تسجيل الدخول

مشاهدة النسخة كاملة : شكر خاص لأختي الوهرانية

kawthar1983
2013-05-11, 19:16
ولله كلمة الشكر قليلة في حقك أختي الوهرانية راني جربت الحريرة ديالك واش انقلك في الحقيقة كنت انديرا و عمري ما كنت راضية على النتيجة و وليت نكره اندرها حتى جربت la recette ديالك و ما نحكلكش على الكارثة لى كنت اندير مع الكرنتيكا هههههههههه ولله كان يجيني مخلوق غريب مشي كرنتييكا و يعجبك زوجي ايموت عليهم وأنا مشاء الله كل مرة أبدع في الكوارث أف الحمد لله ربي بعثك ليا ربي يحفضك و يسترك و يعطيك ما تتمناي قولوا آمين راني جربت مطلوع الصاشي و المسمن دياك تاني جاوني روعة و كل مرة أنجرب حاجة راني أنقوك ربي يحفضك:19:
أم ياسين الزهراء
2013-05-11, 20:15
انت يعطيك الصحة والوهرانية عندها اجر في كلشي تمدو ربي يعطيها على قد نيتها
kawthar1983
2013-05-11, 20:43
آمين يارب ربي يحفظها و ويحفظك حبيتي شكرا على مرورك العطر
*نآدرة~
2013-05-11, 20:51
ايه صح ربي يحفظها ويخليها ويعطيها واش راهي متمنية
انا نهار درت لامونتها نخلعت والله غير خرجتلي خير من لي تتباع برة ثم عرفت بلي هي مبدعة وتستاهل وسام الابداع هنل في المنتدى،والشيء لي ميزها انها ماتبخلش تمد كل شيئ تعرفو
ربي يجزيها
حتى انت خرجت فحلة راكي كل مرة تجربي وزيد شكرتيها الحاجة لي حنا مادرناهاش من قبل
شكرا ليك وبزاف ليها
kawthar1983
2013-05-11, 21:08
ربي يحفظك أختي الحبيبة يقال من لم يشكر الناس لم يشكر الله ومن علمني حرفا أصبحت له عبدا بصحتك لمونة أختي حتى أنت رائعة بارك الله فيك
الوهرانية 1
2013-05-11, 22:53
اختي الغالية كلامك شرف ليا والله خجلتيني انتي والاخوات بكلامكم الزين
ادا انتي قلتي كلمة شكر قليلة في حقي انا نقولك فكرة بسيطة ماشي خسارة فيكم
وانا في خدمتكم وراني هنا نجاوب على تساؤلات الاحبة ونساعدهم
شكرا حبيبة على الالتفاتة اما الشكر متشكرنيش هدا واجبي اتجاه منتدى نحبو واتجاه اخوات راني نتعلم منهم ويتعلمو مني
سلامي ليك
kawthar1983
2013-05-12, 12:29
سلام أختي الغالية الوهرانية و لله التواضع من شيم الكبار و أنت فنانة وكبيرة في مقامك و الأخوات في المنتدى شاهدات على ما أقول بارك لله فيك ورعاك وعد مني أنطبق جميع وصفتك بإذن الله وبالمناسبة راه عندي جارتي من وهران الباهية على وشك ولادة إن شاء الله راني نشوف في بعض من حلوياتك رائعة هكذا نديرلها سنيوة شابة راك تعفري بحكم الغربة حنا الجزئيين نحبوا نعاونوا بعضنا ابعض ربي يحفضك
الوهرانية 1
2013-05-12, 13:49
شوفي حبيبتي في هاد الرابط تلقي اطباق نفاس
وتلقي التقنتة والرفيس مشاهدة طيبة
http://www.djelfa.info/vb/showthread.php?t=1271021
kawthar1983
2013-05-12, 14:02
شكرا حبيبتي