ادخلوا و عطوني رايكم [الأرشيف] - منتديات الجلفة لكل الجزائريين و العرب

مشاهدة النسخة كاملة : ادخلوا و عطوني رايكم

joulia31

2013-05-13, 19:23

[/si[size="5"]ze] بسم الله الرحمان الرحيم

تقدم لخطبتي شاب يسكن غير في حومتنا ماشي بعيد علينا متخلق و متدين يعني مليح مافيهش حوايج ماشي ملاح

لكن هو يخدم بعيد على الدار وقالي كي نتزوجو مانديكش معايا يعني نقعد مع يماه فيدارها مع العلم هو عندو سكن منفرد . قالي نخليك تخدمي و كملي قرايتك و ديري لي تحبيها المهم انا ما نديكش معايا وين نخدم كي قتلو علاش قالي ولايتك و حومتك خير و تما بلاد غرباء و هكداااااااا...........

قالي نولي كل شهر او عشرين يوم نجي

انا هادي ماحبيتهاش خلاص تاع مانروحش معاه قتاو معلش منخدمش و مانكملش قرايتي بصح ما تخلينش وحدي قالي لالا

دركاا قولولي كي ندير مانقبلش بيه و لا كي ندير

مع العلم اني كنت مخطوبة و بطلت وماما راهي تقولي كون ماتقبليش الناس يقولو عليك قبيحة وهكدااا

انااااااااااااا راني حايرة
اعطولي رايكم الله يخليكم

مراد12345

2013-05-13, 19:54

أخطيك

من هذا الزواج

بعد الزوج عن الزوجة

يسبب الكوارث

أنت محقة في قرارك

ام نسمة

2013-05-13, 20:12

اشاطر الاخ مراد الرءي محق واش من عيشة كي نتي في جهة وهو في جهة راح تنغبني بزاف وتدمر نفسيتكك

مراد الأمل

2013-05-13, 20:30

استخيري أختي
ربي يسهلك أمرك

sali-sali

2013-05-13, 21:24

كون ماجاش عنده بيت و مش قادر نقولو تعدريه
ولكن هدا تبانلي انا لالا خاصة وانك مستعدة تتخلاي على دراستك و عملك

وانتي ادرى

jihanne

2013-05-14, 09:47

jihanne

2013-05-14, 09:51

[/si[size=5]ze]

مع العلم اني كنت مخطوبة و بطلت وماما راهي تقولي كون ماتقبليش الناس يقولو عليك قبيحة وهكدااا

مع احترامي لكلمة يماك

هاذي حياة كاملة راح تتقاسميها مع انسان

يعني اذا ما قبلتيش بواحد زوج ثلاثة يقولو عليك الناس قبيحة؟ترضاي و خلاص باه ما يهدرو عليك والو
تهمك هدرة الناس يعني؟

joulia31

2013-05-14, 13:20

تتخلاي على دراستك و خدمتك و المهم تكوني معاه؟
مليحة هاذي

قداه بعيدة لبلاصة اللي يخدم فيها على مدينتك؟

عندي بنت خالتي كانت راح تتزوج بواحد يخدم فالصحرا قالها شهر عندك و شهر فالصحرا و تسكن مع يماه
عقدت و كلش فالاول هزها الريح
و منبعد بطلت عليه اطلقت
شكون تتحمل تكون في شيرة و راجلها في شيرة
و قالولها راح تقعدي مع يماه و خواتاتو و هو ماكانش تخدمي عليهم
و الا تروحي لدار والديك و كي يجي تروحي معاه

هذي مش معيشة

نتي خممي مليح من كل النواحي و شوفي لبعيد و ديري استخارة

ربي يسهل

يا اختي جيهان والله غير راهي تالفتلي

هو يخدم في الصحرا و انا نسكن في مستغانم و هو تاني يسكن في مستغانم

ماعندوش خاوتو كا واحد ساكن وحدو

ديجا البارح هدرت معاه قالي نحيها من راسك باش تروحي معايا و يما تسكن معايا في داري الجديدة

و انا مانحبش نكون مع حتا يماه باش ما ننحطش فالمشاكل العائلية نحب بلاصتي ديما تقعد نقية

اهدرت معاه وقالي انا ما نسمحش فيك و يما عاقلة و هكدي

joulia31

2013-05-14, 13:23

أخطيك

من هذا الزواج

بعد الزوج عن الزوجة

يسبب الكوارث

أنت محقة في قرارك

عندك الصح جويا مراد انا علا هادي راني خايفة و مترددة
قالي انا نتيق فيك و داير فيك التقة التامة مانخافش عليك

