عملت ولم آخذ أجرتي

[ketkouta]

السلام عليكم ورحمة الله
اخوتي الاعزاء من فضلكم انصحوني ماذا افعل
انا عملت كسكرتيرة ومعلمة في نفس في الوقت في مدرسة خاصة (مدرسة مصغرة لتقديم دروس الدعم) وبما ان عدد التلاميذ تراجع ارتأت صاحبة المدرسة إلى توقيفي عن العمل بحجة انها لا تملك المال الكافي لتدفع لي اجرتي (ولكن السبب الحقيقي غير ذلك تماما وماخفي كان اعظم) فتقبلت الامر بصدر رحب لانني كنت انوي ن اترك العمل قبل ان تقرر هي ذلك الا انها أبت ان تدفع لي أجرتي بحجة انني لا املك دليلا على عملي في مدرستها ولا يمكنني فعل اي شيء، مع العلم ان هذه الاستاذة اي صاحبة المدرسة وهي استاذة لغة فرنسية في إكمالية حكومية تعمل بطريقة غير قانونية اي انها لاتملك لا سجل تجاري ولا ترخيص ولا اي شيء يسمح لها بفتح المدرسة، فانصحوني من فضلكم ماذا افعل لكي احصل حقي
وبارك الله فيكم مسبقا

[nouna l maghbouna]

وكلي عليها ربي

[مراد12345]

قولي لها أعطيني نقودي وإلا سأشتكي بك

ويوقفون لك كل شيء

[أبو صهيب ناصر السنة]

السلام عليكم

هدديها بالشكوى الى مفتشية العمل.. القانون الجزائري لا يشترط العقد لاثبات علاقة العمل .. يعني لو أي شئ يثبت أنك عملت عندها حتى لو شهادة أولياء التلاميد ممن سجلوا في المدرسة.. ان كانت لا زالت تزاول النشاط فانها لن تغامر..لأن وضعيتها القانونية صعبة جداً.

[ketkouta]

شكرا جزيلا على ردودكم
ولكن يا اخي هي عندها معارف بزاف وماتخافش اني نشكي بيها
قولولي وين جات مفتشية العمل انا من الخروب -قسنطينة

[nouna l maghbouna]

شكرا جزيلا على ردودكم
ولكن يا اخي هي عندها معارف بزاف وماتخافش اني نشكي بيها
قولولي وين جات مفتشية العمل انا من الخروب -قسنطينة
يا اختي بمعارفها و الله ماعندك ماتديريلها الريح مايقيسهاش
وكلي عليها ربي
الدراهم يخلاصوا كلشي يخلاص العيب برك اللي يبقى
يكفيها راهي تاكل في دراهم حرام
و اتفكري: من ترك شيئاً لله عوضه الله خيراً منه

[املي في ربي]

ربي يفرج عليك و يفرجك فيها

[sali-sali]

روحي ليها وهديها..واعطيها درس في الاخلاق
+ اشكي بيها
ادا مكان والو
وكلي ربي
وربي يعوضك خير ان شاء الله

[ketkouta]

يا اختي بمعارفها و الله ماعندك ماتديريلها الريح مايقيسهاش
وكلي عليها ربي
الدراهم يخلاصوا كلشي يخلاص العيب برك اللي يبقى
يكفيها راهي تاكل في دراهم حرام
و اتفكري: من ترك شيئاً لله عوضه الله خيراً منه

صدقيني اختي لعزيزة والله تساهلت مع الناس بزاف وتعاملت بحسن نية وبطيبة وباخلاص ودايما ياكلولي حقي ونقول ماعليش نوكل ربي
حتى مع هاد الاستاذة والله كنت نخدم فوق المطلوب مني في وقت العمل وفي خارجه ومانهدرش وفي الاخير ماخديتش ابسط حقوقي قال رسول الله صلى الله عليه وسلم: (أعطوا الأجير أجره قبل أن يجف عرقه)
وكلت ربي بزاف وسمحت في حقي بزاف ولكن هاد المرة حلفت مانسكتش ، ماشي على الزوج دورو اللي هوما حقي ولكن لاني تعبت من استغلال الناس، لانه ديننا عمره ما امرنا باش نتخلاو على حقوقنا ونخلو غيرنا يستغلونا ونوكلو ربي ونسكتو
اختي الكريمة، قال رسول الله صلى الله عليه وسلم: ((المؤمن القوي خيرٌ وأحب إلى الله من المؤمن الضعيف))
وانا هاد المرة توكلت على ربي وان شاء الله نكون من النوع الاول المذكور في الحديث الشريف,

[ketkouta]

ربي يفرج عليك و يفرجك فيها
امين يارب ربي يجازيك اختي العزيزة

روحي ليها وهديها..واعطيها درس في الاخلاق
+ اشكي بيها
ادا مكان والو
وكلي ربي
وربي يعوضك خير ان شاء الله

ان شاء الله يا ربي
يا اختي انا بعتلها رسالة وهددتها لكن مارحتلهاش لاني نحشم بزاف ومانعرفش نواجه ونفرغ اللي في قلبي وعلى هادا اداتلي حقي
انا يا اختي حابة نعرف كيفاش نشكي و وين نروح؟

