ربي يستركم انصحونى راح نموت

[h.djeb]

السلام خياتى و الله كى تضيق بيا الدنيا نحكيلكم كان انتم و نفرغ عندكم قلبى انا انسانة عمرها و لا كان عندها الزهر تعذبت في غرى بزاف و نهار جانى ولد الحلال و الا كيما كنت نظن فيه فرحت و حمدة ربي بلاك هو ينحيلى شوية من العذاب و من بعد فترة زواج ثلاثة ونصف نفيق بيه يخون فيا هذي مدة عام و كي واجهتوا قالى تكذب و ماكان والو و صدقتوا و من بعد فقت به في الفايس بوك معاها و يعطيه الصحة صاحبوا و مرتوا فيقونى و الا انا حابة نطلب الطلاق و انتم واش ايكم انا كى نطلب الطلاق وين نروح ماعنديش وين انصحنوى حابة ندير حاجة في عمرى بح رانى نخاف من ربي يا خياتى و الله راح نموت

[maribelle]

يا اختي يخون فيك معاها في الفيسبوك ؟

[nada1987]

wallah ya lehbiba rabi ykoun m3ak
mais haja kima hadi metekelkich fih parceque had chi rah abrad alhalale 3inda ALLAH
tkelmi m3ah w fahmih w zidi gouli l waldih w meme weldik nti w khawtek khabrihoum bhad mouchkil w zidi sobri matetkalkich
rabi m3ak ya okhti

[ام مريم اسراء]

انا ننصحك انك تصبري الطلاق واااااااعر حاولي تخليه يعرف قيمتك بالوقت اختي لازم تصبري و تواصلي حياتك تحاولي تتجاوزي الموقف راني مرا حالي حالك لكن الله غالب معندك حل احسن من انك متكبريش المواقف في راسك اما عن صديق زوجك و مرتو الي اكدولك انو صح حاولي متدخليهمش في الموقف يمكن راهم يبالغو
اختي عيشي حياتك لانو الطلاق مش حل و الضحية الاولاد هم برك سقسيني انا راني عايشت مواقف مثل هادي
شوفي اختي حاولي تلفتي انتباهو ليك
اشغليلو مقتو البسي مليح و متخليهش وحدو
متحسيهش انك مخبرة راكي تبحثي عن اسرارو اوو خيوط الجريمة
اعملي روحك نية في الهبال ابتسمي و اضهري قدامو بالقوة و الاستسلام في نفس الوقت بلاك شخصيتك هادي راح تخليه يعاود يكتشفك من جديد
اغريه و متكشفيش كل اوراقك قدامو
غيري اللوك و لما تشوفيه قاعد عند الميكرو اجبديه ليك بتصرفاتك الي تنسيه.... لانو الفيس بوك ما هو الا ورطة تخلينا نشغلو وقت الفراغ بالفراغ فهمتيني حاولي تكوني عشيقته الي يبحث عنها اكثر من انك تكوني زوجة و فقط
انا ندعيلك ربي لا تخليه يشوف وحدة غيرك ربي يهدي سرك و يحبب زوجك فيك و كلي امرك لربي و كلنا راح ندعولك

[ailemak]

