كرهت حياتي

[مشكلتي]

السلام عليكم و رحمة الله و بركاته

انا فتاة ابلغ من العمر 16 سنة

مشكلتي ماعنديش صديقات

انا غيرت الثانوية و مام 2 صحاباتي بدلو معايا بصح الي كانت انتيم نتاعي طاحت في قسم الاخر

والاخرى معايا كنا صحابات وكنا غايا وكونا دايرين مجموعة مي انا طحت فقرايتي

وقررت نبعد عليهم لاني اكتشفت انهم اصدقاء سوء

ايا بدلت بلاصتي وقعدت مع وحدة ودرت اصدقاء اخرين غير القرايات

بصح في كلاسة نحكي معاهم و نزعقوا بصح في الساحة ولا نكونوا قاعدين

نلقا روحي وحدي لانهم كل وحدة عندها صديقتها الانتيم الي تحكيلها وانا نبقا وحدي

مرات نقعد نكتب ولا نرسم في كراسي نفوت الوقت

مي عاود كي تصوني لاكور كل وحدة تروح مع صحبتها وانا نكره نخرج وحدي ايا نبقى في القسم

والله راني كارهة ونحس روحي وحيدة بففففف

والحمد لله عطلة جات بصح ماكانش الي تجي عندي ولا نحكيو انا وياها

ان شاء الله تلقاولي حل .

[nouna l maghbouna]

صحيح الانسان مايقدرش يعيش بلا صداقات ...
mais الوقت اللي رانا فيه مكانش صداقة حقيقية
اشغلي وقتك بسماع الموسيقى حل تمارين .......
او ديري اختك صديقة ليك احسن

[جواد رامي]

للأسف الشديد أغلب شبابنا اليوم يذهبون ضحية الإهمال النفسي لهم خاصة المراهقين منهم لذا وجب على الدولة توظيف نفسانيين في كل مؤسسة تربوية حتى يخفف عنهم الأعباء النفسية والإستماع لهمومهم وإنشغلاتهم سواء النفسية أو العاطفية . اقول لبنت لا تهتمي لهذة الأمور الثانوية بل دراستك هي أوبى بلإهتمام
وفقك الله لما يحبه ويرضاه

[ala eddine b]

مزالك صغيرة يا بنتي

[موج و صخر]

كي ما عندكش صحابات خير...نعم لأنّ الصاحب ساحب
يلهيوك على قرايتك...و انت هكذا راكي مليحة
يقول المثل الفرنسي : ان تكون وحدك احسن من رفيق السوء

[sstolga]

هك افضل من ان يكون لك رفيقة سوء او وحدة متحفضش السر

[نسمة تفاؤل]

يااختي راني حاسة بيك حتى انا صراتلي وقت الثانوي كي كنت في المتوسط كانت عندي صاحتي انتيم بصح خرجت من الدراسة اطلعت اولى ثانوي وكنت ديما وحدي حاولت ندير صديقة بصح دايما نلقاها خاطية الطريق غير علاقات لقاءات ووو كنت دايما ندعي في صلاتي باه ربي يلاقيني بصديقة مليحة امالا نوصيييييييييك بالدعاء تخيلي كي طلعت للسنة الثانية تعرفت على واحد الطفلة روعة خلوقة مجتهدة متدينة كيما كنت حابة وووكملنا مع بعض تخيلي حتى كي ربحنا الباك الصدفة اعطاونا نفس التخصص ونفس الجامعة مع اللي كانت اختيارات كل واحدة مخالفة للاخرى واقرينا مع بعض ودرنا الميموار مع بعض ولحد الان رانا مع بعض كي الاخوتات انصحك بالدعااااااااااء فسيلاقيك الله بالصديقة المناسبة ربي يوفقك وسلام

[milka40]

و الله تهنيتي منهم ما يجيك حتى خير منهم

[غريبة الوطن]

مكانش النتيم في الوقت الحالي بالمعنى الحقيقي اشغلي وقتك بالنت و القراية بزاااااااااااااااااااااااااااف عليكك

[اريج06]

تهنيتي مابقاوش صحابات .كامل يدورو على صلاحهم تحبك وقت كي تروح تحوس دير بيك الطريق

[*بيتي مملكتي*]

السلام1

لا أريد أن أهز من ثقتك في كلمة صداقة لكن لا يوجد أفضل من أمك و أختك و أخوك ليكون نعم الصديق و نعم الرفيق

