*-*الرقاق(لفتات) والبرنوس(لفطير) والشخشوخةالبسكرية ومعارك بالسمن*-* من مطبخي وبالصور

[*بيتي مملكتي*]

السلام1


كنت قد وعدتكم باش نحطلكم الطريقة المفصلة لطياب الرقاق أو كيما يسميه الكثيرين النعمة ،الكسرة نتاع الشخشوخة ، الفطير ..............إلخ وذلك في موضوع الحسوة البسكرية للي حابة تطلع عليه هذا هو الرابط:

http://www.djelfa.info/vb/showthread.php?t=1287064

في موضوع اليوم راح نحطلكم طريقتين لطهي الرقاق و وصفة الشخشوخة البسكرية نتاع كل يوم ماشي نتاع لعراس في وقت آخر إن شاء الله نحطهالكم بالتفصيل الممل
و كذلك معارك بالسمن (ماشي حرب هذي راهم مسمنات حنا نسميوهم كذلك معارك )


لنبدأعلى بركته الله فقط طولوا بالكم معايا

البسملة1

الرقاق و البرنوس (لفطير)


أولا العجين:

- كمية نتاع سميد حسب عدد أفراد العائلة (هنا وضعت 5 كؤوس) + ثلث كمية السميد فرينة (دورها تخفف الكسرة و تساعدك في تحضيرها خاصة إذا كان السميد مافيهش العلك) + ملح + ماء للم العجينة وعجنها

http://www.up.djelfa.info/uploads/136895320487911.jpg (http://www.up.djelfa.info/)


- برولي العجينة بالماء جيدا و دخليها بعضاها جيدا بلا ما تعجنيها(كل ما كانت طرية راح تعاونك في عجنها)
- غطيها ببلاستيك و ضعيها جانبا ترتاح حوالي نصف ساعة(راح تتشرب الماء و الحبيبات تطرى و بذلك تساعدك أفضل في عجنها إذا كان العجن باليد خاصة)


http://www.up.djelfa.info/uploads/136895321259971.jpg (http://www.up.djelfa.info/)
- بعد ما ارتاحت أعجنيها جيدا مع التبليل بالماء مرة على مرة مدة 10د حتان تطرى و تولي ملساء

http://www.up.djelfa.info/uploads/136895324958271.jpg (http://www.up.djelfa.info/)

- شكليها كريات و ضعيها في صينية مدهونة بالزيت و زيدي مرمديها في هذاك الزيت بعد ما تخلصي الكمية نتاع العجين و غطيها ببلاستيك باش ما تعملكش قشرة ناشفة من فوق
- خليها ترتاح مدة نصف ساعة أخرى و إذا قدرت تخليها أكثر خليها لأنها كل ما ترتاح كل ما تعاونك في الفتح نتاعها

http://www.up.djelfa.info/uploads/136895326406631.jpg (http://www.up.djelfa.info/)

http://www.up.djelfa.info/uploads/136895327303471.jpg (http://www.up.djelfa.info/)

- حضري الوسائل اللازمة لطهيها اللي هي الزيت و البلاطو اللي راح تفتحيها فيه و الموس اللي تقلبي بيه و المنديل اللي راح تحطيها فيه بعد ما تطيب


http://www.up.djelfa.info/uploads/136895328260531.jpg (http://www.up.djelfa.info/)

الطريقة الأولى نتاع زوج كريات فوق بعض

- سخني الطاوة اللي راح طيبيها فوقها ثم ونقصي للنار تكون بين المتوسطة و الخفيفة باش ما تتحرقلكش

- ادهني البلاطو اللي راح تبسطي فيه العجينة بالزيت

- خذي كريتين (حنا نسميوهم لوزات) و ابسطيهم شوية و حطي فوق وحدة منهم شوية الزيت و غطيها بالثانية و حاولي تضغطي غير شوية على الجوانب


http://www.up.djelfa.info/uploads/136895329028131.jpg (http://www.up.djelfa.info/)

http://www.up.djelfa.info/uploads/136895329869641.jpg (http://www.up.djelfa.info/)

- ثم قرصيها و ركزي على الجوانب رققيهم جيدا باش ما يتعبوكش في الخطوة اللي جاية

http://www.up.djelfa.info/uploads/136895330518061.jpg (http://www.up.djelfa.info/)

- حاولي تحملي القرصة بيدك و تضعيها على ذراعك بهذا الشكل


http://www.up.djelfa.info/uploads/136895331344621.jpg (http://www.up.djelfa.info/)

- ثم رققي الجوانب دائما أولا بأطراف أصابعك و دلك بشدها إلى أسفل ثم أقلبي القرصة مرة أخرى على ذراعك باش ترققي الجوانب المتبقية ثم براحت يدك رققي الوسط و باش تعرفي الأماكن اللي مازالو خشان وجهيها للضوء راح نبانلك التكتلات إذا كانت كبيرة حاولي ترققيها و إذا كانت صغيرة ما يهمش راح تترقق كي توضعيها على الطاوة


http://www.up.djelfa.info/uploads/136895332130551.jpg (http://www.up.djelfa.info/)

