أريد زلابية مجربة

[la foret noir]

السلام اريد مقادير الزلابية السميد مـــجربة بالتفصيل

وشـــكرا

[la foret noir]

ألا يــوجد من جــــــربهــا؟؟

[سلسبيل11]

شوفي وصفة احتي ام رامي انا جربتها وهي خفيفة وسهلة
http://www.djelfa.info/vb/showthread.php?t=938685

[zineb_saib]

تاع ام رامي هايلة جربيها تجي تهبل

[la foret noir]

راح نشوف ونقولك

[la foret noir]

لا لا مشي هدي حــاب زلابية السميد..الحمراء إدا صح التعبير ههههه وشكرا

[djamilach]

http://img07.arabsh.com/uploads/image/2013/05/26/0c36434a64f103.jpg

[djamilach]

هايلكي الزلابية هي من كتاب تونسي.

[djamilach]

http://img07.arabsh.com/uploads/image/2013/05/26/0c36434a64f502.jpg

[djamilach]

المخارق جاو بالمقلوب معرفتش نسكاني ههههههههههههههههههههههههههههههههههه.

[omanis]

اختي اانا عرف زلابية الحمراء بصح بالفرينة
خرجت رائعة و تحسباتلهم تاع الشرية و قطعت
درت


1 كاس فرينة

1 كبيرة ملعقة ياغورت

1 ملعقة كبيرة خميرة الخبز

1 ملعقة كبيرة زيت

قرصة ملح

ملون احمر مع شوية اصفر او زعفران باش يجي اللون شباب و احمر متل الزلابية ماشي غوز بوبو
1 ماعقة كبيرة سكر رطب


نحلط المكونات بكاس تاع الماء دافئ نحلط جيدا المهم العجينة تشبه قليلا البغرير و شوفي و الخلط يكون بملعقة الخفق


تم نتركها ترتاح مدة ساعتين


بعد دلك حطي الخليط تاعك في قارورة lممكن بواسطة سكين تقطعي الجزء العلوي باش ما جيكش رقيقة بزاف

http://www.cdiscount.com/Product/Zoom/AUC3611900002574/0.html

او ممكن كيس الحليب او السكر
تقليها في الزيت متوسطة الحرارة و انت تدوي في القارورة و تظغطي و
شوفي تاع اللي يبيعو كيفاش يديرو
http://www.wegulf.net/images/856/1.jpg


تم مباشرة حطيها و هي سخونة في العسل لكن يكون دافئ شوية ماشي سخون باش تجي مقرمشة

http://http://i110.photobucket.com/albums/n93/hassanhadil/STA60171.jpg


http://www.djelfa.info/vb/images/editor/insertimage.gif

و هدا من عندي لكامل لبنات اللسي يحبو اتاي بزلابية\


http://rem2s.com/files/images/18294-3.jpg



انت اللي تتحكمين في سمكها لانو كي درت تلك القارورة جاتني رقيقة يعني قصي منها او ديري باي اداة عندك في البيت المهم اعملي واحدة و شوفي
احلى تحية


دعوة فقط ربي يسرلي اموري ان شاء الله

[بشرى2008]

زلابية ام رامي راهي هايلة

[la foret noir]

ربي يخليكم جميعا وييسر أموركم....أنا جربتها وجات هايلة مثل اللي تتباع لكن وقع عندي مشكل فيها وهي عند ما تخرج من الزيت مقرمشة وأضعها في السيرو بعد دقائق تولي مرخية وغير مقرمشة....أرجو إعطائي إين هي المشكلة؟؟

[oumjiji]

يا ام انيس شكرا على الوصفة وهاذي لي في الصورة انتي لي خدمتيها وتجي زي ليتتباع ولالا ردي ربي يخليك

[mastermaster]

خدمتها بصح محبش يجي شكل العجينة مليح اي انها تتحل بعد ما تدخل ازيت

[Oum Habouba]

اختي la foret noir قوليلي وينها الوصفة اللي جربتيها ادا نتاع ام رامي هي قالت الشرط نتاع نجاحها هي تخليها حتى تبرد باش تعسليها ولاااازم يكون عسل ثقيل وبااارد بالتوفيق

[نور الهدى التبسية]

سلام
شوفي في قناة سميرة جنان لالة لفيروز دمشي زلابية مقرمشة هايلة
شكرااااااااااااا

[أم محمد علي]

الله يبارك

[raboha]

هذي وصفة هااااااااايلة و الله تبقى مقرمشة حتى بعد يومين
لازم غير تنحيها من الزيت تحطيها فالعسل يكون بارد و عااااااااااااقد و حطيها تشرب مليح ثم نحيها تقطر
هذا رابط الوصفة
http://www.djelfa.info/vb/showthread.php?t=1811914

[ام محمد اسلام الله]

كي تلقيها قوليلي والله جربت شحال من وصفة بدون نتيجة مرضية

[minahayate]

ارجو من الاخت صاحبة الوصفة ان تاكد لنا المداق الزلابية ادا كان نفسو يلي نشروه

[Rahma_Baghdad]

اذا راكي تحوسي على زلابية البنان وصفة الشيف حسن ل بلح الشام مجربتها شحال من مرة وناجحة 100\100 اما زلابية الحمراء انا نعمل فيها نفس كمية الفرينة بنفس كمية المايزينة.

[Rahma_Baghdad]

الاخت لي عندها مشكل في زلابية الحمراء كي تعسلها ترجع مرخية يا اختي العزيزة الزلابية تتعسل في عسيلة ثقيلة و باردة والزلابية سخونة ماشي في السيرو لانو خفيف وهو سباببها باش رتخات.شكرا ارجو الاستفادة ودعواتكن اخواتي

[عبير الروح7]

سلام عندي وحدة جربتها و جات بنينة و خفيفة الوصفة تاع سليمة يعلى
المقادير:
كاس ونص دقيق
كاس ونص ماء
نص كاس زيت
4 بيضات
فاني
الطريقة:
ماء + زيت تحطيهم فوق النار مع رشة ملح حتى يغلي وبعدها تضيفي الدقيق دفعة واحدة و تحركي بسرعة و ترديها فوق النار ( عجينة الشو) وبعدها تضيفي البيض تدريجيا و تحركي .توضع العجينة في كيس حلواني و تقلى .

[minahayate]

هل ممكن استفسار من صاحبة الوصفة

[minahayate]

ام انيس ارجوكي جاوبيني