مشكلتي مع word

[*نآدرة~]

السلام عليكم
مشكلتي مع الوورد،كي راني نطلع مواضيع تاع الطبخ وتحتوي على صور تطلعلي الكتابة برك والصور مايظهروش،ماعرفتش علاه،كانوا يطلعولي نورمال ومنبعد حبسوا زعما كاش مادرت ؟؟
خبروني تعيشوا

[crystale49]

اختي لا مشكل عندك في الوارد بل المشكلة في النت فقط ضعيفة عندك بل عندنا جميعا

[*نآدرة~]

اختي لا مشكل عندك في الوارد بل المشكلة في النت فقط ضعيفة عندك بل عندنا جميعا
يعطيك الصحة أختي على الاجابة
انا كنت حاسبة كاش مشكل عندي في الوورد ظهرت غير النت:o
ربي يخليك أختي:):)

[آلاء فهد محمد]

ديما تصرالي

[السراب الحالم]

انا تصرالي بصح مانظنش من النت
اعيدي المحاولة والا ديري كيما انا ننسخ الكتابة ثم ننسخ الصور ونلصقهم

[you92cef]

المشكل في سيرفر منتديات الجلفة

[*نآدرة~]

ديما تصرالي
حتى أنا والله ماراني فاهمة حاجة

انا تصرالي بصح مانظنش من النت
اعيدي المحاولة والا ديري كيما انا ننسخ الكتابة ثم ننسخ الصور ونلصقهم
عاودت وعاودت بلا فايدة،وحتى بطريقتك ما خرجوليش:sdf:

المشكل في سيرفر منتديات الجلفة
نظن يا خويا،لخاطر كانو يطلعو نورمال غير كيما بطلو
شكرا جزيلا على ردودكم
ربي يخليكم

[هدى ام ريماس]

[bنفس مشكلتي هي بذات رايحة تهبلني والحل مكاه[/b]

[*نآدرة~]

[b]ياليت يلقاولنا حل،المشكل راه في الوورد لخاطر نقدر نورمال نطلع تصاور مع الكتبة من الميكرو تاع الدار،مافهمتش
ساعدونا من فضلكم

[هدى ام ريماس]

;حطيت زوج مواضيع عليها ومكان حتى حل

[لميس حواء]

واجهت نفس المشكل اختي بقى يطلعلي ميساج يقول بلي قدرة الميموار محدودة و ما عادش ترفد الصور من بعد بقيت نسجل (enregitre) الصور في ملف و نسجل الكتابة في الوورد و هكا بعد فترة جربت نرجع للوورد و عاد يكوبيي الصور بلا مشكل لكن اختي هذا ما هوش حل نهائي

[« أبْجَدِيَّاتْ »]

وعليكِ السَّلام و رحمَةُ الله ،

صحَّ رمضانك أختي أحلام ، ان شَاءالله كلّ عام وأنتِ والأهل بخير، تصوموه بالصّحة و الهنا ياربّ .. ( :)
كانت تصرالي بزّاف المشكلة هذي ، ولّيت نحتفظ بالصّور أولاً على الجِهاز، ثمّ ننسُخ التيّ احتفظتُ بها
و نحطّها في الوورد.. بعد ما نكون نقلت الكتابة فيه، شوية طويلة بصّح ماكانش قدّامي حلّ آخر ( :o

( صحّ فطوركم و سحوركم ;)

[*نآدرة~]

واجهت نفس المشكل اختي بقى يطلعلي ميساج يقول بلي قدرة الميموار محدودة و ما عادش ترفد الصور من بعد بقيت نسجل (enregitre) الصور في ملف و نسجل الكتابة في الوورد و هكا بعد فترة جربت نرجع للوورد و عاد يكوبيي الصور بلا مشكل لكن اختي هذا ما هوش حل نهائي
شكرا لك أختي لميس رايحة نجرب ربي يخليك

[*نآدرة~]

وعليكِ السَّلام و رحمَةُ الله ،

صحَّ رمضانك أختي أحلام ، ان شَاءالله كلّ عام وأنتِ والأهل بخير، تصوموه بالصّحة و الهنا ياربّ .. ( :)
كانت تصرالي بزّاف المشكلة هذي ، ولّيت نحتفظ بالصّور أولاً على الجِهاز، ثمّ ننسُخ التيّ احتفظتُ بها
و نحطّها في الوورد.. بعد ما نكون نقلت الكتابة فيه، شوية طويلة بصّح ماكانش قدّامي حلّ آخر ( :o

( صحّ فطوركم و سحوركم ;)


اهلا وسهلا بك هالة،الله يسلمك ويعزك ويعلي شانك ومقامك،وأنت ثان ان شاء الله كل دقيقة وثانية وأنت بألف خير ينعاد علينا وعليكم رمضان بالصحة والهنا والخير ان شاء
الله
الفكرة مليحة صح بالصح متعبة أختك فنيانة بزاف تبغي كل شيئ واجد معليش نسيي واش قلتيلي وخلاص،صحيتي هالة الله يبارك حضورك دايمن مبهر نوعية الخط الكتابة كل شيئ هايل ربي يخليك دايمن هكذا مميزة ومبهرة
يعطيك الصحة علة الاجابة افدتيني صح فطورك حتى انت وسحورك ربي يخليك ويعطيك ما تتمناي

[diyaa-alger]

السلام عليكم أظن أن المشكل أنك تعملين كوبي كولي للصور والكتابة في نفس الوقت لهاذا أحيانا تعملك مشكل وأحيانا لا والسبب أن الموقع مقسم إلى جداول وإن لم يظهر لك ذلك ولكن مصممين المواقع يقسمون الموقع إلى أقسام مثل هذه الصورة http://upload.traidnt.net/upfiles/WBk20070.jpg

الحل فيما أظن أن تنسخي الكتابة لوحدها والصورة لوحدها وإن شاء الله سوف ينجح الأمر شكرا

[*نآدرة~]

السلام عليكم أظن أن المشكل أنك تعملين كوبي كولي للصور والكتابة في نفس الوقت لهاذا أحيانا تعملك مشكل وأحيانا لا والسبب أن الموقع مقسم إلى جداول وإن لم يظهر لك ذلك ولكن مصممين المواقع يقسمون الموقع إلى أقسام مثل هذه الصورة http://upload.traidnt.net/upfiles/wbk20070.jpg

الحل فيما أظن أن تنسخي الكتابة لوحدها والصورة لوحدها وإن شاء الله سوف ينجح الأمر شكرا
صحيح هذا ما كنت أفعل،انسخ الكتابة والصور مع بعض،في البداية كان كل شيئ على ما يرام لكن الآن لا
الحل كما قلت ،ان انسخ الصور لوحدها والكتابة لوحدها ايضا
شكرا لك على المساعدة والمعلومة بارك الله فيك أخي

[diyaa-alger]

وفيكم بارك الله

[abdelkader.gh]

عندي اقتراح لهذه المشكلة و هي ان تقوم بحفظ صفحة الموقع كاملة من خلال : ملف ...حفظ باسم...حفظ كصفحة واب كاملة . وبهذه الطريقة اتصفح الملف و كانني امام الانترنت