بأطراف أصابعك رشي شوية زيت على الطاوة
- ثم ضعي ظهر يدك على العجينة المتدلية و واحمليها ثم ضعي ظهر يدك الأخرى على الجهة المقابلة و ضعي العجينة بدءا من الجوانب مع الشد أثناء وضعها ثم اسحبي يديك
(للأسف ما قدرتش نصورلكم المرحلة هذي لأنو يديا في زوج مشغولين) ثم رشي العجينة بشوية زيت

- مع تحطيها راح تلاحظي بلي لون العجينة بدأ يتغير هنا بعد ما تغير كليا


ملحوظة: إذا جاتك صعيبة تحليها على ذراعك تقدري تحليها على البلاطو نتاعك فقط لازم يكون كبير باش تترقلك مليح

http://www.up.djelfa.info/uploads/136895333359211.jpg (http://www.up.djelfa.info/)
- عندما يتغير كليا إقلبيها و رشي مرة أخرى بالزيت راح تلاحظي بلي بدأت تنتفخ من الوسط

http://www.up.djelfa.info/uploads/136895334266061.jpg (http://www.up.djelfa.info/)
- كي تحسيها انتفخت كفاية خذي النصف المقابل لك و اقلبيه على النصف الآخر هكذا ثم طيبيها على الجانبين(اثقبيها باش تنفش ، هذا الإنتفاخ هو اللي راح يخليها مورقة من بعد كي تفتتيها)

http://www.up.djelfa.info/uploads/136895348610281.jpg (http://www.up.djelfa.info/)

-ثم اطويها هكذا و اطهيها على الجانبين كذلك بنفس الطريقة

http://www.up.djelfa.info/uploads/136895349796971.jpg (http://www.up.djelfa.info/)
- كي طيب ضعيها في المنديل و غطيها جيدا باش ما تيبسش كي تطيبي الكمية كامل فتتيها مع توريقها لأنها تتورق

الطريقة الثانية اللي هي البرنوس أو نقولولو كذلك لفطير ( الطريقة هذي تطيب وحدة فوق وحدة )


- النار لازم تكون خفيييييييييييفة ماشي كيما الطريقة الاولى

- خذي كرية واحدة و افتحيها بنفس الطريقة الأولى لازم تكون رقيقة لأنها واحدة فقط و ماراحش تتورقلك بعد ما تطيب ثم رشي الطاوة دائما بالزيت

- ثم ضعيها على الطاوة و رشيها كذلك بالزيت و افتحي وحدة أخرى في نفس الوقت اللي تطيب فيه الاولى

- ثم أقلبي العجينة مرة واحدة فقط و رشيها كذلك بالزيت و ضعي فوقها العجينة الثانية اللي فتحتيها دائما بنفس الطريقة رشي ثم أقلبي باش تطيب و افتحي واحدة أخرى ورشي اللي فوق الطاوة و زيدي حطيها على الأخريات و أقلبي ثم الرابعة حطيها و أقلبي وهكذا حتان توصلي ل 10 أو 15 كرية حسب مقدرتك على قلبها كي توصل هذاك العدد

http://www.up.djelfa.info/uploads/136895352242991.jpg (http://www.up.djelfa.info/)

http://www.up.djelfa.info/uploads/136895351296981.jpg (http://www.up.djelfa.info/)


ثم أقلبي نصفها على نصفها الآخر و طيبيها من الجهتين ثم أطويها مرة أخرى على 2 و حاولي ترفعيها بهاذ الشكل باش الجوانب تزيد تطيب مليح

http://www.up.djelfa.info/uploads/136895353262571.jpg (http://www.up.djelfa.info/)

من هذا الشكل جات تسمية البرنوس

http://www.up.djelfa.info/uploads/136895354576091.jpg (http://www.up.djelfa.info/)

http://www.up.djelfa.info/uploads/136895356866171.jpg (http://www.up.djelfa.info/)

و هنا بعد ما فتتناها

http://www.up.djelfa.info/uploads/136895358419461.jpg (http://www.up.djelfa.info/)

الشخشوخة البسكرية

الرقاق طيبناه نجيو للمرق نتاعها الكمية تكفي 5 أشخاص

-لحم أو دجاج حسب الموجود أنا عملتها بالإثنين
- بصلة كبيرة مفرومة خشن + 4 فصوص ثوم كبار مرحيين رقيق + 2 حبات طماطم متوسطين مرحيين ناعم + 3 م ك طماطم مصبرة + 2 م ص راس الحانوت+ كمشة كبيرة حمص + 2 م ص فلفل أحمر مرحي حلو + 1 م ص فلفل أحمر مرحي حار (إختياري) + 3 م ك زيت نباتي نضع الكل يتقلى على النار جيدا مع فنجان ماء

نحضروا الخضر هنا استعملت البطاطا و الكوسة أو كيما نقولولها حنا الجريوات

كي يتقلى اللحم مليح ضفي الخضر و غطيها بالماء و دعيها حتان تطيب على نار متوسطة و تخثار المرق


http://www.up.djelfa.info/uploads/136895532707161.jpg (http://www.up.djelfa.info/)

و سقي الرقاق نتاعك
هذي هي الشخشوخة البسكرية اليومية
نتاع العرس مختلفة قليلا و مزينة كثيرا نحطهالكم مرة أخرى في موضوع مستقل


http://www.up.djelfa.info/uploads/136895533496481.jpg (http://www.up.djelfa.info/)


معارك بالسمن (مسمن)



