مشكلتي

[مشكلتي]

السلام عليكم انا شاب عمري 28 سنة الحمد حالتي مستقرة، و مستعد للزواج...
تتبعت فتاة منذ عام لغرض خطبتها وهي طبعا لا تعلم... اعرف مكان اقامتها
لكن مشكلتي محرجة..........فانا جد خجووووول فلا استطيع سؤال شخص و لا اعرف كيف اخطبها ،ما الطريقة ؟هل اذهب مع الوالدة مباشرة دون ان يعرفوا اننا اتين؟؟ ام احدد موعد للقائهم اولا؟ ام اتكلم مع والدها فقط اولا؟ام تاتي الوالدة اولا وحدها او او او؟؟ ارجو مساعدتي

[مراد12345]

يا اخي أنت مخطئ في الطريقة

المهم تعرفت على الفتاة أين تسكن

لا بد أن تنظر عسى أن تجد وسيطا بينك وبينها من الفتيات

فلربما هي تحب أحدا أو مخطوبة لأحد أو لا تريد الزواج

ولتسمع رأيك وماذا تعمل واين ستسكن ...................الخ

لا بد أن تسأل أيضا في الحي الذي تسكنه والشباب خاصة لا يبخلون عليك في هذا الأمر

هذا يعرف هذا

بالتوفيق

[حميدة2012]

اخي ربي يتمملك بخير يخصوص سؤال تاع الجيران لا انصحك بذلك لانو في وقتنا كاين الحسد بزاف وممكن بقلولك حاجة غلط يشينولك نيتك شوف اخي ابعث امك اولا ومش ضروري نشوف وسيط تروح امك اول مرة تشوف الامر عادي حتى انا واخوتاتي كاتو مرات يجونا لدار ناس منعرفوهمش وبلا موعد مافيها والو توكل على الله ربي يسهل

[أمة الله 12]

السلام عليكم,

يا اخي بما انك قاصد الحلال لما كل هذا الاضطراب و القلق؟؟؟؟؟؟؟

أرى انه من المناسب أن تذهب أنت لمقابله ولي امرها, و طرح الفكرة عليه,

اذا كانت الفتاة مخطوبة او مرتبطة سيعلمك, و ان لم تكن حدد معه موعدا لزيارتهم

لازم تروح الوالدة تاعك, و شوف وش يناسبك تروح حتى انت معاها دير الشوفة

ولا تحب تنتظر تردلك الوالدة الخبر و تقلك هي وش رايها في الطفلة و فاميلتها و مبعد تروح انت فزيارة اخرى ديرو الشوفة
(لأن الفتاة ربما لا تعرفك) و طبعا راح تكون معاك الوالدة أيضا

ربي يسهلك

[sali-sali]

السلام عليك اخي

روح للوالد نتاعها وقوله..او ارسل اباك،عمك او خالك
ان كانت الموافقة..فحدد موعد معه امك عندهم

ربي يهنيك اخي

[فـرح]

شوف وسيط يهدرلك مع الطفلة اذا وافقت روح اهدر مع باباها
وربي يسهل

[z.abdo]

السلام عليكم انا شاب عمري 28 سنة الحمد حالتي مستقرة، و مستعد للزواج...
تتبعت فتاة منذ عام لغرض خطبتها وهي طبعا لا تعلم... اعرف مكان اقامتها
لكن مشكلتي محرجة..........فانا جد خجووووول فلا استطيع سؤال شخص و لا اعرف كيف اخطبها ،ما الطريقة ؟هل اذهب مع الوالدة مباشرة دون ان يعرفوا اننا اتين؟؟ ام احدد موعد للقائهم اولا؟ ام اتكلم مع والدها فقط اولا؟ام تاتي الوالدة اولا وحدها او او او؟؟ ارجو مساعدتي

يجب أن تسأل عنها من كل الجوانب قبل أن تطرق بابها

[مراد الأمل]

السلام عليكم
اخي أنا من رأيي لا تتسرع و تخبر أمك..أو ترسلها لا..
لكن حاول أولا أن تعرف رأي الفتاة عن طريق واسطة ..و إذا كان قبول و توافق بعدها يمكن أن تكلم وليها و تضرب معه موعداا..
لتأتي مرحلة ذهابك مع أمك
موفق أخي

