انصحوني من فضلكم

[amouna alg]

:
السلام عليكم ورحمة الله تعالى وبركاته إن شاء الله تكونو كامل بخير
عندي مشكلة وحبيت نشاوركم فيها انا عندي 24 سنة ومزالي 20 يوم ونتخرج تعرفت على شخص في نفس سني متخلق وطيب وهو قرر يخطبني وكي هدر مع يماه رفضت تخطبلو قاتلو حتى يتزوج خوك لي اكبر منك ومن بعد يلحق الدور تاعك وطلبت منو يقولي اني نصبر عليه عامين كاملين لانو خوه لكبير لدورك مزال ماخطب ما تزوج انا رفضت الاقتراح تاعها كيفاش نستنى عامين بلا مكاين كلمة ولا خطبة رسمية دار معاها المستحيل و جاب حتى يمات صاحبو وهدرت معاها وبقات رافضة هي ماهيش رافضتني بصح رافضة فكرة الزوج قبل خوه لكبير انا اقترحت نديرو عرس واحد زادت رفضت الاقتراح هادا وهاد الانسان لدورك مزال ناويني وقالي اصبري كي تتخرجي نديرو حل مي انا قطعت الامل على خاطر انا ما نقدرش نسيف عليها تجي شحال من مرة حاولت اني ننسحب وكل واحد يروح فطريقو مي ماقدرتش بالرغم المشاكل كامل هو متمسك بيا لحد الان تعيشو انصحوني واش ندير وكيفاش نصبر عامين ونربط روحي بحاجة ماهيش مظمونة واسفة على الاطالة

[sali-sali]

السلام عليك
اختي انتي بعد التخرج قوليله ادا ناويك صح يجي للدار و لايحكي مع خوه لي اكبر منه
ممكن يقنع يماه ولايقبلتديرو عرس كيف كيف

ربي يسهلك امورك

[حميد.ص]

لا علاقة للخطبة بالزواج ممكن تعملو الخطبة و من بعد العرس بعد عامين..............أعطيك نصيحة حاولوا تقنعو أخوه الاكبر منو هو يروح يقنع يماه بانه يقف حجرة عثرة في سعادة شخصين.....اذا قدرتو تقنعةه فهو لا محالة يقنع الام بالخطبة

-...........لكنها ستكون عجوزتك واعرة...................-ربي يفتحلك أبواب الخير

[amouna alg]

شكرا اختي على النصيحة ولكن هو ماعندو حتى مشكل المشكل في يماه حتى فكرة نديرو عرس واحد رافضتها والله حصلت واش ندير معاها

[amouna alg]

شكرا اخي حميد.ص هادي فكرة تاع نحاولو نقنعو خوه الكبير لانو لحد الان مزال ما خطب وما تزوج والشخص لي حاب يخطبني خدام ولاباس بيه

[محمد جديدي التبسي]

مشكلته هو وانت ما عليك الا المضي قدما في حياتك
لا للعلاقات والاتصالات ما لم يحسم أمره فوالدته مهما كان حالها لن تستطيع الوقوف في وجهه ان اراد فعلا ان يخطبك
صحيح قد تعترض لكن قلبها حنين واذا رأت منه اصرارا على الخطبة الآن فستأتي اليكم ثقي في ذلك .. ربي ييسر أموركم
احذري من التهاون في الحديث معه فهو اجنبي عنك

[z.abdo]

قرارك صواب والله اعلم

[sarl02]

ما تقنعي خوه ما تقنعي جدو ما تقنعي خالو ...ياو انت البنت الي مفروض انه تكوني في بيتكم معززة مكرمة وهو احارب وادير المستحيل باش يدبك هذا بتوفر النية وتوفيق من الله عز وجل ...يعني خليه هو ادبر راسو وما اتخليش اهلو يدو عليك فكرة سيئة تخدش كرامتك ويبقى كل شيء بالكتوب.