ouyaaaaaa wwelah 9ata3tili galbi, justement min tetel9i win trohi????? hadi bezef nssa yfakrou fiha, c pour ca yessebrou w ygoulou balek yesseguem aprés, w yla rohti ldar waldik yaw matwelich kima kounti 3ziza, haka gatli wahda ki talgat, w yla ken khoutek fi dar w metzawjin manahkilekch, w tweli kima lkhadama fi dar babek ya khti, surtout kima goulti ke t3adebti bezaaaaaaaaaaf, w ana nchouf ke fi darek mieu, a9al dararayn,
en plus hadi te3 fb je pense c une caprice c a d nazwa w tfout, saha dis moi , nti 3lech tkhalih wahdou yconnecté, ha derangih w goulilou rani baghiya neg3od m3ek, ejebdilou hikayet, wela a9o3di hdeh a coté de pc wela ago3di fi la meme chambre diri rohek te9ray fi kech kteb wela haja hak, ya khti rahom ygoulou kayd nssa, ha sta3amli kech haja haka ya lhanouna, matessemhich w testeselmi facilement, w za3ma tkhalihoulha ki tetelgui, aya tchej3i w gouli ya ana ya hiya, aya ki sajiya
w nasihti lik hanouna, ma tetelguich parske machi hal, koun tchoufi machakil nes matjikch ga3 hadi mouchkila, nti au moins galek machi sah, kayen li ygouloulhom wi rani nkhoun fik fi wjaha, alors chkoun li tdor plus????? ta vu khti?????
donc khadmi mokhek chwiya w nchallah yzidou lebnet kech maygouloulek
je c khti ke hadechi s3ib w mayhes beljamra illa li kwetou mais hna nssa nefahmou ba3dna
rabbi yhanik khti w ybedel sa3a b sa3a ahssen menha w ketri dou3e2 w l istighfar

[ailemak]

انا ننصحك انك تصبري الطلاق واااااااعر حاولي تخليه يعرف قيمتك بالوقت اختي لازم تصبري و تواصلي حياتك تحاولي تتجاوزي الموقف راني مرا حالي حالك لكن الله غالب معندك حل احسن من انك متكبريش المواقف في راسك اما عن صديق زوجك و مرتو الي اكدولك انو صح حاولي متدخليهمش في الموقف يمكن راهم يبالغو
اختي عيشي حياتك لانو الطلاق مش حل و الضحية الاولاد هم برك سقسيني انا راني عايشت مواقف مثل هادي
شوفي اختي حاولي تلفتي انتباهو ليك
اشغليلو مقتو البسي مليح و متخليهش وحدو
متحسيهش انك مخبرة راكي تبحثي عن اسرارو اوو خيوط الجريمة
اعملي روحك نية في الهبال ابتسمي و اضهري قدامو بالقوة و الاستسلام في نفس الوقت بلاك شخصيتك هادي راح تخليه يعاود يكتشفك من جديد
اغريه و متكشفيش كل اوراقك قدامو
غيري اللوك و لما تشوفيه قاعد عند الميكرو اجبديه ليك بتصرفاتك الي تنسيه.... لانو الفيس بوك ما هو الا ورطة تخلينا نشغلو وقت الفراغ بالفراغ فهمتيني حاولي تكوني عشيقته الي يبحث عنها اكثر من انك تكوني زوجة و فقط
انا ندعيلك ربي لا تخليه يشوف وحدة غيرك ربي يهدي سرك و يحبب زوجك فيك و كلي امرك لربي و كلنا راح ندعولك
yeslem fomek khti, je ss avec cet avis, voila hada chi li kount ngoulha fih, w nti ki 3andek l experience madebik tzidi tfahmiha parske welah ghadetni bezaaaaaaaaaaaaaaaaaaaf,

[وردة حياتي]

يا اختي الهم و الاستسلام عمرو ولا جاب نتيجة و تاخذي رايي ماتبينيلوش بلي راكي عارفة و قهورة ديري روحك ماعلابالك بواااااااااااو و هاذاك الميكرو اللي يلعب بيه خليه مايخرج و صبيلو شوي ماء باه يتحرق و ديري روحك كلي مادرتي والو و بدلي الحطة و البسي غير الباهي و المغري في دارك وديري روحك ماعندك حاجة فيه واتزيني و تعطري و ماديريش كامل عليه و شوفي كيفاه يطلق لسانو قدامو و يلهث و هو يجري وراك و لتم شيطيه و عذبيه قبل ماترضضاي بيه بصح ماتزيديش في الدلال فوق اللي يلزم على خاطر التقل صنعة و طيشي عليك حكاية الطلاق و ماتفرطيش في دارك لوحدة ماتسواش لازمك تحاربي بالحيلة و لازمك انتي اللي تربحي و ربي راهو معاك

