زوجي قرر الانفصال

[خديجة 1010]

السلام عليكم ورحمة الله وبركاته
راني رجعت ليكم اليوم بحلقة جديدة من مشاكلي التي لا تنتهي مع زوجي عنده سمانة تفريبا قالي نخرجو بالسبت باش نكملو نشرو فش تع الدار تفاهمنا بالخميس عيطلي قالي راني عند الحانوت باش نشري قلتلو اشري الحاجة لي عجباتك قالي راني هدرت مع السيد وخلصتو وكومونديت وش لازم نهار السبت نروحو نجيبوهم قلتلو انا منروحش مرانيش خضرة فوق الطعام بدا يعاير فيا ويكفر عليا وسمعني كلام عمري ماسمعتو في حياتي وهادي ماشي اول مرة نداربو موالفين هكا درك ولا يعيطلي ويستفزني بكلامو انا كرهت منو وقلتلو بهاد الطريقة وهاد العقلية مراناش رايحين نروحو بعيد البارح قالي صيبي الحل قلتلو معندي حتى حل انا بديت في طريق وتوركت فيها ماعليا غير نكمل قالي مكالاه تكملي نحبسوها هنا انا تقلقت قلتلو امالا بيني وبينك القانون وغدوا المحامي يهدر معاك مبقاتلك حتى هدرة معايا واحنا من المفروض عرسنا مزالو شهر
قولولي كيفاش ندير نصارح والديا ولا نصبر ولا نروح عند المحامي ولا نسن

[مريم الصابرة]

السلام عليكم اختي
ربي يهديك إنت ثاني تعايريه وتقولي كلام تندمي عليه وتستفزيه ومن بعد تقولي علاه عايرني هذا مازال ما رحتيش عندو وراكم هكذا كي تتزوجي كيفاه تولي كل يوم فالمشاكل من المفروض تسايريه شوفي نهدرو الصح الراجل مهما يصير ما يجيش يعاير وحدو راكي قلقتيه مرة قتيلو إشري إنت ومرة تقولي ما رانيش خضرة فوق طعام ربي يهديك هي تجي للصح قش الدار الراجل يشريه ومن بعد بدليه لما ما يعجبكش إنت بديتي إنت ضرك لازم إما تساعفيه وتستناي غما تروحي للمحامي إنت قلتيها واش حبيتي يقولك ربي يهديك من راي ما تقوليش لاهلك وإستناي يهدا ويعيطلك

["أوريانة"]

يا اختي نقولك الصح انت الغالطة هذا مازال ما رحتيش عندو ما حملتيش عقليتو ؟؟
يا اختي هذا هو الراجل يحب رايو ...خليه يشري وحدو و لا يندب المهم ما تعاكسيهش خلاص و ايلا عاكستيه انتي الخاسرة علابالي بلي احنا النسا في موقف كيما هذا نفهموها بلي ما قيموناش و ما شاوروناش ..راني حاسة بيك بصح الاولى تحافظي على راجلك
يا سيدي ديريلو رايو قال اشري على ذوقك باش تبينيلو بلي عندك ثقة فيه و في ذوقو لا بغا ما يعجبكش راه يجي نهار تبدليه

[خديجة 1010]

مريم والله ما قلتلو حاجة 3 ايام وهو يعاير قيا البارح قالي انت والزيرو كيفكيف وكي نديك نعفسك دوك ديري رايك من بعد نشوفو

[sali-sali]

السلام عليك
اختي الزواج احترام متبادل و تنازلات و صبر
ويلزم الزوجة تطيع راجلها وتصبر....حتى و ادا كان عصبي يلزم تكون عندك حكمة و تعرفي تتصرفي
الزواج مش لعبة كيما تحبو تتزوجوا و كيما تحبوا تتطلقوا

حاولي تصلحي العلاقة معاه افضل لك
وادا راكي تشوفي فيه مايستاهلك ومايحتارمكش
من ضروك خلاص بيناتكم..احسن ماتروحي و تكبر المشاكل

[سراب06]

اكبر غلطة عملتيها في حياتك انك مدخلتيش اهلك في الموضوع وعاملة روحك عالمة وتحلي في مشاكلك وحدك وكأنك جيتي من الشارع ونهار تحصلي تحوسي عليهم رب يهديك ويصلح حالك و آسفة على القسوة

[ام البنوتة]

