الشاطرة تدخل ..................... مرحبا

[شموخ امرأة]

:dj_17::dj_17::dj_17::dj_17:السلام1:1::1::1::1::1: :1::1::1::1::1::1:
اهلا وسهلا بكن وشكرا على تلبية الدعوة راني عارف بنات بلادي شاطرات وكل صبع بصنع حبيت نستفيد من خبر لعند كل واخت هذا موضوع ليس بالجديد لكنه قديم متجدد كل اخت تدخل تفيدنا بحكمة او عفس هههه او طريق لتسهيل عمل ما مثل التنظيف الطبخ في تحضير الحلوياة :19::19::19::19:تبانلها عادية لكن الكثيرات يجهلنها :confused::confused::confused:وانا شخصيا استفدت من مثل هذه المواضيع:D:Dولكن دعاء خير من كل مستفيدة وانا اولهن وشكرا ارجو التفاعل :1::1::1::1::1:

[شموخ امرأة]

انا اول الشاطرات هههه اذا كان عندك ابريق شاي او قهوة وتغير لونه من كثرة الاستعمال ضعي فيه قليل من جافال مع ازيس و ضعيه يغلي على نار من بعد اغسليه عادي وسوف تلاحضين الفرق حبيت نكون اول مستفيد من الدعاء ههههههههه

[*ملاك الليل*]

شكرا على الموضوع

[شموخ امرأة]

واش قلت بنات بلادى شاطرات دخلت 80 وحدة ماكانش لفادتنا بكلمة هههههه

[شموخ امرأة]

شكرا على الموضوع

شكرا لكي على تعطير الصفحة بمرورك الكريم

[crystale49]

موضوووووووع راااااائع

[ماجدة4]

عندي نصيحة مفيدة جدا

ماتعبيش روحك تحكي في بلا ولا كسرونة تاع حليب ولا اي قدرة لاصق فيها الطياب غير شمخيها برك وبداي ببوشون تاع قرعة حطيه متلا فالبلا وبداي حركي فيه كانو حكاكة الماعن وناكدلك انك تكملي تنظيف البلا بلخف جربوها

وادا حابة تغلي اي خضر فوريهم احسن بعد ماتقفلي مليح الخط الي بين الكسكاس والقدرة باش البخار يطلع كامل للفوق مايخرجش من الجوانب وماتنسايش تغطي الكسكاس وان شاء الله تتحصلي على خضر طايبة اسرع من انك تغليها و بنينة تاني ومافيهاش ما خاصة ادا حابة تغلي اي خضرة باش ترحيها قشريها وحطيها تفور وماعليك غير ترحيها خير ماتحصلي فالتقشير وفايدتها كامل تروح فالما .

[soumaia233]

انا عندي نصيحة الي حابة تغسل مواعين الطيفال تحكهم بالسينيال لي يلعبو بيه الاولاد في الاعياد ان شاء الله تعرفوه ديروه في صابون لافيرج الحجرة وبعد اغسلو مواعينكم تتحصلو على لمعان ومواعين جديدة المواعين هي البرمة كسكاس الطاوة الى اخره

[آلاء النايلية]

نصيحتي اديتها من المنتدى كي تكملي التسياق ديري ما فيه خل وانا نزيد الارض ندير فيها الصانيبون و امسحي بالجفافة و ذاك الما و الخل تخرج تبرق و ريحتها مليحه

[صابرة2013]

ادا فاض الحليب فوق الفرن و تحرق رشــي ملـــح و خليه من يكون عندك
وقت نظفيه راه ميتعبكش

ادا معندكش روبو يفرم اللحم ساهل دخلي هبرة تاع اللحم في كونجلتور من تجمد شوية رابي في لراب تاع جزر أو بطاطا

[رانيا لوك]

الماعن نتاع النحاس حكيهم بالرمل والنتيجة ولا اروع

[شموخ امرأة]

ادا فاض الحليب فوق الفرن و تحرق رشــي ملـــح و خليه من يكون عندك
وقت نظفيه راه ميتعبكش

ادا معندكش روبو يفرم اللحم ساهل دخلي هبرة تاع اللحم في كونجلتور من تجمد شوية رابي في لراب تاع جزر أو بطاطا

