هبلوني

[مشكلتي]

السلام عليكم من وين نبدا نحكي والله كارهة لدرجة الانتحار انا كنت على علاقة مع واحد وخطرة عيطتلو برقم بابا والان راه مع وحدة اخرى و راهي تخلط فيا قاتلي عندي نيميرو تاع باباك ودوك راهم يعيطولي عيباااد مانعرفهومش ولاابيس غير كيما بدلتها عاوووونوني

[جمال المهاجر]

شوفي .. اول حاجة ديريها هي ، تفهمي بلي الناس يتبدلو .. كاين لي ماعندهم حتى رحمة في قلبهم ، تمشي فيهم شهواتهم و نزواتهم .. و منه ، الحذر الحذر .. فليس واقع العلاقات الغرامية مثل العلاقات التي تشاهدينها في المسلسلات التركية .. . .. تغلطي تطفر فيك ..
دركا المشكل تاع شريحة الهاتف ، كيما يعيطلك واحد ماتعرفيهش ، روحي لبلاصة مافيهاش تاع داركم و اهدري معاه .. اهدري معاه نورمال .. قوليلو يا خويا بارك الله فيك ماتزيدش تعيطلي ، كون سمعت عليا كلام هكا ولا هكا .. اتقي الله .. قوليلو يتصور انو انت راكي اختو .. و قوليلو زعما رايح ترضى يديرو لاختك هكذا ؟؟؟ .. اهدري نورمال .. نتي درتي المشكل و نتي رايحة تحليه .. نورمال خلاص .. هيا تهلاي في روحك

[بنت الحجاج]

ادعي ربي يستتتتركْ

[123boutheina]

السلام عليكم
لا حول ولا قوة الا بالله
هنالك فن يُعرف بالتجاهل وما دمتي قد تبتي عن ما سلف فانسي الماض بمن فيه
توكلي على الله واقلبي صفحة جديدة ودعي قافلة حياتك تسير وسدي المنافذ من صوت العواء
فيا اختي ي الغالية متخليش الشيطان يوسوس لكِ ويعكر صفو حياتكِ
خلاااص الرقم غير المعروف من الطبيعي بل العادي متهزيش عليه
وفقكِ الله

[*نآدرة~]

أنا تحيروني كي تصدقو ثم ثم،ياختي الناس ماهيش ترحم كيفاه انت جات في بالك ودرتي فيه الثقة وعيطتيلو من عند باباك؟؟معليش ياسيد غلطت بالصح شوفي النتائج الواحد لازم يكون فاطن شوية ولي ما طبطبش في الدار مايستاهلش نديرو فيه النية والثقة،واش نقولك الحل بدلي لابيس هاذ المرة وحاولي ماتمديش نيميروك حتى لواحد بالاك يخطوك
ربي يسترك ويبعد عليك ولاد الحرام،وتعيشي خطيك من ذوك العلاقات لي مافيهم فايدة غير توجاع الراس
ربي يكون معاك

[سراب06]

زيدي بدلي لابيس ورتاحي وتعلمي رب معاك

[nouna l maghbouna]

هادي حاجة خوفاتك ?
بدلي الرقم تاعك
و قوليلي لباباك وحدة تقرى معايا سرقتلي les num و راهي تعيطلهوم و تديرلي في المشاكل اذا عيطتلك ماتهدرش معاها
و انتي ماتاهدريش معاها خليك منها ماتقيميهاش

وفقك الله

[حميد.ص]

ربي يفرج عليك

[sali-sali]

السلاام عليك
هدي و تخليك تفكري تنتاحري.....الله يهديك
غيري الرقم و مش لي جا يديه
وقولي لباباك انو مش انتي لي مديتيه ادا عيطتله
نهار لي عرفتيه ....وحصلتي روحك ماخفتيش..وضروك خوفاتك بنت..لو انا محلك نخليها تندم

ربي يجيب الخير

[doba]

ربي يفتح عليك أختي وإحذري

[from13]

لدرجة الانتحار !!!!!!!

اظن انه عندي الحل ..لكنه مكلف قليلا و فيه القليل من الاثم (لكن كيما يقولك ادا فيها فيها الخسارة نخسر القليل )

اولا غيري رقم هاتفك .