يا اختي نقولك الصح انت الغالطة هذا مازال ما رحتيش عندو ما حملتيش عقليتو ؟؟
يا اختي هذا هو الراجل يحب رايو ...خليه يشري وحدو و لا يندب المهم ما تعاكسيهش خلاص و ايلا عاكستيه انتي الخاسرة علابالي بلي احنا النسا في موقف كيما هذا نفهموها بلي ما قيموناش و ما شاوروناش ..راني حاسة بيك بصح الاولى تحافظي على راجلك
يا سيدي ديريلو رايو قال اشري على ذوقك باش تبينيلو بلي عندك ثقة فيه و في ذوقو لا بغا ما يعجبكش راه يجي نهار تبدليه
هذا رايي بالذات و انت راكي مخطوووووبة و ماشي متزوجة تعاملي على هذا الاساس و غدوا تدخلي دارو راكي تديري واش تحبي
خممي بعقلك و كبري قلبك شوية و ما كاين حتى راجل يقبل مرتو تفرض رايها و تتعامل معاه بالخشانة مهما كان يحبها.
الهدرات تاع سبني الخ.. هاذو تاع زعاف و غدوا يروحو بصح انت خدمتك ما توصليهش لهاذ الدرجة من القلقة .لما تشوفي الحالة بدات تولي دونجي اسكتي و نهار لي يهدا اهدري و قولي واش يوجعك.
الحياة الزوجة فن لكنو صعب و التنازل ضرووووري خصوصا في حاجات ما يضروكش و قادرة تغيريهم.
حنونة كوني واعية و ماش على كل سوء تفاهم هيا نتفارقوا

[nouna l maghbouna]

هذا رايي بالذات و انت راكي مخطوووووبة و ماشي متزوجة تعاملي على هذا الاساس و غدوا تدخلي دارو راكي تديري واش تحبي
خممي بعقلك و كبري قلبك شوية و ما كاين حتى راجل يقبل مرتو تفرض رايها و تتعامل معاه بالخشانة مهما كان يحبها.
الهدرات تاع سبني الخ.. هاذو تاع زعاف و غدوا يروحو بصح انت خدمتك ما توصليهش لهاذ الدرجة من القلقة .لما تشوفي الحالة بدات تولي دونجي اسكتي و نهار لي يهدا اهدري و قولي واش يوجعك.
الحياة الزوجة فن لكنو صعب و التنازل ضرووووري خصوصا في حاجات ما يضروكش و قادرة تغيريهم.
حنونة كوني واعية و ماش على كل سوء تفاهم هيا نتفارقوا

نفس كلام الاخت
ربي معاك

[farachati]

متروحيش عند المحامي ومتاخديش اي قرار وانت زعفانة ,و متعيطلوش في الهاتف

باه تعرفي واش راه ناوي يدير ,المهم مجيش من عندك انت.

واذا قدرت تبعدي تاريخ العرس بشهرين يكون افضل ليك


اما للكلام لي يقولهولك انت والزيرو كيفكيف وكي نديك نعفسك


ملازمش تقبليه لانه راه يقلل من احترامك, هدا مركيش مرتو , وحتى الرجل اذا كانت المراة

تقبل الاهانة على نفسها راه رايح يحتقرها مع الوقت

اذا بقى في عنادو, اعرفي انه بعد الزواج راكي رايحة تتعبي معاه

وحتى اذا تركتو بعض عادي ,مكان حتى راجل في دنيا يستاهل نبكو عليه

المهم وراكيش مرتو شرعا ومعندكش اطفال معاه.


وواجب عليك تحكي لامك على الاقل, لانها تفيدك اكثر منا ومن حقا عليك تعرف

بعد الزواج متحكيش, لكن الان احكيلها.

ربي يفرج عليك ان شاء الله.

[z.abdo]

إليك الحل أختي ارجو أن تقرأي الموضوع الذي وضعت رابطه وتري أنك تتعاملو مع بعض بالعكس

http://www.djelfa.info/vb/showthread.php?t=1167558

[مسلم سني]

السلام عليكم
آسف على التدخل
لكن هل المشكلة سببها شراء الأثاث؟
أم أنك طرحت مشكلتك على الأعضاء فيما سبق وهذه تكملة لها؟
أردت التدخل لكن لم أفهم ماسبب الشجار بينكما حتى وصل الأمر إلى المحامي؟

[انانيس]