[maribelle]

إليك أختي بعض النصائح :
أولا: إذا تكرر الأمر وتأكدتِ صارحي زوجك باكتشافك خيانته ذكريه بالله وعقوبة الله تعالى العاجلة والآجلة، وليكن ذلك بأسلوب يجمع بين عتابك له وحرصك على العلاقة بينكما وأشعريه بإشفاقك عليه، واتركي له مساحة تحفظ ماء وجهه امامك حتى لا تضطريه للمكابرة والتمادى في خطأه.
ثانيا: إذا تأكدت من شخصية تلك المرأة التي يخونك معها فكلميها وذكريها بالله تعالى وأخبريها بأنها تهدم بيتا مسلما، ومن فعل ذلك كان حرياً بعقوبة الله تعالى،
ثالثا : قفي مع نفسك وقفة مصارحة واسأليها ما الذي جعل زوجك يخونك؟، وحاولي ان تعالجي مواطن التقصير فهل اهملت التزين له وحسن ملاعبته ومعاشرته أو هل افتقد فيك العقل الذي يرتكن اليه ويستشيره أو انشغلت عنه بماديات الحياة ومتطلبات المنزل؟
رابعا: المعاصي والذنوب من أكبر أسباب المصائب والمشاكل التي تقع في حياة الإنسان، قال تعالى {وما أصابكم من مصيبة فبما كسبت أيديكم ويعفو عن كثير}، فراجعي علاقتك بربك وأدائك لأوامره سبحانه، فقد يكون ما أصابك بسبب تقصيرك في ذلك.
5- عليك بالدعاء خاصة في أوقات الإجابة، فهو نعم المعين، وهو الجواد الذي لا يرد سائلاً
منقول

[ailemak]

إليك أختي بعض النصائح :
أولا: إذا تكرر الأمر وتأكدتِ صارحي زوجك باكتشافك خيانته ذكريه بالله وعقوبة الله تعالى العاجلة والآجلة، وليكن ذلك بأسلوب يجمع بين عتابك له وحرصك على العلاقة بينكما وأشعريه بإشفاقك عليه، واتركي له مساحة تحفظ ماء وجهه امامك حتى لا تضطريه للمكابرة والتمادى في خطأه.
ثانيا: إذا تأكدت من شخصية تلك المرأة التي يخونك معها فكلميها وذكريها بالله تعالى وأخبريها بأنها تهدم بيتا مسلما، ومن فعل ذلك كان حرياً بعقوبة الله تعالى،
ثالثا : قفي مع نفسك وقفة مصارحة واسأليها ما الذي جعل زوجك يخونك؟، وحاولي ان تعالجي مواطن التقصير فهل اهملت التزين له وحسن ملاعبته ومعاشرته أو هل افتقد فيك العقل الذي يرتكن اليه ويستشيره أو انشغلت عنه بماديات الحياة ومتطلبات المنزل؟
رابعا: المعاصي والذنوب من أكبر أسباب المصائب والمشاكل التي تقع في حياة الإنسان، قال تعالى {وما أصابكم من مصيبة فبما كسبت أيديكم ويعفو عن كثير}، فراجعي علاقتك بربك وأدائك لأوامره سبحانه، فقد يكون ما أصابك بسبب تقصيرك في ذلك.
5- عليك بالدعاء خاصة في أوقات الإجابة، فهو نعم المعين، وهو الجواد الذي لا يرد سائلاً
منقول


mais khti des fois welah mamkhalyetou khassou walou , w meme rjel ya3terfou belli mamkhelyatou khassou welou mais net w tchat wella kima la drogue, fi wahd l emission haka mouchkila mais galhom nebghiha w m3aychetni bien mais net welet ki chghol drogue maya9derch ynahiha
don net b had datha welet hiya derra

[بيلسان11]

