اختي الصغيرة

[مشكلتي]

السلام عليكم

اخوتي اريد ان اطرح لكم مشكلتي و اتمنى ان اجد حلا او على الاقل النصح منكم

انا فتاة عمري 19 سنة المشكلة التي ساطرحها تتعلق باختي الصغيرة المتمردة عمرها 16 سنة الصراحة طايشة بزاف لدرجة متتصوروهاش و انا كل ما نكتشف عليها حاجة نخاف نبيعها معلاباليش علاه عندها تلفون شاريهولها بابا مي عنها تلفون وحدوخر تهدر بيه بلا معلابالهم درانا طبعا على خاطر راهي مريحة عند جدي و جدة مرضى يعني دايرين عليهم الدالة و اختي متخافش بصراحة معلاباليش كيفاش نوصفلكم المشكلة بالضبط نتمنى تكونو فهمتوني عاونوني كيفاش ندير معاها انا اليوم هدرت مع ماما و قلتلها متزيدوش تخلوها تروح عند جدي و ماما توسوست قاتلي قوليلي اذا كاين كاش حاجة شكت معرفتش واش ندير نتمنى تنصحوني و اي استفسار لي عودة ان شاء الله حتى ان تطلب الامر ان اضع موضوع جديد

[sstolga]

جربي تكلمي مع اختك بحنان وهدوء وقوليلهااخطيك من الطوايش ولانقول لمما وستني منبااسبوع لا مهداهش ربي قولي لمماك

[هند222]

شوفي اختي والله لو انا منك اقول لأمك كل شي

هي الآن في مرحلة لن تخاف احد لكن ان وجدت امك بجانبها توجهها للأحسن

فلن تخافي

وربي يسهل واليوم خير من غدوة

[فتاة الدعوة]

سلالالالالام شوفي يا بنتي انا من رايي خبري امك اختك راها في سن المراهقة وراه كل حاجة باينتلها ساهلة وفي هدي المرحلة لازم امك لتصاحبها وتلزليها غير بشويا حتى تعرف واش عندها مش بالعنف غير بسياسا ربي يهدي بنات المسلمين

[bibicha]

شوفي اختي هاذ المرحلة بزاف حساسة لانها في المراهقة الكاملة ننصحك بشيء اجبديها ليك من قبل اهدري معاها اذا ماجابتش نتيجة قولي ليماك ننصحك احكمي العصا من وسط يعني ما تزيري ما ترخي و حاولي تتصرفي قبل فوات الاوان

[أمة الله 12]

السلام عليكم,
يا اختي من رايي انك تعلمي امك بكلشي و ما تخبيش عليها
و تقدري تطلبي منعا فرصة تهدري انتي مع اختك على اساس انو , واحد ما علابالو
اذا اقتنعت مليح, اذا ما سمعتش كلامك تدخل الوالدة و دير اللي تشوف فيه مناسب

ربي يهدينا و يهدي كل بنات المسلمين

[كغومة]

اذا كانت امك متفهمة وتخاف منها اختك الصغرى

الأول انصحيها وكوني متواصلة دائما معها وانصحيها قدر المستطاع وراقبيها وان لم يفد هذا معها

فأخبري أمك وهي الي ستتفهم الوضع واقترحوا حلا ربما يكون بارجاعها لبيتكم لان هناك باباك وتخاف منه ومتقدرش تعمل هادو الصوالح

وان شاء الله يهديها ويهدي قاع الشيرات الي راهم في هذا السن ( مثلي أنا هه )

[ايمان نور الجزائر]

السن لي راهي فيه اختك جد حساس وتقدري تقولي
هو لي يحدد مصيرها ومستقبلها
ومن تعودت على فعل السوء والطيش ستبقى على تلك الصفة
واذا فات راح الخوف منن قلبها ولقات الحبل مطلوق راها تضيع
افضل حل اولااا
نصحها ومراقبتها وتهديدها وكذا ابعاد جميع رفيقات السوء عنها
ثانيا اخبري امك بالقصة واطلبي منها ان تتدخل في الوقت المناسب
ضيقو عليها دخلاتها وخرجاتها
هذا هو الحل الاكيد

[ala eddine b]

أختط في سن المراهقة إحذري أختي

[nouna l maghbouna]