بنفس الطريقة السابقة نحضر العجين

نأخذ كريتين و نبسطهما قليلا و نضع في إحداهما الزيت و نغطيها بالأخرى و نبسط القرصة قليلا على شكل دائري


http://www.up.djelfa.info/uploads/136895534406151.jpg (http://www.up.djelfa.info/)


نضع كمية من السمن في الوسط تجنبي الجوانب باش يلصقولك

http://www.up.djelfa.info/uploads/136895536739671.jpg (http://www.up.djelfa.info/)


ثم نلف العجينة على شكل سيقار و نلصق الجوانب والحواف هكذا

http://www.up.djelfa.info/uploads/136895537609231.jpg (http://www.up.djelfa.info/)


نضغط قليلا على جانبي السيقار باش ننقص من طوله و نقلبه بحيث أحد جانبيه يكون إلى الأسفل و الجانب الآخر يكون إلى الأعلى ونضغط عليها قليلا هكذا



http://www.up.djelfa.info/uploads/13689553851951.jpg (http://www.up.djelfa.info/)



ثم نقرصها قليلا و نبسطها على شكل دائري هكذا

http://www.up.djelfa.info/uploads/136895539627881.jpg (http://www.up.djelfa.info/)
و نضعها على الطاوة تطيب من الجانبين

راح تكون بهذا الشكل مورقة و مقرمشة و راااااااااائعة المذاق

http://www.up.djelfa.info/uploads/136895542575191.jpg (http://www.up.djelfa.info/)


http://www.up.djelfa.info/uploads/136895547123031.jpg (http://www.up.djelfa.info/)


هنا قدمتها مع اللبن

http://www.up.djelfa.info/uploads/136895548254831.jpg (http://www.up.djelfa.info/)


http://www.up.djelfa.info/uploads/136895544047671.jpg (http://www.up.djelfa.info/)

هنا عملت معها محاجب سخونين

http://www.up.djelfa.info/uploads/136895545909731.jpg (http://www.up.djelfa.info/)

و الحمد لله الذي وفقني لأن أشارككم هذا الموضوع بالتفصيل الدقيق

لا أطلب منكم سوى دعوة خير بظهر الغيب و شكرا لتواجدكم في صفحتي المتواضعة

[SarSouRa28]

لي الشرف انا اول وحدة نرد على موضوعك يافنانة تبارك الرحمن يالفحلة كون نبقى قرن منقدرش نديرها فوق ذراعي كيما انتي واذا درتها لازم ندهن جسمي كامل بالزيت باه وين طيح متلصقش تبا لي خخخخخخخخ

[ام لقمان02]

انا الاولي ندي من كل شيء تسلم الايادي حبيب الله يبارك وزيد

[ام مريم اسراء]

م بنينة يعطيك الصحة اختي اكيد راح نجربها لانها روعة و اخيرا تعلمتها يا ام اياد البراة فيك ان شاء الله ربي يحفظلك عائلتك من كل سوء

[*بيتي مملكتي*]

لي الشرف انا اول وحدة نرد على موضوعك يافنانة تبارك الرحمن يالفحلة كون نبقى قرن منقدرش نديرها فوق ذراعي كيما انتي واذا درتها لازم ندهن جسمي كامل بالزيت باه وين طيح متلصقش تبا لي خخخخخخخخ


سرسورة الشرف لي لأنك متواجدة في موضوعي
و راني درت تعديل على جالك روحي أقراي الملحوظة حبيبتي

عزيزتي العجينة راهي مليانة زيت مستحيل تلصق في ذراعك

شكرا لك على المرور العطر و الرد الطيب

[أم شيماءْ]

امممممممممممممممممممممممممم شهيتيني روعة يا حبوبة :1::1:

[*بيتي مملكتي*]

انا الاولي ندي من كل شيء تسلم الايادي حبيب الله يبارك وزيد


حبيبتي خذي ما تشائين و قدر ما تشائين نورتي موضوعي بردك اللطيف

م بنينة يعطيك الصحة اختي اكيد راح نجربها لانها روعة و اخيرا تعلمتها يا ام اياد البراة فيك ان شاء الله ربي يحفظلك عائلتك من كل سوء

الله يبارك فيك و يحفظك من كل سوء عزيزتي يسرني أنها أعجبتك

[*بيتي مملكتي*]

امممممممممممممممممممممممممم شهيتيني روعة يا حبوبة :1::1:

نسيبتي لعزيزة واش راكي توحشتك واش راهي كنتي

شكرا لك عزيزتي الغالية نورتي الصفحة بوجودك

[oum anas 69]

حراااااااااااااااااام علييييييييك عذاب ما بعده عذابببببببببب آآآآآه وآآآآآآآه وعلاه ديري فينا هكذا قصعة الشخشوخة مممممممم
ممبعد لي رجعة لكتابة رد طوييييل

[YAKMISSOU]

يعطييييك الصحة ام اياد راكي مفرحتنا يا البسكرية خموووووووووووووووووووس عليك كلش روعة نفس طريقتي لاني عشت في بسكرة السكرة هذيك الشخشوخة اممممممممممممممممممممممممممممممممم روعة راهم ريوقي يسايلو اتحفينا دائما

[lyna2007]

بارك الله فيك
يعطيك الصحة

على هذا المجهودات

[SarSouRa28]