أختي زوجك مادام تزوجك انت يعني مقتنع بيك .مع قليل من التجديد في حياتك كيما قالولك الأخوات راح تجذبيه ليك. حبيبتي ما تستسلميش و كوني قوية و صابرة و دافعي على دارك و زواجك و حياتك ما تزيديش البنزين على النار . الغضب لفحة من لفحات جهنم قبل ما يأكل اللي قدامه ياكل الانسان اللي غاضب. ما تخليش دارك و حياتك و راجلك لوحدة ثانية أنت اللي راح تخسري كي تطلبي الطلاق و تكوني قدمتي حياتك على طبق من ذهب لوحدةأخرى. ربي يكون في عونك و يفرج عليك.

[maribelle]

mais khti des fois welah mamkhalyetou khassou walou , w meme rjel ya3terfou belli mamkhelyatou khassou welou mais net w tchat wella kima la drogue, fi wahd l emission haka mouchkila mais galhom nebghiha w m3aychetni bien mais net welet ki chghol drogue maya9derch ynahiha
don net b had datha welet hiya derra


الخيانة صعيبة بزااااااااااااااف خاصة في هذا الوقت لبنات هو لي يتلصقو الله يهديهم و بما انو راجلها من حقها تشوف مع من يحكي و من الاحسن الانترنت تتنح

[ryma221]

rabi yahdih w rabi m3k okhti

[Nanoucha23]

ya okhti wallah errajel enti li tet7akmi fih wa9t methebi tjejbdih lik wallah ijik choubik loubik w wa9t methebi tekhssrih sehla khlas kima gueloulek lebnet enti elbssi we3dli rou7ek w diri rouhek ki chghoul me3ebelekch b lehkeya khlas ad7ki gasri taybiliou 3cha mlih okhrjou 7awssou khellih yenssa net khlas wenchallah rabi yehdih w yarje3 letrig

[h.djeb]

إليك أختي بعض النصائح :
أولا: إذا تكرر الأمر وتأكدتِ صارحي زوجك باكتشافك خيانته ذكريه بالله وعقوبة الله تعالى العاجلة والآجلة، وليكن ذلك بأسلوب يجمع بين عتابك له وحرصك على العلاقة بينكما وأشعريه بإشفاقك عليه، واتركي له مساحة تحفظ ماء وجهه امامك حتى لا تضطريه للمكابرة والتمادى في خطأه.
ثانيا: إذا تأكدت من شخصية تلك المرأة التي يخونك معها فكلميها وذكريها بالله تعالى وأخبريها بأنها تهدم بيتا مسلما، ومن فعل ذلك كان حرياً بعقوبة الله تعالى،
ثالثا : قفي مع نفسك وقفة مصارحة واسأليها ما الذي جعل زوجك يخونك؟، وحاولي ان تعالجي مواطن التقصير فهل اهملت التزين له وحسن ملاعبته ومعاشرته أو هل افتقد فيك العقل الذي يرتكن اليه ويستشيره أو انشغلت عنه بماديات الحياة ومتطلبات المنزل؟
رابعا: المعاصي والذنوب من أكبر أسباب المصائب والمشاكل التي تقع في حياة الإنسان، قال تعالى {وما أصابكم من مصيبة فبما كسبت أيديكم ويعفو عن كثير}، فراجعي علاقتك بربك وأدائك لأوامره سبحانه، فقد يكون ما أصابك بسبب تقصيرك في ذلك.
5- عليك بالدعاء خاصة في أوقات الإجابة، فهو نعم المعين، وهو الجواد الذي لا يرد سائلاً
منقول
اختى انا ما نيش مقصرا في حقوا و هو قالها انا مانيش علي الانترنات برك راه دايرلها رقم خاص تعرفوا واش معناها رقم خاص والله مارانى مخلياتو خاصاتوا حاجة علاه يضربنى في ظهرى علاه

[mitrochka]

