عادات الزواج في الجلفة

[ام نسمة]

مرحبا ..........البارح كنت مقنوطة واليوم فرحوني بخبر شباب بزاف هو انو اخي لقى طفلة في عين وسارة وذهب امس ليطلب يدها للزواج هو وامي حفظها الله واليوم اخبروني التفاصيل لانو البارح دخلو في وقت متاخر فما اتصلوش بيا واليوم قالتلي امي انهم فرحو بيهم واعطاولهم الطفلة بكل سرور وكانو ناس مضيافين وكرماء لكن مازالو ماتكلموش في التفاصيل يوم السبت ان شاء الله نروح انا واختي وماما -*وراني غير نحلل فيهم باش يروح ابي معانا معلاباليش تقبل امي ولا لالا--المهم حبيت يكون عندي فكرة على تقاليد المنطقة وعاداتهم في الزواج بكل تفصيل وانهار السبت با نروحو باش الرجال يحكو في قصة المهر وقالونا باش ناسم يعرفو بلي راهم مدو بنتهم امي اقترحت اننا ندو مصروف الخطبة كما في تقاليدنا وانا اقترحت نشرو لبسة للعروسة وكوسميتيك انا قلت لامي راح انا نشريهم من عندي هدية لعروسة خويا دليل على فرحتنا بيها وراح تاني نعمل بلا قاطو قولولي الا هكا ولا لازم نزيدو حاجة ولا بلاك ماشي كامل هكا ........يالا يا ناس الجلفة انا هنا راني نسيبتكم ارواحو نتفاهمو ههههههههههه ياريت تعطوني تقاليد المنطقة بنتظار مشاراكاتكم وهكذا يصبح الموضوع هام وقد يستفيد منه غيري ماشي غير انا راح ندي عروس من الجلفة بلاك بزاف كما انا وهنا في المنتدى شكون عرف

[مريم الصابرة]

السلام عليكم اختي
هذا خبر شباب وإن شاء الله باباكم يجي معاكم إفرحي شويا وخليك من الزعاف
ناس الجلفة الصح كرماء وناس عاقلين ربي يكمللهم بالهنا يا رب
شوفي ما نعرفش عاداتهم ممكن الاخوات يدخلو يفيدوك لكن انا لما تخطبت اكيد جابولي هدايا الصح والقاطو كيما راكي تقولي ولكن انا درت الخاتم والفاتحة في نهار يعني كانت مناسبة شويا كبيرة وبما إنهم جيراني يعني بعد الفاتحة تعشاو عندنا مع الناس اللي عرضتهم طبعا المقربين برك والخاتم لأانو كانت خطبة رسمية وذاك الوقت كانت الفاتحة قبل العقد لكن عادات الجلفاويين والله ما نعرف ضرك يدخلو لبنات يفيدوك ألف مبروك
فقط كان تسمحيلي نظن اللي فالصورة بنتك من ٍاي تنحيها خير لأانو حتى وراهي صغيرة لكن معليش السترة مليحة وإلا واش راي وسامحيني كان هذا تدخل مني

[ام نسمة]

شكرا مريم الصابرة ربي يشفيك ويعافيك يارب راح انتظر ناس الجلفة يتدخلو ويساعدوني وراح احرص او ابي يحضر المناسبة ونركب معاه طول الطريق قريب خمس سوايع مع بعض هكا نحكي معا مليح ونشبع من شوفتو وبالنسبة للصورة راها بنت اخي بسومة نحبها بزاف زادت قبل ما نتزوج انا وكنت مربيتها كانت تاديني ماما وانا ياعزيزتي ما عنديش بنت راح اموت على بال ما نجيب بنت نموت على البنات ادعيلي ربي يكون عندي في المستقبل ان شاء الله اذا كتب ربي وحاضر يا ستي راح اغيرها

[مريم الصابرة]

