حابة نتزوج

[مشكلتي]

السلام

مشكلتي باختصار اني ارغب في ازواج

انا شابة عمري 23 سنة طالبة جامعية
انا وا لحمد لله جميلة لدرجة كبيرة و متربية و ينت عايلة محتاارمة
و بزاف اللي نعجبهم نسا و رجال
بصح واحد ما يخمم يخطبني
مافهمتش علاه
لا نسا يحبو يدوني لاولادهم و لا رجال تاني
علابالي لا عين لا سحور
بصح علاه هكذا
هي مرة وحيدة شاب فالجامعة اخر سنة حب يتقدملي بصح لاسباب معينة رفضت

و من ثم يعني قبل 3 سنوات

عاونوني باي حاجة
فهموني علاه
كاش حاجة تسرع الامور و الا تعدرلهم
و الله دخت

[kheira-81]

السلام عليكم اختي اصبري يا اختي لعل في ذلك خير لكي عليكي بالصلاة والاستغفار و انشاء الله خير انا يا اختي بلغت الثلاثين و لم ياتي المكتوب لكن احمد الله كثيرا على هذه النعمة فانا احتسبه خيرا فعندما ارى المشاكل بين زملائى في العمل احمد الله كثيرا فعسى ان تكرهي شيئا وهو خيرا لكي فيامن تاخر زواجها لكن يا اختي عندما تزوجت تزوجت افضل من التي تزوجت في صغرها و ادعو الله ان يرزقك الزوج الصالح عاجلا غير اجل و جميع بنات المسلمين

[دموع تائبة]

23 سنة مازالك صغيرة اختي
مالا اللي في عمرهم 30 و35 سنة واش يقولو ؟؟؟
تمتعي بصغرك الزواج مايجيك منه غير تكسار الراس والمسؤولية

[حميد.ص]

عسى أن تكرهوا شيئا وهو خير لكم..........من يدري أن الله يخبأ لكي مفاجئة سارة لم تكوني تتوقعينها أبدا....فيرزقك بالرجل الذي تتمناه كل فتاة ..........ربي يرزقك زوج يقدرك

[alarabay]

لم يفوتك شيء للسا صغيره والمقسوم سيحصل ندعو الله لك بالتوفيق .

[نسمة تفاؤل]

اختي اولا ماتقلقيش روحك مازالك صغيرة وعليك بالرقية لان السحر والعين حقيقة يااختي الرسول صلى الله عليه وسلم وسحر ربي يرزقنا الزوج الصالح

[قَاسِمٌ.قَاسِم]

لا أصلح لك من الدُّعاء، ولا أضرَّ لك من الغَبَاء، والصوم لك خيرُ وِجَاء
داومي على صلاتك، واهتمي بسِترك وحجابك، وليكن الحياءُ تاجَك.

[nad.jette]

السلام عليكم
اختي عليك بالصلاة والدعاء
وكذلك لا تغتري بجمالك ومستواك الدراسي تواضعي ولا تشارطي ممكن انو عينك كبيرة كيما يقولو :1: وعندك مواصفات خيالية لزوج المستقبل :confused: وممكن انك غير بشوشة :mad:
اختي انا اقل منك سنا وفي الجامعة ومظهري مقبول كما قلتي وكنت اواجه نفس المشكل وعندما بحثت وراء الاسباب لقيت بلي انا غير بشوشة :mad: ويقولولي متكبرة :cool: بصح والله البنات كي يخالطوني يقولولي ماتخيلناكش كيما هك :D حطيناك شريرة ....على قولهم وشايفة روحك وكاين وحايد يحبو يتقدمولي بصح مايهدروش معايا انا يقولو بلي نخاف تحرجنا ولا - تنشعنا- وكاين اللي يقولو مستحيل ترضى بينا لانها باهية وقارية وابوها صاحب وظيفة مقتدرة هكذا وصلتني المعلومات المخابرتية :1: من اخواتي وصديقاتي ولا اقاربي وحتى جيراني وليت اهتمت بالجانب الاسلوبي وافسخت جبهتي :o ....هههه كيما تقول ماما ونصلي في صلاتي وندعي في ربي حتى فرجت وباذن الله تفرج عليك اختي طولت عليك :rolleyes: ....ههه.....حكيتلك قصة حياتي.......ربي يفتحها في وجهك ونلقى موضوعك في قسم تجهيز العرائس :mh31:

[مـجيد]

ربكا لا تعجبهم طريقة لباسك او عدم ارتدائك للخمار مثلا

[zenou84]

أهي فرات أول عريس
قوليلي نزغرت ولا مازال
ربي يجيب الخير

[sam2109]

