بوليرو كروشيه عجبني

[حنين الوطن]

السلام عليكم


صديقاتي ياريت واحدة فيكم تقدر تشرحلي باترون بوليروا هاذا
و لو شرح بسيط



http://www.bntmofeid.com/up//uploads/images/bntmofeid-119e87b71a.jpg
http://www.bntmofeid.com/up//uploads/images/bntmofeid-119e87b71a.jpg


شكرا مسبقا

[نايليةوافتخر]

شوفي اختي هذ البوليرو عبارة عن وردات فيه 3انواع من الورد الاول تخدمي منو76وردةوهي الي بالون الاخضرفالباترون الثاني تخدمي منو 4وردات وهي بالون الموف والثالث تخدمي منو 2وردات وهي بالون الاصفر
الوردة الاولى ديري سلسلة فيها9غرز وسكريها بمنزلقة وديري سلسلة ب5غرز وديري منزلقة فسلسلة المسكرة وكرري العملية 12مرة الدور الي بعدو ديري سلسلة فيها5غرز وسكريها بمنزلقة فالسلسلة تاع الدور الي قبلو والدور الي بعدو نفس الشي الدور الي بعدو اطلعي ب3غرز سلسلة بمثابة عمود وديري 5اعمدةو3غرز سلسلة و6اعمدة طبعا فالسلسلة الي فالدور السابق ومنزلقة فلسلسلة الي بعدها ثم6اعمدة و3غرز و6اعمدة وكرري العمل وهنا كملنا الوردة الاولى فيها6بتلات
الوردة الثانية نفس الطريقة تاع الوردة الاولى لكن فالدور الاول كرري العمل 10مرات فقط يصبح عندك 5بتلات
الوردة الثالثة نفس الشي لكن نكرر العمل فالدور الثاني8مرات يصبح عندك اربع بتلات
بعد ماتلسقي الوردات مع بعض تبداي تخدمي فالحاشية الاولى تكون دايرة بلكور والكول والثانية بالذرعة
الاولى تبداي تديري سلسلة فيها3غرزثم منزلقة ثم سلسلة ثم منزلقة ثم سلسلة ثم منزلقة ثم سلسلة ثم ارفدي 3اعمدة من نفس الغرزة وسكريهم بنفس الغرزة مثل غرزة الفيشارة ثم 2غرز سلسلة كرريها 5مرات وعاودي ديري سلسلة فيها3غرزثم منزلقة ثم سلسلة ثم منزلقة ثم سلسلة ثم منزلقة ثم سلسلة ثم ارفدي 3اعمدة من نفس الغرزة وسكريهم بنفس الغرزة وهكذاعلى داير البوليرو الدور الي بعدو راح يزيد عدد السلاسل وينقص عدد الاعمدة وهكذا في كل دور حت يولي عندك غرزة فيشارة وحدة وشبكة من السلاسل
بنسبة للذراع نفس الفكرة لكن تديري 3غرز سلسلة ومنزلقة و3غرز سلسلة وتبداي في غرزة الفيشارة اي ترفدي الاعمدة
نتمنى تكوني فهمتي واي سؤال راني هنا في خدمتك
بتوفيق انشاء الله وملبوس الهنا

[سمية محمد عطية]

merci tres fort

[crystale49]

المودال مليح اخترتي و احسنتي الاختيار ....

[حنين الوطن]

شوفي اختي هذ البوليرو عبارة عن وردات فيه 3انواع من الورد الاول تخدمي منو76وردةوهي الي بالون الاخضرفالباترون الثاني تخدمي منو 4وردات وهي بالون الموف والثالث تخدمي منو 2وردات وهي بالون الاصفر
الوردة الاولى ديري سلسلة فيها9غرز وسكريها بمنزلقة وديري سلسلة ب5غرز وديري منزلقة فسلسلة المسكرة وكرري العملية 12مرة الدور الي بعدو ديري سلسلة فيها5غرز وسكريها بمنزلقة فالسلسلة تاع الدور الي قبلو والدور الي بعدو نفس الشي الدور الي بعدو اطلعي ب3غرز سلسلة بمثابة عمود وديري 5اعمدةو3غرز سلسلة و6اعمدة طبعا فالسلسلة الي فالدور السابق ومنزلقة فلسلسلة الي بعدها ثم6اعمدة و3غرز و6اعمدة وكرري العمل وهنا كملنا الوردة الاولى فيها6بتلات
الوردة الثانية نفس الطريقة تاع الوردة الاولى لكن فالدور الاول كرري العمل 10مرات فقط يصبح عندك 5بتلات
الوردة الثالثة نفس الشي لكن نكرر العمل فالدور الثاني8مرات يصبح عندك اربع بتلات
بعد ماتلسقي الوردات مع بعض تبداي تخدمي فالحاشية الاولى تكون دايرة بلكور والكول والثانية بالذرعة
الاولى تبداي تديري سلسلة فيها3غرزثم منزلقة ثم سلسلة ثم منزلقة ثم سلسلة ثم منزلقة ثم سلسلة ثم ارفدي 3اعمدة من نفس الغرزة وسكريهم بنفس الغرزة مثل غرزة الفيشارة ثم 2غرز سلسلة كرريها 5مرات وعاودي ديري سلسلة فيها3غرزثم منزلقة ثم سلسلة ثم منزلقة ثم سلسلة ثم منزلقة ثم سلسلة ثم ارفدي 3اعمدة من نفس الغرزة وسكريهم بنفس الغرزة وهكذاعلى داير البوليرو الدور الي بعدو راح يزيد عدد السلاسل وينقص عدد الاعمدة وهكذا في كل دور حت يولي عندك غرزة فيشارة وحدة وشبكة من السلاسل
بنسبة للذراع نفس الفكرة لكن تديري 3غرز سلسلة ومنزلقة و3غرز سلسلة وتبداي في غرزة الفيشارة اي ترفدي الاعمدة
نتمنى تكوني فهمتي واي سؤال راني هنا في خدمتك
بتوفيق انشاء الله وملبوس الهنا

صحيتي اختي و ان شاء الله يحققلك ما تتمني

بصح مين نلصق الوردات كيما الشكل الي في الصورة هاداك غي الضهر القدام كيفاش ندير ؟؟؟
يعني كيفاش نرتب الوردات على الشكل البوليرو

[djamilach]

حذار يا اختي النجمة التى هي عاى اليسار نجمة لليهود لعنهم الله.