[nouna l maghbouna]

صدقيني اختي لعزيزة والله تساهلت مع الناس بزاف وتعاملت بحسن نية وبطيبة وباخلاص ودايما ياكلولي حقي ونقول ماعليش نوكل ربي
حتى مع هاد الاستاذة والله كنت نخدم فوق المطلوب مني في وقت العمل وفي خارجه ومانهدرش وفي الاخير ماخديتش ابسط حقوقي قال رسول الله صلى الله عليه وسلم: (أعطوا الأجير أجره قبل أن يجف عرقه)
وكلت ربي بزاف وسمحت في حقي بزاف ولكن هاد المرة حلفت مانسكتش ، ماشي على الزوج دورو اللي هوما حقي ولكن لاني تعبت من استغلال الناس، لانه ديننا عمره ما امرنا باش نتخلاو على حقوقنا ونخلو غيرنا يستغلونا ونوكلو ربي ونسكتو
اختي الكريمة، قال رسول الله صلى الله عليه وسلم: ((المؤمن القوي خيرٌ وأحب إلى الله من المؤمن الضعيف))
وانا هاد المرة توكلت على ربي وان شاء الله نكون من النوع الاول المذكور في الحديث الشريف,


اا اسمحيلي اختي الغلطة تاعك لازم تكوني قافزة فايقة شوي يعني علابالك بلي راهي تخدم تعمل بطريقة غير قانونية
و خدمتي عندها?
خمي بعقلك هاذي توصي للجاية
الخطرة الجاية اعرفي وين تخدمي و عند من
هاذي هي الدنيا العبد النية و العاقل يروح حقوا

[ketkouta]

اا اسمحيلي اختي الغلطة تاعك لازم تكوني قافزة فايقة شوي يعني علابالك بلي راهي تخدم تعمل بطريقة غير قانونية
و خدمتي عندها?
خمي بعقلك هاذي توصي للجاية
الخطرة الجاية اعرفي وين تخدمي و عند من
هاذي هي الدنيا العبد النية و العاقل يروح حقوا

شوفي اختي اللي جرّب وش معناها يتخرج من الجامعة ويقعد في الدار 5 سنين يعرف (très très bien) علاش قبلت خدمة كيما هادي ... وفي هاد الحالة مايفيدك لا عقل لا قفازة و فياقة
:confused:

[آمِيْرَتُه]

مدام معندهاش سجل تجاري متقدري ديريلها والو تقدر تبلعط في البلاص
نقولك روحيلها هديها ممكن تعطيك حقك و إذا معطاتكش حقك وكلي ربي

[ketkouta]

هبلتي? Jamais تبعثي رسالة تهديد لاي واحد

لالا ماتخافيش انا تاني مابعتلهاش تهديد بالقتل هههههههه قلتلها برك باللي ملازمش تحقرني بزاف لاني قادرة ندير عفايس بزاف :1:

[ketkouta]

مدام معندهاش سجل تجاري متقدري ديريلها والو تقدر تبلعط في البلاص
نقولك روحيلها هديها ممكن تعطيك حقك و إذا معطاتكش حقك وكلي ربي

شكرا جزيلا اختي
بصح مانقدرش نزيد نروحلها باسك خرجتلي للعيب وانا راني نطلب في حقي ماشي في الصدقة

[best ch]

السلام عليكم
اولا في رايي انك لم تاخد اجرك في الدنياا لكن حقك محفوض عند الله
2- النصيحة هي عدم السكوت عن الحق واشكي وهدد وكرهلها حياتها بربي ان شاء الله يرجع حقك
لانو جدك وجدي عرفو بلي ما ياخد لايسترجع الا بالقوة

[ketkouta]

السلام عليكم
اولا في رايي انك لم تاخد اجرك في الدنياا لكن حقك محفوض عند الله
2- النصيحة هي عدم السكوت عن الحق واشكي وهدد وكرهلها حياتها بربي ان شاء الله يرجع حقك
لانو جدك وجدي عرفو بلي ما ياخد لايسترجع الا بالقوة

بارك الله فيك اخي
ومن فضلك لاكان تعرف وين جات مفتشية العمل قولي عليها وربي يجازيك ان شاء الله

[محمد جديدي التبسي]

هو لو كان عطيتيها طريحة ونسلتيلها شعرها تحطلك حقك في لحظتها
أما الأمور القانونية الله أعلم ما تنفع غير العين الحمرا
وأحسنلك تحبسي الخدمة وتحكمي الدار ارتاحي واش اداك لتكسار الراس
ربي يفتح عليك ..

[bibicha]

وكلي ربي و ارفدي يديك لسما اختي و ادعي ربي يفرجك فيها و ما تخافيش

[ketkouta]

هو لو كان عطيتيها طريحة ونسلتيلها شعرها تحطلك حقك في لحظتها
أما الأمور القانونية الله أعلم ما تنفع غير العين الحمرا
وأحسنلك تحبسي الخدمة وتحكمي الدار ارتاحي واش اداك لتكسار الراس
ربي يفتح عليك ..


