طاجين الطين ولا طاجين الحديد ?????

[haidi18]

السلام عليكم يا فحلات المنتدى
تعيشو حابة ندير البراج
شكون خير طاجين الطين ولا طاجين الحديد
شكراااا

[JIMI17]

طاجين الطين أحسن من الحديد حتي في الخبز و في اي وصفة وطاجين الطين لازم يكون ثقيل في الوسط دون الحواف باش يشد الحرارة و مايحرقش النعمة

[oum anas 69]

هو في البنة طاجين الطين خير بصح يدير الدخان في الدار و يتعب خطرش لازملو نار قاوية شوية راح تتعبي و نتي تقلبي
أما طاجين الحديد تاني يجو ملاح إذا عرفتي طيبيهم و متحرقهمش أنا عن نفسي نطيبهم في طاجين الحديد و يجو روعة هذا تاعي في طاجين الحديد
http://im42.gulfup.com/HRWwO.jpg

http://im42.gulfup.com/uzrhI.jpg

[Hemal]

salam ana andirou fi tajin lahdid iji raw3a

[زينة سلمة]

انا جربتها في طاجين الحديد جات روعة

[imene mimicha 05]

انا نديرهم في طاجين الحديد يجيو روعة

[ام ايمان1]

طاجيين لحديد افضل بصح نقصي على النار باش مايتحرقوش وبصحتكم

[ايثار]

احسن طريقة لذلك طاجين الطين فوقه طاجين الحديد

[haidi18]

باارك الله فيكم حبيباتييي و ربي يجعلها في ميزان حسناتكم

[rimora]

انا اليوم برك درتهم ولكن لا طين ولا حديد هههههه

درتهم في مقلة تيفال تقيلة والله العظيم جاو يدوبو في الفم وتاني ماسخنتش الدار بزاف وماكانش الدخان خلاص

موفقة اختي

[ladymillion]

السلام عليكم يا فحلات المنتدى
تعيشو حابة ندير البراج
شكون خير طاجين الطين ولا طاجين الحديد
شكراااا



حنا نديرو في طاجين الحديد لكن طاجين يكون خشن ويتباع حنا عندنا في باتنة بـ 1800 دج وهاذي صورة نتيجة براجنا وشوفي اذا عجبك طيابو

http://im37.gulfup.com/EWA09.jpg (http://www.gulfup.com/?Hvp2fE)

[sissou nrdn]

و الله حبيبتي انا مع فكرة الاخت ايثار استعملي طاجين الطين و فوقه الحديد راني مجربتها راح تلقايها اكثر راحة لانه ما راحش يتحرقلك

[oum tesnime]

يا ختي ديري طاجين الحديد أحسن شي لكن مع التقليب المستمر ...ما تغفليش على الحبات باش ما يتحرقوش

الله يوفقك ولا تنسي ورينا نتيجتك

[أم هيثم محمد]

حنا نستعملو طاجينالحديد فوق تاع الطين جي روعة طيب بعقلها بلاما تتحرق

[rimora]

وحدة ما ايدتني هههههههههههههههه معليش مقبولة

انا ديما نطيبو على طاجين الحديد وهدا العام على تيفال جاني اسهل وطري وبنين يهبل جربي وشوفي