شكرا مريم الصابرة ربي يشفيك ويعافيك يارب راح انتظر ناس الجلفة يتدخلو ويساعدوني وراح احرص او ابي يحضر المناسبة ونركب معاه طول الطريق قريب خمس سوايع مع بعض هكا نحكي معا مليح ونشبع من شوفتو وبالنسبة للصورة راها بنت اخي بسومة نحبها بزاف زادت قبل ما نتزوج انا وكنت مربيتها كانت تاديني ماما وانا ياعزيزتي ما عنديش بنت راح اموت على بال ما نجيب بنت نموت على البنات ادعيلي ربي يكون عندي في المستقبل ان شاء الله اذا كتب ربي وحاضر يا ستي راح اغيرها
السلام عليكم اختي
والدك راح يروح اكيد وتقسري معاه وتشبعي وخلي الأفعى تموت بحسرتها المهم إنت قربي من والدك قد ما تقدري
ربي يخليهالكم اكيد بنت ختك يعني بنتك كيفكيف وربي يرزقك يا رب عن قريب عرفت إنك متزوجة إن شاء الله يا ربي ترزقين بفتاة يا رب ونجي ناكل الطمينة :1::1::1: ربي يكمل لخوك يا رب إن شاء الله
بارك الله فيك وشكرا

[z.abdo]

لي عودة بإذن الله .............................

[ام نسمة]

مريم مرحبا بيك في داري بلا ما نولد والله راني بصح راح نحطك على راسي اضربي عندي سمانة ولا زوج نقلشك تاع الصح راني طلبت من سالي سلمى باش نتبادل انا واياك س ك ا ي ب سيرمو راها نسات عاودي قوليلها نتي في خاطري نتعرف عليك عن قرب حنونة ادخلي الى بياناتي

[انانيس]

السلام عليكم
الحمد لله خبر سار لك ولنا جميعا
ربي يدوم فرحتكم وان شاء الله تكون هذه الخطبة سبب في عودة المياه الى مجاريها
ربي يفرحكم ان شاء الله
لست من مدينة الجلفة نتمنى الاخوة يفيدوك بعاداتهم
الف مبروك عليكم

[مريم الصابرة]

مريم مرحبا بيك في داري بلا ما نولد والله راني بصح راح نحطك على راسي اضربي عندي سمانة ولا زوج نقلشك تاع الصح راني طلبت من سالي سلمى باش نتبادل انا واياك س ك ا ي ب سيرمو راها نسات عاودي قوليلها نتي في خاطري نتعرف عليك عن قرب حنونة ادخلي الى بياناتي
السلام عليكم اختي
ربي يخليك ويهنيك يا رب
راني ندير دورة حول أعضاء المنتدى:1::1: وعلاه لالا لما نزور سلمى ومن بعد إن شاء الله نزورك كان ربي كتب
راني بعثتلك دعوة لل سك ايب ننتظرك ونحكو لا والله خديجة بلغتني السلام وصلني بارك الله فيك نستناك شكرا

[ام نسمة]

شكر عزيزتي انانيس

[sstolga]

الحمد لله خبر سار لك ولنا جميعا

[sali-sali]

مريم مرحبا بيك في داري بلا ما نولد والله راني بصح راح نحطك على راسي اضربي عندي سمانة ولا زوج نقلشك تاع الصح راني طلبت من سالي سلمى باش نتبادل انا واياك س ك ا ي ب سيرمو راها نسات عاودي قوليلها نتي في خاطري نتعرف عليك عن قرب حنونة ادخلي الى بياناتي

راني هناااااااا
مبروك صديقتي ربي يهني خوك
ان شاء الله ناس الجلفة يفيدوك
ولا مافادوكش عادي اختي تقاليدينا في المناسبات كيما هدي ملاح

[منهاج]

السلام عليكم

مبروك ان شاء الله تكون حلالية فيما يخص تفاصيل الخطبة ننصحك تدخلي منتدى شقائق الرجال قسم تجهيز العرائس وطرحي عليهم يفيدوك اكثر

[هدى الجيجلية]

السلام عليكم
خيتي
مبروك اعليكم
بالبركة والهناء
يارب
إن شاء الله
إخواتي في المنتدى
يساعدوك
بما طلبتي
مبروك مرة ثانية

[ام نسمة]

زعمى حطيت الموضوع في قسم المجتمع باش يلقى تجاوب ساعا يظهرلي كل واحد راهو لاتي بهمو .................. يا وين راكم انا كملت القاطو والسبت نروحو ان شاء الله ونتوما حتى واحد ما جاوبني

[اميرة الجلفة17]

