هل يخبرها الحقيقة أو يتركها لتعيش حياتها

[hansali_33]

بسم الله الرحمان الرحيم
انسان كان خاطب انسانة سنتين روعة أحبها بجنون وهي كذلك أحبته أصيب بمرض خبيث فلم يخبرها لأأنه تأكد أنه لا يستطيع اسعادها ففعل المستحيل ليجعلها تكرهه فنجح ففسخت هي الخطبة و أصبحت تكرهه كرها شديدا الى درجة حتى لو التقته صدفة لا تسلم عليه وظل هو يتألم ألما لا يوصف لأنه فعل كل هذا لأجلها لأنه أحبها بصدق.هل يخبرها الحقيقة أو يتركها لتعيش حياتها

[سومية88]

علي حسب رائ ادا كان المرض لا يعدي يقولها الحقيقة والا يعدي يخليها في نيتها لان تانيب الضمير سوف يدمرها يبقي راي شخصي

[kimotechgirl]

عاجلا أم اجلا ستكتشف الامر من الاحسن يخبرها الحقيقة
ربي يشفيه

[soso sirin]

خطرات تفكيرهم نتوما الرجال والله يقلق.راك تقول الطفلة كانت تبغيه ماشي ساهل على وحدا كانت تبغي واحد باه تكرهو و هذا ماكانتش تبغيه برك كان خاطبها معنتها كانت شايفاتو الراجل الي راح تكمل معاه حياتها.الشي الي راه فيه راه يضر فيه هو و هي .و انت في رايك خويا كون هو غدوة يموت لا قدر الله و هي تسمع بلي كان مريض و تعرف بلي كان يدير هذا الشي في خاطرها ماتخيلتش هي كيفاه رايحة تحس بلاك يحكمها انهيار عصبي.انا منك يروح يقلها منبعد يخليها على ربي.ربي يكون في عونو لانو الوضع الي راه فيه صعيب .

[manel 123]

السلام عليكم
كان لازم يخليها هي لي تقرر تكمل معاه ولا لا انا عندي بنت خالتي مريضة مرض خبيث صارحت خطيها وهو كي عاد يحبها فضل انو اذا مازاللها يامات تعيشهم يعيشهم معاها خير وكل واحد وكيفاه بصح ننصحو يخبرها ونشاء الله يوليو لبعضاهم اي الارواح بيد الله

[sarawahran]

انا مع راي الاخوة لازم يخبرها
خاصة اذا قدلر الله و صراتله حاجة و تسمع هي راح يقتلها تانيب الضمير
الصراحة واجبة
يا اخي يقولها واش كاين اذا قبلت اهلا و سهلا و اذا ما قبلتش ربي يسهل على كل واحد
و الكل يرتاح و ضميره يرتاح
و ان شاء الله ربي يجيب الخير
و نسال الله العلي العظيم ان يشفيه
اللهم رب الناس اذهب الباس و اشفيه انت الشافي لا شفاء الا شفاءك شفاء لا يغادر سقما

[نسمة تفاؤل]

من رأيي تخبرها خير هكداك باه ماتبقالهاش هذي نقطة سوداء في حياتها الاحساس بالغدر والخداع راهو احسااااااااااس صعيييب خويا اخبرها جزاك الله خيرا والله يشفييييييييييييييييك

[سراب06]

كان من المفروض اخبارها على الاقل يجنبها الالم الذي سببه لها وله ثم ان وقوفها لجانبه يساعد كثيرا في الشفاء
ان شاء الله رب يصلح ما بينهما ويشفيه

[rah2323]

انا مع راي الاخوة لازم يخبرها

[مريم الصابرة]

السلام عليكم هذا فيلم هندي مازالو حكاياتا مع خطيبتك مي راها واصلة بعيد
يا اخي كان صح خليت خطيبتك تكرهك وتفسخ على جال الامر هذا فخليني نقولك إنت جايح وإسمحلي تعلب في لعب الذراري راك مريض روح قولها هي حبت تبقى معاك او تخليك هنا تعرف قيمتها كان صح تحبك او لا لأانو دير في حسابها ممكن مرضت وإنت زوجها يعني هناك ثاني تخليك
من ٍاي صارحها وقولها وراني متأكدة باللي راحا ترجعلك إذا صح حباتك بزاف كيما راك تقول وإن شاء الله المرة الجاية تكونو تزوجتو إرحمو نفسكم وإرحمونا كرهتني فالخطبة هههههههههههه

[manel 123]

السلام عليكم هذا فيلم هندي مازالو حكاياتا مع خطيبتك مي راها واصلة بعيد
يا اخي كان صح خليت خطيبتك تكرهك وتفسخ على جال الامر هذا فخليني نقولك إنت جايح وإسمحلي تعلب في لعب الذراري راك مريض روح قولها هي حبت تبقى معاك او تخليك هنا تعرف قيمتها كان صح تحبك او لا لأانو دير في حسابها ممكن مرضت وإنت زوجها يعني هناك ثاني تخليك
من ٍاي صارحها وقولها وراني متأكدة باللي راحا ترجعلك إذا صح حباتك بزاف كيما راك تقول وإن شاء الله المرة الجاية تكونو تزوجتو إرحمو نفسكم وإرحمونا كرهتني فالخطبة هههههههههههه


