كلامكم يهمني

[مشكلتي]

السلام عليكم

ان شاء الله كل اخوتي بخير و بارك الله فيكم مسبقا الله يفتح على كل من يرد علي و لو بابتسامة

اخوتي انا اعيش في صراع لا يعلمه الا الله و اعلم انه من نفسي انا اكن ودا لزميل لي كان يدرس معي و افترقنا بعد الدراسة و لكن لازلت اكن له هذا الشعور و الله والله حاولت اكثر من مرات على نسيانه لم استطع و عندما ياتي او اسمع بان شخص يريد ان يتقدم لي اشعر بالحزن ولا اود ان يتم الامر و هو كذلك و الان عادت الامور كالاول هناك شخصين يريدون خطبتي و الله حكمني قلق و احسن اني منزعجة و اتذكر زميلي لا اعرف ماذا افعل و اتمنى لو كان الخاطب هو على فكرة هو يريدني لكنه لا يعمل انا في مفترق طريق اتمنى ان تنصحوني و كيف لي ان انساه هذه و مضى على دراستي حوالي 5 سنوات و لم انساه ابدا و اتمناه في الحلال
ربي يبارك فيكم والله انا حاشرة و الان عندي عرضين للزواج لم استطع ان احرك ساكنا و انا لا اكلم زميلي الا مرة في 6 اشهر بالصدفة في النت و نتكلم في مواضيع عامة حول العمل و غيره
نتمنى نلقى منكم الجواب الشافي

[nouna l maghbouna]

حاولي تنسايه ماتخميش فيه كي تتفكريه اشغلي نفسك بحاجة اخرى
اذا كان مكتوبك يجي المهم انتي شوفي حياتك و ادعي ربي يكتبهولك
ربي يوفقك

[~ ســارة ~]

يا خاااااه واش راه صاير .......تقول راني في كوكب الاتراك
يا بنتي لي يخطبك لول هو الرجول و لي بعيد خليه يعد النجوم

[doba]

ربي هنيك أختي مستقبلك أفضل

[منهاج]

السلام عليكم

اقبلي بالحاضر خلي الغايب

[سراب06]

السلام عليكم

عزيزتي الاحساس شيئ جميل في الانسان ......
لاكن الاجمل منه هو تحصينه بالعقل .......
استعملي عقلك واجيبي على هذه الاسئلة بينك وبين نفسك
هل هذا الشخص قادر الان على فتح بيت وتحمل مسؤولية اسرة ؟
اذا كانت الاجابة بنعم لماذا لم يتقدم للان؟
اذن عزيزتي الحياة تستمر وصدقيني بمجرد الارتباط بالشخص الكفء ستنسين الماضي وربما ستقولين الحمد لله اعط فرصة لاحد المتقدين وتحكمي قليلا في عوطفك
وريحي بال والديك الاكيد راهم حايرين فليس كل ما يتمناه الانسان يناله رب معاك تقربي اكثر من الله والايام كفيلة بالعلاج اسعدك الله وهنأ بالك

[loufa]

حبي اللي يحبك بالحلال
احسبيها بعقلك ماشي بقلبك السيد مايخدمش والزواج مسؤولية ومصاريف كبيرة واللي يجي يخطبك يعني يبغيك يكفي انو خيرك من بين البنات أما الآخر مسكين ربي يفرج عليه بلاك يبغيك مي ميقدرش وانتي مرا متقدريش تستناي عمرك كامل فيه وحتا وتصبري اهلك ميقبلوش
وعن تجربة الحب يأتي بعد الزواج والعشرة الطيبة واقصد بعد الزواج في الخطبة يبدأ وتعيشي أحلا أيامك لأنك بالحلال ومتخافي حتا من شئ
ربي يوفقك

[bibicha]

عزيزتي ديري في بالك حاجة الزواج مسؤوليه و الراجل لي ماشي خدام باش يعيشك؟و زيد ديري في بالك راكي تكبري و ربي يكبرك على الدين و الطاعة ان شاء الله و تعرفي كل ما المرأة تزيد في السن راهي فرصها في الزواج تقل اتكلي على ربي سبحانه و صلي استخارة و اقبلي بلي راه جاي يطلب يدك من والديك و ما تطلقيش في يدك باش تحكمي واش كاين في الغار
نقولو هاذ الانسان يجي يخطبك وقتاش؟و اصلا هل راه دايرك في بالو؟راكي تقولي تتكلمو خطرة بالسة اشهر و بالصدفة في النت يعني ماراكمش فوق نفس السكة استهذي بالله يا اختي و شوفي لي يخرج عليك و يفرح والديك و متبقايش متمسكة في احلام وهمية راه يجي نهار و تندمي
اصلا ماكانش علاقة بيناتكم نتي و زميلك من غير انو زميل و باش تنسايه ما عليك غير تتقربي من ربي سبحانه و تعالى و صلي كثيرا و ادعي لكن انا نشوف انو باش تبقاي متمسكة بعلاقة من طرف واحد فإعلمي ان بابها مسدود يا اختي الله يسعدك و يهنيك

[mira mira02]

انسيه اختي الكريمة ربي يعوضك خير ان شاء الله

[~~ أغيلاس ~~]

أختي الصغيرة أنت تعيشين أوهام الحب و أحلام اليقظة،

الواجب في حقك كمسلمة قطع الاتصال به مباشرة،

أنت تعصين ربك و تخونين نفسك و أهلك،

مرانيش عارف المجتمع اللي رانا فيه،

الأمهات و حتى بعض الآباء يعلمون أن بنتهم تكلم خطيبها ( بالأحرى عشيقها أو صديقها ) الذي لم يدخل حتى عتبة باب المنزل ( خطبها من نفسها في الشارع أو الجامعة ) و راضيين،