سرسورة الشرف لي لأنك متواجدة في موضوعي
و راني درت تعديل على جالك روحي أقراي الملحوظة حبيبتي

عزيزتي العجينة راهي مليانة زيت مستحيل تلصق في ذراعك

شكرا لك على المرور العطر و الرد الطيب

شكرا عميرتي على الاهتمام راي رايحة نجربها ونديرها في قسم التطبيقات ان شاء الله يعطيك الصحة يازينة

[ام بسومة]

بارك الله فيك اختي ام اياد ربي يحفظك ويحفظلك احبابك
موضووووع روووعة مشكووورة على المجهود المبذول

[أم ماجد]

يعطيك الصحة ام اياد الله يخليك وتفرحي عائلتك

[touta2010]

الله الله على حنونتي الشاطرة يسلم يديك

[لمسة حنية]

ماشاء الله تبارك الرحمان مبدعة اختى ويعطيك الصحة هذي النساء ولا بلاش ربي يحفظك

[*بيتي مملكتي*]

حراااااااااااااااااام علييييييييك عذاب ما بعده عذابببببببببب آآآآآه وآآآآآآآه وعلاه ديري فينا هكذا قصعة الشخشوخة مممممممم
ممبعد لي رجعة لكتابة رد طوييييل

هههههههههه و الله وحدك يا أم أنس و الله كان جيتي حذايا نديرهالك مخصوص على جالك حبيبتي

علابالي بلي الغربة واعرة عزيزتي و سامحيني كان سخفتك



يعطييييك الصحة ام اياد راكي مفرحتنا يا البسكرية خموووووووووووووووووووس عليك كلش روعة نفس طريقتي لاني عشت في بسكرة السكرة هذيك الشخشوخة اممممممممممممممممممممممممممممممممم روعة راهم ريوقي يسايلو اتحفينا دائما

الله يسلمك ياكميسو راكي نورتي موضوعي حبيبتي

بارك الله فيك
يعطيك الصحة

على هذا المجهودات

الله يبارك فيك و يحفظك عزيزتي لينا نورتي موضوعي بردك اللطيف

شكرا عميرتي على الاهتمام راي رايحة نجربها ونديرها في قسم التطبيقات ان شاء الله يعطيك الصحة يازينة


العفو عزيزتي هذا من دواعي سروري ربي يبارك فيك و يوفقك وتنجحلك إن شاء الله

بارك الله فيك اختي ام اياد ربي يحفظك ويحفظلك احبابك
موضووووع روووعة مشكووورة على المجهود المبذول

أهلين ام بسومة منورة حبيبتي الصفحة بوجودك الشكر لك عزيزتي

يعطيك الصحة ام اياد الله يخليك وتفرحي عائلتك

الله يسلمك و يحفظك حبيبتي أم ماجد شكرا لك على الرد الطيب حبوبة

[*بيتي مملكتي*]

الله الله على حنونتي الشاطرة يسلم يديك

الله يسلمك عزيزتي الغالية تويتة الصفحة و الموضوع منورين بوجودك يا الغالية

ماشاء الله تبارك الرحمان مبدعة اختى ويعطيك الصحة هذي النساء ولا بلاش ربي يحفظك

الله يبارك فيك و يحفظك و يعطيك ما تتمني شكرا لك عزيزتي الغالية لمسة حنية

[الأمنيات]

الله يعطيك الصحة اختي تبارك الله عليك

[فايزة سراج الدين]

وااااااااااااااااااو منك توحشت بسكرة راه في خاطري باطوط ههههههههه يعطيك الصحة حرة بنت حرة

[أم محمد تاج]

يعطيك الصحة يالفحلة

[imane khaled]

شكرا ليك ام اياد ربي يخليك و يبارك فيك

[ام ساجد]

يعطيك الصحة عجبتني الطريقة الاولى ولو انها تبان صعيبة شوي
لازملها فحلة هههههههه
بصحتكم الشخشوخة

[الجزائرية80]

بارك الله فيك اختي ام اياد ربي يحفظك

[sissou nrdn]

يعطيك الصحة حبوبتي راني نشوف بللي اللي يبقى عندك شوية راح تخرجيلو الكرش ذراع
راني كي نتوحشكم نروح ندير باطوط دائما و من كثر الوحش كرهت الباطوط

[*بيتي مملكتي*]

الله يعطيك الصحة اختي تبارك الله عليك


ربي يبارك فيك عزيزتي الأمنيات منورة

وااااااااااااااااااو منك توحشت بسكرة راه في خاطري باطوط ههههههههه يعطيك الصحة حرة بنت حرة


ههههههههههه و الله كاش مرة نديرهولكم موضوع هكذا الأكلات االشعبية نتاع بسكرة كاااااااااااااامل تكونوا على إطلاع بيهم
يعطيك الصحة يالفحلة


الله يسلمك عزيزتي أم محمد منورة

شكرا ليك ام اياد ربي يخليك و يبارك فيك

الله يبارك فيك و يحفظك إيمان منورة عزيزتي

يعطيك الصحة عجبتني الطريقة الاولى ولو انها تبان صعيبة شوي
لازملها فحلة هههههههه
بصحتكم الشخشوخة


ماهيش صعيبة خلاص عزيزتي لازمك فقط تكوني شجاعة شوي برك و تجربي حتى 2 قرصات
بالشوية تتعلميها و تعودي تلعبي بالعجين لعب ههههههههههه

