كيف هي الحياة في الجيش

[أستغفرك ربي]

السلام عليكم انا طالب جامعي سأتحصل على ليسانس نهاية السنة إن شاء الله
و أنوي الإنخراط في الجيش

سؤالي هو : لو تم قبولي كم ستدوم المرحلة التحضيرية ( في شرشال مثلا ) و كيف يكون نمط الحياة .. العمل ، ساعات النوم ...الخ
+ كم تدوم هاته المرحلة ثم عند الانتهاء ماهي الرتبة التي سأدخل إليها و كم الراتب من البداية و هل بإمكاني اختيار التخصص الذي اتجه اليه ؟

+ ماهي الخصوصيات التي يعطونها لي في الحياة ؟ السكن ...الخ

يعني سؤالي واضح كيف هو نمط الحياة بعد الالتحاق بالجيس و شكرا

[Okba Catalonia]

السلام عليكم انا طالب جامعي سأتحصل على ليسانس نهاية السنة إن شاء الله
و أنوي الإنخراط في الجيش

سؤالي هو : لو تم قبولي كم ستدوم المرحلة التحضيرية ( في شرشال مثلا ) و كيف يكون نمط الحياة .. العمل ، ساعات النوم ...الخ
+ كم تدوم هاته المرحلة ثم عند الانتهاء ماهي الرتبة التي سأدخل إليها و كم الراتب من البداية و هل بإمكاني اختيار التخصص الذي اتجه اليه ؟

+ ماهي الخصوصيات التي يعطونها لي في الحياة ؟ السكن ...الخ

يعني سؤالي واضح كيف هو نمط الحياة بعد الالتحاق بالجيس و شكرا







يا خويا رايح تلتحق بمجال دراستك يعني لو كنت إقتصاد راح تخدم خدمة مقتصد و رايح تدخل في التكوين الخاص لمدة سنتين

سنة بالأكاديمية و سنة في المدرسة التطبيقية و تتخرج برتبة ملازم أول زوج نجوم

يا أخي بالنسبة للنوم و كامل يا خو راك في الجيش ماراكش في فندق يعني أكيد الأشهر الأولى في شرشال راح تكون قاسية بعض الشيء لكن ستعتاد عليها

يعني الرياضة رايحة تكون إبتداءا من الساعة 3 صباحا لكن كل شيء رايح ينقص تدريجيا

المهم بالنسبة للإمتيازات هي أحسن من أنو تكون مدني يعني لك الأولوية و رتبة تعفس على رتبة و هي رايحة

أما بالنسبة للرواتب فتجنب السؤال عنها و أنا شخصيا رايح ما نجاوبكش لأنها أظن أنها جيدة و تناسب الجميع

[أستغفرك ربي]

صحيت خويا ، راح ندي ان شاء الله ليسانس فالانجليزية

[أستغفرك ربي]

+ لو أمكن المزيد من المعلومات

[Okba Catalonia]

+ لو أمكن المزيد من المعلومات


يا أخي سيتم فتح التسجيل بعد نتائج البكالوريا و كل عام كيفاه على حساب واش خاصهم

ممكن يفتحو التكوين الخاص ممكن لا المهم أنو في الصيف ترقب في المنتدى فسيكون كل جديد

يعني التخصصات المطلوبة + الملف + كيفية الإنخراط + الشروط ....

و ربي يوفقك إن شاء الله خويا الكريم

و بالنسبة للمعلومات أنا نضيفلك معلومة تغنيك عن أي معلومات

المعريفة خوو .....

[صمت الرجوله]

على حد علمي تخصص الانجليزية ربما غير مطلوب في التكوين الخاص
التخصصات المطلوبة هي التخصصات التقنية و الهندسة و الاعلام الالي
والله اعلم

[أستغفرك ربي]

هل من شخص آخر يفيدنا

[RedBull]

الانجليزية غير مقبولة في الجيش أخي

[hicham1008]

أخي الانجليزية مطلوبة في الجيش واحد ميتفلسف عليك ..
ممكن تدخل الدرك الوطني
و تقدر تدخل الادارة العسكرية او الاعلام والاتصال ..
انا متحصل على ليسانس انجليزية ايضا ... وربي يوفق

[faroukovic italiano]

الجيش دعه اخر حل لأن الحياة صعبة جدا تمضي شبابك في خدمة الدولة

[yacine-08]

يا اخي شوف انت كي داير و الشخصية نتاعك

كاين لي يحب يكمل خدمته على 4 ويمشي يقعد مع عائلته و داره و اصدقائه في القهوة واحد ما يحوس عليه

يبغي يبات مهني في الليل وليس هناك اتصالات على 4 تاع صباح .