ربما الآن تشعرين بالوحدة لأنك انتقلت حديثا مازال الوقت أمامك و راح تكوني صداقات كثيرة بإذن الله فقط نصيحة

أبدا لا تضعي كل ثقتك في صديقاتك فليس كل الصديقات صدوقات

ثقتك الأولى و الأخيرة اجعليها في أمك و أختك و أخيك

[yousra14]

خذي معك مصحف صغير الحجم واخرجيه في الراحة واقرايه السلام

[ess usmh 19]

khoti wallah we9tna hada ymak hya hbibtek ama lbnat ga3 ta3 mslahthom

[ريم الفلى]

انت لي تصنعي شخصيتك ورايح يكون ليك صديقات يحبوك وينجذبو لشخصيتك انت واتعلمي بلي لازم تموني قوية لروحك لازم تتعلمي تعيشي حرة متعتمدي حتى على واحد واختك هي افضل صديق ليك

[wafa16]

راهي قالتلك الاخت اشري مصحف و لا كتاب مفيد و طالعيه
انا راني في نفس حالتك بصح ما و ليتش نحس بالوقت لاني دايما رافدة كتاب و لا قصة في حقيبتي

[jackin]

ان تكون وحدك احسن من رفيق السوء

[عبد الكريم السبكي]

حاولي انك تبحثين عن صاحبات متدينات في الساحة وتندمجين معهم وتتذاكرني معهمفي الثقافة الاسلامية وقصص وطرائف وملح
تعرفي على طرق الاتصال بالآخرين ولاسيما الرفقة الصالحة وباشري حديثك بطرفة ودية واعرضي افكارك بطريقة تمثيلية لتكوني اكثر الناس جاذبية

[maya rosette]

حالتكي مشابهة تماما لحالتي و أنا منذ أن أصبحت في المتوسط و أنا هكذا و الان أنا ادرس مثلكي
و لكن لقد ألفت وحدتي على الرغم من أني منخرطة في نادي موسيقي و لظروف غيرته وذهبت إلى ناد آخر إضافة أنني الأولى على مستوى الثانوية و حتى عندما كنت في المتوسط ( و هذا يعني أعرف المئات من الناس و هناك من بعرفونني ويتحدثون إلي و أنا لا أعرف عنهم شيء حتى أسماءهم )

لكني أعشق وحدتي وعدم وجود صديقات لي لا يعتبر بالنسبة لي مشكلا و لا يسبب لي أي عائق

[سمية بنت الخياط]

يا للصدفة انت من نفس عمري
اقول لك اختي لا تشغلي بالك كثيرا بصديقات هذا الزمان وانا شخصيا عشت وحيدة فترة في الثانوية ولكن صدقيني لم اكن اشعر بالضجر تصوري نقعد نتامل في وحد الراحة والسكون هايلين ولا نذكر ربي العالمين في نفسي ولا نجبد نقرا قران
ولكن في نفس الوقت اعلم ان الوحدة صعبة ولكن انصحك باختيار صديقة على المقياس الديني لا على مقياس اخ
مثلا انا صديقتي لاتدرس معي في الثانوية هي اكبر مني ولكن جمعنا امر لم يجمعني بغيرها انه كتاب الله سبحانه وتعالى رغم انيس في الثانوية لدي زميلات ونقعد معاهم مي مداير في قلبي غير صديقة قراني
ولذلك لا تزعجي نفسك بانسانة لم يجمعك حب الله بها
اوفضلي الوحدة على رفقتها رغم انه صعب في هذا الوقت ان تجدي ولكن تصرعي لربك العليم بالقلوب والافئدة واشغلي نفسك بما يقربك اليه صدقيني لو ملئنا قلوبنا بحبه سبحان وذكره هو الرفيق الحي الرقيب السند المجيب لما احسسنا بالوحدة ابدا ولكان هذا المصطلح في قاموس النسيان
اتمنى اني قد افدتك ولو بالقليل وتستطعين من اليوم ان تعتبريني صديقتك في هذا المنتدى
سلام

[souma9]

انا قريت نفس المشكلة في منتدى واحد خلاف و الطفلة عندها نفس العمر و كلش و جاوبت عليها و رايحة نعادلك اجابتي
لهي روحك بالرسم او لدراسة
ممكن غير من التصرفات تاعك و حاول تختاري صديقة مليحة متكونش صديقة سوء

[أبو ماهر]

خذي معك مصحف صغير الحجم واخرجيه في الراحة واقرايه السلام

بارك الله فيك