شكرا لك عزيزتي أم ساجد
بارك الله فيك اختي ام اياد ربي يحفظك

الله يبارك فيك و يهنيك منورة عزيزتي الجزائرية

[*بيتي مملكتي*]

يعطيك الصحة حبوبتي راني نشوف بللي اللي يبقى عندك شوية راح تخرجيلو الكرش ذراع
راني كي نتوحشكم نروح ندير باطوط دائما و من كثر الوحش كرهت الباطوط




هههههههههههههههههه

حتى حنا والله غير توحشناك و توحشنا الكتاكيت نتاعك وقتاش تجي

[أم ياسين الزهراء]

يعطيك الصحة الله يبارك سخفتيني اممممممم

[درة بيتي]

يعطيك الصحة حبيبتي نفس طريقتي بصح توحشتها زوجي مياكلش الشخشوخة هاذي راني محرومة منها عندي مدة وانا مغبونة غير بشخشوخة لبصل هذيك هي الي يحبها زوجي و ا ا ا ا ا ع وأنا نكرهها ههههههه بارك الله فيك يا الفحلة ماكانش لي مايفهمش طريقة ساهلة وتفصيل غير ممل ههههه مسلي وشرح مبسط للمبتدئات ربي يحفظك ويخليلك لحباب أكيد تعبتي في الموضوع في ميزان حسناتك إن شاء الله

[*بيتي مملكتي*]

يعطيك الصحة الله يبارك سخفتيني اممممممم


الله يسلمك و سحفظك عزيزتي أم ياسو شكرا لك منورة الصفحة بوجودك

يعطيك الصحة حبيبتي نفس طريقتي بصح توحشتها زوجي مياكلش الشخشوخة هاذي راني محرومة منها عندي مدة وانا مغبونة غير بشخشوخة لبصل هذيك هي الي يحبها زوجي و ا ا ا ا ا ع وأنا نكرهها ههههههه بارك الله فيك يا الفحلة ماكانش لي مايفهمش طريقة ساهلة وتفصيل غير ممل ههههه مسلي وشرح مبسط للمبتدئات ربي يحفظك ويخليلك لحباب أكيد تعبتي في الموضوع في ميزان حسناتك إن شاء الله

تقصدي المحكوك بشخشوخة لبصل ؟

أنا نموووووت عليها كنت بكري كي نروح من قسنطينة من لقراية يقولولي دارنا واش نطيبولك نقولهم شخشوخة محكوك ههههههههههه

عزيزتي تقدري تطيبي من الرقاق بزاف و تقسميه و تحطيه في الكونجيلاتور
و كي تديري مثلا سقى نتاع البربوشة الحمرا زودي ليك و ديريه كيما نتاع الشخشوخة خاثر و اجبدي الرقاق من الكونجيلاتور من قبل و خليه فقط يتنحالو الجليد في ساشيتو راح يجيك كأنو جديد عزيزتي و يتخبالك أسبوعين و ممكن حتى شهر

[oum ibrahim]

الله الله على الابداع سلمت اناملك ام اياد يعطيك الصحة والله ما كانش كما التقليدي الاصيل انا تاني بحبها و نديرها بنفس الطريقة
ربي يخليك ذخر للمنتدى على المواضيع الرائعة و الهادفة لي تفيدنا جعلها الله في ميزان حسناتك و اثابك بها اجرا عظيما امين

[abdelsamed bed]

السلام عليك يعطيك الصحة والله البارح سالت جارتي عليهم وكيما عملت هداك هو مشكورة

[أم شيماءْ]

نسيبتي لعزيزة واش راكي توحشتك واش راهي كنتي

شكرا لك عزيزتي الغالية نورتي الصفحة بوجودك

هههههههههههه كنتك راهي تسال عليك بزاف ونسيبي وشراه
ام اياد قوليلي راني درت الفلفل لمرقد نهار الخميس نخبيه في الثلاجة ولا نخليه برا :rolleyes::confused:

[*بيتي مملكتي*]

هههههههههههه كنتك راهي تسال عليك بزاف ونسيبي وشراه
ام اياد قوليلي راني درت الفلفل لمرقد نهار الخميس نخبيه في الثلاجة ولا نخليه برا :rolleyes::confused:


لاباس راهو يسلم عليك

إيه عزيزتي حطيه في الثلاجة أفضل لأنو الحال مرة سخون و مرة بارد فقط راح يديلك حوالي 10 أيام باش تقدري تاكلي منو

[*بيتي مملكتي*]

الله الله على الابداع سلمت اناملك ام اياد يعطيك الصحة والله ما كانش كما التقليدي الاصيل انا تاني بحبها و نديرها بنفس الطريقة
ربي يخليك ذخر للمنتدى على المواضيع الرائعة و الهادفة لي تفيدنا جعلها الله في ميزان حسناتك و اثابك بها اجرا عظيما امين


أم إبراهيم شكرا لك عزيزتي ربي يبارك فيك و يحفظك

السلام عليك يعطيك الصحة والله البارح سالت جارتي عليهم وكيما عملت هداك هو مشكورة



الله يسلمك شكرا لمرورك الكريم

[aziza05]