[قابضة على الجمر]

بحكم اني فتاة انصحك بان لا تخبر اهلها حتى تاخذ موافقتها لكي لا تضع نفسك و تضعها في موقف محرج ارسل لها عن طريق وسيط ولتكن اختك مثلا او اختها او احدى صديقاتهاوفقك الله

[doba]

ربي يسهلك لكن خذ رأي الفتاة أولالالالالالالالالالالا

[haytoo82]

انا نضن تروح الوالدة الاولى احنا عندنا كيما هاك واذا فرحو بيكم تعود حديث رجال بصح الشوفة الشرعية امر مليح ديرو في حسابك وماتترددش ربي يوفقك

[sstolga]

مادير لحرام موالو مادير واسيط ديراكتمو ابعث يموا وقلهاتقلهم بلي راكم راتجو لكان قبلو روح واخطبها على سنة رسول الله

[djfr]

لبدى ان يكون الاتصال بينكما اولا
ان شاء اله تكون من نصيبك

[yacine-08]

اخي الكريم

شخصيا لو كنت مكانك لعرفت راي الفتاة اولا

وسيط كما قال اول رد .

[sstolga]

بحكم اني فتاة انصحك بان لا تخبر اهلها حتى تاخذ موافقتها لكي لا تضع نفسك و تضعها في موقف محرج ارسل لها عن طريق وسيط ولتكن اختك مثلا او اختها

[jihanne]

................................

[jihanne]

تبعتها و خلاص؟
عام و نص ما تعبتش خخ
..يعني في عام و نص تعرف غير ون تسكن
سقسي اذا كانت مخطوبة
و الا حبسها قوللها باللي حاب تتقدملها اذا راهي مش مرتبطة مافيها والو

اذا قاتلك ايه ماهيش مرتبطة و ما عندهاش مانع تتقدملها لثم قول لوالديك

وربي يقدم اللي فيه الخير

[حميد.ص]

خذ ورقة و قلم و اكتب لها رسالة بما أنك تعرف عنوانها .....لكن اكتب لها رسالة على أساس انك صديقتها : اكتب مثلا أنا صديقتك مليكة تاع الابتدائي ان شاء الله تكوني بخير ستتفاجئين كثيرا عندما تصلك رسالة مني هذا رقم هاتفي ............اتصلي بي باش نطمئن عليك.........من بعد راك تعرف

[ايلول20]

رأيي اذا كان عندها اخوها كبير ممكن تطرح عليه الفكرة عادي مادام تبعتها للبيت تقدر تعرف اذا عندها اخوها كبير ولا ومن بعد هو يسأل اخته لانه ممكن تكون مخطوبة او او .واذا قلت لابوها ممكن من كثرة احترامها له تخجل من قولها لا لهذا تقول لاخوها واذا قبل وقبلت اخته توصل الفكرة لابوها هذا رايي والله الموفق وربي يسهل ..."عسى ان تحبوا شيئا وهو شر لكم".

[جمال المهاجر]

خويا .. انا لوكان جيت في بلاصتك واش ندير ؟ .. نشوف فتاة من العائلة تاعي .. مثلا اختي ولا ابنة عمي ، تكون ماش صغيرة في العمر ، مثلا تكون 26 27 سنة او اكثر .. تروح لهذه الفتاة التي تعجبك ، و تقوللها بلي انت راك حاب تخطبها و ناوي الحلال .. و البنات راهم يفهمو بعضاهم .. و وصيها ديرلك معاها لقاء rendez-vous ، تفاهمو على كلش .. لانو يا خويا العزيز نصارحك لازم تتلاقا بيها و تهدر معاها .. و ربي يسهلك ..

[{مـشـاكـسـهـ}~]

بحكم اني فتاة انصحك بان لا تخبر اهلها حتى تاخذ موافقتها لكي لا تضع نفسك و تضعها في موقف محرج ارسل لها عن طريق وسيط ولتكن اختك مثلا او اختها