كان الله في عونك

[الريح الهوجاء]

choufii khtii ne3tiik 7al
lhaja lowla katrii Doaa w salat ellile balak rabi yehdiih
tani haja afthii compte ******** ta3 rajel w ahki m3a hadik lbent w jebdi lsanhaa balak ray ghir tel3ab b rajleek w ki tkhaliha tehki beli tjoez bih lwakt weriloo w nas7iih .. 7otih godam amr lwa9i3 golilo voilà li rak tkhoun fiya m3aha ray tel3ab ! ..
sinn kayen haja afthi compte ta3 tofla w ajoutih ghir howa w ahkii m3aah w m3a liyam ki yet3ala9 biik 3aytilo w fethi lcompte 9odamoo hakda maywelich ydir confiance fel ******** w ykemel m3a le monde virtuel w yweli l3a9loo
allah yehdiih w yhaniik khtiii

[fatma2012]

اكسبي زوجك ولا تخسريه رغم ما فعل ليس يعني أنه لا يحبك لكن احيانا الرجل يكون ضعيف

[manel 123]

حبيبتي لقد جذبني هذا الموضوع

وساقدم لك هذه القصة عسى ان تفيدك

وهي في زوجة اكتشفت ان زوجها يخونها



وبعد ذلك اتصلت بها المراة التي هي صديقة زوجها وكانت تريد ان تخرب بينها



وبين زوجها حتى يتزوجها فكما تعرفون ان المشاكل الزوجية من الامور المساعدة



على الخيانة



ففي البعض من النساء تعمل مشكلة لزوجها لانه يحب امراة اخرى



ولكن هذة الزوجة الذكية فهمت ماذا كانت تقصد المراة التي اتصلت بها



حيث كانت تريدها ان تعمل مشاكل وبذلك تنفرد هي بالزوج وتتزوجة



فشعرت الزوجة انها على خطأ لانها كانت لاتعير لنفسها اهمية



حيث كانت تهتم بولدها وزوجها فقط فبدأت بارتداء الملابس الجميلة



وقامت بعمل جو رومانسي في البيت وبدات تخرج مع زوجها



وهي لم تخبر زوجها على امر الاتصال واستمرت على هذا



الى ان وجدنا ان الزوج اصبح يهرب من المراة وتركها



لماذا لاتجربها الزوجات فهي خطة ذكية



بحيث استطاعت هذة الزوجة من ابعاد زوجها عن المرأة بحكمة



ولم تدع المرأة من الانتصار عليها



فجربيها لن تخسري ان شاء الله



وجزاكم الله خيرا

[joulia31]

يا اختي مالازمش تطلبي الطلاق لانه ابفض الحلال

شوفي انتي ستعملي الدكاء نتاعك معاه
روحي ديلو البسودو و لا النيميرو نتاعها و عيطيلها و هدري معاها و ادا ما فهمتش خوفيها و راكي عارفا البنات منين يخافو

و انتي راجلك شيطان دارها بيه و انتي فيقيه بالجمال نتاعك تزيني و حسني المعاملة معاه و بدلي الروتين

وديزانسطالي الميكرو و ادا عاود تيليشارجا الفايسبوك وهدر معاها تما حساب واحداخر


وربي يجيب لي فيها الخير ان شاء الله

[مراد الأمل]

السلام عليكم
لا اظنّ أن الحلّ في الطلاق..تريثي أختي
و حاوري زوجك

[ورقة بيضاء]

لا تتسرعي بطلب الطلاق
قومي الليل و ادعي له الله بالهداية

[مريم الصابرة]

السلام عليكم اختي
ربي يهديك كيفاه تطلقي اخت من ٍاي احكي معاه واحكي بصرامة خيريه بينك وبينها لول قالك ماكانش منها مديلو الدلائل اللي شفتيهم والفايس بوك هناك خليه هو يخير بينك وبيها لانو قادر يكذبك ويقولك ماكانش منها وتكبري الحالة ويطلقك وتتفر فيك لازمك تكوني ذكية فالتعامل معاه وجذبي زوجك ليك اختي لازمك هكذا ما عندش حل آخر ربي يهديه