بارك الله فيك
يعطيك الصحة

[sarah1424]

rabbi ybarek aliiiiiiiik wybarek fik wallah fahla tbarak allah alik
chtara wfhala wterbia wrodoudk lbahia wcharehk lbahi kooooolch fik yaajebni habba nwali kiiiiiiiiiiiiiifk nchalah
rabbi yaberk fik habouba

[*بيتي مملكتي*]

بارك الله فيك
يعطيك الصحة


شكرا لك عزيزتي عزيزة مرحبا بيك

rabbi ybarek aliiiiiiiik wybarek fik wallah fahla tbarak allah alik
chtara wfhala wterbia wrodoudk lbahia wcharehk lbahi kooooolch fik yaajebni habba nwali kiiiiiiiiiiiiiifk nchalah
rabbi yaberk fik habouba


أهلين سارة واش راكي و واش راهي لقرايا على بالي راكي ميتة من الغلب و التعب ربي ينجحك عزيزتي

شكرا ليك حبوبة على الكلمات الجميلة و الله ربي اللي يعلم أنو اللي في قلبي على لساني و كااااااااااااااامل ملقري مانعرفكمش بالوجه بصح عندكم معزة كبيييييييييرة في قلبي
لأنو مش شرط نتشاوفو قبل ما نكنو لبعضانا لمحبة

شكرا شكرا شكرا عزيزتي و إن شاء الله تولي خير وخير و خير مني عزيزتي شكرا

[lamiak1]

جات روعة الخشونة صديقين اي وحدة ارسالها تخيف فعليها يعطيك الصحة

[بريق الامل&]

موضوع متعوب عليه جزاك الله خيرا روعة حسيت روحي راني مقابلاتك وانت تخدمي عيشتيني الموضوع والصراحة من احب الاكلات عندي تعجبني بزاف وباينة انت تتقنيها بارك الله فيك وبصحتكم باينة بنينة وربي يعطيك وش متمنية

[*بيتي مملكتي*]

جات روعة الخشونة صديقين اي وحدة ارسالها تخيف فعليها يعطيك الصحة


شكرا لمرورك الكريم أختي لمياء

موضوع متعوب عليه جزاك الله خيرا روعة حسيت روحي راني مقابلاتك وانت تخدمي عيشتيني الموضوع والصراحة من احب الاكلات عندي تعجبني بزاف وباينة انت تتقنيها بارك الله فيك وبصحتكم باينة بنينة وربي يعطيك وش متمنية

بروقة حبيبتي نورتي موضوعي عزيزتي ربي يخليك و يبارك فيك شكرا لك حبوبة و يعطيك واش متمنية انت ثاني شكرا

[ام خالد اسلام]

بارك الله فيك اختي بصح ماخرجوليش الصور

[zahra30]

ما شاء الله ام اياد نفس طريقتي في خدمة الشخشوخة وتجيني اسهل من انتاع الطابلة .... بارك الله فيك

[*بيتي مملكتي*]

بارك الله فيك اختي بصح ماخرجوليش الصور


عزيزتيأغلقي الموضوع وعاودي أفتحيه ممكن مشكل كوناكسيون فقط

شكرا لك

ما شاء الله ام اياد نفس طريقتي في خدمة الشخشوخة وتجيني اسهل من انتاع الطابلة .... بارك الله فيك

الله يبارك فيك عزيزتي صحيح طريقة حمل العجينة على الذراع أسهل هي فقط تحتاج للتمرين و من بعد يوالفوها

[وصال7]

مكان حتى شخشوخة تنافس الشخشوخة البسكرية رووووووووووعة يعطيك الللف صحة هدا وقت وانا حابة نتعلم طريقة صنع الشواط بارك الله فيك

[*بيتي مملكتي*]

مكان حتى شخشوخة تنافس الشخشوخة البسكرية رووووووووووعة يعطيك الللف صحة هدا وقت وانا حابة نتعلم طريقة صنع الشواط بارك الله فيك

الله يبارك فيك و يحفظك عزيزتي منورة

[*أم ثازيري*]

والله مالقيت مانقول ربي يبارك مرا و نص و 25 انا والله الكسرة مانقدر نقلبها بيديا لازملي سلاح ولا كيما يقول راجلي *يد مرتي الثالثة* لازملي نعفس على قلبي و نحمل السخانة باه نجرب نطيب المسمن كيما انت كيما تقول نانا ربي يدكرها على خير لي ماتحمل نار ما تحمل كلام العار ما دير الدار

[*بيتي مملكتي*]

والله مالقيت مانقول ربي يبارك مرا و نص و 25 انا والله الكسرة مانقدر نقلبها بيديا لازملي سلاح ولا كيما يقول راجلي *يد مرتي الثالثة* لازملي نعفس على قلبي و نحمل السخانة باه نجرب نطيب المسمن كيما انت كيما تقول نانا ربي يدكرها على خير لي ماتحمل نار ما تحمل كلام العار ما دير الدار

ههههههههههههههه والله ضحكتيني بصح أنا ثاني نقلب الكسرة بالموس ومام الرقاق

شوفي المهم ياخي نطيبولهم و تجي مليحة مالا فيها ألف براكة علاش يحوسو كيفاش ههههههههههههههه

شكرا بتيلة نورتي موضوعي عزيزتي

[*أم ثازيري*]

