سؤال حول تحضير دجاجة محمرة

[aminabil]

اخواتي العزيزات لقد سمعت من السيدة باشا مقدمة برنامج الطبخ في اذاعة غليزان عن طريقة جديدة في تحضير الدجاجة المحمرة في البيت قالت حكمي شكارة ملح فرغيها كامل في سنيوة و حطي فيها الدجاجة نتاعك بلا ما ديريلها اي بهار يعني غسلي دجاجتك برك و حطيها فوق الملح قاتلك تجي محمرة مليح و متحافيش اذا تجي مالحة
حبيت نسالكم اذا كاش وحدة سمعت بهذه الطريقة او جربتها

[أم ياسين الزهراء]

كيفاش شكارة ملح ندخلو فيها الدجاجة قولي فلوسة محال دجاجة تدخل في الشكارة بلاك سمعتي غالط ماضنيتش

[aminabil]

اختي ما فهمتينيش انا قلت تحكمي شكارة ملح تفرغيها كامل في سنيوة الفرن اي تفرشي الملح في كامل السنيوة و تحطي الدجاجة تطيب فوق الملح

[aminabil]

انتظر اجابتكن

[نورس90]

السلام عليكم كاينة منها اختي العزيزة انا مجربتها بصح بارع شكاير ملح تفرشي الصينية وتبلي الدجاجة نتاعك من الداخل حاولي ان تغلقي فتحة البطن ومن بعد ادفنيها كامل في الملح ودخلبها للفرن ساعة ونصف طيب محمرة خير من الي نشروه من برا

[ميرة34]

جامي سمعت بهذي الفكرة

[maramelmess]

ختي هذ الطريقة نطيبو بيها الحوت نفرشولو الملح ولازم يكون خشين و كاين لي يحب يزيد يدير من الفوق

يجي مشوي و ناشف من الما و ما تخافيش يتحرق

مي الجاج؟؟؟؟؟؟؟؟؟؟؟؟؟؟؟؟؟؟؟؟؟؟

[satomome]

salam alikoume
j'ai voulu que tu me donne en détail cette méthode pour rôtir le poulet stppppppp
baraka allah fiki
mh31::mh31::mh31::mh31:
stp نورس90


chokren

[hanane220]

نعم اختي انا جربتها اكثر من مرة و دائما نحشيهالهم يحسبوني شريتها من برة شوفي اختي غسلي دجاجة مليحة و خليها تقطر مليح و خدي صينية فرن فرشي فيها شكارة ملح كوملي لكن ملح خشن و ضعي دجاجة تاعك في وسط صينية و ديرها في فرن و خليها طيب و غاز يكون متوسط و يكون شاعل من فوق و تحت ما تخربيش فيها قاع طيب غاية دقولي كنت مرقدتها و كي تنضج قيسي ملح ما تعاوديش تخدمي بيه انا نديرها بزاف سيغتو مع زيتون نوجد طاجين تاعي زيتون و نحطه مع دجاجة ملح لكن فكرتيني بها كاش من نهار نديرها و نحطها لبنات لي جامي ما سمعو بها و لا انت جربيها اختي ديرها و ما تخافيش على ضمانتي اختي

[جودي 21]

انا جاكي سمعت بها او شفت ماما دارت هكا

[RCR_48]

جاج محمر معمر بالرز - صور (http://www.tassilialgerie.com/vb/showthread.php?t=10026)
صدور الدجاج بالخرشوف (http://www.tassilialgerie.com/vb/showthread.php?t=11149)
شطيطحة الدجاج (http://www.tassilialgerie.com/vb/showthread.php?t=8565)
صينية الدجاج مع البطاطس (http://www.tassilialgerie.com/vb/showthread.php?t=5916)

[ام عبيدة]

كاش وحدة قافزه من الاخوات تتبرع بدجاجة وتجربها بالصور

ايه شكون هي ههههههههههههههههههههههه

[hanane220]

كاش وحدة قافزه من الاخوات تتبرع بدجاجة وتجربها بالصور

ايه شكون هي ههههههههههههههههههههههه


انا نديرها غدوة ان شاء الله و نديرهالكم لانني موالفة نديرها :19::19::19:

