اللي هي مراة عاملة و متزوجة تقولنا تجربتها [الأرشيف] - منتديات الجلفة لكل الجزائريين و العرب

مشاهدة النسخة كاملة : اللي هي مراة عاملة و متزوجة تقولنا تجربتها

aminabil

2013-05-13, 15:04

حبيت نفتح هذا الموضوع باش كل واحدة عاملة و متزوجة في نفس الوقت تقولنا كي تخلص شهربتها كيفاش تتقاسمها مع راجلها يعني هل تعطيلو منها او متعطيلوش كيفاش تتصرفوا في شهريتكم قولينا رايك اختي باش كامل نستفادوا
نبدا بروحي ونقولكم تجربتي انا كي نخلص نجبد نص شهريتي و هو تاني يجبد نص شهريتو ونفوتوا الشهر يعني حنا في زوج ماشي دايرين فرق دراهمنا كيف كيف
ابا قولينا تجربتك

aminabil

2013-05-13, 15:55

اين انتن يا بنات

سمراء الدنيا

2013-05-13, 20:07

بارك الله فيك على مساعدة زوجك و جزاك الله خير الجزاء
هناك موضوع جميل جدا ممكن تستافدي منو فيما يخص المصروف
http://www.djelfa.info/vb/showthread.php?t=1079470

aminabil

2013-05-13, 22:02

بارك الله فيك على مساعدة زوجك و جزاك الله خير الجزاء
هناك موضوع جميل جدا ممكن تستافدي منو فيما يخص المصروف
http://www.djelfa.info/vb/showthread.php?t=1079470
شكرا لكي اختي على الاجابة

aminabil

2013-05-13, 22:37

44 مشاهدة ولا رد لماذا الم يعجبكم الموضوع

sarah1424

2013-05-13, 22:57

mawdou3 mlih yaatik essaha mais manich metzewja dkhalt juste bech nchouf rodoud wnestafid

aminabil

2013-05-14, 15:00

انا نظن مكانش هنا المتزوجات و العاملات في نفس الوقت

ام ايمان و ايمن

2013-05-14, 15:08

انا دراهمي راجلي هو اللي يخرجهم و شهريتو مع شهريتي نصرفو منهم والباقي ندسوه باه نبنو
والله ما نعرف وقتاش نخلص وكلشي في يدو
الثقة هي كل شئ و زيد التفاهم

scorpionoir

2013-05-14, 16:09

ربي يعينكم .انا متزوجة بصح مانخدمش حبيت برك نطل عليكم ونحييكم ونطلبلكم ربي يرزقكم بالحلال ان شاء الله

aminabil

2013-05-14, 22:05

يعني انتوما كبفي انا لازم المراة تعاون راجلها و كيما قلتي اختي لازم تكون النية و الثقة بين الزوجين

maloo

2013-05-15, 07:58

انا شهريتي تدخل قبل شهريته نجبدوها و نبدا نصرف منها حتى تدخل شهريته يعطيها لي تقريب كامل يشد منها مبلغ بسيط لنفسه وانا لي حاكمة المصروف وكل ما يخص البيت والاولاد والباقي ندخره وكما قالت ام ايمان و ايمن الثقة هي الاساس . وزوجي طبيعة عمله هي التي تجعلني انا ممسكة وزارة المالية والشؤون المصرفية للبيت .

aminabil

2013-05-15, 15:50

الله يعينا جميعا والله الحياة صارت صعبة

صابرة2013

2013-05-15, 18:10

الله يعينا جميعا والله الحياة صارت صعبة

اللهم آمين كل واحد يتمشى على حساب شهرية تاعو ميكلفش نفسوا

sissou nrdn

2013-05-15, 22:34

والله حبيبتي المهم بين الزوجين النية الصافية و الثقة المتبادلة..............راني في 13 سنة زواج و الحمد لله
لم نتعرض لمشكل شهريتي و شهريتو رانا نتعاونو في كل شيء سواء شراء الدار , تجهيزها او مصروف
اللهم ادمها نعمة و احفظها من الزوال

aminabil

2013-05-16, 22:50

ايمان نور الجزائر

2013-05-17, 19:29

اهم شيء الثقة والمعاونة وما يلزمكش باش تعطيلو لكن انتي لازم تساعدي
والا علاش تخدمي
بيتكم واحد

rofia.sarah

2013-05-17, 19:43

انا عندي 13 سنة زواج و عندي 4 أولاد و انا راجلي متعاونين هو يخلص قبلي نصرفو شهريتو حنا نشريو رافيتايما تاع شهر و نخلصو الفواتير و نحكمو المصروف لينا و إذا كاش ما خص نكمل بشهريتي و الحمد لله عندنا دار و سيارة و رانا ندخلرو باش نشريو دار كبيرة دارنا شوي صغيرة المهم أختي كما قلتي الثقة و التفاهم بين الزوجين

ايمان ألماس

2013-05-20, 17:47

انا مش متزوجة بصح عايشة مع خوتي واختي تقرا والله راني حايرة كيفاه ندير نهار نتزوج خاطر هكا ومانيش واصلة كل يوم نفرز ونغسل الماعن والرجال والله مايعاونوالمهم انا نخدم من 8 حتى 17.00 والصراحة ملقيتش كيفاهنقسم وقتي كون غير تعاونوني

aminabil

2013-05-21, 15:14

arah;1052677409]انا عندي 13 سنة زواج و عندي 4 أولاد و انا راجلي متعاونين هو يخلص قبلي نصرفو شهريتو حنا نشريو رافيتايما تاع شهر و نخلصو الفواتير و نحكمو المصروف لينا و إذا كاش ما خص نكمل بشهريتي و الحمد لله عندنا دار و سيارة و رانا ندخلرو باش نشريو دار كبيرة دارنا شوي صغيرة المهم أختي كما قلتي الثقة و التفاهم بين الزوجين
اختي انا تاني نعاون راجلي في دفع اقساط السيارة لكن انا ايضا نحب نعطي لامي مبلغ من المال كل شهر لان والدينا هوما اللي تعبوا علينا و قراونا ارجوا منكم تقولي كل وحدة شحال تعطي لامها من المال كي تخلص
[/size]

halla halla

2013-05-25, 17:37

أنا مراني متزوجة مراني خدامة
هذا مجرد راي
أنا نشوف بلي يحسبوا شحال يصرفوا في الشهر (les dépenses) و يقسموهم على 2
مثلا إلا يصرفوا 4 ملاين هي تحط 2ملاين و هو 2ملاين
و الدراهم لي يبقاو لكل واحد فيهم يدير بيهم واش يحب

باش تقوليلي هو يشري دار ويكتبها على اسمه وأنا نخلص التقسيط هذي لالا
ختي متعرفي هذي دنيا

الواحد يقول غير ربي يهنينا

omyma1

2013-05-28, 14:24

انا متفاهما انا وياه نشروا في رحبا الملابس للاطفال دراهمي ودراهمه واحد