أيا ادعلي ربي ينجح ولدي و يحفظه


الله ينجح وليدك واولاد جميع المسلمين امين

[شموخ امرأة]

الله يحفظ كل اخت فادتنا ويحققلها ما تتمنى قولواميييييييييييييييييييييييييييين مازلنا ننتظر في الشاطرات

[آمال أم]

شكرا على الموضوع ولكن حبيت نبه كل الأخوات إلى معنى كمة شاطر
(الشاطرُ من أعيا أهله خُبثاً) أي أتعبهم !
"القاموس المحيط للفيروز آبادي"
قال أبو إسحاق: وشطر عن أهله شطرواً وشطورة وشطارة
إذا نزح عنهم وتركهم مرغماً أو مخالفاُ وأعياهم خُبثاً والشاطرُ مأخوذ منه
وأراه مولداً وقد شطر شطوراً وشطارة وهو الذي أعيا أهله ومؤدبه خُبثاً
قال أبو إسحاق
قول الناس فلانٌ شاطرٌ معناهأنه أخذ في نحوٍ غير الإستواء ولذلك قيل له
شاطر لأنه تباعد عن الإستواء) !
"لسان العرب لابن المنظور"

(الشاطر : الخبيث الفاجر) !
"المعجم الوسيط"
أرأيتم معي إلى رداءة معناها وفظاعة مرماها !
أنرضى بعد ذلك أن ننعت أحداً أونُنعت بكلمة (شاطر) !
ولا بدّ أن يدفعنا ما سلف بيانه إلى تركها واستبدالها بكلمات صحيحة
المعاني وعباراتٍ سليمة المرامي كأن نقول
فلانٌ (ذكيّ) ، (نبيهٌ) ، (ماهرٌ) ، (عبقريٌ)
منقول للفائدة

[رتيبة عبدو]

لرائحة نظافة دائما في البيت استعملي بخاخة مملوؤة ربعها صابون سائل للاواني وملعقتين جافيل قاطع والباقي ماء وعند التنظيف اليومي رشي على البقع وامسحي بقماش من القطن ناشف ماشي مبلل راح تختفي البقع وتبقى الرائحة زكية مكانها رشي في المطبخ في الحمام فرغي الادراج رشي امسحي ورجعي الاغراض مكانها راح تبقى رائحة الصابون السائل لمدة طويلة خاصة ان كان من نوع فراولة او ليمون رشي في كل ارجاء البيت وامسحي سيكون بيتك منتعشا برائحة النظافة دائما

[أم تسابيح]

السلام عليكم

ضفي القليل من المايزينة للحم المرحي الذي نستعمله للدولمة او المثوم مكان البيض (ليتماسك) تجي بنينة خير من اللي نديروها بالبيض .

[شموخ امرأة]

شكرا على الموضوع ولكن حبيت نبه كل الأخوات إلى معنى كمة شاطر
(الشاطرُ من أعيا أهله خُبثاً) أي أتعبهم !
"القاموس المحيط للفيروز آبادي"
قال أبو إسحاق: وشطر عن أهله شطرواً وشطورة وشطارة
إذا نزح عنهم وتركهم مرغماً أو مخالفاُ وأعياهم خُبثاً والشاطرُ مأخوذ منه
وأراه مولداً وقد شطر شطوراً وشطارة وهو الذي أعيا أهله ومؤدبه خُبثاً
قال أبو إسحاق
قول الناس فلانٌ شاطرٌ معناهأنه أخذ في نحوٍ غير الإستواء ولذلك قيل له
شاطر لأنه تباعد عن الإستواء) !
"لسان العرب لابن المنظور"

(الشاطر : الخبيث الفاجر) !
"المعجم الوسيط"
أرأيتم معي إلى رداءة معناها وفظاعة مرماها !
أنرضى بعد ذلك أن ننعت أحداً أونُنعت بكلمة (شاطر) !
ولا بدّ أن يدفعنا ما سلف بيانه إلى تركها واستبدالها بكلمات صحيحة
المعاني وعباراتٍ سليمة المرامي كأن نقول
فلانٌ (ذكيّ) ، (نبيهٌ) ، (ماهرٌ) ، (عبقريٌ)
منقول للفائدة


شكرا على النصيحة معلومة كنت اجهلها

[شموخ امرأة]