وكاين لي حياة العسكرية توالمه كل واحد وكيفاش .

كاين لي مابغيش يسمع الهدرة الشينة .

[meddz2014]

حياة مزرية

[الواثقْ بالله]

السلام عليكم و رحمة الله تعالى و بركاته

اولا واحد مايخرط عليط و يقولك موش مقبول ليسانس انجليزية

راه مقبول كونك هاني اللي موش مقبول و اذا قبل يدخل برتبة ضعيفة هم جماعة الادب العربي

في التربص خاصة الايام الاولى فيها التعب و تعب كبير و ماتنوض على 3 تاع الصباح كما قالولك

تنوض على ال6 من اجل الرياضة الصباحية

في الاشهر الاولى فيها غير التدريبات الجسدية و من بعد تبدا الدراسة

التربص 3 سنوات بشرشال و 1 سنة تطبيقية يعني اربع سنوات في الاجمال

و تتخرج ملازم يعني نجمة وحدة

الشهرية راهي مليحة بزاف و ايضا هناك حوافز كثيرة و مليحة

توكل على ربي و ماتدير على حتى واحد يحب يطيحلك المرال

راهي مهنة تاع مستقبل

بالتوفيق

[Okba Catalonia]

السلام عليكم و رحمة الله تعالى و بركاته

اولا واحد مايخرط عليط و يقولك موش مقبول ليسانس انجليزية

راه مقبول كونك هاني اللي موش مقبول و اذا قبل يدخل برتبة ضعيفة هم جماعة الادب العربي

في التربص خاصة الايام الاولى فيها التعب و تعب كبير و ماتنوض على 3 تاع الصباح كما قالولك

تنوض على ال6 من اجل الرياضة الصباحية

في الاشهر الاولى فيها غير التدريبات الجسدية و من بعد تبدا الدراسة

التربص 3 سنوات بشرشال و 1 سنة تطبيقية يعني اربع سنوات في الاجمال

و تتخرج ملازم يعني نجمة وحدة

الشهرية راهي مليحة بزاف و ايضا هناك حوافز كثيرة و مليحة

توكل على ربي و ماتدير على حتى واحد يحب يطيحلك المرال

راهي مهنة تاع مستقبل

بالتوفيق






يا أخي هذا ليسانس يعنس تكوين خاص formation special و يدير عامين برك و ليس 4 سنوات لأنو 4 سنوات هي تكوين أساسي لأصحاب البكالوريا يديرو 4 سنوات و كل واحد كيفاه هادي اللي راك تحكي عليها هي القوات البرية يدير 3 سنوات في شرشال تتوج بحصوله على ليسانس إما في الطاقة أو الميكانيك و ثم عام في إحدى المدارس التطبيقية أما أصحاب الليسانس عندهم عامين ستاج برك عام بشرشال و عام في إحدى المدارس التطبيقية

يا أخي و أصحاب التكوين الأساسي ينوضو على 3 تاع الصباح في أشهرهم الأولى أخي و خاصة إذا كانو تابعين للقوات البرية

و كيما قالولك الجماعة ممكن ليسانس إنجليزية يقبل و ممكن لا المهم حسب ما يطلبوا هوما و كل عام و كيفاه

ربي يوفقك خويا

و ما تعطش للناس معلومات خاطئة لأنو هاذا مصير

و الله ولي التوفيق

[Okba Catalonia]

يا أخي و إذا دخلت ب ليسانس راح تكمل العاميت تاوعك و تتخرج برتبة ملازم أول ( زوج نجوم ) و ليس ملازم ( نجمة وحدة ) هاذيك خاصة بأصحاب التكوين الأساسي

[luky]

كيف هي الحياة في الجيش
---------------------------------------------
صعبة بكل المقاييس

[djalloul-88]