وانا ماهوش عاجبني الحال خلاص الا ادا بدل الراي نتاعو

joulia31

2013-05-14, 13:24

اشاطر الاخ مراد الرءي محق واش من عيشة كي نتي في جهة وهو في جهة راح تنغبني بزاف وتدمر نفسيتكك اعطوني الحا وقولولي كيفاش ندير

knives55

2013-05-14, 13:42

ههههههههه راكي خايفة يكون متزوجة ثانية

لا اختي كاين منطق فيهم الخدمة صعيب مثل الجنوب ناس لتخدم 4x4 يعني 28 يوم خدمة و28 ويوم كونجي

ويخدموا من 6 تاع صباح ل6تاع لعشية

وعين راح تقدي يوم كامل واحدك وزيد كي يرجع تعبان باين يروح يرقد يعني كيف كيف

وانت خيري

الله اعلم وين يخدم بصح تبانلي راه من جماعة شونتي

وسلام

فـرح

2013-05-14, 13:45

استخيري وربي يقدمك اللي قيه الخير

سدرةالمنتهى

2013-05-14, 14:05

السلام عليكم قصصنا تتشابه سبحان الله
انا ثاني تقدملي شاب بهذه الشروط يسكن غير قدامنا برك و سكنو الخاص مع يماه و عملو في الصحراء بصح انا يا ختي قلي ماتخدمي ماتروحي معايا تبقاي عند اامي و كيما قلتي 40 يوم لهيه و 20 يوم ههنا كيماهاك قالولي صح تخلطتلي راجل و انجنيور و سكن خاص ؟؟؟؟؟؟؟؟؟؟ والله غي تنازلت عليهم في حقي الشرعي اني نسكن معاه شخصيا ونعيش حياتي الزوجية حسيت روحي عقوبة ماشي زواج النهار اللي رفضت ارتحت
ماعلاباليش الناس كيفاش تخمم يقلك ندير مراة و اولاد و هو غايب 40 يوم على 40 يوم ؟؟؟؟؟؟؟؟ الراجل يغيب غير 24 ساعة على الدار راهي تنوض كارثثة من وراه من احتياجات و مصاريف
اختي خمي لبعيد ديري في بالك غدوة كي تتزوجي راكي تعودي تحت انظار المجتمع يعني متزوجة برجل على ورق فقط ماكانش اللي يحميك صح و زيد خدامة تدخلي و تخرجي و خمي على اولادك شكون اللي يعاون فيهم و شكون اللي يسهر معاك و لا ينوضلك في الليل و يدي وليدك للطبيب على 02 نتع الصباح
يا اختي نحن محتاجون رجال يحمونا و يهنونا من عبئ الدار ماش يحملونا المسؤولية يد وحدة ماتصفقش لازم 2 و ياربي تبني دار و اولاد
نصيحتي خمي لبعيد انت واش يخرج عليك ماتخميش على هدرة الناس
استخيري كثيرا و شوفي واش تحسي ارتياح و لا قلبك مقبوض

مريم الصابرة

2013-05-14, 14:10

السلام عليكم اختي
والله الصراحة لو انا ما نقبلش لانو الوحدة تتزوج باه يكون زوجها معاها مش يجيها ضيف مرة فالشهرين هذي ماكانش منها عادي قولي ليماك ومكاهنمنا فالناس المهم إنت وحياتك تولي تحسي روحك ماشي متزوجة وما راهيش معيشة هذيك
من المفروض كاين مشروع يخطبني شاب يعمل فالجيش إن شاء الله كان تحسنت صحتي لكن شرطي إنو نروح معاه وين يروح ولو لمالي ما يهمنيش لكن إنو يخليني في دارهم ويجيني بيرميسيو لالا ربي يجيبلو لكن الحمد لله قبل رانا نستناو برك مشكل صحتي وربي يسهل إن شاء الله من رأي ما تقبليش وربي يسهل

sarl02

2013-05-14, 15:06

كل الاجابات متتابعة ومتتالية ومتشابهة يعني الرد الاول جر ما يليه من ردود وكانه عقل واحد يفكر ويد واحدة تكتب يعني اسمحولي راكم اتردو باش اتردو وفقط.....وبالنسبة للاخت اقول لك ان هذا الشخص راه عاجبك من كل النواحي الا يستحق ان تضحي لاجله وتصبري لفترة لكي تعيشي فيما بعد حباة كريمة ..يعني يا اختي الم تطرحي هذا السؤال على نفسك هذا الراجل علاه راه متميزر ومتغرب فالصحراء وبعيد على دارهم اليس لاجل ضمان مستقبل زوجته المستقبلية واولاده ؟وانت جزء من مشروعه هذا ..يعني هذا يستهل باش تصبري معاه لحين تحسين اوضاعه او تحويل عمله مثلا ام لا؟؟يعني لا يعلم الغيب ا الاالله ..فكري مليح واذا كان هذا الشخص ما اخصو والو وراه شاريك ما اتفرطيش فيه وكافحو مع بعض لاجل حياة افضل والقرارا الاول والاخير يعود لك ووفقك الله.

kamilia85

2013-05-14, 17:07

khalik f darkoum khir elbou3d rahou karita