مشكلتي في الجامعة [الأرشيف] - منتديات الجلفة لكل الجزائريين و العرب

مشكلتي

2013-05-15, 11:02

السلام عليكم، اولا راني تراجعت بزاف باش نحكشي مشكلتي ولكن في الاخير قررت نكتها وخلاص.
المهم، انا طالبة متخصصة في الهندسة وعمري 20سنة وعندي مشكلة كبيرة بزاف وهي : كاين شاب يقرا معايا ماشي عمبالي اذا كان يحبني ولا لالا المهم هداك الشاب شفتوا دايما يشوف فيا كيما منعودش ملاحظة وتاني يهدر معايا بوحد
La gentillesse
وادا مثلا هدر معايا نشوفوا متقلق ومرات يشكرني يقلي اليوم شعرك راهو باهي يهبل واشي هو الشامبو تاعك انايا نقلوا نورمال ومرة سقساني واش من نهار راني زايدة مفهمتش علاش قالي هكا قاع قتلوا وانا حابة نعرف اذا كان يبغيني ورايح يتقدم لخطبتي ، هكا تكون علاقتنا شرعية . الهدف من الموضوع هو : في رايكم هدا الشاب يحبني ولا لا ؟

جمال المهاجر

2013-05-16, 23:08

شوفي .. بصفتي شاب ساعطيك انواع الشباب في الجامعة . .

1 .. شاب لا يهمه الجنس الاخر ، ربما لانه لا يريد الارتباط ، او لانه يريد ان يكون نفسه اولا .. ثم يبحث عن فتاه ..
2 .. شاب يعاملك بحب و رومنسية ، يسال عنك كل يوم ، و يجعلك في مقام النجوم .. لكنه ليس جاهزا بعد ليتقدم لخطبة فتاة ربما لظروفه الاجتماعية او لعدم نضجه بعد .. و منه العلاقة مع هذا الشاب قليلا ما تنجح ..
3 .. شاب مثل النوع الثاني من الشباب ، لكنه ناضج و يريد ان يخطبك و يتزوجك متى صار جاهزا
4 .. النوع الرابع هم الشباب الذين قلوبهم شربت من الذنوب و المعاصي قدرا كبيرا فاصبحت سوداء .. همه الوحيد اشباع نزواتهم .. فترينهم يبسطون لك قدرا كبيرا من الحب و الاحترام و الاهتمام ، لكن غايتهم خبيثة .. و انت تعرفين ماهي غايتهم

المهم .. الان حاولي ان تعرفي الى اي نوع ينتمي هذا الشاب الذي تتحدثين عنه .. و الباقي ستستنتجينه بمفردك .. سلام

*نآدرة~

2013-05-16, 23:52

اسمحيلي اختي بالصح هاذ السؤال هو الوحيد لي يقدر يجاوبك عليه،يعني اذا كان يبغيك ولالا،وانت لازم تكوني ذكية ما تآمنيش بالحب للحب آمني بالحب للزواج
حاجة اخرى،الراجل بطبعه حلو اللسان والمراة بطبعها تصدق بالخف اذن من الاحسن البنت ما تهدرش مع الراجل هو ما يكذب وهي ما تروح على راسها،انت تبانيلي خليتيه يتمادى بزاف حتى ولى يسالك على الشمبواتاع شعرك وهذا امر عجيب وغريب
خطيك يا ختي وما تامنيس بالخف نصيحة من عندي ولا راه باغيك يسقسيك على عنوان داركم وعلى اسم باباك مش على اسم الشامبوا وتاريخ ميلادك
ربي يوفقك ويبعد عليك ولاد الحرام

amine eco

2013-05-16, 23:56

هذا كذاب اديها نصيحة من عندي حاب يمشي معاك في سنوات جامعة ويخليك......طالب زعما راح يجي يخطب مكاش منها

jihanne

2013-05-17, 09:18

تعجبيه

هههه والله يا شعرك يهبل

راكم تقراو و صغار بالاك يقولك تمشسي معاه اذا تعجبيه
بصح الخطبة ماشكيتش ذرك

ايمان نور الجزائر

2013-05-17, 18:25

الجواب موجود عنده.....وكل واحد ونيتو

الفاتحة

2013-05-17, 18:51

أولا حرام عليك نحن في زمن الفتن وأنت راكي تزيدي على الشباب ، اتقي الله ...استري نفسك ...البسي الحجاب ...اخفي مفاتنك ولا تظهريها إلا لمحارمك ، صدقيني موت الفجاءة كثر في هذا الزمن وأصبحنا نسمع بوفاة الشباب أكثر من كبار السن ، اللهم احسن خاتمنتنا...

