كفاه ندير مع المشينة تاعي

[rim-25]

السلام عليكم حبيباتي
بديت من مدة نتعلم الخياطة
الحمد لله لفصالة جاتني ساهلة و ما عندي ما نقول
بصح الماشينة تاعي رايحة تهبلني
http://im28.gulfup.com/5oGu1.jpg
هي اخت هادي
دير الحس بزاف
تسفل حتى اذا شبحت لاطونسيو على الاخير
و تقطعلي الخيط
و انا الاستاذة تاع الخياطة قالتلي تكملي هكدا ما تخيطيش نحبسك
و زيد لازمني حوايج نخيطهم الاسبوع هذا عندي مناسبة مهمة

البارح حليتها نظفتها مليح و درتلها الزيت بصح والو
و بابا حلف ما يزيدش يديهالي تتخدم قالي انا نخدم و انت تفسدي

عاونو اختكم تديو فيها اجر

[sarra5]

hhhhh l machinet karho mena wakila mm ana dert sujet 3liha habletni

[rim-25]

عندهم حق يكرهو منا
كل يوم عقابها
كون جات تهدر اي قالت اخطوني على وجه ربييييييييييييييييييييييييييييييييييييييي

[crystale49]

هههههههه اختي حطيتيلها الزيت صح ذرك امسحيها لانو الزيت اخلاص راه مشى لداخل بمعنى قام بدورو اخلاص ممكن تجيب معاك نتيجة لان اي محرك يتشبع بالزيت لازم يتمسح

[زنجبيل11]

شوفي ربما الابرة كي ما تكونش مليحة ثاني تقطع الخيط

[اسماء منار]

اختي كيماقالتلك جربي بدلي الابرة وجربي زيري الفيس انتاع بورت كانيت لانه هو ايضا يلعب دور في ماتخيطش مليح ان شاء الله نكون افدتك

[ام عدي]

ماهي نوع المكينة

[سمية محمد عطية]

ادا كانت تقطع الخيط تشوفي اداراه مشدود من الكانيت يعنى الخيط التحتاني يكون يبان على شكل مستقيم والخيط الفوقانى يخرج الى تحت هدا كي تقلبي الكتان تلاحظيه هنا عليك ترخفي الفيس انتاع الكانيت وتجربي حتى تشوفيه عاد في وضعية مليحة

او ان الخيط مشبوح من لا تونسيون la tension هنا ترخفيها كدلك بالشوية وتخيطي شوية وتلاحظي الخياطة
نقولك اعملي تدريب لمدة ساعة راح تفهمى السيستام انتاع الريقلاج وهكا تتهناي من المشكل الصغير وكدلك من الخدام وارجعى الى الكاتلوج انتاعها ستجدي الحل البسيط جدا

[rim-25]

هههههههه اختي حطيتيلها الزيت صح ذرك امسحيها لانو الزيت اخلاص راه مشى لداخل بمعنى قام بدورو اخلاص ممكن تجيب معاك نتيجة لان اي محرك يتشبع بالزيت لازم يتمسح

بارك الله فيك اختي
اكيد رايحة نمسحها من الزيت

[rim-25]

شوفي ربما الابرة كي ما تكونش مليحة ثاني تقطع الخيط

اختي الابرة تكسرت و بدلتها و بقا نفس المشكل

[rim-25]

اختي كيماقالتلك جربي بدلي الابرة وجربي زيري الفيس انتاع بورت كانيت لانه هو ايضا يلعب دور في ماتخيطش مليح ان شاء الله نكون افدتك


اختي والله درتها
حطيت الزيت و شبحت الفيس
بصح النافع ربي

[rim-25]

ماهي نوع المكينة

الماشينة لي في الصورة اختي
سوبر زيكزاك

[rim-25]

ادا كانت تقطع الخيط تشوفي اداراه مشدود من الكانيت يعنى الخيط التحتاني يكون يبان على شكل مستقيم والخيط الفوقانى يخرج الى تحت هدا كي تقلبي الكتان تلاحظيه هنا عليك ترخفي الفيس انتاع الكانيت وتجربي حتى تشوفيه عاد في وضعية مليحة

او ان الخيط مشبوح من لا تونسيون la tension هنا ترخفيها كدلك بالشوية وتخيطي شوية وتلاحظي الخياطة
نقولك اعملي تدريب لمدة ساعة راح تفهمى السيستام انتاع الريقلاج وهكا تتهناي من المشكل الصغير وكدلك من الخدام وارجعى الى الكاتلوج انتاعها ستجدي الحل البسيط جدا

رايحة نجرب و نردلك اختي
بارك الله فيك