هههههههههههههههههههههههه الله غالب مانعرفش نضارب والله تمرمدني

وكي نحبس الخدمة ونحكم الدار شكون يصرف عليا ؟:o

[ketkouta]

وكلي ربي و ارفدي يديك لسما اختي و ادعي ربي يفرجك فيها و ما تخافيش

ان شاء الله
بارك الله فيك اختي

[z.abdo]

السلام عليك أختي كما نصوحك الأخوة عليك ان تشتكي بها لدى المصالح المختصة مثل مفتشي ةالعمل ولا تتأخري في ذالك لأن الموسم الدراسي سيتوفق وتغلق هي مدرستها عن قريب

[محمد جديدي التبسي]

هههههههههههههههههههههههه الله غالب مانعرفش نضارب والله تمرمدني

وكي نحبس الخدمة ونحكم الدار شكون يصرف عليا؟؟:o
يعني ما لقيتيش اللي يصرف عليك؟
ربي يرزقك أختي بالزوج الصالح الذي يغنيك عن كل هذا التعب

[ketkouta]

ان شاء الله يا ربي

[sali-sali]

امين يارب ربي يجازيك اختي العزيزة



ان شاء الله يا ربي
يا اختي انا بعتلها رسالة وهددتها لكن مارحتلهاش لاني نحشم بزاف ومانعرفش نواجه ونفرغ اللي في قلبي وعلى هادا اداتلي حقي
انا يا اختي حابة نعرف كيفاش نشكي و وين نروح؟

اشكي بيها وجيبي لي درستيهم عندها او اوليائهم كشهود ان قبلوا
المهم ماتسكتيش على حقك....وروحيلها مافيهاش حشمة

[ketkouta]

شكون يعرف مقر مفتشية العمل في قسنطينة يا جماعة ؟؟؟؟؟؟؟؟؟؟؟؟؟؟؟؟؟؟؟؟؟؟؟

[ketkouta]

..................................................

ربي يجازيك خويا لعزيز ان شاء الله ربي يوفقني ونوصل وين حبيت واكيد نعاود نجي ونحكيلكم وش صرا

[مريم الصابرة]

السلام عليكم اختي
انا نقولك وكلي ربي عليها وخليها راكي تشكي بيها والمرا بمعارفها وزيدي لو تشكي بها صح ما عندك حتى دليل إلا إذا التلاميذ كبار ويشهدو معاك وهذا امل ضعيف وزيدي تظلي تشكي بها وتحكاميها تضيعي وقتك فالباطل
عدالة ربي اكبر من القانون وكلي عليها ربي وخليها يجي نهارها

[ennie]

شكون يعرف مقر مفتشية العمل في قسنطينة يا جماعة ؟؟؟؟؟؟؟؟؟؟؟؟؟؟؟؟؟؟؟؟؟؟؟

اختى مفتشية العمل فى bel air لكان تعرفي السيلوك بالظبط منين كانت دار الشباب بكري منين جهة الحمام

[samira135]

خههههههههههههههههههههههههههههخ فكرتني في قصتي مع Auto ecole لي كنت نتعلم عندها
كانت دايرتلي نهار في سمانة لمدة 5 دقائق و كنت مسحقة البرمي في اقرب وقت ومكانتش تعلم فيا زين قلتلها ديريلي ساعة على الاقل في سمانة قالتلي والو ومن بعد اقترحت عليا اني نتبدل عند اخر قلتلها ترجعيلي دراهم قالتلي لالا قلتلها اوكي مانتبدلش مي معيشتك نصمطهالك وفي الاخير قالتلي نعطيك مليون مع اني مديتلها 2 ملاين و 800 قلت معليهش يعطيك نتهنى منها ايا لقيت شكون لي يقبل اني نتبدل عندو ودرت طلب لمديرية النقل وافقو على الطلب رحت ليها قلتلها مديلي دراهم قالتلي هاهاها مديلي دليل انك تساليني حكمتلها الميكرو كسرتو قالتلي معليهش دراهمك نشري بيها واحد وهي دايرة في البيرو "بلازما" قلتلها ايا قوليلو باي باي ايا زهرها جا لي يقري في الكود و هددتها قلتلها ضركة نروح لمديرية النقل ونفلهم انها تخلص على لي مايربحوش المرة ثانية 240 مع انو ماحقهم يخلصو غير 20 ألف نتاع الطابع وقلتلها طونوبيل نحرقهالك وهاهو وجهي ورحت حتى بعثتلي دراهمي كااااااااااامل 2 ملاين و 800 في هذا الوقت مايليق غير القوة " العين بالعين والسن بالسن والبادي أظلم " آآآآه وكان جيتي قريبة ليا والله غير نجيبلك حقك

[rose2013]

اختي احتسبي اجرك عند الله وخطءك انك عملت دون ضمان اجتماعي احمدي الله انه لم يحدث لك مكروه في فترة عملك والا كنت رحتي في رجلين مثلي **ومكان قولهم الا ان قالو حسبنا الله ونعم الوكيل**