هل يمكن ؟

[مشكلتي]

السلام عليكم ورحمة الله وبركاته:

اتساءل هل يوجد امل اولا؟؟ كنت طالبة متميزة ومجتهدة في مراحل دراستي بالمتوسط ولكن لظروف انفصال والدي مررت بصعوبة تراجع مستواي الدراسي جدا حتى ياست من ان ارى الثانوية وقلت لن اراها حتى في الاحلام ولكن الحمد لله بفضل الله اكملت الثانوي حتى البكالوريا .الى ان عاودتني تلك المشاكل مرة اخرى لتعيقني عن اكمال مشواري الدراسي وتحقيق طموحي بالالتحاق بكلية العلوم الاسلامية .فانا اواجه صعوبة في استخراج بطاقة التعريف الوطني ....رغم ذلك فاني ذهبت لامتحان شهادة البكالوريا ببطاقة مدرسية .....لكن لظروف التي مررت بها لا يعلمها الا الله وما تركت في نفسي من الام وياس .جعلتني ارسب في البكالوريا ثم انفصلت عن الدراسة ومكثت في البيت والتحقت بحلقات التحفيظ بالمساجد ولكن حلمي مزال يراودني ولي رغبة في اعادة البكالوريا مرة اخرى... ولكن اريد ان اغير شعبتي من العلمية الى الادبية لعلي انجح فهل انا على صواب وهل يمكنني ان انجح فاني ارى اني كبرت على الدراسة عندما ارى صديقاتي تخرجن والان يدرسن ..... مع العلم ان عمري22 سنة فهل مزال يوجد امل؟؟ في حال ما غيرت شعبتي ؟؟

[abdelmalekmhdf]

السلام عليكم ورحمة الله وبركاته:

اتساءل هل يوجد امل اولا؟؟ كنت طالبة متميزة ومجتهدة في مراحل دراستي بالمتوسط ولكن لظروف انفصال والدي مررت بصعوبة تراجع مستواي الدراسي جدا حتى ياست من ان ارى الثانوية وقلت لن اراها حتى في الاحلام ولكن الحمد لله بفضل الله اكملت الثانوي حتى البكالوريا .الى ان عاودتني تلك المشاكل مرة اخرى لتعيقني عن اكمال مشواري الدراسي وتحقيق طموحي بالالتحاق بكلية العلوم الاسلامية .فانا اواجه صعوبة في استخراج بطاقة التعريف الوطني ....رغم ذلك فاني ذهبت لامتحان شهادة البكالوريا ببطاقة مدرسية .....لكن لظروف التي مررت بها لا يعلمها الا الله وما تركت في نفسي من الام وياس .جعلتني ارسب في البكالوريا ثم انفصلت عن الدراسة ومكثت في البيت والتحقت بحلقات التحفيظ بالمساجد ولكن حلمي مزال يراودني ولي رغبة في اعادة البكالوريا مرة اخرى... ولكن اريد ان اغير شعبتي من العلمية الى الادبية لعلي انجح فهل انا على صواب وهل يمكنني ان انجح فاني ارى اني كبرت على الدراسة عندما ارى صديقاتي تخرجن والان يدرسن ..... مع العلم ان عمري22 سنة فهل مزال يوجد امل؟؟ في حال ما غيرت شعبتي ؟؟
اختي ما دام هناك حياة فهناك امل انا لي صديق توقف عن الدراسة في السنة الاولى ثانوي
ثم عاد بعد ذلك و دلرس بجدو التحق بالجامعة و عمره 26 سنة و اكمل دراسته و هو الان استاذ ثانوي.
انا اتاسف لما اسمع عن ضحايا النفصال. و الله اني لاقدر حالك اختي ربي يعينك
المهم اعقدي العزم و عاودي الدراسة و ستنجحين باذن الله. اما عن تغيير الشعبة فانت و قدراتك اينما ترين انك قادرة على التفوق فافعلي.
ربي يسهلك اختي