:19::19::19::19:صحاااااااااااااااااااااااااااااااا اا فحلات بنات بلادي مازلت نستنااااااااااااا في الجديد .........................;););););););)

[شموخ امرأة]

هاني جيتكم بفكرة جديدة حثالت القهوة نستعملها لغسل اواني ليفيها البيض باه مايديرش الريحة

[رتيبة عبدو]

امسحي الزجاج والمرايا بالخل الابيض وقطعة قماش الجينز لبريق ولمعان لااااااااايصدقsize="7"][/size]

[شموخ امرأة]

امسحي الزجاج والمرايا بالخل الابيض وقطعة قماش الجينز لبريق ولمعان لااااااااايصدقsize="7"][/size]

بارك الله فيك على المرور الطيب واتمى مزيد من التفاعل لمزيد من الفائدة وشكرا

[kika85]

انا تان شاطرة ونقولك على فكرة مليحـة
كي تتحرقلك طنجرة او طبسي وما يحبش يخرجلك هاداك الحراق حكي المكان المحروق بحجرة سكر بصح لازم يكون الاناء ناشف باش ما يتشمخش السكر
جربوها وردولي بالخبر احرقو كامل الاواني تاعكم وجربوها هههههههه

[besmella]

موضوووووووع راااااائع

[oum radja]

السلام عليكم
اذا درتي عجينة فيها الخميرة و كنتي عجلانة دخليها في الفرن و شعلي المصباح الموجود في الداخل

[oum radja]

باش تنقي ابريق الشاي من السواد اللي من داخل ديري فيه صابون تاع الماشينة و الماء و خليه يبات ليلة كاملة

[ام مريم اسراء]

رآها جات ام مريومة الشطيرة
بالنسبة للحلويات الي تطبيعها مثلا بطابع أو قاطع لميس ،،،، حطي سأشي الي يتبعا روبوت نتاع الطالبة ،، خطيه فوق العجينة و حلي بالحبال و إذا وصلتي للسمك المرغوب آبادي اطبعي فوق الساشي باش تحيك الحبة بونبي خاصة القاطع الي يتطلى بالغلاساج أو الشوكولاتة
و بالنسبة لتنظيف البيتاغاز رشي البيكاربونات خاصة على عيون البتغاز و رشي الماء و حكي
بالنسبة لتعبير خزانة ملابسه جيبي قماش تول و حطي فيه كمشه أرز و رشي عليها العطر نتاعك و خطئها في الخزانة
بالنسبة الليمون اعصريه و احتفضي بيه في مول مربعات لإغلاق و اجبدي نفس الشيء بالنسبة القارس
و لي عودة لازم تشجع وني شوية هههه

[kika85]

نزيد نعطيكم افكار اخرى
الطماطم المصبرة باش تخبيها في المجمد وما تيبسش خلطيها مع شوي زيت وحطيها في علبة بلاستيك وخبيها في المجمد وكل ما تستحقي تستعمليها اجبديها راح تلقايها ما زالها طرية
لمسح المرايا امسحي بالمناديل الورقية رايحة تخرج هااااااااايلة وتبرق
حتى تنحي رائحة الثلاجة ورائحة الخضر الي فيها حطي كمية من لافاني في غلاق كاش قرعة وحطيه في الثلاجة رايحة تتنحى كاااامل الريحة

[zineb hanifa]

عند غلي البيض اضيفي ملعقة صغيرة من الملح اوالخل للماء فانه يمنع تشقق البيض وكذلك يسهل عملية تقشيره.

[بنت الجزاير الغالية]

موضوع راااااائع أم عبد اللطيف
عند غليان البيض أرمي معاه عرف زلاميت راح يمنع تشقق البيض
عند غسل الثلاجة ضعي في صحن صغير طرف تاع فحم راح يزيل أي روائح غير مرغوب فيها
لتعطير خزانة الملابس بللي قطنة بمعطر الملابس و ضعيها في بواط و خليها مفتوحة و كل ما تفتحي الخززانة راح تستنشقي الريحة الطيبة
عند فتح علبة تونة الزيت ما ترميش هذاك الزيت فرغيه في بولارة و كي تحبي تديري شكشوكة بيض شكشكيها بهذاك الزيت منها تجيك بنينة و منها تستغلي هذاك الزيت
كل ما نتفكر حاجة نرجع نكتبها