يا اختي الكريمة هو طلب مساعدة ماشي تقييم واش داك لولد الناس جايح ولا فحل اي لواحد كي يكون مريض كون يصيب يموت درك قبل مباعد وكون يصيب ميزيدش يهدر مع حتى واحد او مرض خبيث يا ناس احسنوا العون

[النجمة القطبية]

الزواج هو مشاركة فى السراء والضراء
اما نظرتك للسعادة تبقى نظرة شخصية سعادة الانسان تكون فى الصدق والوفاء والنية الصادقة اما المرض وغيرها من الامور مكتوب ربى يعنى ليس ذنب الشخص
هناك نقطة اخرى الاعمار بيد الله والشفاء بيد الله سبحانه
المصارحة هنا افضل بكل تاكيد
ربى يشفى المريض ويوفقه للاصلح

[sali-sali]

السلام عليكم
من حقها ان تعرف الحقيقة

[مريم الصابرة]

يا اختي الكريمة هو طلب مساعدة ماشي تقييم واش داك لولد الناس جايح ولا فحل اي لواحد كي يكون مريض كون يصيب يموت درك قبل مباعد وكون يصيب ميزيدش يهدر مع حتى واحد او مرض خبيث يا ناس احسنوا العون
السلام عليكم اختي
اولا شكرا على إقتباس ردي
ثانيا انا من متتبعات مواضيع الاخ وما رانيش على شخصيتو لا وين نعرفو انا كان جايح او عكسها راني على تفكيرو وراني نقولو هكذا من باب انا مريضة ايضا يعني المرض ما يخلهش يسمح في خطيبتو وفكر في بلاصتها هذا قصدي
نتمنى ما تعلقيش على رد تفهمي سطحياتو برك هو يعرف ردودي ويعرف واش نقصد وشكرا

[شخصية نرجسية]

ما دام أنه لم يخبرها في البداية فالأحسن أن لا يخبرها الآن

[mitrochka]

غريب أمر هذا السيد
فكر لوحده و قرر ثم نفذ الأمر بدون مشاورة أي أحد

الأصل في الزواج أنه شخصين يفكرو كواحد أما أنه يقرر قرار مصيري مثل هذا
أتصور أن الفتاة أبسط ما يمكن أن تصاب به انهيار عصبي لو تعرف فيما بعد
و تعيش في تأنيب الضمير طول حياتها

لذا من الأفضل أن يبادر لإصلاح ما فعل
و الأعمار بيد الله تعالى
فكم من صحيح مات من غير مرض
و كم من قوي أرداه الموت بلا سابق إنذار

[* الحلم سكر *]

السلام عليكم ..
انا من رايي أخي يرحم روحو و يرحمها. ، يخبرها يعطيها حرية الاختيار و خاصة يعطيها فرصة توقف معاه خاصة الجانب النفسي راح يعاونو كثير ... و زيد خويا الأعمار بيد الله يعني شحال من واحد مات في رمشة عين لا مرض لا غيرو
و شكون قال ماراحش يرتاح سبحانه لا يعجزه شيء في الأرض و لا في السماء ...
و أنا من رايي يستهدي بالله يأخذ بالأسباب و ما ينساش الصدقة و عن تجربة .. ان شاء الله ربي يشفيه و يحنن قلوبهم على بعضاهم...

ان شاء الله ربي يكون في عونهم و ما يكون غير الخير

[natacha.amir]

ykolha el hakika w yekhaliha t3awno w tok3od m3ah liyamat li bakyinlo w yachab3o men ba3dhahom w kayan rabi sobhano marahech yekhaliha

[ورقة بيضاء]

اخبرها الحقيقة
لكي تسامحك

[imane bela]

ana thatit fi nafs elmaw9if besah elfar9 kan fi plaset elmerd elmachakil kanou 3and khatibi machakil w mahabch ykhaberni khaba 3liya w jbed roho meni bla seba wela ma yerfedch w mayahderch m3aya hata 9rib hbelt welit men wahed l wahed nsa9si wach bih
entouma erdjel ma tefahmouch ma3na eli thabek tesber m3ak w terfed m3ak kolech
dir enta rohek fi plasetha loukan hiya eli mrida raha tesmah fiha!!!
nn bayna raha ykoun radek nn
w loukan tesma3 ba3d ma tmout hiya beli kanet mrida w khabat a3lik wach rayeh thes!! tetwedja3 w balak yjik inhiyar 3asabi
rebi yahdikom

[jihanne]

من حقها تعرف

حتى هي مسكينة حباتك و مخطوبة عامين

و منبعد زعما تدير فيها مليح خليتها تكرهك

نونو راك غالط
قوللها الصح
و هي تقرر

+ربي يشفيك

[حمدا لله كثير]

توكل علي الله و صارحا و ان شاء الله مايكون غير الخير