ثانيا تسألين يحبك أم لا يحبك ، فرضا أنه يحبك ماذا سيحصل يا ترى ؟؟؟ هل ستبادلينه الشعور ثم ماذا هناك ؟؟؟

كلها أسئلة لا تسمن ولا تغني من جوع ،،،لأن الطريق واحد ولا يحتاج لعناء الأسئلة، من يريدك أمامه الأهل والخطبة أما غير هذا فضياع للوقت وهدر للكرامة ، وتحقير للنفس وفي الأخير ندم يوم لا ينفع ندم إذا لم يتمكن الشخص من التوبة وكما سبق وقلت لك نحن لا نعلم متى وكيف ستقبض أرواحنا ....

ولهذا اخطيك من الشيطان فهو الذي يزين ويحاول ان يزرع في قلبك وعقلك أوهام أنت في غنى عنها ، عزيزتي اتقي الله وانتظري نصيبك سيأتيك في الوقت وبالطريقة المناسبة التي لا تغضب ربك....والله الموفق.

حميد.ص

2013-05-17, 19:37

لا يملك الاجابة على هذا السؤال سوى ذلك الشاب...........ربي يسهلك امورك

123boutheina

2013-05-17, 21:04

السلام عليكم ورحمة الله
ي اختي ي الغالية
من يحبك ويبغي صلاحك ياتي البيوت من ابوابها
الباقي كذاب وانتهى
اما الي يقول نية وما نية
من وضع نفسه موضع الشبهه فلا يلم قول الناس فيه

mimi best

2013-05-17, 21:38

سلااااااااااااااااااااااااااام اختي انا اول مرة ارد على موضووووووووووووووووووووع في هذا القسم لاني صغيرة شويا على هاد الموااااااااضيع
انا ماشني راح نقلك حتى حاجة
بصح حسب ما فهمت من الهدرة ديالك انو انتي ماشي متحجبة اختي والحجاب بالنسبة للمراة المسلمة رااااااااي سترة وحياء
بااااااااااااي اسفة اذا ازعجتكي برايي

sarah1424

2013-05-17, 22:16

عمرك 20 سنة وهو يقرا معاك يعني قدك او اكثر بشوي
في رايك هذا قادر يبني اسرة حاليا ؟ مازال قدام سنوااااااااااااااااااااات يعني علاقة رسمية وفي اطار الشرع غير نحيها من راسك
وزيد الي تعجبو وحدة ويحب يخطبها ميبقاش يشوف معاها ويحكي بلطف والله يا كلمة وش من شمبوا تغسلي بيه هده الكلمة زادت عليا نقللك من الاخر هذا راهو ذراري منقولش راجل حاب يمشي معاك يجيب معاك شوي وقت يسلي نفسو مراهق
واخطيك من الحب والعشق وهادو الكلمات كامل نحيهم من قاموسك مهوش وقتهم
نصيحتي بعدي عليه قدر الامكان واخطيك منو وربي ينجحك

المحب للجزائر

2013-05-17, 22:39

بالله عليك هل كان آباؤنا يتغزلون بمن يتزوجوهم
برأي ابعدي عنك هذه الأفكار ، و ما كان هتك الاعراض
إلا بالثناء حتى تطمئن البنت للحبيب ، و لا أدري سبب
السفور ـ اتق الله حرام عليك ما تفعليه في شباب الاسلام

https://fbcdn-sphotos-f-a.akamaihd.net/hphotos-ak-frc1/375166_662853673737919_614305561_n.jpg

ميمنة الجزائر

2013-05-17, 23:25

قوليلي وين شاف شعرك اولها قبل وش دخلو في شعرك او ل حاجة تاني حاجة

كملي قرايتك لانو الهندسة راهي تشيب الراس كملي قرايتك واللي يحبك يتقدم ليك للدار وما يغركش الهدرة