[حفيظ حيدر]

السلام عليكم اختي توكلي على الله سنك يسمح لك بالدراسة لازلت صغيرة اجتهدي فقط كان الله في عونك

[* الحلم سكر *]

السلام عليكم ...
راح نعطيك مثال من الواقع .. أختي فوتت الباك عدة مرات و ما نجحتش و بقى في بالها تزوجت و انجبت طفلة و شجعها زوجها و فوتت الباك مرة اخرى تقريبا في عمر 32 ماشي 22 و جاباتو و دارت تخصص في مجال عملها و تخرجت و الحمد الله مع كل مسؤولياتها كان عندها ارادة

و نزيد نقلك الاسبوع الماضي كانت عندي صديقة رايحة ترسم استاذة عندما رجعت قاتلي راهي من مواليد 1968 ؟؟
و قالولها لي معانا هاديك حبست قرايتها في المتوسط و درست مراسلة حتى 3 ثانوي و جابت الباك و دارت تخصص أدب عربي و فوتت المسابقة و راهي اليوم أستاذة و تم ترسيمها الاسبوع الماضي

واش تــقولي انتي بالنسبة ليها كبيرة و الا صغيرة ...؟؟؟؟

:19: ينقصك الارادة برك يا الله يا اختي انشطي و تحفزي و فرحينا بنجاحـك رانا نستناو أخبار مليحة منك :19:

ســـــــــــــــلام

[imane-2020]

اختي القراي ما فيهاش كبير ولا صغير لعجايز وراهم داخلين يقراو في محو الامية فما بالك انتي ب22 سنة
مادام عندك ارادة ومازلتي قادرة غير عاودي ربي يوفقك ويكون معاك وكاين بنت عمتي تزوجت وجابت طفلة وتطلقت بنتها ولات 13 سنو خممت هي تعاود الباك
بعد 14 سنة وهو مطلقة واداتو ودارت تاريخ وتخرجت العاقبة ليك ان شاء ربي يسرلك ويسدد خطاك

[امينة111]

22 مزالك صغيرة تقدري تعاودي بالمراسلة وتجيبيه وتحقي حلمك ان شاء الله

المهم تكون عندك ارادة وزيد طلب العلم معندوش سن محدد

مالا توكلي على ربي وعاوديه وان شاء الله تجيبيه

[sali-sali]

السلام عليك اختي
مدام عندك ارادة وامنية تودين تحقيقها..فادرسي لكي تحققي حلمك ، ولا تدعي المشاكل تعيق طريقك
ربي يوفقك

[ناشدة السؤدد]

أنت في عمر الزهور يا أختي

اذا لم يكن وقت الشباب وقت العمل و الجد فمتى يكون؟

فرد من الأقارب أعاد البكالوريا و عمره 36 تخرج في 39 ـ حقق حلمه و هو الآن يعمل و مرسم عند الحكومة

تريدين العلم الشرعي و ما أحسن ما اخترت

شويا عزيمة و توكلي على ربي

أما عن تغيير الشعبة اذا كنت قوية جدا في المواد الأدبية نعم و لكن لا تنسي في الثانوي درسوا ثلاث سنوات كلها مواد أدبية من فلسفة و لغات يعني منظومة متكاملة بالتدريج

و لا أدري ربما يمكنك تدارك الأمر اذا كنت تحبين الأدب و مواد شعبته

و الله ولي التوفيق لما يحبه و يرضاه

السلام عليكم

[manita]

اختي ربي يههديك حاجة باينة تقدري وعلاش لا توكلي على ربي وادعي ربي يسهلك ما زلت صغيرة اييييييييييييييه قداه من واحد كمل قرايتو وهما كبار وخرجو من الجامعة وحكمو بلايصهم كل شيء ممكن نتي برك احكمي في ربي وادعيه خاطر كلش او في يد ربي هو الى يسبير فيه هده كل مجرد اسباب قداه من واحد سوفرا في حياتو من فقر..............ودرك راهم اطباء فقد الارادة والدعاء ربي يوفقك يا رب توكلي على ربي وابداي ما زلت صغييييييييييرة