[عبد القادر]

هاي صعبة .......صعبة .....موفقة ان شاء المولى

[sarah1424]

ما تقنعي خوه ما تقنعي جدو ما تقنعي خالو ...ياو انت البنت الي مفروض انه تكوني في بيتكم معززة مكرمة وهو احارب وادير المستحيل باش يدبك هذا بتوفر النية وتوفيق من الله عز وجل ...يعني خليه هو ادبر راسو وما اتخليش اهلو يدو عليك فكرة سيئة تخدش كرامتك ويبقى كل شيء بالكتوب.

bien dit hada houa lklam swab
nti tab9ay bent l3ez whoua l yhawel yemah walla ydabar rassou ydir l impossible pour toi ida baghik
si nn kol had f halou wkolch belmaktpoub

[amouna alg]

شكرا اخواتي على تجاوبكم معي راح نقولو يزيد يحاول مع يماه ويشوف اي حل وان شاء الله ربي يقدم لي فيه الخير

[حميد.ص]

شكرا اخي حميد.ص هادي فكرة تاع نحاولو نقنعو خوه الكبير لانو لحد الان مزال ما خطب وما تزوج والشخص لي حاب يخطبني خدام ولاباس بيه
أنا لا أقصد أن تقنعو أخاه الكبير بالزواج.........بل أقصد أن تتكلمو معه و هو يهدر مع الام...هو يقول ليماه خلي خويا يزوج قبلي و لا خليه على الاقل يخطب.....لان الام راهي صايبة حجة بيه هو الاخ الاكبر يعني

سلام

[knives55]

اييييي 2013 ومزال ندروا لاشين في الزواج

ختي لحاب يخطبك يجك لدار

اذ لجاك لباب دارك هذك هو الخطاب اما غيرهم لا امل فيهم

اذ نصحتي

عيشي حياتك ولجاك لدار هذك الوقت ...........الباقي معروف


وربي يسهل

[مريم الصابرة]

السلام عليكم اختي
الله يهديك إنت ثاني عامين جاتك بزاف عادي خلاص إصبري عامين ولكن ما تتلاقاو ما والو قوليلو راني في دارنا كي تفري مشاكلك تفضل لدارنا إنت وأهلك وانا من رأي تستناي عامين خير من تخسريه و ومن بعد تندمي من رأي خليه يزيد يحاول معاها كان ما حبتش ما ظتليش تصري حتى وين يصراو مشاكل بينو وبين يماه على جالك إصبري عامين ممكن تغير رأيها إن شاء الله

[soussoudarine]

السلام عليكم اختي الكريمة صدقيني لوكان يحب يخطبك لن تقف لا امه ولا احد في طريقه و لجعلهم يرضخون لفكرة الخطبة وليس هو اول شخص سيتزوج قبل اخيه الاكبر ومن يضمن لك ان اخوه سيتزوج خلال هذين العامين لوكانت المدة اقل من عام ممكن الانتظار اما عامين بزاف والناس تتغير والقلوب تتقلب لذلك ضعيه امام الامر الواقع يخطبك بعد التخرج وممكن تاجلو العرس مدة من الزمن اما انك تبقاي معلقة عامين بدون اي شئ رسمي فهذا غير معقول وربي يجيب اللي فيه الخير ان شاء الله

[imane-2020]

اختي كيما قالت الاخت مريم عامين راها تمر في سع اصبير وخلاص لا راكي مقتنعة بيه وحاباتو استنايه معليش عامين راهي تقولي شهرين في سع لا تفوت
لا قلتي لالا نلقى خير منو وماكيش مقتنعه بيه بعد التخرج اذا جاء مرحبا وسهلا اذا لا ربي يسرلك وزيدي ديري الاستخارة وربي ينورلك طريقك

[شخصية نرجسية]

عليكي تكوني حازمة ما دمت لا تستطيعين الصبر عامين خيريه بين خطبتك و بين الانفصال فربما يكدب عليك و يخدعك هدا زمان صعيب لا تصدقي كل ما تسمعيه أعلم انك سستجاهلين ردي و لكني سأقوله

[أمة الله 12]

عيله ان يلح و يكثر على والدته,
و يطلب من اخيه الكبير المساعدة في اقناع الوالدة بما انه ليس لديه نية في الزواج

[manel 123]

estenay had 20yom wchofo balak terda mimto pcq ida chafto mosir 3la zwaj tji tekhetab nchala w9olilo yahdar m3a khoh yba3ad3la trigue wnchalah rabi yjib li fih el khir mat9al9ich ro7a pcq mena lghodwa mana3raf wach yesra riy7i rassak chwiya men ta3be l9raya wmen ba3d yar7amha ara7manei

[نسمة تفاؤل]

يااختي علاه راكي مقلقة روحك ابقاو حاولو تقنعوها واذا مااقتنعتش ديري هذا الحل وهني راسك قولي للولد انا مانقدرش نستناك اذا جاني مكتوب مليح نقبل وانبقاش نستنا ولانو اصلا الحب يجي بعد الزواج ربي يوفقك