ههههههههههههههه والله ضحكتيني بصح أنا ثاني نقلب الكسرة بالموس ومام الرقاق

شوفي المهم ياخي نطيبولهم و تجي مليحة مالا فيها ألف براكة علاش يحوسو كيفاش ههههههههههههههه

شكرا بتيلة نورتي موضوعي عزيزتي

ههههه و الله فرحتيني راني قلت لراجلي النساء كامل عندهم يد ثالثة هههههه

[*بيتي مملكتي*]

ههههه و الله فرحتيني راني قلت لراجلي النساء كامل عندهم يد ثالثة هههههه

هههههههههههههههه والله وحدك يا بتيلة :19: :19: :19:

[تهاليل]

مشكورة أختي رغم انني مافهمتش المعارك كيفاه درتيهم يخي ترولي برك؟

[*بيتي مملكتي*]

مشكورة أختي رغم انني مافهمتش المعارك كيفاه درتيهم يخي ترولي برك؟

عزيزتي أولا عفوا

المعارك روليهم و من بعد لصقي الحواف مع لعجين و كي شغل تضغطي على الجانبين باه ينقص في الطول نتاعو ومن بعد أقلبي يخي هو الحربوش عندو 2 جوانب حطي أحد الجوانب فوق البلاطو نتاعك و الثاني يكون موجه للأعلى يعني كأنو واقف

و اضغطي مرة أخرى و قرصيه

[linat]

حبيبتي تسلمي و يعطيك الف عافية

[تهاليل]

مشكورة أختي أم غياد وربي يحفظك ويحققلك واش متمنية يارب

[*بيتي مملكتي*]

حبيبتي تسلمي و يعطيك الف عافية

مشكورة أختي أم غياد وربي يحفظك ويحققلك واش متمنية يارب

ربي يبارك فيكم عزيزاتي منورين

[طير الرحمة]

سلاااااااااااااااااااااااام لاحلى العضوات البسكريات سلمت اناملك رانى طيبت الحسوة وجاتنى روووووووووووووووووعة ربي يخليك ويحفظك اما الشخشوخة انا نديرها بطريقة 1 اجينى احسن واخف وانا وبنت عمى دايما فى مشلداة بسبب احسن رقاق هى تقول الفطير احسن وانا اقول المورق احسن وانت شو رايك بما انك متخصصة رابك يهمنى وانت اى طريقة تستعملى

[إلهام07]

يعطيك الصحة أم إياد على بالي تعبتي بزاف في الموضوع
ربي يجعل هذا المجهود في ميزان حسناتك ويجازيك عنها خير جزاء
سخفتيني في المحاجب والمسمن مممممممممممممممممم
خرجولك هايلين نتاع حراير :19:

[oum anas 69]

راني رجعت بصح غمضت عينيا و دخلت طووووول على الصفحة الأخيرة و الله ماقدرت نزيد نشوفهم ..... المهم يعطيك الصحة و يا سعد لي دارك في دارو و ربي يبارك و يعطيها الصحة لميمة لي علماتك ...أمانة سلميلي عليها بزاف....و راني عرفت بلي سوسو أختك هي ثاني مرة و نص الله يبارك
على فكرة أنا المسيلة و نديرو تاني الشخشوخة مريش بصح نتاعكم سخفتني

[*بيتي مملكتي*]

سلاااااااااااااااااااااااام لاحلى العضوات البسكريات سلمت اناملك رانى طيبت الحسوة وجاتنى روووووووووووووووووعة ربي يخليك ويحفظك اما الشخشوخة انا نديرها بطريقة 1 اجينى احسن واخف وانا وبنت عمى دايما فى مشلداة بسبب احسن رقاق هى تقول الفطير احسن وانا اقول المورق احسن وانت شو رايك بما انك متخصصة رابك يهمنى وانت اى طريقة تستعملى



أهلين طير الرحمة وينك هذا ماتبانيش

بصحتك عزيزتي الحسوة الحمد لله أنها عجباتك عزيزتي

شوفي انا ندير المورق لأنو يساعدني أكثر

لكن حتى الآخر مليح عزيزتي و كي تديريه رقيق يجيك رووووعة

يعطيك الصحة أم إياد على بالي تعبتي بزاف في الموضوع
ربي يجعل هذا المجهود في ميزان حسناتك ويجازيك عنها خير جزاء
سخفتيني في المحاجب والمسمن مممممممممممممممممم
خرجولك هايلين نتاع حراير :19:


لهومتي الشعنونة والله توحشتك عزيزتي وتوحشت مشاجراتنا على الأكلات اللي تحط فيها لبنات هههههههههههههه

شكرا ليك حنونة ربي يخليك ليا و ما يحرمني منك

راني رجعت بصح غمضت عينيا و دخلت طووووول على الصفحة الأخيرة و الله ماقدرت نزيد نشوفهم ..... المهم يعطيك الصحة و يا سعد لي دارك في دارو و ربي يبارك و يعطيها الصحة لميمة لي علماتك ...أمانة سلميلي عليها بزاف....و راني عرفت بلي سوسو أختك هي ثاني مرة و نص الله يبارك
على فكرة أنا المسيلة و نديرو تاني الشخشوخة مريش بصح نتاعكم سخفتني

أم انس يا الغالية ربي يعيشك حنونة

صح سيسو هي أختي و هي أفضل مني بكثير في أمور الطبخ والقاطو لأنها أول العنقود و من يومها شاطرة و تحب الكوزينة وتعاون ماما