[رحمة من المولى]

انا نديرها غدوة ان شاء الله و نديرهالكم لانني موالفة نديرها :19::19::19:
هيا بسرررررررررررررررررررررعة شوقتوووووووووووووووووووووونا

[farah chawi]

أنا جامي سمعت بهذه الفكرة غدوة نشوفو بإذن الله الأخت حنان كيفاش ديرها

[أم ياسين الزهراء]

هديك نعرفها بصح شفتها في الحوت الكبير وصح يقولو بنين ومايجيش مالح بصح ضنيت الملح شوي سبيسيال

[نهى21]

انا سمعت بيها اكن مجربتهاش لي تعرف ا تحط الطريقة تاعها بالصور

[nadia75]

السلام عليكم
هذه طريقة سهلة موالفة نديرها وتجي بنينة تقول لحم مشوي تفرشي السينية بالملح وتضعي الدجاجة انا تبلها عادى ماتجيش مالحة من الاحسن اذا كان الفرن يشتعل من الفوق و التحت .

[نهى21]

الطريقة بالصور اختي لو سمحتي

[aminabil]

شكلرا لكن على التفاعل ااؤكد لكن ان صاحبة الوصفة اكدت انها لذيذة انا لم اجربها لكن اريد ان اسال هل شرط الفرن يكون يشعل من فوق و من تحت انا عندي فرن يشعل من تحت و حتى نطفي تاع تحت باش يشعل من فوق

[hanane220]

أنا جامي سمعت بهذه الفكرة غدوة نشوفو بإذن الله الأخت حنان كيفاش ديرها

ان شاء الله اختي شكراااا

انا سمعت بيها اكن مجربتهاش لي تعرف ا تحط الطريقة تاعها بالصور
بإذن الله تعالى نحطلكم صور

الطريقة بالصور اختي لو سمحتي
ان شاء الله

شكلرا لكن على التفاعل ااؤكد لكن ان صاحبة الوصفة اكدت انها لذيذة انا لم اجربها لكن اريد ان اسال هل شرط الفرن يكون يشعل من فوق و من تحت انا عندي فرن يشعل من تحت و حتى نطفي تاع تحت باش يشعل من فوق
واه اختي شرط هده الوصفة الفرن يكون شاعل من فوق و تحت باش الملح هو لي يطيب دجاجة

[kika85]

هاد الطريقة سمعت بيها وحتى شميشة دارتها بصح هي دارت ملح خشين بصح ما نكدبش عليك ما جربتهاش نستناو الاخت حنان توريهالنا وما دابيكم ورولنا كيفاش الحشو تديروه انا خطرة كليتها من برا في روز وبانتلي فيه بنة الكمون والقصبر هاااااايلة بصح ما عرفتش الطريقة بالضبط

[hanane220]

يا لبنات راني درتهى هاهو الرابط


http://www.djelfa.info/vb/showthread.php?t=1295993

[aminabil]

يعطيك الصحة خرجتلك هايلة

[كلاك]

اتاني سمعت بيها بصح ماجربتهاش لكن وصفات السيدة باشا من اذاعة غليزان وصفاتها كلها ناجحة ولا اختلاف لافيها وتحضر كل ايومي الاثنين والخميس حاولن ااستماع اليها فهي قمة في وصفاتها وانا جربتها شحال من وصفة وخرجتلي روعة من التاسعة الى العاشرة صباحا

[مرام 92]

اول مرة نسمع بيها

[om kamilia]

assalam alykom ana cheftha fi fatafeat avec cgef jimmy oliver mais melh avec blanc d'oeuf w tji hayla meme avec poisson
om yacine dhahektini ya rachika
ana lyoum farmacha sans souris

[ام سوهيل]

انا تاني سمعت بيها وقلتها لي اختي وهي جربت بي افخاض الدجاج وجاو هيلين حتو ولا ابي يقوللها كل ميجيب جاجة ايقوللها طيبيها في الملح وختي تقولي انتي تجيبي الافكار وانا الي نحصل معاهم هههههههههههههههههههههه