انا الي غالطة ولا خطيبي

[انغام المنى]

مساء الخير حبيت نشكيلكم وتحكمو بيناتنا
عرس اخت خطيبي غدا وخطيبي ما عرضش خويا الي في عمرو 24 سنة مع انو انا درت 3 انواع قاطو والله جوز ولوز وشراتلها ماما سنية تهبل واختي دارتلها عطر من لملاح واخي الي عليه المشكل مداير مع صاحبو مشروع يكرو حوايج لعراس عطالو الطاولات باطل وهكاك معرضوش للعرس كي لمتو زعف وهز روحو وقالي نسيت وراني عرضت باباك يجي معاه قتلو خويا راجل يتعرض باسمو ماشي يتبع في بابا وزيد راهو شبعان ماشي يمشي على كرشو زعف خلاص وحنا متفاهمين يجبلي من لعشا تاع اختو لدار على خاطر حنا جيران قتلو بلا نحرجك انا ما نحكموش وكن نحكمو نطيشو قالي بديتي في الحرب والعرس ما بقالو غير ايام اتفكري وكوبيت انا انا اي غلطت ولا هو
وشكراا لكل من ير

[مريم الصابرة]

السلام عليكم اختي
إسمحيلي نقولك إنت غلطت هو صح غلط ما عرضش خوك خليهم بيناتهم الرجال ممكن خوك يلقاه وبضحكة يولي الامر عادي إنت علاه كبرتيها وما تحكميش العشا وتقوليلو في وجهو نرميه لا إسمحيلي اختي نقولك إنت غلطت خليهم هو وخوك رجال مع بعض ما دخليش روحك بيناتهم صح دار غلطة لن خليه هو يعالجها وعمرك ولا ديري هذي الغطلة دخلي روحك في مسألة بين الرجال حتى لو كان هذا خوك ولو يجيب العشا عادي شديه ماشي من باب الاكل او جيعانة ماكانش اللي يجعان كامل رانا ناكلو الحمد لله لكن ما باب تربيتك واش يقولول اهلو لما ترديها عيب في حقو ما تبهدلهش امام اهلو واللي بين خوك وبينو يدبرو روسهم رجال من راي احكي معاه عادي لو عيطلك وكوني عاقلة ورزينة موفقة

[ام سارة 285]

سلام اختي عندك الحق اختي كي زعفتي و من حقك انو يعرض اخوك لكن كيما يقولو مول العرس معذور دايما هارج و معظم المدعويين ينساوهم انا من رايي انو يروح يعتذر من اخوك و يطيب خاطرو و يديه للعرس و انت ما تكبريهاش بزاف و حاولي تصلحي بينهم و ما تمديش اهمية كبيرة لهذه الامور لانها بعد الزواج تلقايها امور تافهة

[محمد جديدي التبسي]

هذا خطيبك ولا زوجك دايرين عقد شرعي؟
اذا كنتو متزوجين ممكن تلوميه لكن مش تكوبي عليه الهاتف هاذي كبيرة!!
وفي هذه المناسبات الإنسان ينسى خوه ووالديه فما بالك بواحد آخر

[kaouther cha]

السلام عليكم اختي في الاول ممكن خطيبك غلط مي نتي بش تكوني امراة في المستوى حاولي نتي تصلحي خطا خطيبك امام اخوك و ربي يكون معاك مي حاولي ومتخسريش شريكك اختي الفاضلة
والسلام

[أمة الله 12]

أولا راهي عيب في حقو هو كي ما عرضش خوك,

لكن اختي ردة فعلك عنيفة فوق الحق,

[انغام المنى]

هذا خطيبك ولا زوجك دايرين عقد شرعي؟
اذا كنتو متزوجين ممكن تلوميه لكن مش تكوبي عليه الهاتف هاذي كبيرة!!
وفي هذه المناسبات الإنسان ينسى خوه ووالديه فما بالك بواحد آخر

عقد شرعي ومدني وعرسنا بقالو 28 يوم ان شاء الله

[انغام المنى]

شكرااا كامل على الرد بصح انا والله دايما كي تصرا حاجة في دارنا يكون هو الاول الي يتعرض وخصوصا كي عاد النسيب الاول
وثاني دايما نكبر باخواتو البنات والذكور حتى من هما 11 الله يبارك والله حاطتهم فوق الراس وانا عندي غير 3 والله ما مداير عليهم خلاص غاضني الحال بزااااااااااافوانا خويا عندها غير شهر وقف معاه وقفة والله ما يديرها الاخ مع خوه والله حتى بكيت راني معمرة منو بزااف

[sarl02]

ما اعرضش خوك للعرس درتي حالا مالا كيفاش راح تخدمي مقتصدة انتي ؟؟ بحكم المهنة تاعك لازم تتعودي على المشاكل وحلها بطرق سلسة في نفس الوقت .

