اللي عندها غسالة كوندور تنصحني

[ام محمد اصيل]

السلام عليكم واش رايكم في غسالات كوندور الاوتوماتيك هل فعلا مليحة لاني حابة نشري واحدة واحترت اكثر في الاسعار فهي نار ما عدا منتجات كوندور فهي في المتناول ونصحوني بيها فهل عندكم نفس الراي ساعدوني .......................:sdf:

[maman de amir]

سلام أختي أنا عندي غسالة samsung 7kg و فيها les touches automatique و الحق هايلة و سعرها معقول أنا شريتها 19000 ، وكاين لي يبيعوها 18000 أو 20000 .

[ام محمد اصيل]

:confused:وحدة ما عندها غسالة كوندور

[ام محمد اصيل]

سلام أختي أنا عندي غسالة samsung 7kg و فيها les touches automatique و الحق هايلة و سعرها معقول أنا شريتها 19000 ، وكاين لي يبيعوها 18000 أو 20000 .

شكرا اختي هذي اللي تهضري عليها بلاستيك وانا باغية واحدة حديد

[hassina2]

انا عندي وحدة بلاستيك 12 كغ هايلة اختي نغسل فيها كلش حتى الافرشة والاغطية والصوف ايضا وفيها مضخة وفلتر

[ام انيس2]

اختي الكريمة انا عندي غسالة كوندور 8 كلغ والله العظيم راهي هايلة منحية عليا الغبينة راني شريتها لعد ما شفتها عند وحدة حبيبتي وهي تاني شكرتهالي بزاف
ما تخافيش منها راهي مليحة بزاف

[hidayet]

condor mliha we kayen la piece ta3ha

[أم عبد الرحيم1]

شكرااااااااااااااااااااااااااا لكن اخواتى

[ام نهودة]

انا عندي كوندور 6 كيلو و الله روعة تغسل وتشل وتعصر وحدها

غير اعتمدي حبيبتي

[أم تسنيم ومعاد]

اختي الكريمة انا عندي غسالة كوندور 8 كلغ والله العظيم راهي هايلة منحية عليا الغبينة راني شريتها لعد ما شفتها عند وحدة حبيبتي وهي تاني شكرتهالي بزاف
ما تخافيش منها راهي مليحة بزاف


الله يرضى عليك يا أختي ...بلا ماشينتك تتشبه للمشينة هاذي جاوبيني ، راني حابة نشري كيما هي وقالولي مليحة بزاف خير من السامسونج .

http://www.appliancesonline.com.au/images/PRODUCT/medium/1988.jpg
http://http://www.appliancesonline.com.au/images/PRODUCT/medium/1988.jpg

[eglwach47]

نصيحة لك أختي من خبير في أجهزة الكندور
خردة بأتم معنى الكلمة وعلى مسؤوليتي إن عملت 4 سنوات بدون عطل فهذه معجزة
أنصحك ب arthure martin أو samsung فهي الأفضل وعمرها بين 8 سنوات إلى 14 سنة غير الكندور من 1 سنة إلى 4 سنوات يعني فرق كبير

[الاصالة]

السلام عليكم ياختي انا حوايجي كامل كوندور والله لعمر حبسوا تليفزيون وديموا والفريجيدار وتليفزويون بلازما وماشينا اتوماتيك راه هايلة استحفضي بيها راه تنحي الهم شريتها تقريب اربع سنين واله ابارك ماعندي مانقوللك الا اذا بلوا فيههم الله اعلم

[ام كيكو]

انا عندي وحدة تاع 08 كلغ شريتها عندي عام تعسل مليح

[جانوا]

عندى ماشينة 08 كيلوا منحية عليا الغبينة و يحيروني عندما يقولوا كوندور ما هوش مليح لانه في متناول الجميع من ناحية السعر كل اجهزتي المنزلية كوندور احمد الله

[fatijijel]

اتمنى ان افيدك عندي pc كوندور والله هايل و كيما سمعت منتجات كوندور مليحة و الماشينة اللي عندنا arthure martin ماللي شريناها عشر سنين و عمرنا ما شكينا منها لكن اتكلي على ربي وخممي و اشري

[دائمة الحمد]

شريتها عندها 5 سنوات نغسل فيها يوميا وساعات مرتين في النهار راهي روعة غير اشريها ومبروكة عليك

[zahra rose]

نتمنى من الاخوات الفضليات يساعدوني على طريقة تشغيل هذي الة الغسيل http://www.appliancesonline.com.au/images/PRODUCT/medium/1988.jpg لانني بحاجة ماسة لمساعتكن واتمنى من الله يحفظكم ويعطيكم ما تتناهن ان شاء الله

[nina1616]