وش من دياثة هذي ؟؟؟؟

وين رانا واصلين ؟

ــــــــــــــــــــــــــــــــــــــــــــــــــ ــــ

ياو اخطيك من لجياحة،

ابعثيلو رسالة أخبريه فيها انه يُتقدم لخطبتك و اهلك سيزوجونك و شوفي ردة فعله، إن أسرع بإحضار أهله لخطبتك ( ماشي زواج يمدو الكلمة يشدوك بيها برك و الزواج إلى حين ) فاللهم بارك و إلا فاخطيك من التفاهات،

توبي لربي و روحي اتزوجي على سنة الله و رسوله من الراجل اللي جا يخطبك من والديك كي الرجال ماشي كي الديوثين و اشباه الرجال اللي راهم يخطبو البنات من لبنات و يفسدو في بنات الناس على خاوتهم و ووالديهم و يشوهو سمعتهم و شرفهم .

[fafouchee]

مشكلتنا اننا دائما نترك قلوبنا تتحكم فينا
يا اختي فرص الزواج قليلة وولاد الفاميلا قلال و الزواج مسؤولية
اتكلي على ربي و وافقي على الخطابة بالاك واحد فيهم مكتوبك
عصفور في يدك خيرمن عشرة في السماء

[ياسر1992]

السلام عليكم ورحمة الله

أختي الفاضلة

أنصحك بالإبتعاد عن التفكير في زميل الدراسة

وذالك بالتركيز على الصيام وقراءة القرآن

والتوجه إلى الله عز وجل بأن يذهب عنك هذا الهم والغم

والتفكير في مستقبلك أي عروض الزواج

فأنت كما قلت في مفترق طرق

فعليك بصلاة الإستخارة وانظري إلى من يلين له قلبك

ووافقي عليه

وفي الأخير الزواج قسمة ونصيب ولن تنالي إلا ما كتب الله لك

تقبلي مروري والسلام عليكم ورحمة الله تعالى وبركاته

[المنديل الابيض]

كل صحاباتي كانو مثلك قبل الزواج حبو اشخاص و ما قدروش ينساوهم لكن سبحان الله بعد الزواج لما سقسيتهم قالولي نساو الماضي و راهم عايشين حياتهم و حامدين ربي
مالا يا اختي اقبلي اذا جاك شخص جيد و ربي يهنيك و يريح بالك

[الفاتحة]

شوفي يا ختي العزيزة ماتغلطيش الغلطة اللي تندمي عليها ، بمعنى دام زميل الدراسة غير قادر على فتح بيت وتكوين اسرة ولم يفاتحك في موضوع الزواج أو يطلب منك الانتظار قليلا تقديرا لظروفه فصدقيني لا تعلقي آمالك عليه وانزعي عنك وسواس الشيطان ، اسألي عمن قصد البيت من بابه ومن تجديه أكثر تدينا والتزاما اعقدي العزم وتوكلي على الله ولا تنسي الاستخارة بارك الله فيك عزيزتي ...


عفوا نسيت ان اخبرك ان المحبة تأتي بعد الزواج ...وشكرا

[abdel02]

أكيد أنك جد متعلقة بصاحبنا..ولأن الإعجاب شيء غريزي في كل إنسان...
خاصة إذا كان فيما يرضي الله سبحانه وتعالى...ولكن...إذا كان صاحبنا
حقا باغيك وناويك...والله يخدم "مانوفر" من أجلك غير باش يتقدم لداركم...
الوقت ليس في صالحكما...وبمروره ستفقدان الكثير من الأشياء الجميلة.

[أمة الله 12]

الزواج راهو مكتوب, انتي ما قلتيش قداه عمرك,

لكن اذا حابة تستني زميلك استني, لكن تحملي مسؤليتك مبعد,


و تفكري "ان جاءكم من ترضون دينه و خلقه فزوجوه"

"عسى ان تحبو شيءا و هو شر لكم, و عسى ان تكرهو شيءا و هو خير لكم"

[**د لا ل**]

اختي الكريمة

هي نصيحة لوجه الله

توكلي على الله وتزوجي وباذن الله ستنسين ذاك الشخص عاجلا ام اجلا

فالعمر يمضي اخيتي والرجال الصالحون قله في هذا الزمان

استخيري الله وتوكلي على الله

ولا تدعي الشيطان يأملك بهذا الوهم

وستتجاوزين هاته المرحلة بالقرب من الله والاستغفاااار

وفقكِ الله

[السيدة اسيا]

استخيري الله

[نسمة تفاؤل]

يا اختي انسايه لو كان جاء يحبك وناوي يكمل حياتو معاك لوكان خطبك ولا قالك باللفظ الصريح راني ناوي نخطبك من رايي اقبلي بمن ياتي مع الباب استخييييييييييييييري وربي يسهلك ان شاء الله

[ulacc]

و عليكم السلام
اقبلي بالحاضر خلي الغايب

[ميمنة الجزائر]

اقبلي اللي فيدك خير من الغيب عصفور في اليد خير من واح في الشجرة

وهذو تقدمو رسميا علاه اللف والدوران خليك من الاعجاب ووو او الحب يجي بعد الزواج

وديري انو اللي بلا خدمة من بعد توليو في مشاكل تولي تكرهيه طوول وتكهي النهار اللي شفتيه

يعني غير اقبلي بلي راهم ساجيين وتاني يحوسو على الحلال طول من الباب ماشي من التاقة