لا بلا جونتياس ولا بلابوليتاس يعني خلي روحك تكملي قرايتك احسن

قَاسِمٌ.قَاسِم

2013-05-17, 23:31

تحجبي والتزمي بعدم الكلام مع الشباب والإختلاط بهم وحافظي على صلاتك
وسوف ترين العجب بإذن الله
أما هذه الترهات "تاع عجبوا شعري" وكذا فدعك منها

energie78

2013-05-18, 00:25

درست لسنوات في الجامعة كنا نرى علاقات بين الشباب والفتيات كنا نعتقد أنها مثالية وستنتهي حتما بالزواج والله والله عمري ماشفت واحد تزوج مع التي كان يخرج معها كل شيئ خرطي في خرطي دعكم من هده العلاقات التافهة

kaderkader1541

2013-05-18, 10:29

جامعة ...اختلاط ...تبرج
تكلم مع الرجال
استري روحك

سِدْرَةِ الْمُنْتَهَى~

2013-05-18, 10:36

مجرد ترهات...وسمعتك أختي هي اغلى ما تملكين فلا تشوهيها بهذا الخزعبلات...
انصحك نصيحة الأخت لاختها: استري نفســـك بالحجاب واهتمي بدراستك واقطعي صلتك به لأمر واحد فقط ابتغاء وجه الله.
واللهِ ماترك أحد شئ لله الا عوضه الله بما يريد أو خيراً منه.
واعلم ان بداخلك شيء طيب والا ما كنت لتطلبين النصيحة...أبشرينا بجديدك...

AMINA.Z

2013-05-18, 16:19

اذا كان حابك صح
يصبر حتى تكملو و يتقدم ليك

و زيد يا اختي كون جيتي متحجبة و حاكمة قدرك ليك
ماشكيتش واحد في عقلو يجي يقول لطفلة شعرك يهبل
كون انا يطيح من عيني و يرجع يتكركر
بالصح الواضح انتي للي خليتيه يدخاس عليك

اخطيك طفريها غير في راحة بالك و سمعة عايلتك

عبد الله 22

2013-05-18, 20:21

السلام عليكم ، وما بعد ره يحبك، المهم نوي زوج ولا يتمسخر وقدر و أو راها يحلم ، يأختي أهتم بقريتك أكثر، الوقت راه صعيب السمعة غالية و حاظرك هذا سيصبح تاريخ و التاريخ لايمكن تغيره و الناس ماترحمش

أمة الله 12

2013-05-19, 09:09

اللي يحب يخطب طفلة يسقسيها وشي هو الشومبوا اللي تغسل بيه؟؟؟؟؟؟؟؟

أنصحك بالتجاهل التام, اذا حاب يجي يخطب,

يجي مالباب ماشي مالطاقة

و بما انكم مزلتو تقرو, يعني صعيب شوية انو ديرو حاجة رسمي

تهالي ف قرايتك و ديري حدود للكلام مع الشباب, حتى يجيك مكتوبك

lynoor

2013-05-19, 09:52

انا في 4 سنين نتاع الجامعة ولا واحد تجرا يهدر معايا .......مااكنش اللعب و الهدرة الزايدة..........
ركزي في الهندسة خير
بالتوفيق

3ab2ou

2013-05-19, 10:16

ههههههههههههه هبلتو الطفلة على الشامبوا اللي ديرها ههههههههه

نصيحة من عندي يا ختي غير اخطيك الواحد ادا حب يخطبك او يهضر معاك في حوايج واقعيين و كيخطبك النهار هداك يقولك واش من شامبو تحطيه ههههههههههههه

islam girl

2013-05-19, 17:09

دعكِ يا أختِي من هذه التفاهات

لو كانت الفتاة محترمة لن يستطيع أي شاب أن يكلمها لكن للأسف بعض الفتيات يعجبهن ذلك

أنا اعي ما يحدث في الجامعات جيدا

و من كلامك ألمس أنك لست محجبة .حقيقة أستغرب كثيرًا كيف لكم أن تذهبوا من دون حجابات كاسيات عاريات

قال رسول الله صلى الله عليه وسلم ( نساء كاسيات عاريات مائلات مميلات رؤوسهن كأسنمة البخت لا يدخلن الجنة ولا يجدن ريحها)

كفاكن تبرجا و عصيانا فالحجاب فرض على كل مسلمة وهذا لا جدال فيه

ان مشكلتك هذه لا تستحق أن تسمى مشكلة ولا تستحق ان تكون في هذا القسم أصلا

فأنت لاا تطرحين مشكلة بل تساليننا ان كان الشاب يحبك ام لا ؟؟

سبحاااان الله

هداك الله الى الطريق المستقيم .. اهتمي بدينك فالدنيا ستزول و يبقى دينك وما قمته له

المنديل الابيض

2013-05-19, 17:41

دراسة الهندسة صعيبة بزاف .. انا من رايي لوكان تركزي في قرايتك خير...
ماشي كل واحد يجاملك يعني يبغيك ...حتى اذا بغاك مازال الحال على الزواج و زيد هو طالب يعني الطريق قدامو طويييييييييييلة الا اذا كان من عائلة ميسورة
ربي يسترك و يريح بالك

سرور

2013-05-19, 17:55