اما في ما يخص ايوك (اشتري له شريحة جديدة برقم جيد ك 070 او 071 و اعطيها له هدية )
ادا لم ينفع معه ذلك ...حاولي توقيف شريحته (اتصلي بعملاء دجيري اعطيهم رقم هاتفه و بياناته وقولي انني اريد توقف هذه الشريحة على اساس انها شريحتك
اذا لم تكن مسجلة سجليها باسمك تم اقطعيها .

المهم التوبة اختي و اعلمي ان تلك الطريق لن تجلب لكي الا المشاكل ...

[وارث المحب]

توبي الى الله لا تلجئي الى الناس والجئي الى رب الناس توبي بصدق وانظري ماذا يفعل الله فان رحيم بعباده ستار لهم:dj_17:

[نسمة تفاؤل]

الله يهديك واخطيك من العلاقات اما بالنسبة للنوامر ماترفديش عليهم واذا كرهوك ديري في وجهم الرونفوا واذا مانفعتش بدلي شريحة اخرى ا

[ايمان نور الجزائر]

لابد من التوبة النصوح والاقلاع عن متل هاذه التصرفات اولااا
وعليك بتغيير شريحة الهاتف التي تخصك وتخص والدك حتى وان تظاهرت بان شريحة والدك معطلة او مكسرة
وابتعدي عن متثل هؤلاء الناس واهتمي بدراستك او اي شيء اخر
وسترين كيف ستزول مشاكلك

[amine0007]

سهلة ماهلة قوليلو للكعبة هذا راني ديكلاريت للبروكيرور وراهم حاطين الرقم نتاعي تحت المراقبة القضائية اي اتصال من رقمك والا اي رقم فيه شبهة ويلقاوك على صلة راك تترفد مباشرة والندامة متفيدش من بعد قوليلو وانت دبر راسك

[sstolga]

ربي يفتح عليك أختي وإحذري فالذائاب البشرية بزاف

[محمد...عبد النور]

في اسوأ الحالات خبري باباك و لا تخلي هؤلاء الحثالة يبتزونك .........لانك اذا رضختي لهم فتصبحين في مصيبة كبيرة لا حل لها
ربي يصرفهم عليك بما شاء و يكفيك شرهم جميعا
ســـــــــــــــــــــــــــــــلام

[شخصية نرجسية]

و الله ما يديرو فيها والو أولا احمدي ربك أنه التي على كنت علاقة به لم يسجل كلامك معه
ثانيا حتى لو مثلا لم تثقي به و لم تتصلي به من رقم أبوك كان يمكنه الحصول عليه
كوني واثقة انه لن يجرأ على الاتصال بوالدك حتى لو اتصل حاولي تبريىء نفسك قولي هل أنامجنونة حتى أتصل به من رقمك يا أبي حاولي عندها طلب المساعدة من أمك و لا تصارحي احد بهده القصة استري روحك يسترك ربي لا تصارحي حتى امك حتى لا يفقدون الثقة بك للأبد
ثالثا غيري رقمك و لا تعطيه الا لواليدك و أعني هدا لا أحد يستحق رقمك فحتى الصديقة صار المرء لا يستطيع الوثوق بها
رابعا عند استعمالك لشريحة جديدة عمرك و لا تريد على رقم لا تعرفينه او رقم مجهول -ماسكي-
-ادا كنت لا تستطيعين تغيير الشريحة مثلا حتى لا يشكون بك ديري رنفوا و لا استعنلي بورطابل مليح به قائمة الرفض list de reject و ارفضي الماسكي وكل رقم يزعجك وادا لك مثلا قريب شاب تثقين به و اتصل رقم لا تعرفينه اعطي له ليتكلم معه و يلقنه درسا جامي تتكلم معاهم
أختي أيضا مادا لو مثلا و هو يهدد فيك في شريحتك الجديدة سجليه فيصير لديك دليل ضده
و نصيحة أخيرة أختي دعك من هده العلاقات فنهايتها الدمار الدنيا فسدت حافظي على شرفك و سمعتك
أختك ليال

[حمدا لله كثير]

اكتري من الاستغفار

[{مـشـاكـسـهـ}~]

ربي يفرج عليك

[bibabeza]

اختي انصحك شدي في ربي سبحانو واكيد ماراحش يخيبك ابدااا وربي يكون الخير