[سامو حنان]

اختي عزيزتي اتهدني ماتتسرعيش في حتى قرار ،، اصبري ثم اصبري ثم اصبري ،، الطلاق ما راهو حل ،،، و الله يا ختي ما عنديش بزاف سمعت حكاية دك نحكيهملك و انتي احكمي
واحدة تزوجت براجل يتبع غير في النساء و يهدر معاهم في التلفون فاقت بيه اصبح يهدر معاهم قدامها في التلفون ،، المسكينة صبرت ،، وبعد مدة من الصبر و الدعاء استقم الراجل و لا يموت اعليها و يقول لها اسمحيلي
هذا كامل بعد الصبر فهمتيني ،،. انت قومي بكامل واجباتك ليه باش ما يحاسبكش ربي ،،
سلااااام

[aminabil]

اختي بالكي تغلطي من بعد تندمي بزاف بزاف اصبري و ما تخلي حتى واحدة تديلك لراجلك

[karima ikram]

ربي يهديه أختي هاذ الظاهرة راهي صايرا بزاف واش نقلك اصبري الصابر ينااال

[الفلة البيضاء]

اصبري اختي ان بعد العسر يسرى

[شخصية نرجسية]

انا ننصحك انك تصبري الطلاق واااااااعر حاولي تخليه يعرف قيمتك بالوقت اختي لازم تصبري و تواصلي حياتك تحاولي تتجاوزي الموقف راني مرا حالي حالك لكن الله غالب معندك حل احسن من انك متكبريش المواقف في راسك اما عن صديق زوجك و مرتو الي اكدولك انو صح حاولي متدخليهمش في الموقف يمكن راهم يبالغو
اختي عيشي حياتك لانو الطلاق مش حل و الضحية الاولاد هم برك سقسيني انا راني عايشت مواقف مثل هادي
شوفي اختي حاولي تلفتي انتباهو ليك
اشغليلو مقتو البسي مليح و متخليهش وحدو
متحسيهش انك مخبرة راكي تبحثي عن اسرارو اوو خيوط الجريمة
اعملي روحك نية في الهبال ابتسمي و اضهري قدامو بالقوة و الاستسلام في نفس الوقت بلاك شخصيتك هادي راح تخليه يعاود يكتشفك من جديد
اغريه و متكشفيش كل اوراقك قدامو
غيري اللوك و لما تشوفيه قاعد عند الميكرو اجبديه ليك بتصرفاتك الي تنسيه.... لانو الفيس بوك ما هو الا ورطة تخلينا نشغلو وقت الفراغ بالفراغ فهمتيني حاولي تكوني عشيقته الي يبحث عنها اكثر من انك تكوني زوجة و فقط
انا ندعيلك ربي لا تخليه يشوف وحدة غيرك ربي يهدي سرك و يحبب زوجك فيك و كلي امرك لربي و كلنا راح ندعولك
هده أحسن نصيحة لك مادماكك ما عندك وين تروحيييييييييييي

[رحمة من المولى]

ربي يهدي سرك و يحسن احوااااااااالك

[ام نسمة]

لا حول ولا قوة الا بالله احس بكي من اعماق قلبي صدقيني .......................والطلاق ليس بالقرار السهل

[oumraouf]

اختي لا تتسرعي، إياك والغضب وسرعة التصرف، وعلى راي المثل الشعبي - الكسكاس يسير ورجع لمواليه - اعتقد ان هذه نزوة عابرة ومضعية للوقت واكتشاف جديد أراد أن يتسلى به لا غير، كوني صبورة واعملي برأي الاخوات السابقات ، غيري من هندامك ، غيري من تصرفاتك، جددي ديكور بيتك.. بدون أن تشعريه بخيانته... إننا ندعو لك الله أن يهدي زوجك ويستر بيتك ويلم شملك.. آمين يا رب العالمين ..