هل هذا المبلغ معقول؟

[hansali_33]

بسم الله الرحمان الرحيم
تقدم أخي لخطبة فتاة وإتفق معها أن يدفع لها مبلغ 20 مليون دينار (مهر+ ذهب) نقدا لتفعل بهم ما شاءت مع العلم أنه إشترى لها خاتم الخطوبة فهل هذا المبلغ معقول؟

[sarl02]

عادي يا اخي هو كريم وهي تستاهل المهم في الامر ان يتم كل شيء بالتراضي وليس بسياسة الضغط ولي الذراع ...يعني مثلا انا عندي وبخير عليا وحاب نكرمها ونعطيلها 50 مليون عادي جدا لكن الاسوا في الامر عندما تشترط عليك كذا وكذا وانت تكون في وضع غير مريح ..هنا تنقص النية واتحس روحك راك ادير في صفقة وتكره جدها قبل ما اجيبها والسلام عليكم.

[hansali_33]

بارك الله فيك أخي لكن حاب نعرف هل هذا المبلغ قليل؟

[farachati]

طبعا معقول جدا, حتى لو كان اقل من 20, عادي ,كل شخص وضروفه.

المهم الفتاة متحطلوش شروط تعجيزية كيما راهم يديرو الان البعض منهم.

قال النبي صلى الله عليه وسلم في الزوجات " أيسرهن مهرًا أكثرهن بركة "

[اية الرحمن1988]

السلام عليكم
المبلغ أخي معقول جدا
افرض لو أنو مدلها 10 كيما يديرو الأغلبية كمهر فقط خارج الذهب والصوف
يولي الذهب على العريس والصوف
تجيه أكثر من 10 ملايين
مالا من الأحسن أنو مدلها 20
ربي يتمملو بالخير

[مراد الأمل]

السلام عليكم
المبلغ معقول و اكثر من معقول؟؟؟
حنا عندنا 15 مليون فيها كلش ، مهر + جهاز + عشاء

[السيدة كرمين]

السلام عليكم

اختي هذا شئ معقول قررته الأعراف
أختي قدم لها خطيبها 20 مليون + خاتم الخطبة - 12 مهر مثيلاتها بالمنطقة ’ 4 ملاين للفاليزة ، 4 ملاين ذبيحة
وهي لي جهزاتو ضعف هذا المبلغ
- في المقابل خويا قدم 16 مليون + ( خاتم الخطبة + مليون ): 12 للمهر و 4 ملاين للذبيحة وهي أكيد جهازها يفوق هذا المبلغ بالضعف ان لم يكن أكثر
وهذا الشئ ولاوحدة شرطت إلا أن مرت خويا ما عندهمش في عاداتهم شئ اسمو الفاليزة

خاصة أن كل واحدة منهن ستسكن ببيت مستقل

[jihanne]

قليل
عندنا 20 مليون مهر بلا ذهب
و الجهاز يدي كثر من 20
بصح كل واحد كيفاه

ربي يسهل و يتمم على خير

[sali-sali]

بسم الله الرحمان الرحيم
تقدم أخي لخطبة فتاة وإتفق معها أن يدفع لها مبلغ 20 مليون دينار (مهر+ ذهب) نقدا لتفعل بهم ما شاءت مع العلم أنه إشترى لها خاتم الخطوبة فهل هذا المبلغ معقول؟

السلام عليك
المبلغ معقول
وانت انظر حسب عادات و تقاليد منطقتكم كدلك
ربي يهنيكم

[soumsouma]

كل حسب ظروفه
انا مهري كان 6 و سنسلة مع القورمات تاعها
و خاتم خطوبة و كبش
و الحمد لله راني متزوجة في داري و قريب نولد ان شاء الله

[knives55]

هذ لهبال ولا خلي على هذ زوالي ملقاش روحوا 20 مليون والله لكون كاملة المواصفات ما نمدلهاش 20 مليون

هذي هيا فتحولهم عينهم حتي عادوا يتقلوش ويتشرطوا

20 مليون مهر و40 مليون خسائر عرس و 1ملاير تاع دار وتجهزات و 200 مليون تاع السيارة

وعيش يا نيفس مع هذ القوم

لا مبلغ قليل اختي افضل كان يزيد كاش 20 اخري مدام فتح عليه ربي

وزواج مبروك ان شاء الله

وافضل يدروا شهر العسل في مليزيا راه افضل من تركيا

[kimotechgirl]

طبعا معقول جدا, حتى لو كان اقل من 20, عادي كل شخص وضروفه.

المهم الفتاة متحطلوش شروط تعجيزية كيما راهم يديرو الان البعض منهم.