صاحبي اختك خليها تعود تحكيلك كلش و انتي انصحيها و اذا ماهداهاش ربي قولي لوالدك ماشي لامك
انا متاكدة انها تخاف من والدها اكثر من امها
وفقك الله

[khadouj_1985]

يا اختي هذا السن شويا حرج قولي لامك هي تصاحبها و ماتزيروهاش حاولوا تتفاهموا معها و تفهموها بالعقل برك ربي يسهل و يهديها ان شاء الله خير

[أم عبد الرحيم2]

انت بفعلك هذا قاعدة تضري في اختك تكبر و تقول انك كنت تساعدي في طوايشها بالتدراق تاعك لوش قاعدة تدير

احكي معهاها و فهميها بالتي هي احسن و هدديها ان لم تستجب رايحة تخبري الوالدة

لازم تعاونيها متخليهاش تضيع هذا الجيل ربي يسترو و يحفظو من الشيطان

ز من رأيي نحيولها الهاتف راح يزيد يفسدها و الدعاء ربي يهديها و جميع المسلمين

[السي محمد]

هي عندها صاحبها

الحل انك تصاحبيها انتي

تكوني معاها في كل الاوقات

هكذا تنقص علاقتها بصاحبها

و حاولي تأثري فيها بافعالك

لازم تكوني قدوة لها

يهني مش انتي تاركة الحجاب تقوليلها اتحجبي؟؟؟
او انتي تاركة الصلاة تقوليلها صلِّ ؟؟؟؟
او انتي عندك صديق و تقوليلها الصداقة مع الشباب خطأ؟؟؟؟

[الامل بالله]

الحل انك تهدري معاها و من بعد شوفي ردة فعلها اذا محبتش بيعيها

[سمو امير الكلمات]

نصيحتي هي ان تخبري أمك عما تقوم به أختك وتسعى أمك جاهدة ألا تخبر أبوك وحتى أمك ماتحطكش في موقف حرج أمام أختك وبعد أختك تحقد عليك خلي أمك تراقب عن بعد تحركاتها وخاصة في المنزل وماتبينلهاش هذا أنها اكتشفت أمرها وتسنى وقت مناسب وهو في ليل عادة يكثر كلام في الهاتف

أختي ربي يزيدلك على رزانتك رزانة وعلى أخلاقك أكرمها ويهدي أختك إلى الطريق الصواب

أختي الوقت مايرحمش وأختك في سن ينخاف عليها وكثرو لي نيتهم ناقصة من جيهتين سواء ذكر او بنت

[سمو امير الكلمات]

فحذاااااااااااااااااااااااااااااااري
بالخــــــــــــــــــــــــــــط الأحمـــــــــــــــــــــــــــــر والعريييييييييييييييييييض

[ميمنة الجزائر]

عليك وعلى يماك احسن ماتديري حتى حاجة قوليلي ليماك خير لانو راهي في سن المراهقة

وراهو واعر يعني قولوي ليماك عادي مافيها والو لانو امها ماش رايح تضرها وانتي خاويها يعني كوني معاها

بصح لازم يماك اللي تحطها عن حدها لانو نتي ماش راح تسمعلك كيما يماك تخوفها وربي يحفظبناتنا من كل شر

لانو دوكا ولاو يخوفو ربي يسترنا ويستر اولادنا

[chic.lady]

أختك مازالت مراهقة و تخافي ترتكب أخطاء لا تحمد عقباها
اذن احكي كل شيء لأمك و خليها هي تتكلم مع ابنتها
ماعليش تزعف منك يوم يومين لكن بعدها راح تفهم بلي خممتي على مصلحتها

[madjid93]

الله يهديها
ولكن الان في سن المراهقة
و الحل الانسب الزواج
و الله يصبركم

[جواد رامي]

السلام عليكم أولا أشكرك غلى غيرتك على أختك . انا أنصحك بإخبار أمك بالأمر بأن مكوثها عند جدك ليس بريء . اما أن تتكلمي معها أظن أن الأمر غير مجدي بتاتا بحكم عملي كأستاذ ثانوي تصادفني حالات كثيرة مثل حالات أختك ولما أتقرب منهن وأنصحهن فيضربن كلامي عرض الحائط فمما أضطر لإستدعاء ولي الأمر .

[منهاج]

السلام عليكم

احكي معاها ومع وامك حتى ترجعها على لي في عقلها