيرا المقابلة الشفوية المباشرة و يسقسي على الورقة الأولى لي عمرتها و حياتك و علاش خيرت سونالغاز ....يعنى نهار و هنا نجوزوا و الحمد لله جازت .

[athmen29]

العفو أخي
اصبر عليهم شوية لأنه ممكن النتيجة تطول باش تبان وخاصة إذا مهندس ، العقود أو الموافقة تأتي من العاصمة
لذا صبراً جميل أخي بعد الفحص الطبي
بالتوفيق إن شاء الله
ربي يوفقكم أن شاء الله

[no name rix]

بالتوفيق لكم

[ripo25]

بارك الله فيك الاخ smailmanaa ووربي يسهلك انشاء الله انت بلاك راك عقبت في الفرع انتع الكدية وانا عقبت في الفرع تاع باب القنطرة سقسيتهم قالك مزال البسيكو تقني

[هدى00]

سلام
هل هناك مناصب بالنسبة لمهندس في الإعلام الآلي

[bkwktn]

السلام عليكم.........من منكم تلقى مكالمة من محطة أشواط لتوليد الكهرباء spe بخصوص توظيف مهندسين في محطة توليد الكهرباء الجديدة ببلارةبالميلية..........أنا عيطولي اليوم قالولي عندك إمتحان بسيكو تقني يوم 09/06/2013 على الساعة 08.30 مرفوقا بقلم و صورة شمسية.........????? إخواني لي عيطولو منكم يتواصل معي على المنتدى...وشكرا

[houda_jijel]

نعم اخي انا ثاني عيطولي وقالولي سيالة + صورة لكان عندك فكرة على طبيعة الاسئلة او اي شيء يخص التاست قلنا ربي يوفقك

[bachir_alg]

شفوية او كتابية

[bachir_alg]

ربي يسهل للجميع

[رقيوع]

السلام عليكم.........من منكم تلقى مكالمة من محطة أشواط لتوليد الكهرباء spe بخصوص توظيف مهندسين في محطة توليد الكهرباء الجديدة ببلارةبالميلية..........أنا عيطولي اليوم قالولي عندك إمتحان بسيكو تقني يوم 09/06/2013 على الساعة 08.30 مرفوقا بقلم و صورة شمسية.........????? إخواني لي عيطولو منكم يتواصل معي على المنتدى...وشكرا
خويا انا ثاني عيطولي واش من تخصص انتا ومن اي منطقة انا ميكانيك ومن الميلية جابلي ربي يعيطو غير لي المعدل نتاعهم كتر على 11

[سمير الجيجلي 18]

درك وليتو تعرفو الميلية !!!!!!!!!!!!!!!! تعرفوها غير فالمصلحة....... بصح كي نحبو نخدمو في جن جن السؤال ديما نفسو ( أنت الددددد ميلية يا بن عميييييي ) كي تقولهم ايه انا من الميلية الجواب يكون ( أنت الدشبيك يااااااو ما يحكلكش تخدم هناااااااااااا لازم تكون مريزيدي فالطاهيييييييييير و الا في جيجل ) ودرك تزيدو تدخلو في .................... معانا . بفففففففففففففففففففففففففففففففففففف

[houda_jijel]

انا كيما سمعت و شفت لم يستدع الا التابعين لوكالة الميلية

[nina-23]

يا جماعة كون يسألوكم و علاش يرتو سونلغاز وش تقولو

[houda_jijel]

اختي nina-23 انتي واش من تخصص دايرة بالضبط بالاك نقدرو نعاونو بعضانا ؟؟؟؟

[nina-23]

اختي nina-23 انتي واش من تخصص دايرة بالضبط بالاك نقدرو نعاونو بعضانا ؟؟؟؟

ana adaira electrotechnique
wa j ai remarque bali dayman f les concoures ysaksiwak waalach khayart hadi la societe bach takhdam fiha wach njawboham

[nina-23]

winkam ya jema3a

[سمير الجيجلي 18]

واش خصك ؟؟؟؟؟؟؟؟

[adilfuhrur]

لقد تم الاتصال بي اليوم و اخبروني ان الامتحان ( بسيكوتقني ) سيكون يوم الخميس 13/06/2013
و هذا فيما يخص تقني سامي في الالكترونيك

[houda_jijel]

ربي يوفق خويا معلابالكش واش دارولهم اليوم؟؟

[adilfuhrur]

الله اعلم
عمبالي بلي الالكترتقني يجوزوا بالاربعاء

[kenzased]

انا فوتت نهار 11/06/2013 يوم الثلاثاء وكان تخصصي مالية والعمل على ما اظن محطة توليد الكهرباء جيجل لكن لحد الساعة لم اتلق اي خبر سواء بالنجاح او الرسوب

[Lona.Anna]

momkin tadha3 namadhije fi montada hata yasstafid eljami3

[athmen29]

momkin tadha3 namadhije fi montada hata yasstafid eljami3

http://www.djelfa.info/vb/showthread.php?t=1189363

http://www.djelfa.info/vb/showthread.php?t=1318096

[LiAMSis]

السلام عليكم

[karimmega]

Merci khoya baraka alho fika aa