قال النبي صلى الله عليه وسلم في الزوجات " أيسرهن مهرًا أكثرهن بركة "

:19::19::19::19::19::19::19::19::19::19::19::19::1 9::19::19:

[joulia31]

نورمال و الله غير المهم يكون متراضيين و ماكانش المشاكل فيما بينلتهم

و 20 مليون تبالي انا بزاف و الحمد لله ربي يكمل ان شاء الله

[سدرةالمنتهى]

يا اخي معقول كي يكون داخل فيه كلش م الكبش و الفاليزة و االذهب بلاك تفوت 20 مليون
ربي يكملو الف مبروك على اخوك

[مريم الصابرة]

السلام عليكم
وليت نخلع لما نقرا هنا نلقاكم تقولو واحد 15 مليون ولاخر 20 مليون علاه هذا كامل إحنا عندنا يا ربي 8 ملاني وخاتم الخطبة هذا شروط اهل الطفلة اما الراجل هو واش حاب يزيد لمرتو كان عندو كان ماكانش الهنا هو كل شي ومن الاول الرجل يقول قدراتو لأهل الطفلة واكيد يتفهمو الموضوع في منطقتنا اغلب البنات هكذا راهم يتزوجو ما فهمتش بالتحديد واش من منطقة راكم تطلبو بال 20 مليون
خوك عندو ربي يقدرو وحب يمد لمرتو عادي ربي يهنيه أما هي تطلبها هذي إحنا ما عندناش ربي يهنيه وما يصراولوش مشاكل كيما إنت وخطيبتك ويولي يدخل ويحكينا مشاكلو ههههههههه امزح الف مبروك

[melissa lola]

السلام عليكم رأيي الشخصي مبلغ مبالغ فيه جداً نعرف ناس تزوجت ب 4 ملايين صداق ورآهم لاباس بيهم اللي عندو ماعليش يكرم مرتو واللي موظف واللي زوالي شحال يقعد باه يطم الصداق ومانهدروش على تكاليف العرس غرفة النوم....الخ الله يهدينا على ذاك البنات و الرجال شيوخا بلا زواج وشكرا

[kamilia85]

f rayi ma3koul w haka tjih akl massarif

[ايمان نور الجزائر]

السلام عليكم
نعم مبلغ معقول ومام عندنا يديرو هاك 20 مليون جهاز وذهب يمدهملها مع خاتم الخطوبة وتدبر راسها بيهم

[بومدين الموصطاش]

السلام عليكم
يا أخي المبلغ معقول جدا .نحن في منطقتنا المهر كارثة
7ملايين للمرأة جهاز+25مليون ذهب +2كباش حولي 8ملايين=40مليون للمراة
الله يسهلك بنت الناس ما طلبت والو بالمقارنة مع اللي عندنا حنا

[z.abdo]

بصراحة بزاااااااف 20 مليون والله اعلم وهذا من بين أسباب ان يترك الشباب حتى التفكير في الزواج واللجوء إلى الحرام ..ربي يعافينا

[سعاذ]

السلام عليكم
معقول او غير معقول يرجع لـ
عدات و تقاليد المنطقة لي راكم عيشين فيها
و ظروف خطيب

[محمد جديدي التبسي]

المبلغ معقول إلى حد ما لكن لا ينبغي لأهل الفتاة أن يحددوا مبلغا محددا ويكونوا قنوعين ويتركوا الشاب حرا في ما يريد أن يقدمه

[شاملة لينة]

.................................................. .................................................. ...................
صار الأمر كأنه مزاد.
أين محل الزوالي والزوالية من الاعراب........................................... .........

[thawizat]

يا خويا مفهمتش كيفاش جاك قليل
أنا زوج من خالاتي تزوجو مدولهم 10 ملاين فيها كلش الخاتم، لجهاز او ذبيحة
و الحمد لله رهوم لباس عليهم الفايدة ماشي ف دراهم

[شخصية نرجسية]

هدا مبلغ قليل بالنسبة لفتيات اليوم ما تنساش الدهب غلا بزاف بزاف

[TOKYO]

اقلهم مهرا اكثرهم بركة و السلام عليكم ورحمة الله تعالى و بركاته

[أمة الله 12]

بسم الله الرحمان الرحيم
تقدم أخي لخطبة فتاة وإتفق معها أن يدفع لها مبلغ 20 مليون دينار (مهر+ ذهب) نقدا لتفعل بهم ما شاءت مع العلم أنه إشترى لها خاتم الخطوبة فهل هذا المبلغ معقول؟

هل هذا المبلغ معقول؟؟؟؟؟؟؟
معذرة, لكن سؤال لا معنى له!!!!!!!!!!!!!!!!
لا يكرمهن الا كريم, و لا يهينهن الا لئيييييييييييييييييييييم

اذا كان خوك عندو و لباس بيه و قبل يدفع, الله يسهل, ربي يباركلو في مالو و يزيدو


و اذا مقدرش يناقش الموضوع مع ولي الخطيبة, مهما كان راهم رجال و يقدرو ظروف بعضاهم



و زيدي مالفوق, اللي يدفعو راح يرجعلو

اذا شرت بيهم ملابس, راهي تلبس لراجلها,

و اذا شرت بيهم اثاث راهو لدارهم ميشو لدار الناس,


أكرر اسفي, لكن هناك مواضيع تستحق المناقشة في عذا المنتدى اكثر من اسئلة كهذه