مشكلتي الدراسة

[مشكلتي]

مشكلتي اني راح نجوز الباك العام هدا والمشكلة اني رسبت من قبل مرتين وانا متردد اني نروح نجوز لباك لاني خايف من الرسوب هدي المشكلة الاولى الثانية ضغط كبير علي اني اخاف انسى واش درست وواش حفظت ومرات نخمم اني منعبش روحي وسجلت حر

بقاو 15 يوم مازال مكملتش البرنامج كامل لكن نسبة 70 بالمية قريتو بقاو مواد الحفظ ومراجعة لما درست

[amine0007]

اتكل على ربي يا اخي وصلي صلاتك في وقتها والله ولي التوفيق .ونشاء الله تنجح ونجي ناكل الباروك

[sali-sali]

السلام عليك
نعرف ناس عاودت الباك عشر مرات..وكانو مصرين حتى جابوه

والباك مش حاجة صعيبة..مجرد امتحان..غير انتم ماعلاباليش علاه تخافو

الطالب يحفظ على روحه و يركز..خاصة في ورقة الامتحان يقرا مليح الاسئلة
ربي يوفقك

[.¸¸۝❝ سليم المحترم ❝۝¸¸.]

بالتوفيق :19::19::19::19::19:

[النجاح حليفك]

روح فوت الباك خيرلك دير في بالك بلي تنجح ان شاء الله ، ربي يوفقك و ان شاء الله تجيبو بمعدل شباب مداك خطرات يسهلوا المواضيع باش ماتندمش اذا مافوتش هذا العام ، انت ان شاء الله ناجح

[حميد.ص]

انت دير الي عليك و الباقي على ربي.........بالتوفيق ان شاء الله

[سمية بنت الخياط]

الانسان من صنع افكاره فلا تجعل هذه الافكار تسيطر عليك
تستطيع باذن الله ان تنجح في امتحانك ان عزمت على ذلك
وديجا راك قلت باللي راني راجعت 70 بالمئة الور راك مليح
ماتخليش الخوف يسيطر عليك
نعرف واحد ممن اقربائي عاود الباك نتاعو شحال من خطرة والان راهو استاذ في الثانوية بمكانتو

[سارة غفران]

توكل على الله وكفى بالله وكيلا زد على هذا راك كملت البرنامج واش نقول انا من التاريخ مازال ماخرجت

[ل.مولاي ادريس]

سلام عليكم اخي
اتكل على الله ولا يهمك الامر كنت اسمع بشخص من بلدتنا اعاد الباك 3مرات او اربع ولم يأخذه و كره من اعادته ففي تلك الصيفية ذهب رحلة الى بلدة في شمال ففي يوم من الايام متجه الى الشاظئ لكي يسبح فحينما سبح خرج منه ليرتاح قليل بقيا يتأمل المناظر حينما لحظ نملة تأخذ حبة قمح وتصعد بها نحو الجبل ففي منتصف الطريقتسقط الحبة لهذه النملة ومن عد ترجع النملة لتأخذ الحبة وتعاود تصعد ومبعد تسقط الحبة وتولي ترجع 4 مرات حتى أحس بهذا الموقف فأضطر ان يعيد الباك فأعادها ونجح
اسمح لي اخ الكريم عن كيفية القاء الطرح لقيت صعوبة

[aminabil]

لا تياس يا اخي كلنا كنا هكذا تاتينا لحضات ياس و ملل لكن الحمد لله نجحنا ان شاء الله ربي ينجحك

[RIMA95]

ان شاء اللهخ ربي مراحش يخيبك هذه المرة وتديه باذنه

استعن بالله [الصلاة والدعاء] وما خاب من عمل صالحا

وان شاء الله تعبك سيتوج بالنجاح

لم يبقى الكثيرا فصبرا

والله ولي التوفيق

سلامي

[amine eco]

لا يااخي هذه نصيحه اديها من عندي اذا خفت حاجة مليحة معناها راك تحس بالمسؤلية انا متاكد راح تنجح

[mitrochka]

وفقك الله تعالى
لا تيأس

[الفاتحة]

70/100 نسبة لاباس ، ادخل للامتخان والله الموفق

[الدكتور شهاب الدين]

السلام عليـــــكم
15 يوم صدقيني هي كــــافيـــة يـــاأخت
ولأحيطكــ عليمــا أن مُعظم المخاوف النفسيةِ سببهَا الأفگار السَلبية فلا تفكري متل هده الأفكـــار الدي ستعود سلبا عليك وأقنعي نفسكــ أن النجاح فى البكــالوريا لا يأتى مصادفة...ولكنه نتيجة تخطيط وجهد لدلك أحسني التخطيط في هده الأيـــام وتدكري الجـــامعـــة ومستقبلكـــ فان اردت ان تتنبأ بمستقبلك فقوم ببنائه الان...
لاتقولي لا أستطيـــع فصدقيني كلنــــا نستطيع لكنــنــا لسنــا كلنــا نريد .....
إرادة عزيمــة نظمي وقتكــ جيداااا وبالتوفيق لكـــ ......
أعرف موقع رائــــع في مـــادة الفيزيـــاء ربمـــاسيكون دعمـــا لكــ .
سلام.........

[~~نهال~~]

شوف قبل مارتوح تقرادائما صلي ركعتين و دايمن نوض صلي الفجر في وقتو
و اتوكل على ربي
ماهيش رح تفنا الدنيا اذا هاوجت مرة لا مشكلة انتا دير وش قدرت عليه و الله لا يضيع اجر المحسنين

[dahbi01]

ما تتقلق ماوالو خطيك من الوسواس
والي كاتبو ربي وفيه الخير يجيبو
ربي

[جمال المهاجر]

خويا ... انا قريت 16 سنة .. تعلمت حاجة . . . جامي تخاف من امتحان .. و جامي تقول ماننجحش ..
كيفاه ؟؟ لي داو الباك خير منك انت ؟ .. ماتتمسخرش بينا .. امشي احفظ و نهار تدي الباك قولي نديرلك كادو

[عبدالله 25]

لالا نورمال 15 يوم تكفي وتزيد ... انت برك توكل على ربي و دير كوراج و ان شاء الله ننجحو كامل

[سماح 2]

برايي
رووحي عااودي خيييير نت قااعده قااعده
وعلاااه او قرب خلااك وزييد
عسى ان تكرهوا شيئاا وهو هير لكم
سلاااااااااام

وبالتوفيييييييق لك

http://www.lakii.com/vb/smile/12-47.gif

[houda70]

اخي اياك ثم اياك ثم اياك و الخوف فهو حاجز سيجعلك دائما فاشلا في اعمالك
لذلك بادر بالصلاة و الاستغفار ان كنت لات صلي و ادعوا رب العالمين ان يسهل عليك امورك
و بادر بالمراجعة و انهظ في الصباح فصلي الصبح و عد الى مراجعة دروسك
و اعلمي ان من توكل على الله فهو معه
ولكن لازم ان تملا العزيمة قلبك لتستطيع التغلب على الصعاب و شكرا و الله ينجحك و ينجح كل زملائك يا رب

[houda_jijel]

ربي ينجحك . انت دير اللي عليك و الباقي على ربي و ربي ميخيبش عبادو