فقط بالنسبة للتكون الأساسي درك راهي 5 سنوات
من قبل كانت عام تكوين عام وعامين في الكاديمية وعام تطبين ودرك ولات عام تكوين عسكري عام و3 في الأكاديمية يدي بيها شهادة ليسانس ال ام دي واول دفعة خرجت بهاد النظام في دفعة جوان 2012 وعام تطبيق صافي الكل عندك 5 سنوات تكوين اساسي وربي يسهل خويا
بالنسبة للتكوين الخاص كل مرة وواش يطلبو انت وزهرك بصح عادة الطلب يكون على الشعب العلمية الدبية نادرا ونادرا جدا نحكي لك على روحي ما نعرف حتى ضابط كان تخصص نتاعو ادبي اللهم شعبة الرياضة والله اعلم انت وزهرك ولا الأصح انت ومكتوبك
سلام

[Taki eddine 05]

أنت راك تسأل على الحياة في الجيش
و أنا نجاوبك خويا اذا الانسان راهو زوالي ومتخرج من الجامعة جديد ومالحقش باه يكمل الماجيستار والدكتوراه ، أنا ننصحو يتوجه للجيش مباشرة ومايشاور حتى واحد خاصة اذا وجد معريفة في التكوين الخاص نقولك اتوكل على ربي
اذا كان الشخص حالتو الاجتماعية ماهيش مليحة وماعندوش تجارة ولا مشروع خاص بيه وش راح نقولك أخي
راح تتخرج من الجامعة وش راح تلقى أمامك عقود الاستعباد تاع ماقبل التشغيل هذا اذا لحقت عليها
تروح تخدم في مؤسسة بزوج دورو ساعة يدخلو وساعة مايدخلوش
وزيد تلقى الرئيس تاعك شخص مستواه ابتدائي مايعرفش يكتب اسمو ويتمعلم عليك
حتى واذا رزقك ربي و تم ادماجك في منصب في الوظيف العمومي وش نقولك جميع القطاعات كيما تشوفو راهي متعفنة التعليم، الصحة، العدالة ...
راح تكمل عمرك كامل في المشاكل والاضرابات وحتى الراتب تاعك يكون راح يكون ضعيف جدا مقارنة برواتب الجيش
أما الجيش فيه امتيازات كبيرة مقارنة بباقي القطاعات : الراتب المحترم ، السكن ، السلطة ، التأمين ،.......
وليقولك المعيشة في الجيش صعبة قولو شكون للقاها كيما يحب لأنو حاجة مابقات ساهلة في البلاد هاذي
ويبقى كل واحد عندو رأي الخاص به.

[badir]

ترجمة مطلوبة في وزارة الدفاعععععععععععععععععععععععععععععععععع فرنسية وانجليزية

[أستغفرك ربي]

شكرا على المعلومات
واش رايكم في الأمن العسكري (الاستخبارات) قريت بلي يقبلو ليسانس في اللغات الاجنبية

[صمت الرجوله]

ربي يسهل للجميع

[akrabaddz]

بارك الله فيك ^_^

[mohamed1411]

أنا كرهت من هاذي المعيشة تاع السيفيل
عايشين غير مع الطحاحنة ألي يستشفتو فيك

أنا لوكان طيرلي بوليسي ندخل عسكري ندخل جمارك ندخل
عندي مستوى ماستر2 لوكان طيرلي جندي والله غيرا دخلت

كرهت من الجامعة ضيعت حياتي فيها
ومبعد تلقى روحك بطال
الملامة عليا انا برك

[amel46]

هل من جديد حول مدة التكوين لضباط الدرك الوطني هل سنتين أم 3 سنوات

[luky]

هل من جديد حول مدة التكوين لضباط الدرك الوطني هل سنتين أم 3 سنوات

ضباط الدرك
التكوين 3 سنوات بعد الحصول على شهادة جامعية ليسانس
اي المجموع 6 سنوات ليسانس ل.م.د
7 سنوات ليسانس كلاسيكي
التخرج ملازم * نجمة واحدة

[ضابط كبير]

دير في حسابك اصحاب تكوين خاص لامكنهم تجاوز رتبة مقدم او اقل منها ولايمكنهم تراس اصحاب تكوين اساسي من جهة اخرى يمكن لاصحاب تكوين اساسي ارتقاء الى جميع رتب و تراس اصحاب تكوين خاص و ضباط صف و رتباء بالاضافة الى فرق في راتب راتب تع تكوين اساسي اعلى من راتب اصحاب تكوين خاص