[mitrochka]

أختي ماراك لا غالطة و لا ماش غالطة
كان لازم تعرفي السبب الذي خلاه يدير كيما هاك
(تناقشي معاه)

تعرفي دركا وعلاه رجعت غالطة
لأنك زدتي هدرة ماعندها حتى معنى(عرسك 28 يوم)

[الإدريسي العلوي]

مساء الخير حبيت نشكيلكم وتحكمو بيناتنا
عرس اخت خطيبي غدا وخطيبي ما عرضش خويا الي في عمرو 24 سنة مع انو انا درت 3 انواع قاطو والله جوز ولوز وشراتلها ماما سنية تهبل واختي دارتلها عطر من لملاح واخي الي عليه المشكل مداير مع صاحبو مشروع يكرو حوايج لعراس عطالو الطاولات باطل وهكاك معرضوش للعرس كي لمتو زعف وهز روحو وقالي نسيت وراني عرضت باباك يجي معاه قتلو خويا راجل يتعرض باسمو ماشي يتبع في بابا وزيد راهو شبعان ماشي يمشي على كرشو زعف خلاص وحنا متفاهمين يجبلي من لعشا تاع اختو لدار على خاطر حنا جيران قتلو بلا نحرجك انا ما نحكموش وكن نحكمو نطيشو قالي بديتي في الحرب والعرس ما بقالو غير ايام اتفكري وكوبيت انا انا اي غلطت ولا هو
وشكراا لكل من ير
السلام عليكم :
والله يا أختي ربما تكونين أنت المخطئة
المفروض أن الأب يمثل كل العائلة
فهو يكفي لدعوته
يعني دعوة الأب تعني دعوة كل العائلة
وأيضا أختي ربما خطيبك يرى
أنكم أصحاب البيت وعليه فلا حاجة لأن
يدعو كل شخص باسمه
وفقك الله

[abdel02]

عجبا لأمركي...من الذرة درتي قبة...
إقرإي سيرة النبي صلى الله عليه وسلم
في التعامل مع زوجاته...ولا تنسي أنه
جنتك ونارك.

[z.abdo]

الأمور التي تخص الرجال تبقى بين الرجال والتي تخص النساء تبقى بين النساء

ولا يحق لك ايضا ان تطلبي منه ان يعتذر من اخيك لأنه عزم والدك وهو يمثل كل الاسرة يعني إذا لو كان عدد اخوتك 9 راح يعزمهم الكل ؟؟

انا من رأيي أن تصلحي بينك وبين خطيبك ولا تكبري الموضوع

ولقد أخطأت في أمرين الأول أنك تلوميه في ان يعزم أخيك والثاني أنك قطعت الخط في وجه خطيبك وهذا خطا اكبر من الأول

[حميد.ص]

ربي يذلل العقبات بيناتكم

[rouge et noir]

الا خطيبك راجل ... هذاك آخر يوم يكلمك فيه ...........

[مطيعة زوجها]

ماغلطتيش ...عندك الحق

لازم يتعلم يدير قيمة لافراد عايلتك كامل ..وخاصة راكي تقولي دار فيه الخير ,,يعني كي يخسر عليه زوج دقائق في التلفون مادات ماجابت

والزعاف درك يروح وتنساو الحكاية ,,بصح هو راح يدير حساب منا وهكا بلي اهلك لازم يقدرهم كامل كبيرهم وصغيرهم

ماتقلقي روحك ماوالو :)

[مسلمة وافتخر17]

باختصار انتى لي غالطة

[جهينة2]

يعني يوجد تقصير مه مي ماشي لدرجة تكوبي عليه هادي واعرة كما قوالولك كان لازم تعرفي كيفاش تهدري معاه مثلا تقوليلو خويا كان باغي يكون معاكم ويعاونكم في هاد المناسبة مي بانتلوا كي معرضتوهش ما تتسحقوهش وممكن كما قالولك هو في بالوا كيعرض اباك كي شغل ع رضكم كامل نصيحة عاودي هدري معاه واطلبي منه السماح ماهيش حاجة لي تخليكم تتزاعفوا