أختي بكل صراحة راني نحير كي نسمع هكذا...أنا والله عييت نحوس وعييت نلقى بنت الحلال باش نتزوج ونكمل نصف ديني الطفلة لي نخطبها تقول حابة تكمل قرايتها وماهيش مخممة في الزواج رغم اني مانيش ضد انها تكمل قرايتها...انتم البنات مشكلتكم انكم ماتقبلوش الزواج في وقت الزواج وتتكبروا ...ممكن انك تقولي علاش ماتشوفش لي كملت قرايتها نقولك مالقيتش ولي نلقاها تقولك الخدمة اولى من الراجل مايهمهاش الزواج ومايهمها غير انها تخدم........ربي يقدر الخير وان شاء الله يرزقك الزوج الصالح وانتي مازلتي صغيرة ولوكان جيت نعرفك لوكان راني تقدمتلك الان قبل الغد

[نورالهدى**]

بلعقل برك

اصبري

ماعلابالكش واش من آج يجيك مكتوبك لازمك الصبر

ربي يسهلك لقياه في القريب العاجل

[مريم الصابرة]

السلام عليكم
يا للروعة شوفي رحمة ربي راهي جاتك عروض زواج من منتدانا وهكذا نخلو زيتنا في دقيقنا وخلونا نديرو عرس هذا الصيف
واش رايكم رجع المنتدى للزواج روعة ونكمل انا ندير طلب زواج غذا امكن علاه مش عيب
يا اختي شوفي إنت إصبري هيذي حاجة ربي اولا وثانيا شوفي النواقص اللي عندك ممكن حجابك مش شرعي ممكن شنايفية بزاف بنعنى متكبرة ممكن يشوفك تقراي واكين راجل يقولك هذي سور تحوس تخدم وأغلبهم ما يحبوش اللي تخدم عليها نقولك إصبري وممكن توافقي على طلب واحد من العضاء عادي ويكون مشرف هو الوسيط ما فيها والو موفقة

[جواد رامي]

ختي الحبيبة



إنك إذا رفعت يدك استحي الجبار تبارك وتعالى و صاحب الملك و الملكوت و العزة و الجبروت



يستحيي منك أن يرد يديك صفراً



فعن سلمان الفارسي رضي الله عنه قال:قال رسول الله صلى الله عليه وسلم



" إن ربكم تبارك وتعالى حيي كريم يستحي من عبده إذا رفع يديه إليه أن يردهما صفرا" رواه أبو داود





لا تحملين همّ الإجابة ولكن احملي همّ الدعاء, ادعي وتيقني الإجابة واعلمي بالفرج.



فإنك تدعين من بيده ملكوت السماوات والأرض أجود الأجودين وأكرم الأكرمين



أعطى عبده قبل أن يسأله فوق ما يؤمله يشكر القليل من العمل وينميه ويغفر الكثير من الزلل



ويمحوه يسأله من في السماوات والأرض كل يوم هو في شأن لا يشغله سمع عن سمع



ولا تغلطه كثر المسائل ولا يتبرم بإلحاح الملحين بل يحب الملحين في الدعاء ويحب أن يسأل



ويغضب إذا لم يسأل .



وعن النعمان بن بشير قال: قال رسول الله صلى الله عليه وسلم



(أن الدعاء هو العبادة فثم قراء



(وَقَالَ رَبُّكُمُ ادْعُونِي أَسْتَجِبْ لَكُمْ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ)

[sam016]

يا الأخت أنت مازالكي صغيرة ننصحك تلهاي بقرايتك و طيعي والديك و عيشي حياتك و كلشي بالمكتوب الزواج ماشي هو كلشي فالدنيا أصبري و انشاءالله ايجيبلك ربي مكتوبك في أقرب وقت .

[الدكتور شهاب الدين]

السلام عليــــكم
ماهده المهزلــة في الردود ! لــم ألمس فيكـــم الحكمــة إطلاقـــا !

بالنســـبة لصــاحبــة الموضوع :
فإن قضية الزواج كما لا يخفى عليك من القضايا التي تتعلق بالقدر، ونحن نعلم أن الإيمان بالقضاء والقدر هو أحد أركان الإيمان الستة،ومن آيات الرحمــان على دلك :
(ولكن ليقضين الله أمراً كان مفعولاً) 43 الأنفال.
( ثم يبعثكم فيه ليقضي أجل مسمى ) 60 الأنعام
( وما كان لمؤمن ولا مؤمنة إذا قضى الله ورسوله أمراً أن يكون لهم الخيرة من أمرهم ) الأحزاب 36
فالأموال من الأرزاق، والأولاد من الأرزاق، والصحة أيضًا من الأرزاق، والجمال كذلك من الأرزاق، والأخلاق كذلك من الأرزاق، والعلم والتعليم والتعلم من الأرزاق، وكذلك الأزواج من الأرزاق.
فالله تبارك وتعالى قدر لكل إنسانة الرجل الذي سوف يرتبط بها، وأحيانًا قد تتزوج المرأة بأكثر من رجل يكون هذا أيضا قد قدره الله قبل خلق السموات والأرض.