يسلم عليك الخير حنونة و ربي يبارك فيك و يحفظك غاليتي

مادامك من لمسيلة معناها تعرفي الزفيطي

راهي أختي الوسطى ذاقاتو تماك و هبلت عليه وهبلتنا معاها

أول مرة عرفتو من عندها وكي حوست عليه في عمي قوقل لقيتو يشبه الباطوط نتاعنا بصح انتوما تشويو الطماطم والفلفل

المهم ملي رفدت الكرش وهي تتوحم عليه و حتى كي زيدت مازالت هكذاك ههههههههههههه

[نورسان]

بارك الله فيك اختي

[امال7]

ماشاء الله يعطيك الصحة

[SAMAH SAMAH]

طرح مميــز ,,
جــزاك الله خيراً ..
ونفع بما طرحتة هنا وبـارك بك..
الف شكـــر لك

[*بيتي مملكتي*]

بارك الله فيك اختي

ماشاء الله يعطيك الصحة

طرح مميــز ,,
جــزاك الله خيراً ..
ونفع بما طرحتة هنا وبـارك بك..
الف شكـــر لك

شكرا لكن على الردود المشجعة عزيزاتي

ربي يبارك فيكن

[مريم سلمى الجزائرية]

http://t2.gstatic.com/images?q=tbn:ANd9GcQAuaOCGP-9_ddyf2yplk4zae_zLYTZ1jjkOxg3vrsvS5XC11UC
ما شاء الله ،تبارك الرحمان.
بارك الله فيك يا بنت الزاب الأبي ،يا بنت الأجواد، يا بنت السكرة.

[lalila22]

بارك الله فيك ااختي وسلامي للام

[layla11]

:19:الله يبارك اختي مرة ونص خدمة هايلة ومتقونة ربي يشدلك في دوك اليدين حنونة ويحفضك وشككككككككككككككرا على المجهود :mh31:;)

[شهرة مراد]

يسلمو ايديك

[sihem nrdn]

fahlaaa allah ybarekkk yaatik saha
^_^

[قوية بايماني]

بسم الله مشاء الله يعطيك الصحة

[لحن الفرح]

الله الله عليك شاطرة يعطيك الصحة اختي

[أم أسامة 07]

يعطيك الصحة علاه عليك سخفتيني واحنا في فترة امتحانات وحراسة صباحا ومساء

[سامية ربيع]

مممممممممممممممممممممممممممممممممممم باين بالي بنين يعطيك الصحة

[محبة الكتاب]

ام اياد الله يخليلك اياد ماتبرديليش قلبي وتفهميني كيفاش نعمل الرقاق انتاع الشخشوخة راهو يتقطعلي ومايجينيش مدور ايحشم مافهمتش وينهو المشكل يمكن في العجن انتاعي بالصح كيفاش نعرف باللي راهي اخلاص تعجنب مليح وماتتقطعش

[شوق وحنين الى الجنة]

جزاك الله خيرا و يعطيك الصحة

[محبة الكتاب]

الله يباركلك حبيبتي ام اياد حبيت نبعثلك في الخاص بالصح قالولي لازم ايكون عندي 1000 مشاركة كاني مانيش غالطة المهم انا اي دقيق نلقاه نخدم بيه وصح تطلعلي مسوسة دايما يعني الظاهر عندها الحق تتقطع واش من دقيق راكي تخدمي بيه

[بسمة امل الجزائر]

الله الله علىك حنونت يالشاطرة يسلم يديك

[zemima]

يسلمووووووووووووووووووووووووو

[merry_mora]

ماشاء اله عليك تحففففففففففففففة ربي يخليك على المجهود رغم اني بالصور تعبت يعني شوية واعرين مشكككككككروة

[نيفرتيتي.]

رووووووووووووووووووووعة حبيت نتعلم طريقة انك تهزيها بذراعك وماعرفتش كانت حبيبتي بسكرية ديرها

[jomana jiham]

بارك الله فيك شهيتينا

[*بيتي مملكتي*]

شكرا لدرودكن الطيبة أخواتي

[أم إناس]

ماشاء الله يعطيك الصحه

[هجيرة1]

يعطييييك الصحة

[طهراوي ياسين]

يعطيك الصحة اختي

[om roumaissa]

ممممم يعطيك الصحة سخفتيني

[mimiflor]

يعطيك الصحة يا فحلة اذا امكن نحب وصفة الحسوة المخمرة ومشكورة مسبقا

[omayoub2]

يعطييييك الصحة ام اياد راكي مفرحتنا يا البسكرية خموووووووووووووووووووس عليك كلش روعة

[idron0]

يعطيك الصحة اختي

[wassvt]

ما شاء الله ربي يحفظكhttps://encrypted-tbn2.gstatic.com/images?q=tbn:ANd9GcQ2iSa5Ob2eWND4anuLGW4HKjzDUvGwa Vc7fD1WCKb8kBMf5lWheg

[iaman.fr]

يعطيك الصحة

[R I A D]

يعطييييك الصحة ام اياد شرح مفصل و وافي
و موضوع رائع و الطبق اروووع
ربي يعطيك الصحة و يعطيك ما تتمناي ان شاء الله

[bellissimo18]

rabi ya3tikkkk ma tetmanayyyy nshallah merciiiiiiiiiiiiiii