مساء الخير ان شاء الله نقدر نجاوبك
الخطوة اللي درتوها هي الاولى يعني روحتو وش فتو العروسة وهناوكم
الان رايحة تتأكدي من التفاصيل مش مهم واش تدي معاك ياك هدية منك كيما تحبي
ما نظنش تدو مصروف الخطبة الان خلوه من بعد بعد ما يتفاهو الرجال
ونهار الخطبة راه وحدو تدو اللبسة والخاتم و الدراهم

[ام نسمة]

مساء الخير ان شاء الله نقدر نجاوبك
الخطوة اللي درتوها هي الاولى يعني روحتو وش فتو العروسة وهناوكم
الان رايحة تتأكدي من التفاصيل مش مهم واش تدي معاك ياك هدية منك كيما تحبي
ما نظنش تدو مصروف الخطبة الان خلوه من بعد بعد ما يتفاهو الرجال
ونهار الخطبة راه وحدو تدو اللبسة والخاتم و الدراهم

ايوا هاديك انتي الرجال تفاهمو غير بالتلفون على المهر لانو اخوها صديق اخي تفاهموو على 15 مليون مهر ونهار الحنة ندو مصروف الفطولر تاع الحنة والخرفان وخاتم ودراهم الحنة 500 الف هوما قالو ل امي في التلفون انها كي نجو هاد المرة نعطولا الخاتم ودرام الحنة والرجال تاني يدو دراهم المهر يعني حنا السبت رانا دايين لها الدفوع تاع المهر والخاتم قالت لهم امي حتى نهار الحنة والفاتحة نجيبوهم والجهاز ماراحش نشرولها تشري كلشي وحدها نعطولها دراهم وخلاص دورك انتي قوليلي واش ندو معانا والمصروف انا قصدت تاع الخطبة ماشي تاع العقود راني شريتلها قطرية وبوشات وصندال وشال وبارفان والقاطو ماعرفتش شحال ندو من بلا تو رني في الانتظار

[اميرة الجلفة17]

يعني رايحين ديرو الخطبة والحنة في نهار واحد

[ام نسمة]

يعني رايحين ديرو الخطبة والحنة في نهار واحد

لا رايحين ندفعو المهر ونتكلمو في تفاصيل الحنة والزفاف

[ام نسمة]

يعني رايحين ديرو الخطبة والحنة في نهار واحد

لا رايحين ندفعو المهر ونتكلمو في تفاصيل الحنة والزفاف

[اميرة الجلفة17]

مساء الخير اسمحيلي طولت عليك
كي ولات كيما هاك تقدري تدي واش تحبي مافيهاش عادات محددة

[ام نسمة]

ادعولي غدا نسهلو ان شاء الله

[سراب06]

رب يسهللكم ان شاء الله

[محمد...عبد النور]

السلام عليكم و رحمة الله و بركاته اختي زهور الفل
ربي يتمم بالخير و يجعل هاته البنت ناصية خير على اخوك و على العائلة ككل و يبارك له فيها
و يفرحه و أكيد الشروط تكون ميسرة باذن الله
كلشي بالبركة عليكم
أسأل الله ان يكرمك و يقر عينيك بما تحبين
ســـــــــــــــــــــــــــــــــلام

[ام نسمة]

شكرا اختي سراب واخي لذريق على دعوتكم الجميلة ...................راني رحت ورجعت وكملنا وكل شي مضى على خير وكانو ناس بسطاء وكرماء وما عقدوش الامور اليوم عملنا الفاتحة ودفعنا المهر للعروس وتفاهمنا على تفاصيل الحنة والزفاف سيكون بعد رمضان ان شاء الله وكامل كامل راكم معروضين للعرس ..........................على فكرة ماكنتش حاسبة ان ناس الجلفة لهجتهم غير لهجتنا بصراحة مجمل الكلام ل افهمه لذا بقيت اللي يحكوها معايا نقول لهم غير ايه وانا ماراني فاهمة والو ههههههههههه

[اميرة الجلفة17]

سلام
ان الحمد لله اللي ربي سهلكم
بصح كيفاش ما فهمتيش اللهجة نتاعنا
انا نحكي معاك بلهجتنا و نظن راكي فاهمتني

[ام نسمة]

لالا هم بزاف كلمات قالوهم ما فهمتهمش بلاك احنا هنا معظم كلامنا فصحى لهذا نفهمو على بعضانا