وأقول لكــ أيضــا أن الزواج المبكر غالباً ما ينتهي مبكراً :1:
فصبرا عليكــ .

كمــا دكرت أنكــ تريدين طرق لتعجيــل في الزواج .....
إدن ....
أنصحكــ بمجموعــة من الآيـــــــــات التــــــــــاليــــــــة =

إحرصي على قراءتها كـــــــاملــة وبشكل دوري

* قراءة سورة المعارج يوميا صباحاً
* سورة الواقعة ليلة الجمعة
* سورة الذاريات
* سورة الأنفال: " لو أنفقت ما فى الأرض جميعا ما ألفت بين قلوبهم و لكن الله ألف بينهم إنه عزيز حكيم" (63)
* سورة الروم :"و من آياته أن خلق لكم من أنفسكم أزواجا لتسكنوا إليها و جعل بينكم مودةً و رحمةً إن فى ذلك لأيات لقوم يتفكرون"(21)
* سورة الذاريات: "و من كل شئ خلقنا زوجين لعلكم تذكرون "( 49)
* سورة القصص: "و ربُك يخلق ما يشاءُُ و يختارُ ما كان لهم الخيرةُ سبحان الله و تعالى عما يشركون " (68)
* سورة الانسان: "و ما تشاءون إلا أن يشاء الله إن الله كان عليماً حكيماً " (30)
* سورة الأنبياء : "لا اله الا أنت سبحانك انى كنت من الظالمين "(87)
* سورة النبأ : "و خلقناكم أزواجا "(8)
* سورة الفرقان: "ربنا هب لنا من أزواجنا و ذرياتنا قرة أعين" (74 )
* سورة الأنبياء: "ربى إنى مسنى الضر وأنت أرحم الراحمين "(83)
* سورة يوسف: " إنما أشكو بثى و حزنى إلى الله وأعلم من الله ما لا تعلمون "(86)
* سورة الأعراف: " هو الذى خلقكم من نفس واحدة وجعل منها زوجها ليسكن إليها "(189)

إلتزمي بمــا قلت لكــ وبإدن الله يفرج عليكـــ.......

أسأل الله لك التوفيق والسداد، وأن يقدر لك الخير حيث ما كنت، وأن يرزقك زوجًا صالحًا يكون عونًا لك على طاعته ورضاه،
وبالتوفيق لكــــ...........
سلام.....

[جمال المهاجر]

درك نفهمك .. مع اني لست فتاة و لا افكر مثل الفتيات ..

الزواج .. مثل الرزق .. يدخل في القضاء و القدر .. اي انه كيما نقولو ' مكتوب ربي ' ..

و منه ، انت تخمي فيه بزاف .. بديتي تشوفي في روحك كبرتي .. و انت مازلتي صغيرة ، مازلتي كتكوتة ..
و كيما تعودي تخمي فيه بزاف ، تولي تتعذبي .. و كيما تشوفي صاحبتك المقربة ولا جارتك تخطبت .. تشعل فيك النار ..

انا نعطيك نصيحة وحدة .. مستقبل الفتاة .. ليس زواج فقط .. صحيح لازم تتزوجي .. بصح كاين حوايج اخرين ..
اخدمي .. اقراي .. تعلمي القيام بمشاغل البيت .. تعلمي الدين .. و الزواج راهو يجي .. و يطبطب الباب .. مكتوبك راهو يجي ..
ماكيش نتي لي جيبي مكتوبك .. مالا يا اختي .. عيشي حياتك في حدود الحلال .. و خليك من العلاقات الغرامية في الهاتف و في الشارع .. لي ناويك للحلال راهو يقولهالك من المرة الاولى ..

هيا طيشي عليك ..

كنت نعرف طفلا قدك في العمر هبلت على الزواج .. و كيما جاء واحد .. تزوجت .. و دركا راهي نادمة .. قالتلي زوجي لاباس بيه .. و والديه لاباس بيهم .. لكني انا معلاباليش واش بيا .. . . . .

سلام