سلام الاخت
انا عندي وحدة الحق مليحة وتغسل ترفد 8كيلو تغسل وتعسر وتنشف هايلة كا ما تغسلي حوايج ندعيلها بصح ما تنسايش حاجة نوع الماء والغاسول يلعب دور مهم سلام الاخت

[inaas]

انا عندي كوندور 6 كيلو و الله روعة تغسل وتشل وتعصر وحدها

غير اعتمدي حبيبتي

معليهش اختي نسقسيك… .اختي شرات مشينة كيما نتاعك جديدة و لكن قاتلي تفرغلي الاومو كتفرغ الماء من اول مرة وهي مزال مغسلتش مليح ،تقدري تشرحيلي وين تحطي الاومو و اذا نتاعك تاتي تدير هكة افيديني ربي يعيشك و شكراا

[Oume nesyba]

انا كل الاجهزة ديالي كندور معندي مانقول فيهم مشاء الله

[ام مريم الجزائرية]

يا اختي ماننصحكش بيها راهي كارثة شريتوحدة راهي معدبتني كملت عام خسرت 3 مرات بلا كي جبتها كانت تقطر اشري lg هايلة ندمت اللي شريتهاوزيد تبطا باه تغسلي بالماء السخون 3 سوايع ونص والان راهي حابسة ونخدم بتاع البلاستيك ربي يفج ونشري اخرى

[أم شاهين]

انا اشتريت غسالة كوندور نتاع 6 كلغ وهي تسخن الما وحدها لكن عندي مشكل انو لازم ندير لانستالاسيون تعيشو لي عندها غسالة تتفتح من فوق وما فيهاش لانستالاسيون تقولي كيفاش تفرغلها الما بارك الله فيكم

[خفيفة الظل]

السلام عليكم

انا شخصيا جربت اجهزة كوندور وكلها سيئة ولا انوي شراء اي منتج منها في بداية زواجي اشترينا كل الاجهزة من كوندور والان بعد 3 سنوات كلها بها مشاكل

[راجية غفران ربها]

و واش رايكم في غسالة الاواني و ميكرو اوند كوندور من فضلكن

[اية الحسناء]

الى عندها ماشينا تاع كوندور 8 كغ حبيت انسقسيك ادا اتسمعيها تخبط كتغسل اتعيشى جاوبينى رانى حايرة

[ايمان بن جيلالي]

السلام عليكم انا شريت غسالة كوندور 12كغ اوتوماتيك اللي عندها نفس النوع تنصحني كيف تغسل جيدا و كمية او طريقة وضع مسحوق الغسيل و فيها خا صية fcs معرفتش واش دير

[Oum Chanez et alaa]

ana andi ghir condor fi dari, rani fi 9 ans de mariage ...koleche hayel... tahya condor..

[تجانية نورة]

انا عندي غسالة كندور واختي عندها غسالة كندور لمدة عام وهي مليحة وبعد اصبحت تغسل ولكن وتنشفش الملابس وكذلك غسالة اختي .اختي خدمتها عند كندور باطل واصبحت مليحة وانا مزالت ماخدمتهاش

[المهاجرة لربها]

بصراحة انا لا ادري ما اقوله لك حسب ما املك من ادلة عن الة الغسيل التي تملكها اختي هي ماركة condor لكن للاسف هي الان تعاني بسببها بعد عام بالضبط من استعمالها كان هناك مشكل بها ان هذه الالة لا تصرف المياه من انبوب الصرف عند القيام بشطف الغسيل و لحد الساعة هي تعاني من هذا المشكل الا اذا قامت بتفكيك بعض الاجزاء من بعضها و الوقوف امامها لوقت طويل حتى تتمكن من صرف الماء المخزن بها

بالنسبة لالة الغسيل التي انصحك بها هي samsung الاوتوماتيكية في البيت انا من اغسل و اشرف عليها ماشاء الله عليها توفر عني الكثير من التعب و سهلة الاستعمال الله يحفظها لي يا اختي لذا من وجهة نظري افضل samsung على condor و الله اعلم هذا حسب رايي

وفقك الله اختي و حقق مناك

[نار الشوق]

كاين بزاف لي قالولي خطيك من كوندور في كلشي

[اسحاق عز]

اختي الكريمة انا عندي غسالة كوندور 8 كلغ والله العظيم راهي هايلة منحية عليا الغبينة راني شريتها لعد ما شفتها عند وحدة حبيبتي وهي تاني شكرتهالي بزاف
ما تخافيش منها راهي مليحة بزاف

اختي الكريمة انا عندي غسالة اوتوماتيكية نوع كوندور و 8كلغ و كي نرقلها على 10 توصل ل5 تعاود تصب الماء و ماتعصر ليش نهائيا هل اجد عندكي حل و ااشكر مسبقا لكي