[manita]

وعلى الشعبة ننصحك ديري استخارة خلي ربي هو الى يخيرلك بالتوفيق يا رب

[amine0007]

يا أختي مادامك حابة تختاري شريعة اسلامية فالافضل ان تختاري شعبة الاداب لانها سهلة ماعليكي الا بالحفظ وربي يوفقك في مسيرتك

[أمة الله 12]

لا يأس مع الحياة

توكلي على ربي

تقدري تنجحي ف بكالوريا أدبي و علمي و كيما تحبي انتي

المهم بذل مجهود

[nor guiri]

توكلي على ربي ومدام الحيااة تمشي فهناااااااااااك دائما امل

[mitrochka]

بالتأكيد ممكن
توكلي على الله تعالى
و بالتوفيق

[sstolga]

نعم مزال هناك امل حتى لوكان عمرك 100 سنة ف رسول الله صلى الله عليه وسلم قال اطلببو العلم من العلم الى اللحد اي من يوم تولد الى يوم تموت

[لجين93]

السلام عليكم
لا اختي ابدا بامكانك الدراسة و النجاح في البكالوريا
و كاين الكثير من الاشخاص نعرفهم في الثلاثينات و الاربعينيات و مزال يقراو في الجامعة
المهم ربي يوفقك اختي
و ربي يحققلك امنيتك

[منهاج]

السلام عليكم

العلم ما عندهش سن معين عاودي الباك وقري وكي تدخلي المعهد الاسلامي او الجامعة تلقي روحك متوسطة في العمر ما كي صغيرة

وما كي كبيرة

[hassilakhdar]

اللهم أرزقها زوجا يغنيها مشقة الحياة

[الفاتحة]

حياك الله بنيتي
تستطعين باذن الله ، فعلها كثيرون قبلك ونجحوا بالتوفيق.

[woofa]

أنا عاودت الباك خمسة مرات والمرة السادسة نجحت بمعدل 10,09 كان عمري 23

قريب منجحتش قريت بيه فالجامعة وتخرجت وقعدت شهرين فالدار ولقيت خدمة روووووعة والشهرية كبيرة

عامين ونص شريت سيارة الناس كامل والجيران كانو يضحكون وقالو ماشي تاع قراية

وانا بسبب مشاكل نفسية منعتني من الدراسة

وعاودت الباك العام الماضي عمري 29 سنة وراني نقرا فالجامعة سنة اولى ونخدم

وماخصني والو

المهم لا تستسلمي وماتسمعيش كلام الناس راكي تهبلي

انا كانو يضحكو عليا والان صارو يحسدوني على وش عندي

المهم انا مااستسلمتش وربي فرج عليا الحمد لله

نصيحة ماتغيريش الشعبة افضل لانك رايحة تقراي من الصفر على الاقل عندك فكرة على البرنامج تاعك

نصيحة من مجرب فكري في الامر مازلتي صغيرة لازم تنحي التوسويس من راسك

الباك ساهل انا ندمت لاني عمرت راسي بمشاكل تافهة لكن قدر الله وما شاء فعل

راني مليحة البنات لي نجحو فالباك قبلي راهم بلا خدمة وانا ديت الباك بعد التخرج تاعهم وراني خدامة

والحمدلله

[انغام المنى]

اكيد مزال الامل معاك ربي ان شاء الله

[المنديل الابيض]

مادام عندك هذي الارادة و التصميم و كل هذا الطموح و علاش لالا
ما تشوفيش للظروف الناس كامل عندها ظروف و يمكن اصعب من ظروفك و مع هذا ما منعهمش من تحقيق طموحاتهم بالعكش هذا دافع قوي للتخلص من الظروف الصعبة
توكلي على ربي
ربي يوفقك