السلام عليكم
ربي يصلح حالكم ان شاء الله
لست اعلم ماقوله بالضبط لاني لست بموقفك ولا علم لي بكل التفاصيل ولكن اختي من خلال مالمحته من كلامك
الصراحة لاارى ان كلامك يدفعه الى قول كل هذا لك اين الصبر على الاخر ؟؟
المجرد خطا معين نستعرض قوتنا ونبدا في الشتم والسب ومن اول الطريق؟؟؟
اختي فكري جيدا لانها حياتك لربما اي واحد يقولك اي شيء ولكن لسنا نعلم بالضبط مايجري
نصيحتي ان تريثي قبل ان تقومي باي فعل خذي مشورة اهلك واخبريهم بما حدث فرايهم مهم
بالاضافة الى الصلاة والدعاء
ان رايت انها مجرد مشكلة لاتستحق هذا تصالحا ولا ضير في هذا وان رايت العكس فالاحسن ان تفترقا هنا
افضل من ان تذهبي اليه خشية من كلام الاهل او الناس
لاينبغي ان نعالج مثل هذه المواقف الحساسة بحلول نابعة من خوف وخشية كلام الناس
بارك الله فيك ورب ييصلح حالكم امين يارب

[ويناروز]

ياجماعة هي وضعت مشكلة وتريد النصح وليس باش تزيدو عليها

اختي التفاصيل لا نعلمها لكن من خلال الموضوع يبدو ان التيار لا يمر بينكما

وليست المرة الاولى

نصيحتي اختي استخيري

ثم لا بد من اعلام اهلك بما يحدث معك

هذه حياة اساسها الحب والتفاهم والتضحيات واهمها الصبر

واهمها الاستمرارية اذاكان قبل الزواج ستصل الى المحامي فكيف بعد الزواج؟؟؟؟؟؟؟

اختي مادام راك على البر فكري جيدا باي خطوة رايحه تخطيها

ربي يوفقك اختي

[sstolga]

يااختي الزواج تضحية وصببر اصبري شويا خليه يدير رايووحنا عندنا مثل يقول لاشفت زوج متفاهمين الثقل راه على واحد

[zalamite]

الله يجعل الخير و خلاص ..اتزوج انتا درك او جيب مرا تلعبلك على المورال ...اناننصحك يا بنت الناس ادا راك حابا اديري دار اخطيك من هاد العقلية تاع خشانة الراس ..و مشى بالقدر و الظرافة مع راجلك لان اغلب الرجال الان يتنرفزون بسرعة و يغضبون و قد يقولون كلام جارح من شدة الغضب ...نصيحة لا تدهبوا لا الى المحامي و لا الى هم يحزنون ابتعدوا عن بعضكم لمدة اسبوع حتى تهدء الخواطر ثم ناقشوا مستقبلكم في هدوء ..و ربي يجيب الخير

[مريم الصابرة]

السلام عليكم اختي خديجة
قلت موالف يعايرك وعلها سكتيلو من الأول من المفروض العلاقة يكون فيها إحترام متبادل منك ومنو هو ما يوصل يعايرك وإنت ما توالفيش بعقلية تسبيه عيب المرا عمرها ولا صوتها يعلى على راجلها مهما كان الذكاء فالصمت خليه هو يندم ماشي إنت معليش يقولك كلام يغيضك إصبري هذا زواج فيه بزاف كان إنت مقلق وهو مقلق ما راحش تفروها من رأي تعلمي تهدئي أعصابك وهو إذا كثرها كاين اهلك يدخلو لكن لما إنت تعايريه وتفوتي حدك معاه هو ثاني يقول يتقلق ربي يهدي الامور ولازم تفروها وضرك ما بقاش للعرس وإنت ربي يهديك كلمة وتقوليلو نروح لمحامي هذي كبيرة ما بقاتش ثقة بيناتكم سايري اختي معليش ربي معاك

[tahiya]

انا حاسة رايح يعيطلك و يطلب منك السماح...خليه يعرف الخطأ ديالو...باش المرة الجاية يعرف واش يخرج من فمو...إن شاء الله اخر مرة تداوسو فيها...ولكن هذه توصي للجاية...أعرفي كيف تكسبيه ليك...وخلي من عزة النفس شوية...و ان شاء الله نسمع اخبار طيبة عنك.....

[سوسو الطموحة]

راكي تباني خفيفة بزاف ماتعرفيش تكنترولي روحك خلاص معاه دخستو على بعضاكم ونحيتو لقدر وباين بلي بعد الزواج رايح يزيد الحال انامن عندي من ظرك خير من غدوة

[homme libre 05]

السلام عليكم
امم تبالي في زوج غالطين نتي ما كبرتيش قلبك و زربتي فهدرتك وهو عماها خلاص
ربي يجيب الخير ، للاسف ما نقدرش نقولك اكتفي بنصائح الاخوة
ندعيلكم بالصلح والتوفيق ان شاء الله